Eshiko lenghuma etitano netihamano
1 Ndele omweengeli omutitano okwa shika enghuma, opo nee nda mona onyofi ya wa meulu, ya wila kombada yedu ndele oya pewa oshapi yombwili yomokule mwi ihe nexulilo. 2 Ndele yo ya yeulula ombwili yomokule mwi ihe nexulilo, ndele mwa dja okalungululu, ka fa okalungululu komediko lakula, ndele etango nevalelwa ola laulikwa kokalungululu komombwili. 3 Ndele mokalungululu omo omwa dja oshipaxu, she uya kombada yedu, osho sha pewa eenghonopangelo ngaashi eenghono deendje dopedu. 4 Ndele sho osha lombwelwa, shiha nyone po omwiidi wedu nakeshe tuu oshimeno shitalala ile omuti, ndelenee ovanhu tuu ava vehe nedidiliko laKalunga moipala yavo. 5 Ndele sho osha pewa shihe va dipae, ndelenee oku va hepeka ashike oule weehani nhano, nokuhepeka kwasho okwa li ngaashi kwondje, ngeenge tai li omunhu. 6 Ndele momafiku oo ovanhu otava kala nokukonga efyo, ndele vo itave li mono. Va hala okufya, ndelenee efyo otali va i onhapo.
7 Ndelenee olupe lwoshipaxu osho la li la fa leenghambe da longekidilwa oita, ndele komitwe dasho okwa li ngaashi oishani ya fa oshingoldo, noipala yasho oya fa oipala yovanhu, 8 ndele osha li shi nolududi la fa eexwiki dovakainhu, nomayoo asho okwa fa omayoo eenghoshi. 9 Ndele osha li shi noipakotolwa ya fa yoivela, noshihomo shomavava asho osha fa ekolokoto lomatemba oita, neenghambe tadi tondoka oita. 10 Ndele oshi nomishila da fa deendje di noukiya, ndele momishila dasho omo mu neenghono dasho dokuhepeka ovanhu oule weehani nhano. 11 Ndele oshi nohamba yasho oyo omweengeli wombwili ihe nexulilo, edina laye mOshiheberi Abadon nomOshigreka Apollion.
12 Oshiponga shotete osha pita po, tala, ope na oiponga ivali tai shikula ei.
13 Ndele omweengeli omutihamano okwa shika enghuma, opo nee nda uda ondaka ya dja momaluvinga aa ane oaltari yoshingoldo i li koshipala shaKalunga, 14 ya lombwela omweengeli ou omutihamano e nenghuma, tai ti: “Mangulula ovaengeli venya vane va kala va mangwa pomulonga munene waEufrat.” 15 Ndele ovaengeli venya vane ova mangululwa, ndele va li ve lilongekidila okufikama keshe tuu otundi nefiku nohani nomudo okudipaa oshititatu shovanhu. 16 Nomuvalu wongudu yovakwaita ovalondanghambe owa li omamiliyona omafele avali, omuvalu wavo onde u uda. 17 Osho ngaha nda mona memoniko eenghambe, naava ve di londa, ovo va li ve noipakotolwa peenhulo ya tilyana ngaashi omundilo, naimbulau ya fa safir, naitwima ya fa osulfuri, nomitwe deenghambe oda fa omitwe deenghoshi, nomomakanya ado omwa dja omundilo nomwifi nosulfuri. 18 Noshititatu shovanhu osha dipawa po koiponga ei itatu yomundilo noyomwifi noyosulfuri, ya dja momakanya ado. 19 Osheshi eenghono dado odi li momakanya ado nomomishila dado, osheshi omishila dado oda fa omayoka nodi nomitwe ndele nado tadi eta oiponga.
20 Nooluxupe lovanhu ava inava dipawa po komahepeko aa, inave lidilulula va efe oilonga yomake avo, vaha fimaneke vali ondiaboli noikalunga yoshingoldo noyoshisiliveli noyoshikushu, noyomamanya noyoiti, ei ihe wete ko, ihai udu ko, yo ihai ende. 21 Vo inave lidilulula, va efe omadipao avo noupule wavo noluhaelo lavo noulunga wavo.
