Paulus ta likolele Omwene ovaitaveli muTessalonika
1 Eshi va pitila muAmfipolis nomuApollonia, vo ove uya muTessalonika, omo mwa li mu noshinagoga yOvajuda. 2 Ndele Paulus ngaashi a ika, okwa ya muyo nokwa kundafana navo omishangwa momashabata atatu, 3 nokwe va fatululila ndele te va ulikile mudo Kristus nhumbi kwa li e nokuhepekwa nokunyumuka koufi, ndele ta ti: “Jesus tuu ou, handi mu udifile, Oye Kristus.” 4 Ndele vamwe vomuvo ova itavela nova ama kuPaulus naSilas, nongudu inene oyomOvagreka ovatilikalunga novakainhu ovanamadina vahapu. 5 Ndele Ovajuda ova ninga efupandubo ndele tava shivi ovalumenhu vai poshilandelo ndele tava ngudumanifa ovanhu ndele tava dundakanifa oshilando; vo ova ongala peumbo laJason ve va konge mo nove va twale moipafi yovanhu. 6 Ndele vo eshi va nyengwa oku va mona, ova kokolola mo Jason novamwatate vamwe, nove va twala kovatokoli voshilando, ndele tava popi mokule, tava ti: “Ovapiyaaneki ava vounyuni aushe ve uya naamu yo; 7 ndele Jason ou okwe va idilila, naaveshe ava ohava nyono omhango yomukesari, eshi hava longo oku na ohamba imwe i lili nokutya, oJesus.” 8 Ndele ovanhu novatokoli vomoshilando eshi ve shi uda ova limbililwa. 9 Ndelenee omolwombabyona yaJason noyoovakwao eshi ve i pewa ove va efa.
Paulus muBerea
10 Ndele diva moufiku tuu winya ovamwatate ova tuma Paulus naSilas kuBerea, naashi va fika mo, ova ya moshinagoga yOvajuda. 11 Ndele Ovajuda ava ova li ovanaendunge ve dule venya vokuTessalonika, ova tambula nohokwe eendjovo daKalunga, ndele tava konakona momishangwa omafiku aeshe, va tale, ei ve i lombwelwa, ngeenge oyoshili tuu. 12 Vahapu vomuvo ova ninga ovaitaveli nosho yo Ovagreka ovakainhu ovanamadina novalumenhu, ova li vahapu. 13 Ndelenee Ovajuda vomuTessalonika eshi va uda nokutya, eendjovo daKalunga da udifilwa muBerea kuPaulus, ve uya yo oko, va ka piyaanekifa ovanhu noku va twifa ondubo. 14 Opo nee ovamwatate ova tuma diva Paulus kefuta, ndelenee Silas naTimoteus ova kala po. 15 Ndele ovafindikili vaPaulus ove mu twala fiyo okuAtena, naashi va pewa ondaka, va lombwele Silas naTimoteus, ve uye divadiva kuye, ova ya.
Paulus muAtena
16 Ndele Paulus fimbo a li te va teelele muAtena, omhepo yaye oya tukulukila muye, eshi a mona oshilando sha li shi yadi oiyelekela yoikalunga. 17 Ye okwa popya moshinagoga nOvajuda novatilikalunga nosho yo efiku keshe pomalandelo naavo va shakena naye.Ye okwa popya moshinagoga nOvajuda novatilikalunga… 18 Ndele ovafilosofi vamwe vomOvaepikuri novomOvastoa, ova twa eemhata naye, vamwe tava ti: “Omupopyaani ou okwa hala okupopya shike?” Noovakwao va tya: “Oye a fa omuhepaululi wookalunga vokoilongo, osheshi ye okwa li ta udifa Jesus nenyumuko laye.” 19 Ndele vo ove mu kufa po nove mu twala kuAreopagi ndele tava ti: “Otashi dulika tuu, tu shiive elongo olo lipe to li longo? 20 Osheshi ove wa tonga momatwi etu oinima tuhe i shii, hano fye otwa hala, tu i shiive oyashike ngeno.” 21 Ndele Ovaatena aveshe novanailongo ovo va kala mo ova li vehe nefimbo nande kushimwe, okupopya tuu nokupwilikina oinima ipe.
