Evaengeli olo la udifwa kuPaulus ola monika la yuka
1 Eshi pa pita eedula omulongo nanhee, onda ya vali kuJerusalem pamwe naBarnabas naTitus yo onde mu kufa. 2 Ndelenee onda ya ko omolwelihololelo, nonde va hepaululila evaengeli eli handi li udifa mokati kovapaani; onde li hepaululila ovanamadina vomuvo, ndi ude ngeenge ohandi tondoka oshimha ile onda tondokela oshimha. 3 Ndele nomufindikili wange, Titus, nande ye Omugreka, ina fininikwa okulipitifa etanda. 4 Ndele molwovamwatate ava ovanaipupulu, ve livakela mokati ketu, va hondjaunine okulava elipangelo letu tu li kwete muKristus Jesus, ve tu pike ngeno, 5 fye inatu liyandja kuvo nande olumwe, opo oshili yevaengeli i kalelele mokati keni. 6 Ndelenee ovanamadina venya, nonhumbi va li nale, kashi fi shange; Kalunga iha tale oshipa shomunhu, venya va fimana inava fininikila nge nande oshinima shimwe. 7 Ndelenee eshi va mona, evaengeli nde li pewa ndi li udifile ava inava pita etanda nongaashi Petrus e li pelwe e li udifile ava va pita etanda, 8 osheshi oye tuu ou a pa Petrus eenghono a longe oilonga youyapostoli mokati kaava va pita etanda, okwe di pa nge yo mokati kovapaani, 9 ndele eshi va koneka onghenda nde i pewa, Jakob naKefas naJohannes, ava va talwa eengudi, ove tu pa omake edidiliko leudafano loshilonga, fye naBarnabas, opo fye tu ye kovapaani, navo okovapiti vetanda. 10 Osho ashike tu dimbulukwe eehepele, nongaashi handi shi ningi yo shili.
Elipangelo lopavaengeli neyukipalifo omolweitavelo
11 Ndelenee Kefas eshi e uya kuAntiokia, onde mu hanyena moipafi, osheshi a pewa ombedi. 12 Osheshi ovalumenhu vokuJakob fimbo inave uya, okwa li ha li pamwe novapaani; ndele venya eshi ve uya, okwa amuka ko ndele te litukula ko kuvo, shaashi a tila venya vomepito letanda. 13 NOvajuda vakwao ove liningifa yo pamwe naye, fiyo Barnabas a twalwatwalwa komaliningifo avo, 14 ndelenee ame eshi nda mona kutya, inava enda nokuyukilila pashili yevaengeli, onda lombwela Kefas moipafi yaaveshe: “Oove Omujuda ngeenge oho shikula eenghedi dovapaani ndele hado edi dOvajuda, oto dulu ngahelipi okufininika ovapaani okushikula eenghedi dOvajuda?”
15 Koludi letu ofye Ovajuda, katu fi ovalunde vomovapaani, 16 eshi tu shi shii kutya, omunhu iha yukipalifwa molwoilonga yomhango, ndelenee omolweitavelo laJesus Kristus, onghee hano nafye yo otwa itavela Kristus Jesus, opo tu yukipalifwe okeitavelo laKristus, hakoilonga yomhango, osheshi kape na nande ombelela imwe tai yukipalifwa koilonga yomhango. 17 Ndelenee nafye vene, ava twa hala okuyukipalifwa muKristus, ngee hatu monika ofye tu valunde, opo nee naKristus okwa ninga yo omuyakuli woulunde? Alala! 18 Osheshi ngeenge handi tungulula eshi nda ngumauna po, ohandi liholola, aame omunyoni. 19 Osheshi ame onda fya mo momhango okomhango, opo ndi kalele Kalunga. 20 Ame onda valelwa pamwe naKristus, nondi nomwenyo, haame mwene vali, ndelenee Kristus ta kala e nomwenyo mwaame; hano fimbo handi kala ndi nomwenyo molutu, ondi nomwenyo mokwiitavela Omona waKalunga, ou e hole nge nokwe liyandja ponhele yange. 21 Efilonghenda laKalunga itandi li xutula, osheshi ngeno oku nouyuki womomhango, ngeno Kristus a fila epwanga.
