Josua omushikuli waMoses
1 Opo nee Moses okwa ya ndele okwa lombwela Ovaisraeli aveshe eendjovo edi; 2 ndele ta ti kuvo: “Nena eli nda wanifa omido efele nomilongo mbali. Ame nghi dulu vali okupita nokuuya mo, nOmwene okwa lombwela nge: ‘Ito tauluka omulonga ou waJordan.’ 3 Omwene Kalunga keni, Ye ote ke mu tetekela okutauluka. Ye ota ka hanauna po oiwana oyo komesho yeni, ndele tamu ke i taataa mo moshilongo shayo. Josua te mu kwatele komesho, ngaashi Omwene a tongele. 4 NOmwene ngaashi a ningile Sihon naOg, eehamba dOvaamori noshilongo shado, odo Ye e di hanauna po. 5 Omwene te va yandje momake eni, ndele nye mu noku va ningila naanaa pashipango ame nde shi mu lombwela. 6 Kala wa pama nokunyatipala. Ino tila. Ino va haluka. Osheshi Omwene Kalunga koye ta ende pamwe naave. Ye ite ku efa ndele ite ku fii po.”
7 Opo nee Moses okwa ifana Josua nokwe mu lombwela moipafi yOvaisraeli ndele ta ti: “Kala wa pama, nyatipala, osheshi ove to ka ya mo novana ava medu olo, Omwene e li udanekela ooxo nokwaana e li va pe; ndele ove to ke li va tukulila efyuululo. 8 NOmwene ote ku tetekele. Ye ota ka kala naave. Ye ite ku efa ndele ite ku fii po. Ino tila. Ino haluka.”
Omudo omutiheyali keshe omhango i nokuleshelwa ovanhu
9 Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli. 10 Ndele Moses okwe va lombwela ndele ta ti: “Pexulilo lomudo omutiheyali; mefimbo la pangelwa, momudo wemangululo, moshivilo shomatwali, 11 Ovaisraeli aveshe eshi tave uya va holoke koshipala shOmwene Kalunga koye monhele oyo Ye te ke i hoolola, ove u nokulesha omhango ei moipafi yOvaisraeli aveshe, momatwi avo. 12 Ongela oshiwana, ovalumenhu novakainhu nounona nomunailongo woye, ou e li peenhu doye, opo va shiive okuuda nokulongwa okutila Omwene Kalunga keni nokudiinina shili eendjovo adishe domhango ei. 13 Nounona ava inave i shiiva, ve nokuuda nokulongwa okutila Omwene Kalunga keni momafiku aeshe nye tamu kala mu nomwenyo moshilongo omo tamu i okutauluka Jordan, mu ke shi nangale.”
Eliteeko lOvaisraeli tali shiivifwa
14 NOmwene okwa lombwela Moses, ndele ta ti: “Tala, omafiku oye taa ehene, ove u nokufya. Ifana Josua ndele indeni mu ka kale ofika metwali leongalo, Ame ndi shiive oku mu lombwela omalombwelo ange.” Opo nee Moses naJosua va ya va ka kale ofika metwali leongalo. 15 NOmwene okwa holoka moluudi loshilemo metwali, fimbo oluudi loshilemo la kanghama poshivelo shetwali.
16 Opo nee Omwene okwa lombwela Moses, ndele ta ti: “Tala, ove to ka nangala pooxo, novanhu ava tava ka fikama, ndele tava ka shikula oikalunga imwe yomoshilongo omo tava i, ndele tave ke liteeka nge nokuteya po ehangano Ame nde li ninga navo. 17 Opo nee mefiku tuu olo, ehandu lange tali ke va xwamena, ndele Ame ohandi ke va efa noku va holeka oshipala shange, ndele tava ka hanaunwa po, noiponga ihapu noluhepo tali uya kombada yavo. Opo nee mefiku tuu olo tava ka tya: Oiponga ei inai uya mbela kombada yetu, Kalunga ketu eshi ehe mo mokati ketu? 18 Ndelenee Ame mefiku tuu olo, ohandi ka holeka shili oshipala shange kuvo omolwowii aushe vo ve u ninga, shaashi va ama koikalunga imwe.