Eudifo laPaulus muAtena
22 Ndele Paulus okwa kala ofika pokati kaAreopagi, ta ti: “Ovalumenhu nye Ovaatena, ondi mu wete onye ovaneitavelo novadiinini moinima aishe, 23 osheshi ame eshi nda endaenda nonda shipununa eenhele deni diyapuki, onda mona ko yo oaltari imwe i neshangelo eli: ‘Oyakalunga ina shiivika!’ Hano ou tamu mu fimaneke muhe mu shii, Oye ou, handi mu mu udifile. 24 Kalunga tuu ou a shita ounyuni noinima aishe i li mo, Oye Omwene weulu nowedu, Ye iha kala meetembeli da tungwa nomake. 25 Ngaashi iha yakulwa komake ovanhu, ongao ou a pumbwa sha ngeno, oye ha yandjele ovanhu aveshe omwenyo nomufudo noinima aishe. 26 Momunhu umwe okwa shita oiwana aishe yovanhu, opo i kale kombada yedu alishe, ndele okwe i yukifila nale omafimbo ayo neengaba dokukala kwayo, 27 opo va kale nokukonga Kalunga, va tale, ngeenge tava dulu okupamhadala fiyo okuye, noku mu mona, nande Oye ina kala kokule nafye nande olumwe, 28 osheshi
Muye tu li mo tu nomwenyo,
ndele hatu linyenganyenga, ndele hatu kala mo.
Ongaashi ovatoti voitevo ovakweni va tile:
‘Osheshi nafye yo oludi laye.’
29 Hano osheshi fye oludi laKalunga, inatu diladileni oukwakalunga u fe ngeno oshingoldo ile oshisiliveli ile emanya, efano la hongwa nounghulungu nokomayele omunhu. 30 Kalunga okwe lididimikila omafimbo enya okuhashiiva, ndele paife eshi ta lombwele ovanhu aveshe naakushe, ve nokulidilulula, 31 osheshi Ye e tu yukifila efiku lokutokola ounyuni, eshi te u tokolifa ouyuki komulumenhu tuu oo, Ye mwene okwe mu hoolola nokwe mu didilikila aveshe eshi e mu nyumuna koufi.”
32 Ndelenee vo eshi va uda enyumuko lovafi, vamwe ove mu sheka, ndele vamwe va tya: “Oinima ei otwa hala tu i udulule vali kwoove.” 33 Ndele Paulus okwa dja mo mokati kavo. 34 Ndele ovalumenhu vamwe va ama kuye, ndele va ninga ovaitaveli. Mokati kaava mwa li Dionisius, Omuareopagi nomukainhu umwe, edina laye Damaris noovakwao pamwe navo.
Paulus ta likolele Omwene ovaitaveli muTessalonika
1 Eshi va pitila muAmfipolis nomuApollonia, vo ove uya muTessalonika, omo mwa li mu noshinagoga yOvajuda. 2 Ndele Paulus ngaashi a ika, okwa ya muyo nokwa kundafana navo omishangwa momashabata atatu, 3 nokwe va fatululila ndele te va ulikile mudo Kristus nhumbi kwa li e nokuhepekwa nokunyumuka koufi, ndele ta ti: “Jesus tuu ou, handi mu udifile, Oye Kristus.” 4 Ndele vamwe vomuvo ova itavela nova ama kuPaulus naSilas, nongudu inene oyomOvagreka ovatilikalunga novakainhu ovanamadina vahapu. 5 Ndele Ovajuda ova ninga efupandubo ndele tava shivi ovalumenhu vai poshilandelo ndele tava ngudumanifa ovanhu ndele tava dundakanifa oshilando; vo ova ongala peumbo laJason ve va konge mo nove va twale moipafi yovanhu. 6 Ndele vo eshi va nyengwa oku va mona, ova kokolola mo Jason novamwatate vamwe, nove va twala kovatokoli voshilando, ndele tava popi mokule, tava ti: “Ovapiyaaneki ava vounyuni aushe ve uya naamu yo; 7 ndele Jason ou okwe va idilila, naaveshe ava ohava nyono omhango yomukesari, eshi hava longo oku na ohamba imwe i lili nokutya, oJesus.” 8 Ndele ovanhu novatokoli vomoshilando eshi ve shi uda ova limbililwa. 9 Ndelenee omolwombabyona yaJason noyoovakwao eshi ve i pewa ove va efa.
