Eyapulo lotembeli
1 Ndele Salomo okwa ifana muJerusalem ovawiliki vOvaisraeli novakulunhu aveshe vomapata aIsrael, va kufe oshikefa shehangano lOmwene moshilando shaDavid, Sion, ve shi twale motembeli. 2 Novalumenhu aveshe Ovaisraeli va ongala pohamba Salomo koshivilo mohani yaEtanim, nokutya mohani onhiheyali. 3 Ovawiliki aveshe vaIsrael eshi va ongala muJerusalem, ovapristeli va tumba Oshikefa Shehangano, 4 ndele va eta Oshikefa shOmwene motembeli, Ovapristeli nOvalevi va twala yo Etwali Leongalo noinima aishe iyapuki, ei ya li mo; 5 Ohamba Salomo noshiongalele ashishe shOvaisraeli osho sha ongala pOshikefa, va kala ofika komesho yasho; ova yamba eedi neengobe dihapu unene, da nyengana okutengenekwa. 6 Ovapristeli ova twala Oshikefa Shehangano lOmwene monhele yasho molupale lomeni longulu, mOuyapukielela koshi yomavava ovakerubi. 7 Osheshi ovakerubi va tandavelifa omavava avo kombada yonhele yoshikefa, noshikefa nomitengi dasho ya tuvikilwa ngaha kovakerubi. 8 Nomitengi da li dile, eenhele dado di wetikile komesho yOuyapukielela, ndele hapamwe peli li. Ndele omo di li fiyo onena eli. 9 Moshikefa inamu kala sha shimwe, oipelende yomamanya ivali aike, oyo ya tulwa mo kuMoses pomhunda yaHoreb, Omwene eshi a ninga ehangano novana vaIsrael, eshi va dja medu laEgipiti.
10 Novapristeli eshi va dja mo motembeli, oshilemo sha yadifa ongulu yOmwene. 11 Onghee hano ovapristeli inava dula okuwanifa eyakulolonga lavo omolwoshilemo. Osheshi oshinge shOmwene sha yadifa ongulu yOmwene.
Eilikano laSalomo meyapulo lotembeli
12 Opo nee Salomo ta ti:
“Omwene okwa tula etango keulu,
ndelenee a tile kutya, a hala okukala noshiwiwili.
13 Ame nde ku tungila ongulu okukala mo,
onhele u kale mo omutumba fiyo alushe.”
14 Ovaisraeli aveshe ova li ofika, nohamba ya taalela kuvo ndele tai va indilile enangeko noupuna kuKalunga. 15 Ndele oya tya: “Omwene, Kalunga kaIsrael na hambelelwe, omake aye a wanifa osho a udanekela tate David eshi a tile: 16 ‘Okudja kefiku linya Ame nda pitifa mo medu laEgipiti oshiwana shange, inandi hoolola nande oshilando shimwe medu laIsrael ndi tungilwe mo otembeli omo ndi na okufimanekelwa, Ndelenee nde ku hoolola, ove David u pangele oshiwana shange Israel.’ 17 Tate David eshi a diladila okutungila edina lOmwene Kalunga kaIsrael, ongulu, 18 Omwene okwa lombwela tate David: ‘Ove eshi wa diladila okutungila edina lange ongulu, ove wa ninga nawa, sho eshi sha kala momutima woye. 19 Ndelenee haave to ka tunga ongulu oyo, ndelenee omumwoye ou ta di molutu loye, ye ota ka tungila edina lange ongulu.’ 20 NOmwene okwa wanifa ondjovo yaye, e i popya, osheshi ame nde uya ponhele yatate David, ndele ame ndi li omutumba kolukalwapangelo laIsrael ngaashi Omwene a tile. Ndele ame nda tungila edina lOmwene Kalunga kaIsrael ongulu, 21 ndele nda longekida onhele motembeli yokutula mo Oshikefa Shehangano, omo omu nehangano lOmwene, olo Ye a ninga nootate, eshi e va pitifa mo medu laEgipiti.”
