Eongamukonda lOmwene
1 Ndele ondjovo yOmwene ye uya kwaame ndele tai ti: 2 “Kaana komunhu, taalelifa oshipala shoye kuJerusalem neendjovo doye di kolokifila eetembeli u xunganekele oshilongo shaIsrael, 3 ndele lombwela oshilongo shaIsrael u tye: Omwene ta ti ngaha: Taleni, Ame ohandi mu vele eembedi, ndele Ame ohandi ka pweya eongamukonda lange moshilaleko ndele Ame ohandi ka mana mo mwoove omuyuki nomuhenakalunga. 4 Ame eshi nda hala okumana mo mwoove, omuyuki nomuhenakalunga, onghee hano eongamukonda tali ka dja moshilaleko shalo ndele tali hange ombelela keshe okudja koumbuwanhu fiyo okoumbangalanhu. 5 Ndele ombelela aishe otai ka shiiva nokutya, Aame Omwene nda pweya mo eongamukonda lange moshilaleko shalo. Noitali ka shuna mo vali musho. 6 Ndelenee ove, kaana komunhu kema! Wa teka eenho nomoluhodi linene kema moipafi yavo. 7 Ndele vo ngeenge tave ku pula tava ti: Omolwashike ho keme? Opo u noku va nyamukula: molweenghundana, osheshi tadi uya. Nomutima keshe tau ka diluka, nomaoko aeshe taa ka ndebuka nomhepo yomunhu keshe tai ka tumhaukifa omaxwilili neengolo adishe tadi ka tyololoka tadi kala ngaashi omeva. Taleni, otali uya, otashi ka ningwa, Omwene Kalunga ta ti.”
8 Ndele ondjovo yOmwene ye uya kwaame ndele tai ti:
9 “Kaana komunhu, xunganeka u tye: Omwene ota ti ngaha. Popya, u tye:
‘Eongamukonda, eongamukonda
ola upikwa, nola yawa, tali taima.
10 Ola upikilwa okuwanifa etomeno,
ola yawa li taime.
Ile natu kaleni nokuhafa tu tye: Epangelodibo lomona wange omumati tali dini oshiti keshe? 11 Ndele Ye okwe li pa li yawe, vo va shiive oku li kwata. La upikwa, eongamukonda tuu olo, ndele la yawa li yandjelwe eke laau ta dipaa. 12 Ingida nokukema, kaana komunhu, osheshi lo oli nokulwifa oshiwana shange, tali kondjifa eehamba adishe domuIsrael. Do pamwe noshiwana shange, oda yandjelwa eongamukonda. Onghee hano denga onho. 13 Osheshi lo ola yelekwa. Ongahelipi hano, ngeenge epangelodibo yo tali dini, itali ka kala po vali? Omwene Kalunga ta ti.’
14 “Ndele ove, kaana komunhu, xunganeka u denge kumwe omake, opo eongamukonda li ninge avali, atatu nokuli, olo eongamukonda lovadipawa, heeno, edipaelomukonda tali dipaa ovanenenhu ndele tali va dingilile. 15 Ame nda dika po oshipundi shokutomena kweongamukonda poivelo aishe yavo, omutima u diluke noipundukifo i ninge ihapu. Akutu, lo ola yawa la taima ngaashi oluvadi la upikilwa okudipaa. 16 Inda nondjila ei ile imwe, ngeenge okolulyo ile okolumosho, keshe oko oshipala sha taalela. 17 Osho hano naame yo ohandi ka denga kumwe omake ange nokutulumukifa oupyuhandu wange. Aame Omwene, nde shi tya.”
18 Ondjovo yOmwene ye uya vali kwaame ndele tai ti: 19 “Ndele ove, kaana komunhu, li ningila eendjila mbali nado eongamukonda lohamba yaBabilon li shiive okuuya. Adishe mbali di nokudja moshilongo shimwe ashike, ndele honga oshiulikifo. Shi hongela pehovelo londjila tai twala koshilando. 20 Ove u nokuninga ondjila, opo eongamukonda li shiive okuya kuRabba yovana vaAmmoni, nokuJuda, kuJerusalem, oshilando sha pamekwa. 21 Osheshi ohamba yaBabilon otai kala ofika pomatukaukilo eendjila, pehovelo leendjila mbali, opo yo i pule keemhule, tai tukumuna oikuti, tai pula oikalunga, tai tale exuli. 22 Meke layo lokolulyo omu noshihoololifo ‘shaJerusalem,’ nokutya okutula po oingumunifo yokungumauna po ohotekuma nokumakula okanya okwiingida nokuyelula ondaka pombada eweelelo loita, nokutula poivelo oingumunifo, nokufa eengholohote, nokutunga eehote. 23 Ndelenee osho momesho Ovajerusalem, sha fa oupule wongaho woipupulu, vo eshi hava ane omaano oshili. Ndelenee yo otai dimbulukifa oulunde, opo vo va kwatwe. 24 Onghee hano, Omwene Kalunga ta ti ngaha: Eshi nye omwa dimbulukifwa oulunde weni, omatauluko eni eshi a holoka, nomatimba eni taa monika moilonga yeni aishe, onghee hano eshi nye mwa dimbulukiwa, nye otamu ka kwatwa nomake.