19 “Onghee hano lishangeleni eimbilo eli ndele li longeni ovana vaIsrael. Li tula momakanya avo, opo eimbilo olo li ninge kwaame ondobwedi okupa ovana vaIsrael oushima. 20 Osheshi Ame ohandi ke va twala mo moshilongo nde shi udanekela ooxo nokwaana, oshilongo tashi kunguluka omashini nomaadi eenyiki, ndele vo otava ka lya nokukuta nokwoondoka. Opo nee vo tave ke liameka koikalunga imwe noku i longela, ndele tava ka dina nge nokuteya po ehangano lange. 21 Ndele oiponga ihapu noluhepo, eshi tali uya kombada yavo, eimbilo eli tali ka ninga ondobwedi moipafi yavo oku va pa oushima, osheshi itali ka dimbuwa mo momakanya oludalo lavo, osheshi omadiladilo avo Ame ondi a shii, aa tave a diladila nonena eli nokuli, fimbo inandi va twala moshilongo nde shi va udanekela nokwaana.”
22 Opo nee Moses okwa shangela membo eimbilo olo mefiku tuu olo, nokwe li longa ovana vaIsrael. 23 Ndele Ye okwa lombwela Josua yaNun ndele ta ti: “Kala wa pama ndele nyatipala, osheshi ove oto ka twala ovana vaIsrael moshilongo nde shi va udanekela nokwaana; ndele Ame ohandi ka kala pamwe nanye.”
24 Ndele Moses eshi a mana okushangela membo eendjovo domhango ei, 25 Moses okwa lombwela Ovalevi ava hava humbata oshikefa shehangano lOmwene, ndele ta ti: 26 “Tambuleni embo eli lomhango mu li tulike pomunghulo woshikefa shehangano lOmwene Kalunga keni, opo li kale ko ondobwedi oku mu pa oushima. 27 Osheshi okwaanya kwoye noukukutu wofingo yoye ondi u shii. Nye eshi mwa li mu nondubo nOmwene nena, fimbo ame ndi nomwenyo, otamu ka kala mwa tya ngahelipi ame ngeenge nda fi? 28 Shiveni ovakulunhu aveshe vomapata eni novapashukili veni, va ongale pwaame, opo ndi shiive okwiifana eulu nedu, a ninge eendobwedi. 29 Osheshi ame ndi shi shii nokutya, konima yefyo lange nye otamu ka yapuka mo mondjila nde i mu lombwela, opo omupya tau ke mu hanga pexulilo lomafiku, shaashi nye otamu ka ninga osho shii momesho Omwene, eshi tamu mu handukifa noilonga yomake eni.”
Eimbilo laMoses kelombwelo laKalunga
30 Opo nee Moses okwa tonga moipafi yoshiongalele ashishe shaIsrael eendjovo deimbilo eli fiyo okexulilo lalo:
Josua omushikuli waMoses
1 Opo nee Moses okwa ya ndele okwa lombwela Ovaisraeli aveshe eendjovo edi; 2 ndele ta ti kuvo: “Nena eli nda wanifa omido efele nomilongo mbali. Ame nghi dulu vali okupita nokuuya mo, nOmwene okwa lombwela nge: ‘Ito tauluka omulonga ou waJordan.’ 3 Omwene Kalunga keni, Ye ote ke mu tetekela okutauluka. Ye ota ka hanauna po oiwana oyo komesho yeni, ndele tamu ke i taataa mo moshilongo shayo. Josua te mu kwatele komesho, ngaashi Omwene a tongele. 4 NOmwene ngaashi a ningile Sihon naOg, eehamba dOvaamori noshilongo shado, odo Ye e di hanauna po. 5 Omwene te va yandje momake eni, ndele nye mu noku va ningila naanaa pashipango ame nde shi mu lombwela. 6 Kala wa pama nokunyatipala. Ino tila. Ino va haluka. Osheshi Omwene Kalunga koye ta ende pamwe naave. Ye ite ku efa ndele ite ku fii po.”
7 Opo nee Moses okwa ifana Josua nokwe mu lombwela moipafi yOvaisraeli ndele ta ti: “Kala wa pama, nyatipala, osheshi ove to ka ya mo novana ava medu olo, Omwene e li udanekela ooxo nokwaana e li va pe; ndele ove to ke li va tukulila efyuululo. 8 NOmwene ote ku tetekele. Ye ota ka kala naave. Ye ite ku efa ndele ite ku fii po. Ino tila. Ino haluka.”
Omudo omutiheyali keshe omhango i nokuleshelwa ovanhu
9 Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli. 10 Ndele Moses okwe va lombwela ndele ta ti: “Pexulilo lomudo omutiheyali; mefimbo la pangelwa, momudo wemangululo, moshivilo shomatwali, 11 Ovaisraeli aveshe eshi tave uya va holoke koshipala shOmwene Kalunga koye monhele oyo Ye te ke i hoolola, ove u nokulesha omhango ei moipafi yOvaisraeli aveshe, momatwi avo. 12 Ongela oshiwana, ovalumenhu novakainhu nounona nomunailongo woye, ou e li peenhu doye, opo va shiive okuuda nokulongwa okutila Omwene Kalunga keni nokudiinina shili eendjovo adishe domhango ei. 13 Nounona ava inave i shiiva, ve nokuuda nokulongwa okutila Omwene Kalunga keni momafiku aeshe nye tamu kala mu nomwenyo moshilongo omo tamu i okutauluka Jordan, mu ke shi nangale.”