22 Salomo eshi a ehena po, a kala ofika koaltari yOmwene moipafi yeongalo alishe laIsrael nokwa yelula omake aye keulu 23 ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe, 24 ou wa wanifa osho we shi udanekela omupiya woye, tate David; nena ondjovo keshe oya wanifwa. 25 Wanifa yo, Omwene Kalunga kaIsrael, omaudaneko makwao aa wa udanekela tate David, nokutya: ‘Itapu ka pumbulukwa ohamba moludalo loye, oyo tai pangele Ovaisraeli, ngeenge tava diinine ondjila yange nokweenda momhango yange ngaashi ove wa enda koshipala shange.’ 26 Hano paife nee, Omwene Kalunga kaIsrael, ondjovo oyo we i lombwela omupiya woye tate David, nai ninge yoshili. 27 Ndelenee Kalunga, oto dulu ngaho shili okukala kedu? Eshi neulu loovene itali ku wanene okukala mo, hano oto wana ngahelipi motembeli ei nda tunga? 28 Omwene Kalunga, ame omupiya woye; pwilikina eilikano lange, u pe nge osho handi ku pula nena. 29 Omutenya noufiku omesho oye naa pashukile ongulu ei, onhele ei we i hoolola okufimanekelwa mo. Ude nge ngeenge handi taalele otembeli nokwiilikana. 30 Uda hano omailikano ange nomailikano ovanhu voye Ovaisraeli, ngeenge tava taalele onhele ei nokwiilikana. Heeno, meumbo loye meulu tu uda u tu dimine po. 31 Ngeenge pe na ou ta nyono kumukwao, ndele ye ta etwa poaltari yoye motembeli a yandje eano laye, nokutya ina nyona sha, 32 Omwene, mu uda hano meulu, u tokole omupiya woye. Handukila ou e na okuhandukilwa, ove u mangulule ou ehe na etimba.
33 “Omutondadi ngeenge ta taataa oshiwana shoye Ovaisraeli, vo eshi va nyona kwoove, ndele vo otava aluka kwoove, tava pandula edina loye, tave ku ilikana ndele tave ku indile onghenda mongulu ei, 34 uda hano meulu ndele dima po okunyona kwovanhu voye Ovaisraeli ndele va alula medu eli, ove we li pa ooxe.
35 “Eulu ngeenge to li idile, nodula itai loko, shaashi ovanhu voye va nyona kwoove, opo nee ngeenge tave lialuluka ndele tava taalele kotembeli ei, nokwiilikana melininipiko, 36 va uda meulu u dime omatimba ohamba naa ovanhu voye Ovaisraeli, Ove u va longe eshi sha yuka, ndele Omwene, tuma odula koshilongo eshi shoye we shi pa ovanhu voye va kale mo alushelushe.
37 “Oshilongo ngeenge tashi hangika kondjala, koudu wolutapo, koshikukuta ile onhimba ile okahaudjololo ile oshipaxu, ile ngeenge ovanhu va ponokelwa kovatondadi, ile ngeenge ope na oudu ile omukifi mokati kavo, 38 Ngeenge mefimbo olo pena umwe womOvaisraeli ou a fya oluhodi nota yelula omake aye kotembeli nokwiilikana, 39 uda eilikano laye. Va pwilikina meumbo loye lomeulu; va dimina po, Ove auke wa shiiva omadiladilo momitima womunhu. Ningila keshe umwe ngaashi e lilongela, 40 opo ve ku tile, efimbo alishe eli tava kala medu eli we va pa nooxe.
41 “Nosho yo omunailongo, ou ke fi womoshiwana shaIsrael, ngeenge ta di moshilongo shokokule, te uya omolwedina loye, 42 osheshi naakwinya yo edina loye linene neke loye li neenghono nokwooko kwoye kwa yeluka taku ka udika ngeenge te uya ndele ta ilikana nokutaalela ongulu ei. 43 Mu uda hano meulu, monhele yoye, u ninge ashishe osho omunailongo te shi ku indile, opo oiwana aishe yomounyuni i shiive edina loye noku ku tila, ngaashi ovanhu voye Ovaisraeli, ndele va kale ve shi shii nokutya, ongulu ei nde i tunga, ya lukilwa edina loye.
44 “Ovanhu voye ngeenge to va tumu moita okulwifa ovatondadi vavo, ndele tave ku indile keshe opo ve li, va taalela koshilando eshi wa hoolola, nokotembeli ei nde ku tungila, 45 pwilikina omailikano avo. Va uda meulu nou va pe efindano.