25 “Ndele oove omunyatekwa, nomuhenakalunga, ohamba yaIsrael, efiku loye le uya, osheshi ouhapu woulunde wa fika pouyadi. 26 Omwene Kalunga ta ti ngaha: Embale loulenga nali dje ko! Oshikoroni nashi dje ko! Eshi itashi kala vali ngaha. Eshi sha xutuka nashi ye pombada, nashi shopombada nashi ye poshi! 27 Oikulukuma, oikulukuma, oikulukuma, Ame ohandi shi teya. Ndele itashi ka kala po fiyo ou te uya, a wana ndele Ame ohandi ke shi mu pa.
28 “Ndele ove, kaana komunhu, xunganeka u tye: ‘Omwene Kalunga ta ti ngaha mokupopya ovana vaAmmoni nomasheko avo. Ndele ove u nokutya: Eongamukonda, eongamukonda la pweywa mo li dipae. Lo ola yawa li kute, lo li kale ngaashi oluvadi, 29 ove nande wa xunganekelwa oipupulu nowa nyanekelelwa ekengelelo, vati, u lyate pofingo nakulinyateka noyovahenakalunga, efiku lavo lokuhandukilwa le uya, osheshi ouhapu woulunde wa fika pouyadi. 30 Li shunifa mo moshilaleko. Monhele tuu oyo ove wa shitwa, medu lokudalwa kwoye, Ame ohandi ke ku tokola. 31 Ndele Ame ohandi ka tilashi ehandu lange kombada yoye. Ndele Ame ohandi ke ku pepela nomundilo woupyuhandu wange, ndele handi ku efele momake ovanhu vakukutu, ovanhu ve nomaoko okunyonauna. 32 Nye otamu ka ninga eendja domundilo. Ohonde yeni tai ka kala meni loshilongo; ove ito dimbulukiwa vali.’ ” Osheshi Ame Omwene nde shi tya.
Eongamukonda lOmwene
1 Ndele ondjovo yOmwene ye uya kwaame ndele tai ti: 2 “Kaana komunhu, taalelifa oshipala shoye kuJerusalem neendjovo doye di kolokifila eetembeli u xunganekele oshilongo shaIsrael, 3 ndele lombwela oshilongo shaIsrael u tye: Omwene ta ti ngaha: Taleni, Ame ohandi mu vele eembedi, ndele Ame ohandi ka pweya eongamukonda lange moshilaleko ndele Ame ohandi ka mana mo mwoove omuyuki nomuhenakalunga. 4 Ame eshi nda hala okumana mo mwoove, omuyuki nomuhenakalunga, onghee hano eongamukonda tali ka dja moshilaleko shalo ndele tali hange ombelela keshe okudja koumbuwanhu fiyo okoumbangalanhu. 5 Ndele ombelela aishe otai ka shiiva nokutya, Aame Omwene nda pweya mo eongamukonda lange moshilaleko shalo. Noitali ka shuna mo vali musho. 6 Ndelenee ove, kaana komunhu kema! Wa teka eenho nomoluhodi linene kema moipafi yavo. 7 Ndele vo ngeenge tave ku pula tava ti: Omolwashike ho keme? Opo u noku va nyamukula: molweenghundana, osheshi tadi uya. Nomutima keshe tau ka diluka, nomaoko aeshe taa ka ndebuka nomhepo yomunhu keshe tai ka tumhaukifa omaxwilili neengolo adishe tadi ka tyololoka tadi kala ngaashi omeva. Taleni, otali uya, otashi ka ningwa, Omwene Kalunga ta ti.”
8 Ndele ondjovo yOmwene ye uya kwaame ndele tai ti:
9 “Kaana komunhu, xunganeka u tye: Omwene ota ti ngaha. Popya, u tye:
‘Eongamukonda, eongamukonda
ola upikwa, nola yawa, tali taima.
10 Ola upikilwa okuwanifa etomeno,
ola yawa li taime.