Eshiko lenghuma etitano netihamano
1 Ndele omweengeli omutitano okwa shika enghuma, opo nee nda mona onyofi ya wa meulu, ya wila kombada yedu ndele oya pewa oshapi yombwili yomokule mwi ihe nexulilo. 2 Ndele yo ya yeulula ombwili yomokule mwi ihe nexulilo, ndele mwa dja okalungululu, ka fa okalungululu komediko lakula, ndele etango nevalelwa ola laulikwa kokalungululu komombwili. 3 Ndele mokalungululu omo omwa dja oshipaxu, she uya kombada yedu, osho sha pewa eenghonopangelo ngaashi eenghono deendje dopedu. 4 Ndele sho osha lombwelwa, shiha nyone po omwiidi wedu nakeshe tuu oshimeno shitalala ile omuti, ndelenee ovanhu tuu ava vehe nedidiliko laKalunga moipala yavo. 5 Ndele sho osha pewa shihe va dipae, ndelenee oku va hepeka ashike oule weehani nhano, nokuhepeka kwasho okwa li ngaashi kwondje, ngeenge tai li omunhu. 6 Ndele momafiku oo ovanhu otava kala nokukonga efyo, ndele vo itave li mono. Va hala okufya, ndelenee efyo otali va i onhapo.
7 Ndelenee olupe lwoshipaxu osho la li la fa leenghambe da longekidilwa oita, ndele komitwe dasho okwa li ngaashi oishani ya fa oshingoldo, noipala yasho oya fa oipala yovanhu, 8 ndele osha li shi nolududi la fa eexwiki dovakainhu, nomayoo asho okwa fa omayoo eenghoshi. 9 Ndele osha li shi noipakotolwa ya fa yoivela, noshihomo shomavava asho osha fa ekolokoto lomatemba oita, neenghambe tadi tondoka oita. 10 Ndele oshi nomishila da fa deendje di noukiya, ndele momishila dasho omo mu neenghono dasho dokuhepeka ovanhu oule weehani nhano. 11 Ndele oshi nohamba yasho oyo omweengeli wombwili ihe nexulilo, edina laye mOshiheberi Abadon nomOshigreka Apollion.
12 Oshiponga shotete osha pita po, tala, ope na oiponga ivali tai shikula ei.
13 Ndele omweengeli omutihamano okwa shika enghuma, opo nee nda uda ondaka ya dja momaluvinga aa ane oaltari yoshingoldo i li koshipala shaKalunga, 14 ya lombwela omweengeli ou omutihamano e nenghuma, tai ti: “Mangulula ovaengeli venya vane va kala va mangwa pomulonga munene waEufrat.” 15 Ndele ovaengeli venya vane ova mangululwa, ndele va li ve lilongekidila okufikama keshe tuu otundi nefiku nohani nomudo okudipaa oshititatu shovanhu. 16 Nomuvalu wongudu yovakwaita ovalondanghambe owa li omamiliyona omafele avali, omuvalu wavo onde u uda. 17 Osho ngaha nda mona memoniko eenghambe, naava ve di londa, ovo va li ve noipakotolwa peenhulo ya tilyana ngaashi omundilo, naimbulau ya fa safir, naitwima ya fa osulfuri, nomitwe deenghambe oda fa omitwe deenghoshi, nomomakanya ado omwa dja omundilo nomwifi nosulfuri. 18 Noshititatu shovanhu osha dipawa po koiponga ei itatu yomundilo noyomwifi noyosulfuri, ya dja momakanya ado. 19 Osheshi eenghono dado odi li momakanya ado nomomishila dado, osheshi omishila dado oda fa omayoka nodi nomitwe ndele nado tadi eta oiponga.
20 Nooluxupe lovanhu ava inava dipawa po komahepeko aa, inave lidilulula va efe oilonga yomake avo, vaha fimaneke vali ondiaboli noikalunga yoshingoldo noyoshisiliveli noyoshikushu, noyomamanya noyoiti, ei ihe wete ko, ihai udu ko, yo ihai ende. 21 Vo inave lidilulula, va efe omadipao avo noupule wavo noluhaelo lavo noulunga wavo.
