Ester ta ifana ohamba naHaman koitelekela
1 Mefiku etitatu Ester okwa djala ngaashi ohamba nokwa ya a ka kale ofika mehale lomeni longulu yohamba a yukilila olupale lohamba, fimbo ohamba tai kala omutumba kolukalwapangelo layo molupale louhamba, ya shaama noshivelo sholupale. 2 Ndele ohamba eshi ya mona omumbada Ester ta kala ofika mehale, ye a filwa onghenda kuyo. Nohamba ya ulika Ester nepangelodibo loshingoldo olo la li meke layo. Ndele Ester okwa ehena ko nokwa kuma omutwe wepangelodibo. 3 Opo nee ohamba tai ti kuye: “Omumbada Ester, wa hala shike ile to kongo shike? Keshe eshi we shi hala, handi shi ku pe, nande etata loshilongo.” 4 Opo nee Ester ta nyamukula: “Ngeenge tashi wapalele ohamba, ohamba naHaman nave uye nena koitelekela ame nde i telekela ohamba.” 5 Nohamba tai ti: “Ifaneni Haman divadiva, opo tu wanife ehalo laEster!” Nohamba naHaman va ya koitelekela yaEster. 6 Ndele fimbo hava nu omaviinyu, ohamba tai ti kuEster: “To indile shike? Oto shi pewa. Ndele oto pula shike? Keshe eshi we shi hala handi shi ku pe, nande etata loshilongo.” 7 Opo nee Ester ta ti: “Eindilo lange nehalo lange oleli: 8 Ame ngeenge nda filwa onghenda moipafi yohamba, ngeenge tashi wapalele ohamba okwiitavelela eindilo lange nokuwanifa osho nde shi hala, ohamba naHaman nave uye koitelekela handi ke i va telekela mongula. Ame ohandi ka ninga pahalo lohamba.” 9 Ndele mefiku tuu olo Haman okwa hafa nokwa shambukwa unene komwenyo. Ndelenee Haman eshi a mona Mordekai poshivelo shohamba ndele ye ina kala ofika ile ine mu tila, Haman okwa yada ehandu molwaMordekai.
Haman a hala okumangeleka Mordekai
10 Ndelenee Haman okwe lidiinika. Ndele ye eshi e uya keumbo laye okwa ifana ookaume kaye nomwalikadi waye Seres. 11 Ndele Haman ote va hepaululile ta popi efimano laye noupuna waye nouhapu wovana vaye ovamati, nanhumbi ohamba ye mu nenepeka mwaashishe noku mu lenga kombada yomalenga noyovapiya vohamba. 12 Haman ta ti vali: “Nomumbada Ester mwene eshi a teleka oitelekela ina itavelela vamwe okuuya koitelekela, aame andike. Nosho mongula ame nda ifanwa ndi ye ko pamwe nohamba. 13 Ndelenee osho ashishe inashi wanena nge fimbo handi mono Omujuda Mordekai ta kala omutumba poshivelo shohamba.” 14 Opo nee omwalikadi waye Seres nookaume kaye aveshe tava ti kuye: “Mu ningila hano omuti wokumangeleka mo, oule wao omaludimbo omilongo itano u lombwele ohamba mongula inene, vo va endjelelife Mordekai muwo. Opo nee to i nehafo pamwe nohamba koitelekela.” Ondjovo oyo ya wapalela Haman, nokwa pangelifa omuti wokumangeleka mo.
Ester ta ifana ohamba naHaman koitelekela
1 Mefiku etitatu Ester okwa djala ngaashi ohamba nokwa ya a ka kale ofika mehale lomeni longulu yohamba a yukilila olupale lohamba, fimbo ohamba tai kala omutumba kolukalwapangelo layo molupale louhamba, ya shaama noshivelo sholupale. 2 Ndele ohamba eshi ya mona omumbada Ester ta kala ofika mehale, ye a filwa onghenda kuyo. Nohamba ya ulika Ester nepangelodibo loshingoldo olo la li meke layo. Ndele Ester okwa ehena ko nokwa kuma omutwe wepangelodibo. 3 Opo nee ohamba tai ti kuye: “Omumbada Ester, wa hala shike ile to kongo shike? Keshe eshi we shi hala, handi shi ku pe, nande etata loshilongo.” 4 Opo nee Ester ta nyamukula: “Ngeenge tashi wapalele ohamba, ohamba naHaman nave uye nena koitelekela ame nde i telekela ohamba.” 5 Nohamba tai ti: “Ifaneni Haman divadiva, opo tu wanife ehalo laEster!” Nohamba naHaman va ya koitelekela yaEster. 6 Ndele fimbo hava nu omaviinyu, ohamba tai ti kuEster: “To indile shike? Oto shi pewa. Ndele oto pula shike? Keshe eshi we shi hala handi shi ku pe, nande etata loshilongo.” 7 Opo nee Ester ta ti: “Eindilo lange nehalo lange oleli: 8 Ame ngeenge nda filwa onghenda moipafi yohamba, ngeenge tashi wapalele ohamba okwiitavelela eindilo lange nokuwanifa osho nde shi hala, ohamba naHaman nave uye koitelekela handi ke i va telekela mongula. Ame ohandi ka ninga pahalo lohamba.” 9 Ndele mefiku tuu olo Haman okwa hafa nokwa shambukwa unene komwenyo. Ndelenee Haman eshi a mona Mordekai poshivelo shohamba ndele ye ina kala ofika ile ine mu tila, Haman okwa yada ehandu molwaMordekai.
Haman a hala okumangeleka Mordekai
10 Ndelenee Haman okwe lidiinika. Ndele ye eshi e uya keumbo laye okwa ifana ookaume kaye nomwalikadi waye Seres. 11 Ndele Haman ote va hepaululile ta popi efimano laye noupuna waye nouhapu wovana vaye ovamati, nanhumbi ohamba ye mu nenepeka mwaashishe noku mu lenga kombada yomalenga noyovapiya vohamba. 12 Haman ta ti vali: “Nomumbada Ester mwene eshi a teleka oitelekela ina itavelela vamwe okuuya koitelekela, aame andike. Nosho mongula ame nda ifanwa ndi ye ko pamwe nohamba. 13 Ndelenee osho ashishe inashi wanena nge fimbo handi mono Omujuda Mordekai ta kala omutumba poshivelo shohamba.” 14 Opo nee omwalikadi waye Seres nookaume kaye aveshe tava ti kuye: “Mu ningila hano omuti wokumangeleka mo, oule wao omaludimbo omilongo itano u lombwele ohamba mongula inene, vo va endjelelife Mordekai muwo. Opo nee to i nehafo pamwe nohamba koitelekela.” Ondjovo oyo ya wapalela Haman, nokwa pangelifa omuti wokumangeleka mo.
