Eendjovo daxuuninwa daJosua
1 Ndele Josua okwa ongela omapata aeshe aIsrael muSekem, ndele okwa ifana ovakulunhu vaIsrael nomalenga avo novatokoli vavo novapashukili vavo, ndele ve uya okukala ofika koshipala shaKalunga. 2 Opo nee Josua okwa lombwela oshiwana ashishe ndele ta ti: “Omwene Kalunga kaIsrael ta ti ngaha: ‘Ooxokulu, nosho yo Tera, xe yaAbraham naNahor, va kala nale kombada yomulonga waEufrat, ndele venya va longela oikalunga imwe. 3 Ndelenee Ame nda kufa xo Abraham kombinga inya yomulonga ndele nde mu endifa medu alishe laKaanan, ndele nda hapupalifa oludalo laye ndele nde mu pa Isak. 4 Ndele nda pa Isak Jakob naEsau, ndele kuEsau nda yandja eemhunda daSeir e di nangale. Ndelenee Jakob novana vaye va ya kuEgipiti. 5 Opo nee nda tuma ko Moses naAron ndele nda handukila Egipiti noiponga nde i ningila ko, opo nee Ame nde mu pitifa mo. 6 Ame eshi nda pitifa mo muEgipiti ooxo, nye mwe uya kefuta. Ndelenee Ovaegipiti va shikula ooxo nomatemba oita novalondi veenghambe fiyo okEfuta Litilyana. 7 Ndelenee vo ova kuwa kOmwene ndele Ye okwa tula po omilaulu pokati keni nOvaegipiti nokwe va undulila mefuta, lo ole va tuvikila, nomesho eni vene a mona osho nde shi ningila Ovaegipiti. Opo nee mwa kala omafiku mahapu mombuwa. 8 Opo nee Ame nde mu eta medu lOvaamori ava va kala moushilo waJordan, ndele vo ove mu lwifa. Ndelenee Ame onde va yandja momake eni, opo mwa nangala oshilongo shavo, ndele Ame onde va taataa komesho yeni. 9 Opo nee Balak yaSippor, ohamba yaMoab, ye lilongekida, ndele ya lwifa Israel. Ndele yo oya tuma kuBileam yaBeor, ye mu ifana e mu finge. 10 Ndelenee Ame inandi uda Bileam, opo ye e mu nangeka ashike noupuna. Ndele Ame onde mu xupifa mo momake aye. 11 Nye eshi mwa tauluka Jordan ndele mwe uya kuJeriko, opo nee oonakukala muJeriko nOvaamori nOvaperesi nOvakaanan nOvaheti nOvagirgasi nOvahevi nOvajebusi ve mu lwifa. Ndelenee Ame onde va yandja momake eni, 12 ndele nde mu tetekelifa omawashe, aa e va taataa komesho yeni, eehamba mbali dOvaamori, hakeongamukonda loye nouta woye. 13 Osho ngaha hano Ame nde mu pa edu nye inamu li longa, noilando nye inamu i tunga, mu shiive okukala mo muyo, noikokola yomiviinyu nomalumono, aa inaa twikwa kunye, opo mu lye kudo.’
14 “Tileni hano paife Omwene noku mu longela mouyuki nomoshili ndele ekeleishi oikalunga ei ooxo va longela kombada yaEufrat nomuEgipiti, ndele longeleni Omwene. 15 Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.” 16 Opo nee ovanhu va nyamukula tava ti: “Nashi kale kokule nafye tu efe Omwene, opo tu longele oikalunga imwe. 17 Osheshi Omwene Kalunga ketu Oye tuu ou e tu pitifa mo nootate medu laEgipiti meumbo loupika, ndele a ninga omadidiliko aa manene moipafi yetu, nokwe tu amena mondjila aishe twe i enda nomoiwana aishe muyo twa taulula mo. 18 NOmwene okwa taataa oiwana aishe nOvaamori, oonakukala moshilongo, komesho yetu. Nafye yo ohatu ka longela Omwene, osheshi Oye Kalunga ketu.” 19 Ndelenee Josua okwa lombwela ovanhu ta ti: “Nye itamu dulu okulongela Kalunga. Osheshi Oye Kalunga omuyapuki, Ye Kalunga omuladi. Ye ita ka dima po omatauluko eni nomatimba eni. 20 Nye ngeenge tamu efa Omwene ndele tamu longele oikalunga imwe, Ye ote ke mu ningila vali owii ndele te mu kombo po, Ye eshi kwa li e mu ningila ouwa.” 21 Opo nee ovanhu va lombwela Josua: “Ahowe. Ndelenee fye ohatu ka longela Omwene.” 22 Opo nee Josua okwa lombwela ovanhu ta ti: “Onye eendobwedi deni vene, nokutya nye vene mwe li hoololela Omwene mu mu longele.” Ndele vo tava ti: “Heeno, fye eendobwedi.” 23 Okwa ti: “Ekeleishi hano paife oikalunga imwe ei mu i kwete, omitima deni di amekeni kOmwene Kalunga kaIsrael.” 24 Opo nee ovanhu va lombwela Josua: “Fye ohatu ka longela Omwene Kalunga ketu nokupwilikina ondaka yaye.” 25 Ndele mefiku tuu olo Josua okwa ninga ehangano novanhu nokwe va pangelela onghedimhango nomayukifo muSekem, 26 neendjovo edi Josua okwe di shangela membo lomhango yaKalunga, ndele okwa kufa emanya lakula, ndele okwe li dika momwandi ou u li monhele iyapuki yOmwene. 27 Opo nee Josua okwa lombwela ovanhu aveshe ta ti: “Taleni, emanya eli tali ka ninga ondobwedi yetu, osheshi lo ola uda eendjovo adishe dOmwene, Ye e di popya nafye. Ndele lo otali ka kala ondobwedi kunye, opo muhe lidimbike Kalunga keni.” 28 Opo nee Josua okwa lekela ovanhu, keshe umwe koshitukulwafyuululwa shaye.
Efyo laJosua nolaEliaser
29 Ndele konima yoinima ei Josua yaNun, omupiya wOmwene, okwa fya, e nomido efele nomulongo. 30 Ndele vo ove mu paka monhele yoshitukulwafyuululwa shaye muTimnat-Sera, keemhunda daEfraim koumbangalanhu womhunda yaGaas. 31 Ndele Ovaisraeli va longela Omwene omafiku aeshe fimbo Josua kwa li e nomwenyo nomafiku aeshe fimbo ovakulunhu ava va kala efimbo lile nomwenyo konima yefyo laJosua ava va shiiva nawa oilonga aishe yOmwene, Ye e i ningila Israel.
32 Nomakipa aJosef, ovana vaIsrael va dile nao muEgipiti, ove a paka muSekem, monhele oyo Jakob kwa li e lilandela noimaliwa efele limwe kovana vaHamor, xe yaSekem, oyo oludalo laJosef la pewa ngaashi oshitukulwafyuululwa. 33 Ndele Eliaser yaAron eshi a fya, ove mu paka moshikulundu shomona waye omumati Pinehas, osho a pewa keemhunda daEfraim.
Eendjovo daxuuninwa daJosua
1 Ndele Josua okwa ongela omapata aeshe aIsrael muSekem, ndele okwa ifana ovakulunhu vaIsrael nomalenga avo novatokoli vavo novapashukili vavo, ndele ve uya okukala ofika koshipala shaKalunga. 2 Opo nee Josua okwa lombwela oshiwana ashishe ndele ta ti: “Omwene Kalunga kaIsrael ta ti ngaha: ‘Ooxokulu, nosho yo Tera, xe yaAbraham naNahor, va kala nale kombada yomulonga waEufrat, ndele venya va longela oikalunga imwe. 3 Ndelenee Ame nda kufa xo Abraham kombinga inya yomulonga ndele nde mu endifa medu alishe laKaanan, ndele nda hapupalifa oludalo laye ndele nde mu pa Isak. 4 Ndele nda pa Isak Jakob naEsau, ndele kuEsau nda yandja eemhunda daSeir e di nangale. Ndelenee Jakob novana vaye va ya kuEgipiti. 5 Opo nee nda tuma ko Moses naAron ndele nda handukila Egipiti noiponga nde i ningila ko, opo nee Ame nde mu pitifa mo. 6 Ame eshi nda pitifa mo muEgipiti ooxo, nye mwe uya kefuta. Ndelenee Ovaegipiti va shikula ooxo nomatemba oita novalondi veenghambe fiyo okEfuta Litilyana. 7 Ndelenee vo ova kuwa kOmwene ndele Ye okwa tula po omilaulu pokati keni nOvaegipiti nokwe va undulila mefuta, lo ole va tuvikila, nomesho eni vene a mona osho nde shi ningila Ovaegipiti. Opo nee mwa kala omafiku mahapu mombuwa. 8 Opo nee Ame nde mu eta medu lOvaamori ava va kala moushilo waJordan, ndele vo ove mu lwifa. Ndelenee Ame onde va yandja momake eni, opo mwa nangala oshilongo shavo, ndele Ame onde va taataa komesho yeni. 9 Opo nee Balak yaSippor, ohamba yaMoab, ye lilongekida, ndele ya lwifa Israel. Ndele yo oya tuma kuBileam yaBeor, ye mu ifana e mu finge. 10 Ndelenee Ame inandi uda Bileam, opo ye e mu nangeka ashike noupuna. Ndele Ame onde mu xupifa mo momake aye. 11 Nye eshi mwa tauluka Jordan ndele mwe uya kuJeriko, opo nee oonakukala muJeriko nOvaamori nOvaperesi nOvakaanan nOvaheti nOvagirgasi nOvahevi nOvajebusi ve mu lwifa. Ndelenee Ame onde va yandja momake eni, 12 ndele nde mu tetekelifa omawashe, aa e va taataa komesho yeni, eehamba mbali dOvaamori, hakeongamukonda loye nouta woye. 13 Osho ngaha hano Ame nde mu pa edu nye inamu li longa, noilando nye inamu i tunga, mu shiive okukala mo muyo, noikokola yomiviinyu nomalumono, aa inaa twikwa kunye, opo mu lye kudo.’
