Ongulu yaMika yokulongela Kalunga
1 Keemhunda daEfraim kwa li omulumenhu edina laye Mika. 2 Ye okwa lombwela ina ta ti: Eesekeli dinya eyovi nefele doshisiliveli we di kufwa, nomolwado ove wa tongele etulomutima momatwi ange, oimaliwa oi li pwaame. Ame nde i kufa. Opo nee ina ta ti: Omwene ne ku nangeke noupuna, omumwange! 3 Ndele ye okwa alulila ina eesekeli eyovi nefele doshisiliveli. Ndelenee ina ta ti: Oimaliwa oyo yomeke lange ame ohandi i yapulile Omwene, omumwange e i longife okuninga oshihongwafano noshitelekwafano. Paife eshi ame ohandi i ku alulile. 4 Ye eshi a alulila ina oimaliwa, ina okwa kufa eesekeli omafele avali doshisiliveli ndele te di pe omuhambwidi woshingoldo. Ndele ye okwe di ninga oshihongwafano noshitelekwafano, oyo oya li meumbo laMika.
5 Omulumenhu winya Mika okwa li e nongulu yaKalunga nokwa ninga oshikutu shokomapepe noikalunga yomeumbo nokwa tula po omona waye umwe omulumenhu a kale omupristeli waye. 6 Momafiku enya muIsrael kamwa li ohamba: keshe umwe a ninga eshi sha wapala momesho aye. 7 Ndele muBetlehem shomuJuda mwa li omulumenhu omunyasha womepata laJuda. Ye okwa li Omulevi, ou a kala ko ngaashi omunailongo. 8 Nomulumenhu winya okwa dja moshilando shaBetlehem shomuJuda, a kale keshe apa ta mono onhele. Mokweenda kwaye okwa fika keemhunda daEfraim fiyo okeumbo laMika. 9 Ndele Mika te mu pula: Oto di peni? Opo nee ye ta ti kuye: Ame Omulevi womuBetlehem shomuJuda, ndele handi ende nokukonga onhele apa handi dulu okukala. 10 Ndele Mika ta ti kuye: Kala pwaame, u ninge tate nomupristeli wange. Opo nee handi ku pe omudo keshe eesekeli omulongo doshisiliveli noikutu neendja. NOmulevi okwa ya puye. 11 NOmulevi okwa itavela okukala pomulumenhu ou. Nomulumenhu ou omunyasha okwa li ngaashi umwe womovana vaye ovamati. 12 Ndele Mika okwa tula Omulevi moshilonga, opo omulumenhu omunyasha a ninga omupristeli waye, nokwa kala meumbo laMika. 13 Opo nee Mika ta ti: Paife ndi shi shii nokutya, Omwene ta ka ningila nge nawa, osheshi ndi nOmulevi omupristeli.
Ongulu yaMika yokulongela Kalunga
1 Keemhunda daEfraim kwa li omulumenhu edina laye Mika. 2 Ye okwa lombwela ina ta ti: Eesekeli dinya eyovi nefele doshisiliveli we di kufwa, nomolwado ove wa tongele etulomutima momatwi ange, oimaliwa oi li pwaame. Ame nde i kufa. Opo nee ina ta ti: Omwene ne ku nangeke noupuna, omumwange! 3 Ndele ye okwa alulila ina eesekeli eyovi nefele doshisiliveli. Ndelenee ina ta ti: Oimaliwa oyo yomeke lange ame ohandi i yapulile Omwene, omumwange e i longife okuninga oshihongwafano noshitelekwafano. Paife eshi ame ohandi i ku alulile. 4 Ye eshi a alulila ina oimaliwa, ina okwa kufa eesekeli omafele avali doshisiliveli ndele te di pe omuhambwidi woshingoldo. Ndele ye okwe di ninga oshihongwafano noshitelekwafano, oyo oya li meumbo laMika.
5 Omulumenhu winya Mika okwa li e nongulu yaKalunga nokwa ninga oshikutu shokomapepe noikalunga yomeumbo nokwa tula po omona waye umwe omulumenhu a kale omupristeli waye. 6 Momafiku enya muIsrael kamwa li ohamba: keshe umwe a ninga eshi sha wapala momesho aye. 7 Ndele muBetlehem shomuJuda mwa li omulumenhu omunyasha womepata laJuda. Ye okwa li Omulevi, ou a kala ko ngaashi omunailongo. 8 Nomulumenhu winya okwa dja moshilando shaBetlehem shomuJuda, a kale keshe apa ta mono onhele. Mokweenda kwaye okwa fika keemhunda daEfraim fiyo okeumbo laMika. 9 Ndele Mika te mu pula: Oto di peni? Opo nee ye ta ti kuye: Ame Omulevi womuBetlehem shomuJuda, ndele handi ende nokukonga onhele apa handi dulu okukala. 10 Ndele Mika ta ti kuye: Kala pwaame, u ninge tate nomupristeli wange. Opo nee handi ku pe omudo keshe eesekeli omulongo doshisiliveli noikutu neendja. NOmulevi okwa ya puye. 11 NOmulevi okwa itavela okukala pomulumenhu ou. Nomulumenhu ou omunyasha okwa li ngaashi umwe womovana vaye ovamati. 12 Ndele Mika okwa tula Omulevi moshilonga, opo omulumenhu omunyasha a ninga omupristeli waye, nokwa kala meumbo laMika. 13 Opo nee Mika ta ti: Paife ndi shi shii nokutya, Omwene ta ka ningila nge nawa, osheshi ndi nOmulevi omupristeli.