46 “Vo eshi tava nyono kwoove, osheshi kape nomunhu ou ita nyono, ndele to va handukile ndele to va yandje kovatondadi vavo nde tave va twala eenghwate koshilongo nande oshokokule ile oshopopepi, 47 moshilongo shoukwatwa, ngeenge tave lialuluka, ndele tave ku indile nokuhepaulula nghee va nyona kwoove, Omwene, uda eindilo lavo. 48 Hano, ngeenge tava aluka kwoove nomutima aushe nomwenyo aushe moshilongo shoukwatwa wavo, ndele vo otava ilikana nokutaalela koshilongo osho we shi pa ooxe nokoshilando osho we shi hoolola nokotembeli ei nde ku tungila, 49 uda hano meulu, monhele yoye, eilikano lavo neindilo lavo, va yukifila, 50 ndele dimina po ovanhu voye, osho ve shi nyona kwoove, heeno, omanyono avo aeshe, eshi va nyonene koshipala shoye. Va uditifila onghenda ovo, ve va kwata eenghwate, opo ve va filonghenda. 51 Osheshi vo ovanhu voye, oshitukulwafyuululwa shoye, we shi pitifa mo muEgipiti, mediko loshivela. 52 Omesho oye naa kale taa pashukile hano omailikano omupiya woye nomailikano ovanhu voye Ovaisraeli, opo u va ude mwaaishe tave i ku indile. 53 Osheshi Ove we va tongola mo moiwana aishe yomounyuni oshitukulwafyuululwa shoye, ngaashi ove Omwene Kalunga wa lombwela omupiya woye Moses, eshi wa pitifa mo ootate muEgipiti.”
54 Ndele Salomo eshi a xulifa okwiindila nokwiilikana kOmwene oinima ei aishe, a fikama koaltari yOmwene, apa a li a twa eengolo, omaoko a yelulwa keulu, 55 nokwa ehena ndele ta nangeke noupuna oshiongalele ashishe shOvaisraeli nondaka yomokule, ta ti: 56 “Omwene na pandulwe, eshi a yandja etulumuko kovanhu vaye Ovaisraeli, ngaashi a tile. Omaudaneko aeshe, e a pa omupiya waye Moses, a wanifwa, inapa kala nande limwe inali wanifwa. 57 Omwene, Kalunga ketu na kale pamwe nafye ngaashi a kala pamwe nootate. Ye ehe tu efe nande ile e tu ekeleshi, ahowe, 58 ndelenee omitima detu Ye e di alulile kuye, opo tu kale alushe nokweenda neendjila daye nokudiinina oipango yaye, neenghedimhango daye nomalombwelo aye, aa e a pa ootate. 59 Neendjovo tuu edi dange nda popya nokwiindila onghenda koshipala shOmwene, nadi kale oufiku nomutenya popepi nOmwene, Kalunga ketu, opo a yukife pauyuki omupiya waye novanhu vaye Ovaisraeli paemhumbwe defiku keshe, 60 opo oiwana aishe yomounyuni i shiive nokutya, Omwene Oye Kalunga, ndele kape na kalunga ponho yaye. 61 Ndele liyandjeni nee neemwenyo adishe kOmwene, Kalunga keni nokweenda pamalombwelo aye nokudiinina oipango yaye ngaashi paife yo.”
62 Nohamba Salomo novanhu aveshe va yamba omayambo kOmwene. 63 Oya yamba omayambo eengobe omayovi omilongo mbali naavali needi omayovi efele nomayovi omilongo mbali. Nohamba novanhu aveshe va yapula ongulu yaKalunga. 64 Ndele Salomo okwa yapula endiki olo la li komesho yotembeli yOmwene. Noko a yambela omaxwikiloyambo, nomakaadi omahanganifoyambo, shaashi oaltari yoshikushu kaya li ya wana okutulwa omaxwikiloyambo aeshe aa.
65 Osho ngaha hano mefimbo olo Salomo nOvaisraeli aveshe pamwe naye, va dana oshivilo, oshiongalele shinene sha ongala okudja komhito tai twala kuHamat fiyo okokamulonga kaEgipiti, koshipala shOmwene Kalunga ketu omafiku aheyali. 66 Mefiku etihetatu ye okwa lekela ovanhu, ndele vo ova nangeka noupuna ohamba ndele va ya komatwali avo, nokuhafa nokushambukwa meemwenyo omolwoinima aishe iwa Omwene a ningila omupiya waye David noshiwana shaye Israel.
Eyapulo lotembeli
1 Ndele Salomo okwa ifana muJerusalem ovawiliki vOvaisraeli novakulunhu aveshe vomapata aIsrael, va kufe oshikefa shehangano lOmwene moshilando shaDavid, Sion, ve shi twale motembeli. 2 Novalumenhu aveshe Ovaisraeli va ongala pohamba Salomo koshivilo mohani yaEtanim, nokutya mohani onhiheyali. 3 Ovawiliki aveshe vaIsrael eshi va ongala muJerusalem, ovapristeli va tumba Oshikefa Shehangano, 4 ndele va eta Oshikefa shOmwene motembeli, Ovapristeli nOvalevi va twala yo Etwali Leongalo noinima aishe iyapuki, ei ya li mo; 5 Ohamba Salomo noshiongalele ashishe shOvaisraeli osho sha ongala pOshikefa, va kala ofika komesho yasho; ova yamba eedi neengobe dihapu unene, da nyengana okutengenekwa. 6 Ovapristeli ova twala Oshikefa Shehangano lOmwene monhele yasho molupale lomeni longulu, mOuyapukielela koshi yomavava ovakerubi. 7 Osheshi ovakerubi va tandavelifa omavava avo kombada yonhele yoshikefa, noshikefa nomitengi dasho ya tuvikilwa ngaha kovakerubi. 8 Nomitengi da li dile, eenhele dado di wetikile komesho yOuyapukielela, ndele hapamwe peli li. Ndele omo di li fiyo onena eli. 9 Moshikefa inamu kala sha shimwe, oipelende yomamanya ivali aike, oyo ya tulwa mo kuMoses pomhunda yaHoreb, Omwene eshi a ninga ehangano novana vaIsrael, eshi va dja medu laEgipiti.
10 Novapristeli eshi va dja mo motembeli, oshilemo sha yadifa ongulu yOmwene. 11 Onghee hano ovapristeli inava dula okuwanifa eyakulolonga lavo omolwoshilemo. Osheshi oshinge shOmwene sha yadifa ongulu yOmwene.
Eilikano laSalomo meyapulo lotembeli
12 Opo nee Salomo ta ti:
“Omwene okwa tula etango keulu,
ndelenee a tile kutya, a hala okukala noshiwiwili.
13 Ame nde ku tungila ongulu okukala mo,
onhele u kale mo omutumba fiyo alushe.”
14 Ovaisraeli aveshe ova li ofika, nohamba ya taalela kuvo ndele tai va indilile enangeko noupuna kuKalunga. 15 Ndele oya tya: “Omwene, Kalunga kaIsrael na hambelelwe, omake aye a wanifa osho a udanekela tate David eshi a tile: 16 ‘Okudja kefiku linya Ame nda pitifa mo medu laEgipiti oshiwana shange, inandi hoolola nande oshilando shimwe medu laIsrael ndi tungilwe mo otembeli omo ndi na okufimanekelwa, Ndelenee nde ku hoolola, ove David u pangele oshiwana shange Israel.’ 17 Tate David eshi a diladila okutungila edina lOmwene Kalunga kaIsrael, ongulu, 18 Omwene okwa lombwela tate David: ‘Ove eshi wa diladila okutungila edina lange ongulu, ove wa ninga nawa, sho eshi sha kala momutima woye. 19 Ndelenee haave to ka tunga ongulu oyo, ndelenee omumwoye ou ta di molutu loye, ye ota ka tungila edina lange ongulu.’ 20 NOmwene okwa wanifa ondjovo yaye, e i popya, osheshi ame nde uya ponhele yatate David, ndele ame ndi li omutumba kolukalwapangelo laIsrael ngaashi Omwene a tile. Ndele ame nda tungila edina lOmwene Kalunga kaIsrael ongulu, 21 ndele nda longekida onhele motembeli yokutula mo Oshikefa Shehangano, omo omu nehangano lOmwene, olo Ye a ninga nootate, eshi e va pitifa mo medu laEgipiti.”