Eliteeko lOvaisraeli tali shiivifwa
14 NOmwene okwa lombwela Moses, ndele ta ti: “Tala, omafiku oye taa ehene, ove u nokufya. Ifana Josua ndele indeni mu ka kale ofika metwali leongalo, Ame ndi shiive oku mu lombwela omalombwelo ange.” Opo nee Moses naJosua va ya va ka kale ofika metwali leongalo. 15 NOmwene okwa holoka moluudi loshilemo metwali, fimbo oluudi loshilemo la kanghama poshivelo shetwali.
16 Opo nee Omwene okwa lombwela Moses, ndele ta ti: “Tala, ove to ka nangala pooxo, novanhu ava tava ka fikama, ndele tava ka shikula oikalunga imwe yomoshilongo omo tava i, ndele tave ke liteeka nge nokuteya po ehangano Ame nde li ninga navo. 17 Opo nee mefiku tuu olo, ehandu lange tali ke va xwamena, ndele Ame ohandi ke va efa noku va holeka oshipala shange, ndele tava ka hanaunwa po, noiponga ihapu noluhepo tali uya kombada yavo. Opo nee mefiku tuu olo tava ka tya: Oiponga ei inai uya mbela kombada yetu, Kalunga ketu eshi ehe mo mokati ketu? 18 Ndelenee Ame mefiku tuu olo, ohandi ka holeka shili oshipala shange kuvo omolwowii aushe vo ve u ninga, shaashi va ama koikalunga imwe.
19 “Onghee hano lishangeleni eimbilo eli ndele li longeni ovana vaIsrael. Li tula momakanya avo, opo eimbilo olo li ninge kwaame ondobwedi okupa ovana vaIsrael oushima. 20 Osheshi Ame ohandi ke va twala mo moshilongo nde shi udanekela ooxo nokwaana, oshilongo tashi kunguluka omashini nomaadi eenyiki, ndele vo otava ka lya nokukuta nokwoondoka. Opo nee vo tave ke liameka koikalunga imwe noku i longela, ndele tava ka dina nge nokuteya po ehangano lange. 21 Ndele oiponga ihapu noluhepo, eshi tali uya kombada yavo, eimbilo eli tali ka ninga ondobwedi moipafi yavo oku va pa oushima, osheshi itali ka dimbuwa mo momakanya oludalo lavo, osheshi omadiladilo avo Ame ondi a shii, aa tave a diladila nonena eli nokuli, fimbo inandi va twala moshilongo nde shi va udanekela nokwaana.”
22 Opo nee Moses okwa shangela membo eimbilo olo mefiku tuu olo, nokwe li longa ovana vaIsrael. 23 Ndele Ye okwa lombwela Josua yaNun ndele ta ti: “Kala wa pama ndele nyatipala, osheshi ove oto ka twala ovana vaIsrael moshilongo nde shi va udanekela nokwaana; ndele Ame ohandi ka kala pamwe nanye.”
24 Ndele Moses eshi a mana okushangela membo eendjovo domhango ei, 25 Moses okwa lombwela Ovalevi ava hava humbata oshikefa shehangano lOmwene, ndele ta ti: 26 “Tambuleni embo eli lomhango mu li tulike pomunghulo woshikefa shehangano lOmwene Kalunga keni, opo li kale ko ondobwedi oku mu pa oushima. 27 Osheshi okwaanya kwoye noukukutu wofingo yoye ondi u shii. Nye eshi mwa li mu nondubo nOmwene nena, fimbo ame ndi nomwenyo, otamu ka kala mwa tya ngahelipi ame ngeenge nda fi? 28 Shiveni ovakulunhu aveshe vomapata eni novapashukili veni, va ongale pwaame, opo ndi shiive okwiifana eulu nedu, a ninge eendobwedi. 29 Osheshi ame ndi shi shii nokutya, konima yefyo lange nye otamu ka yapuka mo mondjila nde i mu lombwela, opo omupya tau ke mu hanga pexulilo lomafiku, shaashi nye otamu ka ninga osho shii momesho Omwene, eshi tamu mu handukifa noilonga yomake eni.”
Eimbilo laMoses kelombwelo laKalunga
30 Opo nee Moses okwa tonga moipafi yoshiongalele ashishe shaIsrael eendjovo deimbilo eli fiyo okexulilo lalo:
