Elao lomuhenakalunga tali kana
Elao lomuyuki tali kalelele
Epsalme lOvakora, la pewa enyakwa lolwiimbo.
1 Shi udeni, oiwana aishe!
Pwilikineni, oonakukala kombada yedu amushe!
2 Ovana veehepele nye novoidale nye,
amushe, oipuna nomapongo.
3 Okanya kange naka popye ounongo,
nomadiladilo omutima wange
oo eendunge doovenevene.
4 Okutwi kwange ohandi ku endekele koshipopiwa,
otumbutumbu nda hala oku i holola
peshiko lokaxumbafeta.
5 Ohandi tila shike mbela momafiku oipo,
oududu wovataataai vange
ngeenge tau kondeke nge,
6 ava ve li po tave lineekele omamona avo,
ndele tava fulalalele ouhapu woupuna wavo?
7 Kape na omunhu ta dulu okukulila omumwaina,
nokuyandjela mukwao oikulila kuKalunga,
8 osheshi okufutila omwenyo oifuta apa i fike,
otai nyengana,
ye ke na oku shi hetekela vali fiyo alushe,
9 winya ngeno a kale nomwenyo, ita mono enyonauko.
10 Ahowe, ote shi ulikilwa nokuli, nokutya
novanongo otava fi yo;
novashima novapwidi aveshe otava nyonauka po,
nemona lavo, ove noku li fiila vakwao.
11 Euko lomeni lavo oleli:
eengulu davo tadi ka kalelela,
eenghalelo davo kepupi fiyo okepupi,
nande va le ve nomapya avo.
12 Heeno, omunhu, nande na kale a tumbala,
ye ita kala mulo,
ye okwa fa oimuna tai hanauka po.
13 Eshi ondjila yaava have lineekele voovene,
novahopaeleli vavo,
ava tava pande eendjovo davo. Sela
14 Ove lifindila moshovafi ngaashi eedi mokatomeno,
efyo olo omufita wavo,
nongomongula otava pangelwa kovayuki,
nomalupe avo otaa lika po koshovafi,
aha mone mo omutumba.
15 Ndelenee omwenyo wange,
Kalunga ote u kulile mo mepangelo lomoshovafi;
osheshi Oye omukombeleli wange. Sela
16 Ino kala wa tila ngeenge umwe ta punapala,
nemona lomeumbo laye ngeenge tali hapupala;
17 osheshi mokufya kwaye ita i nashimwe shomuyo,
netumbalo laye okwa nyengwa okuya nalo.
18 Nande oku liwete, e li nawa fimbo e li po,
ndele ta fimanekelwa okuhepuluka kwaye,
19 ota i nokuli, apa pa ya ooxe,
ava itava mono nande vali ouyelele womutenya.
20 Omunhu, nande omunenenhweelela
ndele ke neendunge,
okwa fa oimuna tai xulifwa po.
Elao lomuhenakalunga tali kana
Elao lomuyuki tali kalelele
Epsalme lOvakora, la pewa enyakwa lolwiimbo.
1 Shi udeni, oiwana aishe!
Pwilikineni, oonakukala kombada yedu amushe!
2 Ovana veehepele nye novoidale nye,
amushe, oipuna nomapongo.
3 Okanya kange naka popye ounongo,
nomadiladilo omutima wange
oo eendunge doovenevene.
4 Okutwi kwange ohandi ku endekele koshipopiwa,
otumbutumbu nda hala oku i holola
peshiko lokaxumbafeta.
5 Ohandi tila shike mbela momafiku oipo,
oududu wovataataai vange
ngeenge tau kondeke nge,
6 ava ve li po tave lineekele omamona avo,
ndele tava fulalalele ouhapu woupuna wavo?
7 Kape na omunhu ta dulu okukulila omumwaina,
nokuyandjela mukwao oikulila kuKalunga,
8 osheshi okufutila omwenyo oifuta apa i fike,
otai nyengana,
ye ke na oku shi hetekela vali fiyo alushe,
9 winya ngeno a kale nomwenyo, ita mono enyonauko.
10 Ahowe, ote shi ulikilwa nokuli, nokutya
novanongo otava fi yo;
novashima novapwidi aveshe otava nyonauka po,
nemona lavo, ove noku li fiila vakwao.
11 Euko lomeni lavo oleli:
eengulu davo tadi ka kalelela,
eenghalelo davo kepupi fiyo okepupi,
nande va le ve nomapya avo.
12 Heeno, omunhu, nande na kale a tumbala,
ye ita kala mulo,
ye okwa fa oimuna tai hanauka po.
13 Eshi ondjila yaava have lineekele voovene,
novahopaeleli vavo,
ava tava pande eendjovo davo. Sela
14 Ove lifindila moshovafi ngaashi eedi mokatomeno,
efyo olo omufita wavo,
nongomongula otava pangelwa kovayuki,
nomalupe avo otaa lika po koshovafi,
aha mone mo omutumba.
15 Ndelenee omwenyo wange,
Kalunga ote u kulile mo mepangelo lomoshovafi;
osheshi Oye omukombeleli wange. Sela
16 Ino kala wa tila ngeenge umwe ta punapala,
nemona lomeumbo laye ngeenge tali hapupala;
17 osheshi mokufya kwaye ita i nashimwe shomuyo,
netumbalo laye okwa nyengwa okuya nalo.
18 Nande oku liwete, e li nawa fimbo e li po,
ndele ta fimanekelwa okuhepuluka kwaye,
19 ota i nokuli, apa pa ya ooxe,
ava itava mono nande vali ouyelele womutenya.
20 Omunhu, nande omunenenhweelela
ndele ke neendunge,
okwa fa oimuna tai xulifwa po.
