Efyo laMoses
1 Opo nee Moses okwa dja momaluhaela aMoab nokwa londa komhunda yaNebo, koxulo yaPisga ya shaama naJeriko. NOmwene okwe mu ulikila oshilongo ashishe okudja muGilead fiyo okuDan, 2 Naftali alishe nedu laEfraim nolaManasse nedu alishe laJuda fiyo okEfuta Lopokati, 3 noshilongo shaumbuwanhu nefilu laJordan, efilufuka laJeriko, oshilando shomilunga, fiyo okuSoar. 4 NOmwene okwe mu lombwela: “Edu olo tuu eli nde li udanekela Abraham, Isak naJakob nokwaana neendjovo edi: ‘Koludalo loye Ame ohandi ke li yandja.’ Ame onde li ku talifa nomesho oye, ndelenee ito ka tauluka u ye mo.”
5 Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela. 6 Ndele Ye okwe mu paka moshilongo shaMoab, mefilu la shaama naBet-Peor. Ndele nande umwe ina shiiva ombila yaye fiyo onena eli. 7 Ndele omido daMoses da li efele nomilongo mbali eshi a fya. Omesho aye inaa wiwika neenghono daye inadi ninipala. 8 Ndele ovana vaIsrael va lila eefya daMoses omafiku omilongo nhatu momaluhaela aMoab. Ndele omafiku okulila eefya daMoses noluhodi molwaMoses a xula po. 9 Ndele Josua yaNun okwa li a yada omhepo younongo, osheshi Moses e mu tenheka omake aye. Novana vaIsrael ova dulika kuye ndele va ninga ngaashi Omwene a lombwela Moses.
10 Ndele muIsrael inamu holokela nande omuxunganeki umwe ngaashi Moses, ou a endafana nOmwene koshipala noshipala, 11 nande oumwe ou a ninga omadidiliko noikumwifa ngaashi ye, eshi a tumwa kOmwene medu laEgipiti kuFarao nokovapiya vaye noshilongo shaye ashishe. 12 Nande oumwe ou a li ngeno e neenghonopangelo noilonga aishe inene noya tilika, ei ya ningwa kuMoses moipafi yovana vaIsrael aveshe.
Efyo laMoses
1 Opo nee Moses okwa dja momaluhaela aMoab nokwa londa komhunda yaNebo, koxulo yaPisga ya shaama naJeriko. NOmwene okwe mu ulikila oshilongo ashishe okudja muGilead fiyo okuDan, 2 Naftali alishe nedu laEfraim nolaManasse nedu alishe laJuda fiyo okEfuta Lopokati, 3 noshilongo shaumbuwanhu nefilu laJordan, efilufuka laJeriko, oshilando shomilunga, fiyo okuSoar. 4 NOmwene okwe mu lombwela: “Edu olo tuu eli nde li udanekela Abraham, Isak naJakob nokwaana neendjovo edi: ‘Koludalo loye Ame ohandi ke li yandja.’ Ame onde li ku talifa nomesho oye, ndelenee ito ka tauluka u ye mo.”
5 Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela. 6 Ndele Ye okwe mu paka moshilongo shaMoab, mefilu la shaama naBet-Peor. Ndele nande umwe ina shiiva ombila yaye fiyo onena eli. 7 Ndele omido daMoses da li efele nomilongo mbali eshi a fya. Omesho aye inaa wiwika neenghono daye inadi ninipala. 8 Ndele ovana vaIsrael va lila eefya daMoses omafiku omilongo nhatu momaluhaela aMoab. Ndele omafiku okulila eefya daMoses noluhodi molwaMoses a xula po. 9 Ndele Josua yaNun okwa li a yada omhepo younongo, osheshi Moses e mu tenheka omake aye. Novana vaIsrael ova dulika kuye ndele va ninga ngaashi Omwene a lombwela Moses.
10 Ndele muIsrael inamu holokela nande omuxunganeki umwe ngaashi Moses, ou a endafana nOmwene koshipala noshipala, 11 nande oumwe ou a ninga omadidiliko noikumwifa ngaashi ye, eshi a tumwa kOmwene medu laEgipiti kuFarao nokovapiya vaye noshilongo shaye ashishe. 12 Nande oumwe ou a li ngeno e neenghonopangelo noilonga aishe inene noya tilika, ei ya ningwa kuMoses moipafi yovana vaIsrael aveshe.