Paulus muBerea
10 Ndele diva moufiku tuu winya ovamwatate ova tuma Paulus naSilas kuBerea, naashi va fika mo, ova ya moshinagoga yOvajuda. 11 Ndele Ovajuda ava ova li ovanaendunge ve dule venya vokuTessalonika, ova tambula nohokwe eendjovo daKalunga, ndele tava konakona momishangwa omafiku aeshe, va tale, ei ve i lombwelwa, ngeenge oyoshili tuu. 12 Vahapu vomuvo ova ninga ovaitaveli nosho yo Ovagreka ovakainhu ovanamadina novalumenhu, ova li vahapu. 13 Ndelenee Ovajuda vomuTessalonika eshi va uda nokutya, eendjovo daKalunga da udifilwa muBerea kuPaulus, ve uya yo oko, va ka piyaanekifa ovanhu noku va twifa ondubo. 14 Opo nee ovamwatate ova tuma diva Paulus kefuta, ndelenee Silas naTimoteus ova kala po. 15 Ndele ovafindikili vaPaulus ove mu twala fiyo okuAtena, naashi va pewa ondaka, va lombwele Silas naTimoteus, ve uye divadiva kuye, ova ya.
Paulus muAtena
16 Ndele Paulus fimbo a li te va teelele muAtena, omhepo yaye oya tukulukila muye, eshi a mona oshilando sha li shi yadi oiyelekela yoikalunga. 17 Ye okwa popya moshinagoga nOvajuda novatilikalunga nosho yo efiku keshe pomalandelo naavo va shakena naye.Ye okwa popya moshinagoga nOvajuda novatilikalunga… 18 Ndele ovafilosofi vamwe vomOvaepikuri novomOvastoa, ova twa eemhata naye, vamwe tava ti: “Omupopyaani ou okwa hala okupopya shike?” Noovakwao va tya: “Oye a fa omuhepaululi wookalunga vokoilongo, osheshi ye okwa li ta udifa Jesus nenyumuko laye.” 19 Ndele vo ove mu kufa po nove mu twala kuAreopagi ndele tava ti: “Otashi dulika tuu, tu shiive elongo olo lipe to li longo? 20 Osheshi ove wa tonga momatwi etu oinima tuhe i shii, hano fye otwa hala, tu i shiive oyashike ngeno.” 21 Ndele Ovaatena aveshe novanailongo ovo va kala mo ova li vehe nefimbo nande kushimwe, okupopya tuu nokupwilikina oinima ipe.
Eudifo laPaulus muAtena
22 Ndele Paulus okwa kala ofika pokati kaAreopagi, ta ti: “Ovalumenhu nye Ovaatena, ondi mu wete onye ovaneitavelo novadiinini moinima aishe, 23 osheshi ame eshi nda endaenda nonda shipununa eenhele deni diyapuki, onda mona ko yo oaltari imwe i neshangelo eli: ‘Oyakalunga ina shiivika!’ Hano ou tamu mu fimaneke muhe mu shii, Oye ou, handi mu mu udifile. 24 Kalunga tuu ou a shita ounyuni noinima aishe i li mo, Oye Omwene weulu nowedu, Ye iha kala meetembeli da tungwa nomake. 25 Ngaashi iha yakulwa komake ovanhu, ongao ou a pumbwa sha ngeno, oye ha yandjele ovanhu aveshe omwenyo nomufudo noinima aishe. 26 Momunhu umwe okwa shita oiwana aishe yovanhu, opo i kale kombada yedu alishe, ndele okwe i yukifila nale omafimbo ayo neengaba dokukala kwayo, 27 opo va kale nokukonga Kalunga, va tale, ngeenge tava dulu okupamhadala fiyo okuye, noku mu mona, nande Oye ina kala kokule nafye nande olumwe, 28 osheshi
Muye tu li mo tu nomwenyo,
ndele hatu linyenganyenga, ndele hatu kala mo.
Ongaashi ovatoti voitevo ovakweni va tile:
‘Osheshi nafye yo oludi laye.’
29 Hano osheshi fye oludi laKalunga, inatu diladileni oukwakalunga u fe ngeno oshingoldo ile oshisiliveli ile emanya, efano la hongwa nounghulungu nokomayele omunhu. 30 Kalunga okwe lididimikila omafimbo enya okuhashiiva, ndele paife eshi ta lombwele ovanhu aveshe naakushe, ve nokulidilulula, 31 osheshi Ye e tu yukifila efiku lokutokola ounyuni, eshi te u tokolifa ouyuki komulumenhu tuu oo, Ye mwene okwe mu hoolola nokwe mu didilikila aveshe eshi e mu nyumuna koufi.”
32 Ndelenee vo eshi va uda enyumuko lovafi, vamwe ove mu sheka, ndele vamwe va tya: “Oinima ei otwa hala tu i udulule vali kwoove.” 33 Ndele Paulus okwa dja mo mokati kavo. 34 Ndele ovalumenhu vamwe va ama kuye, ndele va ninga ovaitaveli. Mokati kaava mwa li Dionisius, Omuareopagi nomukainhu umwe, edina laye Damaris noovakwao pamwe navo.