Ile natu kaleni nokuhafa tu tye: Epangelodibo lomona wange omumati tali dini oshiti keshe? 11 Ndele Ye okwe li pa li yawe, vo va shiive oku li kwata. La upikwa, eongamukonda tuu olo, ndele la yawa li yandjelwe eke laau ta dipaa. 12 Ingida nokukema, kaana komunhu, osheshi lo oli nokulwifa oshiwana shange, tali kondjifa eehamba adishe domuIsrael. Do pamwe noshiwana shange, oda yandjelwa eongamukonda. Onghee hano denga onho. 13 Osheshi lo ola yelekwa. Ongahelipi hano, ngeenge epangelodibo yo tali dini, itali ka kala po vali? Omwene Kalunga ta ti.’
14 “Ndele ove, kaana komunhu, xunganeka u denge kumwe omake, opo eongamukonda li ninge avali, atatu nokuli, olo eongamukonda lovadipawa, heeno, edipaelomukonda tali dipaa ovanenenhu ndele tali va dingilile. 15 Ame nda dika po oshipundi shokutomena kweongamukonda poivelo aishe yavo, omutima u diluke noipundukifo i ninge ihapu. Akutu, lo ola yawa la taima ngaashi oluvadi la upikilwa okudipaa. 16 Inda nondjila ei ile imwe, ngeenge okolulyo ile okolumosho, keshe oko oshipala sha taalela. 17 Osho hano naame yo ohandi ka denga kumwe omake ange nokutulumukifa oupyuhandu wange. Aame Omwene, nde shi tya.”
18 Ondjovo yOmwene ye uya vali kwaame ndele tai ti: 19 “Ndele ove, kaana komunhu, li ningila eendjila mbali nado eongamukonda lohamba yaBabilon li shiive okuuya. Adishe mbali di nokudja moshilongo shimwe ashike, ndele honga oshiulikifo. Shi hongela pehovelo londjila tai twala koshilando. 20 Ove u nokuninga ondjila, opo eongamukonda li shiive okuya kuRabba yovana vaAmmoni, nokuJuda, kuJerusalem, oshilando sha pamekwa. 21 Osheshi ohamba yaBabilon otai kala ofika pomatukaukilo eendjila, pehovelo leendjila mbali, opo yo i pule keemhule, tai tukumuna oikuti, tai pula oikalunga, tai tale exuli. 22 Meke layo lokolulyo omu noshihoololifo ‘shaJerusalem,’ nokutya okutula po oingumunifo yokungumauna po ohotekuma nokumakula okanya okwiingida nokuyelula ondaka pombada eweelelo loita, nokutula poivelo oingumunifo, nokufa eengholohote, nokutunga eehote. 23 Ndelenee osho momesho Ovajerusalem, sha fa oupule wongaho woipupulu, vo eshi hava ane omaano oshili. Ndelenee yo otai dimbulukifa oulunde, opo vo va kwatwe. 24 Onghee hano, Omwene Kalunga ta ti ngaha: Eshi nye omwa dimbulukifwa oulunde weni, omatauluko eni eshi a holoka, nomatimba eni taa monika moilonga yeni aishe, onghee hano eshi nye mwa dimbulukiwa, nye otamu ka kwatwa nomake.
25 “Ndele oove omunyatekwa, nomuhenakalunga, ohamba yaIsrael, efiku loye le uya, osheshi ouhapu woulunde wa fika pouyadi. 26 Omwene Kalunga ta ti ngaha: Embale loulenga nali dje ko! Oshikoroni nashi dje ko! Eshi itashi kala vali ngaha. Eshi sha xutuka nashi ye pombada, nashi shopombada nashi ye poshi! 27 Oikulukuma, oikulukuma, oikulukuma, Ame ohandi shi teya. Ndele itashi ka kala po fiyo ou te uya, a wana ndele Ame ohandi ke shi mu pa.
28 “Ndele ove, kaana komunhu, xunganeka u tye: ‘Omwene Kalunga ta ti ngaha mokupopya ovana vaAmmoni nomasheko avo. Ndele ove u nokutya: Eongamukonda, eongamukonda la pweywa mo li dipae. Lo ola yawa li kute, lo li kale ngaashi oluvadi, 29 ove nande wa xunganekelwa oipupulu nowa nyanekelelwa ekengelelo, vati, u lyate pofingo nakulinyateka noyovahenakalunga, efiku lavo lokuhandukilwa le uya, osheshi ouhapu woulunde wa fika pouyadi. 30 Li shunifa mo moshilaleko. Monhele tuu oyo ove wa shitwa, medu lokudalwa kwoye, Ame ohandi ke ku tokola. 31 Ndele Ame ohandi ka tilashi ehandu lange kombada yoye. Ndele Ame ohandi ke ku pepela nomundilo woupyuhandu wange, ndele handi ku efele momake ovanhu vakukutu, ovanhu ve nomaoko okunyonauna. 32 Nye otamu ka ninga eendja domundilo. Ohonde yeni tai ka kala meni loshilongo; ove ito dimbulukiwa vali.’ ” Osheshi Ame Omwene nde shi tya.