Evaengeli olo la udifwa kuPaulus ola monika la yuka
1 Eshi pa pita eedula omulongo nanhee, onda ya vali kuJerusalem pamwe naBarnabas naTitus yo onde mu kufa. 2 Ndelenee onda ya ko omolwelihololelo, nonde va hepaululila evaengeli eli handi li udifa mokati kovapaani; onde li hepaululila ovanamadina vomuvo, ndi ude ngeenge ohandi tondoka oshimha ile onda tondokela oshimha. 3 Ndele nomufindikili wange, Titus, nande ye Omugreka, ina fininikwa okulipitifa etanda. 4 Ndele molwovamwatate ava ovanaipupulu, ve livakela mokati ketu, va hondjaunine okulava elipangelo letu tu li kwete muKristus Jesus, ve tu pike ngeno, 5 fye inatu liyandja kuvo nande olumwe, opo oshili yevaengeli i kalelele mokati keni. 6 Ndelenee ovanamadina venya, nonhumbi va li nale, kashi fi shange; Kalunga iha tale oshipa shomunhu, venya va fimana inava fininikila nge nande oshinima shimwe. 7 Ndelenee eshi va mona, evaengeli nde li pewa ndi li udifile ava inava pita etanda nongaashi Petrus e li pelwe e li udifile ava va pita etanda, 8 osheshi oye tuu ou a pa Petrus eenghono a longe oilonga youyapostoli mokati kaava va pita etanda, okwe di pa nge yo mokati kovapaani, 9 ndele eshi va koneka onghenda nde i pewa, Jakob naKefas naJohannes, ava va talwa eengudi, ove tu pa omake edidiliko leudafano loshilonga, fye naBarnabas, opo fye tu ye kovapaani, navo okovapiti vetanda. 10 Osho ashike tu dimbulukwe eehepele, nongaashi handi shi ningi yo shili.
Elipangelo lopavaengeli neyukipalifo omolweitavelo
11 Ndelenee Kefas eshi e uya kuAntiokia, onde mu hanyena moipafi, osheshi a pewa ombedi. 12 Osheshi ovalumenhu vokuJakob fimbo inave uya, okwa li ha li pamwe novapaani; ndele venya eshi ve uya, okwa amuka ko ndele te litukula ko kuvo, shaashi a tila venya vomepito letanda. 13 NOvajuda vakwao ove liningifa yo pamwe naye, fiyo Barnabas a twalwatwalwa komaliningifo avo, 14 ndelenee ame eshi nda mona kutya, inava enda nokuyukilila pashili yevaengeli, onda lombwela Kefas moipafi yaaveshe: “Oove Omujuda ngeenge oho shikula eenghedi dovapaani ndele hado edi dOvajuda, oto dulu ngahelipi okufininika ovapaani okushikula eenghedi dOvajuda?”
15 Koludi letu ofye Ovajuda, katu fi ovalunde vomovapaani, 16 eshi tu shi shii kutya, omunhu iha yukipalifwa molwoilonga yomhango, ndelenee omolweitavelo laJesus Kristus, onghee hano nafye yo otwa itavela Kristus Jesus, opo tu yukipalifwe okeitavelo laKristus, hakoilonga yomhango, osheshi kape na nande ombelela imwe tai yukipalifwa koilonga yomhango. 17 Ndelenee nafye vene, ava twa hala okuyukipalifwa muKristus, ngee hatu monika ofye tu valunde, opo nee naKristus okwa ninga yo omuyakuli woulunde? Alala! 18 Osheshi ngeenge handi tungulula eshi nda ngumauna po, ohandi liholola, aame omunyoni. 19 Osheshi ame onda fya mo momhango okomhango, opo ndi kalele Kalunga. 20 Ame onda valelwa pamwe naKristus, nondi nomwenyo, haame mwene vali, ndelenee Kristus ta kala e nomwenyo mwaame; hano fimbo handi kala ndi nomwenyo molutu, ondi nomwenyo mokwiitavela Omona waKalunga, ou e hole nge nokwe liyandja ponhele yange. 21 Efilonghenda laKalunga itandi li xutula, osheshi ngeno oku nouyuki womomhango, ngeno Kristus a fila epwanga.
