Eilikano molwovatondi
Eimbilo laDavid, la pewa enyakwa lolwiimbo.
1 Akutu Kalunga, uda ondaka yange mokuponga.
Amena omwenyo wange kokutila omutondi.
2 Holeke nge keemhangela dovanawii
nokongudu yovakolokoshi, tava uyaana,
3 ava, hava upike omalaka avo ngaashi omikonda,
neendjovo davo dilula otave di umbu ngaashi oikuti,
4 vo va yashe omuyuki meholeko;
otave mu vakele oku mu yasha,
kave nouxwenge washa.
5 Omhangela yavo ii otave i diinine,
otava popi nhumbi tave mu tele omalulo meholeko;
otava diladila tava ti: “Olyelye te tu mono?”
6 Otava dutaduta oilonga ii, tava ti:
“Fye otwa mana, omhangela yetu ya pwa.
Osheshi mokule monhulo yomunhu aushe
nomomutima waye ihamu shiivika.”
7 Opo tuu opo, Kalunga ote va yashe noshikuti:
otava papala ashike, eshi va ninga eendjashe.
8 Otava pundukifwa kelaka lavo vene,
ndele ovanhu aveshe ovo tave va mono,
otave va pukapukile komitwe.
9 Opo nee ovanhu aveshe otava haluka,
ndele tava hepaulula osho Kalunga e shi ninga,
ndele tava diladila oshilonga osho shaye.
10 Omuyuki ota hafele mOmwene,
ndele te mu lineekele,
naaveshe, ava ve nomutima wa yuka,
otave mu fimaneke.
Eilikano molwovatondi
Eimbilo laDavid, la pewa enyakwa lolwiimbo.
1 Akutu Kalunga, uda ondaka yange mokuponga.
Amena omwenyo wange kokutila omutondi.
2 Holeke nge keemhangela dovanawii
nokongudu yovakolokoshi, tava uyaana,
3 ava, hava upike omalaka avo ngaashi omikonda,
neendjovo davo dilula otave di umbu ngaashi oikuti,
4 vo va yashe omuyuki meholeko;
otave mu vakele oku mu yasha,
kave nouxwenge washa.
5 Omhangela yavo ii otave i diinine,
otava popi nhumbi tave mu tele omalulo meholeko;
otava diladila tava ti: “Olyelye te tu mono?”
6 Otava dutaduta oilonga ii, tava ti:
“Fye otwa mana, omhangela yetu ya pwa.
Osheshi mokule monhulo yomunhu aushe
nomomutima waye ihamu shiivika.”
7 Opo tuu opo, Kalunga ote va yashe noshikuti:
otava papala ashike, eshi va ninga eendjashe.
8 Otava pundukifwa kelaka lavo vene,
ndele ovanhu aveshe ovo tave va mono,
otave va pukapukile komitwe.
9 Opo nee ovanhu aveshe otava haluka,
ndele tava hepaulula osho Kalunga e shi ninga,
ndele tava diladila oshilonga osho shaye.
10 Omuyuki ota hafele mOmwene,
ndele te mu lineekele,
naaveshe, ava ve nomutima wa yuka,
otave mu fimaneke.