22 Salomo eshi a ehena po, a kala ofika koaltari yOmwene moipafi yeongalo alishe laIsrael nokwa yelula omake aye keulu 23 ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe, 24 ou wa wanifa osho we shi udanekela omupiya woye, tate David; nena ondjovo keshe oya wanifwa. 25 Wanifa yo, Omwene Kalunga kaIsrael, omaudaneko makwao aa wa udanekela tate David, nokutya: ‘Itapu ka pumbulukwa ohamba moludalo loye, oyo tai pangele Ovaisraeli, ngeenge tava diinine ondjila yange nokweenda momhango yange ngaashi ove wa enda koshipala shange.’ 26 Hano paife nee, Omwene Kalunga kaIsrael, ondjovo oyo we i lombwela omupiya woye tate David, nai ninge yoshili. 27 Ndelenee Kalunga, oto dulu ngaho shili okukala kedu? Eshi neulu loovene itali ku wanene okukala mo, hano oto wana ngahelipi motembeli ei nda tunga? 28 Omwene Kalunga, ame omupiya woye; pwilikina eilikano lange, u pe nge osho handi ku pula nena. 29 Omutenya noufiku omesho oye naa pashukile ongulu ei, onhele ei we i hoolola okufimanekelwa mo. Ude nge ngeenge handi taalele otembeli nokwiilikana. 30 Uda hano omailikano ange nomailikano ovanhu voye Ovaisraeli, ngeenge tava taalele onhele ei nokwiilikana. Heeno, meumbo loye meulu tu uda u tu dimine po. 31 Ngeenge pe na ou ta nyono kumukwao, ndele ye ta etwa poaltari yoye motembeli a yandje eano laye, nokutya ina nyona sha, 32 Omwene, mu uda hano meulu, u tokole omupiya woye. Handukila ou e na okuhandukilwa, ove u mangulule ou ehe na etimba.
33 “Omutondadi ngeenge ta taataa oshiwana shoye Ovaisraeli, vo eshi va nyona kwoove, ndele vo otava aluka kwoove, tava pandula edina loye, tave ku ilikana ndele tave ku indile onghenda mongulu ei, 34 uda hano meulu ndele dima po okunyona kwovanhu voye Ovaisraeli ndele va alula medu eli, ove we li pa ooxe.
35 “Eulu ngeenge to li idile, nodula itai loko, shaashi ovanhu voye va nyona kwoove, opo nee ngeenge tave lialuluka ndele tava taalele kotembeli ei, nokwiilikana melininipiko, 36 va uda meulu u dime omatimba ohamba naa ovanhu voye Ovaisraeli, Ove u va longe eshi sha yuka, ndele Omwene, tuma odula koshilongo eshi shoye we shi pa ovanhu voye va kale mo alushelushe.
37 “Oshilongo ngeenge tashi hangika kondjala, koudu wolutapo, koshikukuta ile onhimba ile okahaudjololo ile oshipaxu, ile ngeenge ovanhu va ponokelwa kovatondadi, ile ngeenge ope na oudu ile omukifi mokati kavo, 38 Ngeenge mefimbo olo pena umwe womOvaisraeli ou a fya oluhodi nota yelula omake aye kotembeli nokwiilikana, 39 uda eilikano laye. Va pwilikina meumbo loye lomeulu; va dimina po, Ove auke wa shiiva omadiladilo momitima womunhu. Ningila keshe umwe ngaashi e lilongela, 40 opo ve ku tile, efimbo alishe eli tava kala medu eli we va pa nooxe.
41 “Nosho yo omunailongo, ou ke fi womoshiwana shaIsrael, ngeenge ta di moshilongo shokokule, te uya omolwedina loye, 42 osheshi naakwinya yo edina loye linene neke loye li neenghono nokwooko kwoye kwa yeluka taku ka udika ngeenge te uya ndele ta ilikana nokutaalela ongulu ei. 43 Mu uda hano meulu, monhele yoye, u ninge ashishe osho omunailongo te shi ku indile, opo oiwana aishe yomounyuni i shiive edina loye noku ku tila, ngaashi ovanhu voye Ovaisraeli, ndele va kale ve shi shii nokutya, ongulu ei nde i tunga, ya lukilwa edina loye.
44 “Ovanhu voye ngeenge to va tumu moita okulwifa ovatondadi vavo, ndele tave ku indile keshe opo ve li, va taalela koshilando eshi wa hoolola, nokotembeli ei nde ku tungila, 45 pwilikina omailikano avo. Va uda meulu nou va pe efindano.
