Timoteus okwa aluka neenghundana diwa
1 Onghee hano eshi twa li twa nyengwa okulididimika vali, otwa pangela omhangela tu kale muAtena ofye atuke, 2 notwa tuma ko Timoteus, omumwatate nomuyakuli waKalunga pamwe nafye mevaengeli laKristus, e mu pameke noku mu hekeleka meitavelo leni, 3 opo paha kale nande umwe ta limbililwa komaudjuu aa; osheshi nye vene omu shi shii, omo tuu twa tulwa mo. 4 Nale nokuli, fimbo twa li punye, otwe mu lombwela, nokutya otu noku ka hangwa komahepeko, ngaashi opa ningwa yo, ndele mu shi shii. 5 Onghee hano eshi nda nyengwa okulididimika vali, onda tuma ko, ndi ude eitavelo leni, paha ningwe, omuhongauli e mu hongaule ngeno, ndele oshilonga shetu pamwe sha ninga shongaho.
6 Ndelenee paife, Timoteus eshi a aluka ko, e uya kufye, okwe tu etela onghundana iwa yeitavelo leni nohole yeni, nanhumbi hamu tu dimbulukwa alushe nohole ndele mu nodjuulufi oku tu mona, ngaashi nafye yo hatu mu djuulukwa. 7 Onghee hano ovamwatate, fye otwa hekelekwa keitavelo leni moudjuu wetu aushe nomokufininikwa kwetu. 8 Osheshi paife otu nomwenyo, ngeenge mwa fikama mwa pama mOmwene. 9 Epandulo letu la tya ngahelipi ngeno hatu li etele Kalunga omolweni, nomolwehafo eli alishe hatu mu hafele koshipala shaKalunga ketu 10 manga hatu ilikana shili omutenya noufiku, tu pewe omhito okumona oipala yeni, fye tu wanife eshi eitavelo leni le shi hepa.
Paulus ta ilikanene OVATESSALONIKI
11 Ndelenee Oye mwene, Kalunga ketu, Tate yetu, nOmwene wetu Jesus Kristus, na yukife ondjila yetu kunye; 12 ndele nye Omwene ne mu kulife, Ye ne mu punike mohole yokuholafana nokuhola aveshe, ngaashi twa kala tu mu hole, 13 opo Ye a pameke omitima deni, di hangike dihe noshipo omouyapuki koshipala shaKalunga ketu, Tate yetu, omokwaaluka kwOmwene wetu Jesus Kristus, pamwe novayapuki vaye aveshe.
Timoteus okwa aluka neenghundana diwa
1 Onghee hano eshi twa li twa nyengwa okulididimika vali, otwa pangela omhangela tu kale muAtena ofye atuke, 2 notwa tuma ko Timoteus, omumwatate nomuyakuli waKalunga pamwe nafye mevaengeli laKristus, e mu pameke noku mu hekeleka meitavelo leni, 3 opo paha kale nande umwe ta limbililwa komaudjuu aa; osheshi nye vene omu shi shii, omo tuu twa tulwa mo. 4 Nale nokuli, fimbo twa li punye, otwe mu lombwela, nokutya otu noku ka hangwa komahepeko, ngaashi opa ningwa yo, ndele mu shi shii. 5 Onghee hano eshi nda nyengwa okulididimika vali, onda tuma ko, ndi ude eitavelo leni, paha ningwe, omuhongauli e mu hongaule ngeno, ndele oshilonga shetu pamwe sha ninga shongaho.
6 Ndelenee paife, Timoteus eshi a aluka ko, e uya kufye, okwe tu etela onghundana iwa yeitavelo leni nohole yeni, nanhumbi hamu tu dimbulukwa alushe nohole ndele mu nodjuulufi oku tu mona, ngaashi nafye yo hatu mu djuulukwa. 7 Onghee hano ovamwatate, fye otwa hekelekwa keitavelo leni moudjuu wetu aushe nomokufininikwa kwetu. 8 Osheshi paife otu nomwenyo, ngeenge mwa fikama mwa pama mOmwene. 9 Epandulo letu la tya ngahelipi ngeno hatu li etele Kalunga omolweni, nomolwehafo eli alishe hatu mu hafele koshipala shaKalunga ketu 10 manga hatu ilikana shili omutenya noufiku, tu pewe omhito okumona oipala yeni, fye tu wanife eshi eitavelo leni le shi hepa.
Paulus ta ilikanene OVATESSALONIKI
11 Ndelenee Oye mwene, Kalunga ketu, Tate yetu, nOmwene wetu Jesus Kristus, na yukife ondjila yetu kunye; 12 ndele nye Omwene ne mu kulife, Ye ne mu punike mohole yokuholafana nokuhola aveshe, ngaashi twa kala tu mu hole, 13 opo Ye a pameke omitima deni, di hangike dihe noshipo omouyapuki koshipala shaKalunga ketu, Tate yetu, omokwaaluka kwOmwene wetu Jesus Kristus, pamwe novayapuki vaye aveshe.