14 “Tileni hano paife Omwene noku mu longela mouyuki nomoshili ndele ekeleishi oikalunga ei ooxo va longela kombada yaEufrat nomuEgipiti, ndele longeleni Omwene. 15 Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.” 16 Opo nee ovanhu va nyamukula tava ti: “Nashi kale kokule nafye tu efe Omwene, opo tu longele oikalunga imwe. 17 Osheshi Omwene Kalunga ketu Oye tuu ou e tu pitifa mo nootate medu laEgipiti meumbo loupika, ndele a ninga omadidiliko aa manene moipafi yetu, nokwe tu amena mondjila aishe twe i enda nomoiwana aishe muyo twa taulula mo. 18 NOmwene okwa taataa oiwana aishe nOvaamori, oonakukala moshilongo, komesho yetu. Nafye yo ohatu ka longela Omwene, osheshi Oye Kalunga ketu.” 19 Ndelenee Josua okwa lombwela ovanhu ta ti: “Nye itamu dulu okulongela Kalunga. Osheshi Oye Kalunga omuyapuki, Ye Kalunga omuladi. Ye ita ka dima po omatauluko eni nomatimba eni. 20 Nye ngeenge tamu efa Omwene ndele tamu longele oikalunga imwe, Ye ote ke mu ningila vali owii ndele te mu kombo po, Ye eshi kwa li e mu ningila ouwa.” 21 Opo nee ovanhu va lombwela Josua: “Ahowe. Ndelenee fye ohatu ka longela Omwene.” 22 Opo nee Josua okwa lombwela ovanhu ta ti: “Onye eendobwedi deni vene, nokutya nye vene mwe li hoololela Omwene mu mu longele.” Ndele vo tava ti: “Heeno, fye eendobwedi.” 23 Okwa ti: “Ekeleishi hano paife oikalunga imwe ei mu i kwete, omitima deni di amekeni kOmwene Kalunga kaIsrael.” 24 Opo nee ovanhu va lombwela Josua: “Fye ohatu ka longela Omwene Kalunga ketu nokupwilikina ondaka yaye.” 25 Ndele mefiku tuu olo Josua okwa ninga ehangano novanhu nokwe va pangelela onghedimhango nomayukifo muSekem, 26 neendjovo edi Josua okwe di shangela membo lomhango yaKalunga, ndele okwa kufa emanya lakula, ndele okwe li dika momwandi ou u li monhele iyapuki yOmwene. 27 Opo nee Josua okwa lombwela ovanhu aveshe ta ti: “Taleni, emanya eli tali ka ninga ondobwedi yetu, osheshi lo ola uda eendjovo adishe dOmwene, Ye e di popya nafye. Ndele lo otali ka kala ondobwedi kunye, opo muhe lidimbike Kalunga keni.” 28 Opo nee Josua okwa lekela ovanhu, keshe umwe koshitukulwafyuululwa shaye.
Efyo laJosua nolaEliaser
29 Ndele konima yoinima ei Josua yaNun, omupiya wOmwene, okwa fya, e nomido efele nomulongo. 30 Ndele vo ove mu paka monhele yoshitukulwafyuululwa shaye muTimnat-Sera, keemhunda daEfraim koumbangalanhu womhunda yaGaas. 31 Ndele Ovaisraeli va longela Omwene omafiku aeshe fimbo Josua kwa li e nomwenyo nomafiku aeshe fimbo ovakulunhu ava va kala efimbo lile nomwenyo konima yefyo laJosua ava va shiiva nawa oilonga aishe yOmwene, Ye e i ningila Israel.
32 Nomakipa aJosef, ovana vaIsrael va dile nao muEgipiti, ove a paka muSekem, monhele oyo Jakob kwa li e lilandela noimaliwa efele limwe kovana vaHamor, xe yaSekem, oyo oludalo laJosef la pewa ngaashi oshitukulwafyuululwa. 33 Ndele Eliaser yaAron eshi a fya, ove mu paka moshikulundu shomona waye omumati Pinehas, osho a pewa keemhunda daEfraim.