46 “Vo eshi tava nyono kwoove, osheshi kape nomunhu ou ita nyono, ndele to va handukile ndele to va yandje kovatondadi vavo nde tave va twala eenghwate koshilongo nande oshokokule ile oshopopepi, 47 moshilongo shoukwatwa, ngeenge tave lialuluka, ndele tave ku indile nokuhepaulula nghee va nyona kwoove, Omwene, uda eindilo lavo. 48 Hano, ngeenge tava aluka kwoove nomutima aushe nomwenyo aushe moshilongo shoukwatwa wavo, ndele vo otava ilikana nokutaalela koshilongo osho we shi pa ooxe nokoshilando osho we shi hoolola nokotembeli ei nde ku tungila, 49 uda hano meulu, monhele yoye, eilikano lavo neindilo lavo, va yukifila, 50 ndele dimina po ovanhu voye, osho ve shi nyona kwoove, heeno, omanyono avo aeshe, eshi va nyonene koshipala shoye. Va uditifila onghenda ovo, ve va kwata eenghwate, opo ve va filonghenda. 51 Osheshi vo ovanhu voye, oshitukulwafyuululwa shoye, we shi pitifa mo muEgipiti, mediko loshivela. 52 Omesho oye naa kale taa pashukile hano omailikano omupiya woye nomailikano ovanhu voye Ovaisraeli, opo u va ude mwaaishe tave i ku indile. 53 Osheshi Ove we va tongola mo moiwana aishe yomounyuni oshitukulwafyuululwa shoye, ngaashi ove Omwene Kalunga wa lombwela omupiya woye Moses, eshi wa pitifa mo ootate muEgipiti.”
54 Ndele Salomo eshi a xulifa okwiindila nokwiilikana kOmwene oinima ei aishe, a fikama koaltari yOmwene, apa a li a twa eengolo, omaoko a yelulwa keulu, 55 nokwa ehena ndele ta nangeke noupuna oshiongalele ashishe shOvaisraeli nondaka yomokule, ta ti: 56 “Omwene na pandulwe, eshi a yandja etulumuko kovanhu vaye Ovaisraeli, ngaashi a tile. Omaudaneko aeshe, e a pa omupiya waye Moses, a wanifwa, inapa kala nande limwe inali wanifwa. 57 Omwene, Kalunga ketu na kale pamwe nafye ngaashi a kala pamwe nootate. Ye ehe tu efe nande ile e tu ekeleshi, ahowe, 58 ndelenee omitima detu Ye e di alulile kuye, opo tu kale alushe nokweenda neendjila daye nokudiinina oipango yaye, neenghedimhango daye nomalombwelo aye, aa e a pa ootate. 59 Neendjovo tuu edi dange nda popya nokwiindila onghenda koshipala shOmwene, nadi kale oufiku nomutenya popepi nOmwene, Kalunga ketu, opo a yukife pauyuki omupiya waye novanhu vaye Ovaisraeli paemhumbwe defiku keshe, 60 opo oiwana aishe yomounyuni i shiive nokutya, Omwene Oye Kalunga, ndele kape na kalunga ponho yaye. 61 Ndele liyandjeni nee neemwenyo adishe kOmwene, Kalunga keni nokweenda pamalombwelo aye nokudiinina oipango yaye ngaashi paife yo.”
62 Nohamba Salomo novanhu aveshe va yamba omayambo kOmwene. 63 Oya yamba omayambo eengobe omayovi omilongo mbali naavali needi omayovi efele nomayovi omilongo mbali. Nohamba novanhu aveshe va yapula ongulu yaKalunga. 64 Ndele Salomo okwa yapula endiki olo la li komesho yotembeli yOmwene. Noko a yambela omaxwikiloyambo, nomakaadi omahanganifoyambo, shaashi oaltari yoshikushu kaya li ya wana okutulwa omaxwikiloyambo aeshe aa.
65 Osho ngaha hano mefimbo olo Salomo nOvaisraeli aveshe pamwe naye, va dana oshivilo, oshiongalele shinene sha ongala okudja komhito tai twala kuHamat fiyo okokamulonga kaEgipiti, koshipala shOmwene Kalunga ketu omafiku aheyali. 66 Mefiku etihetatu ye okwa lekela ovanhu, ndele vo ova nangeka noupuna ohamba ndele va ya komatwali avo, nokuhafa nokushambukwa meemwenyo omolwoinima aishe iwa Omwene a ningila omupiya waye David noshiwana shaye Israel.
