Ashishe shi nefimbo lasho pamhangela yaKalunga
1 Ashishe oshi notundi yasho ya pangelwa, noshinima keshe shokoshi yeulu oshi nefimbo lasho:
2 efimbo lokudalwa nefimbo lokufya,
efimbo lokutwika nefimbo lokududa mo osho sha twikwa,
3 efimbo lokudipaa nefimbo lokuvelula,
efimbo lokuhanauna po nefimbo lokutunga,
4 efimbo lokulila nefimbo lokuyola,
efimbo lokukema nefimbo lokutanha nehafo,
5 efimbo lokukupula omamanya nefimbo lokwoongela omamanya,
efimbo lokudingatela nefimbo lokuhadingatela,
6 efimbo lokukonga nefimbo lokukanifa,
efimbo lokutuvikila nefimbo lokweekelashi,
7 efimbo lokupombaula nefimbo lokuhondjela kumwe,
efimbo lokumwena nefimbo lokupopya,
8 efimbo lokuhola nefimbo lokutonda,
efimbo lolwoodi nefimbo lombili.
9 Nakulonga oku nelikwafo lashike mokulipyakidila kwaye? 10 Ame nda tala oshilonga osho Kalunga a pa ovana vovanhu e va pyakidilifa nasho, 11 Ye okwa ninga ashishe shiwa pefimbo lasho, nokwa tula momutima wavo oukwaalushe, ndelenee omunhu ita koneke oshilonga osho Kalunga ta ningi kehovelo fiyo okexulilo. 12 Onghee hano onde shi mona nokutya, vo vehe nelao limwe, okuhafa ashike nokulonga osho shiwa mokukalamwenyo kwavo. 13 Navali: oshali shaKalunga omunhu ngeenge ta li ndele ta nu ndele ta shambukwa kouwa moshilonga shaye ashishe shidjuu. 14 Ame onda koneka nokutya, ashishe osho Kalunga a ninga, otashi kala po fiyo alushe. Itapa wedelwa nande osha ndele itapa kufwa sha. Ndele Kalunga osho a ninga vo ve nokutila koshipala shaye. 15 Ashishe eshi shi li po, osha li po nale. Naasho tashi ka kala ka, osha li po nale. Ndele Kalunga ta kongo vali osho sha pita po. 16 Nda mona vali koshi yetango onhele yoihokolola: Pa li pehe nouyuki. Noponhele youyuki pa li pehe nouyuki! 17 Nde lipopila nomwenyo wange: “Kalunga ota ka tokola ovayuki novahenakalunga, osheshi oku nefimbo loshinima keshe noloshilonga keshe.” 18 Ame nde lipopila momwenyo wange: “Molwovana vovanhu osho shi li, opo Kalunga e va yelekele ndele vo ve limone nokutya, muvo vene vo oimuna.” 19 Osheshi ovana vovanhu tava ningwa ngaashi oimuna nokutya, oshipewa shavo shimwe ashike. Ngaashi omunhu ta fi, nosho yo oshimuna tashi fi, osheshi vo aveshe ve nomufudo umwe auke, ndelenee kape na sha momunhu osho tashi mu pitifa komesho yoshimuna. Osheshi ashishe oshongahoelela. 20 Aveshe tava i monhele imwe; aveshe va dja mondwi naaveshe tava shuna mondwi. 21 Olyelye e shi shii ngeenge, omufudo womona womunhu tau i pombada, nomufudo woimuna tau kuluka medu? 22 Osho ngaha hano nde shi mona nokutya, pehe na sha shiwa shi dule okuhafela oilonga yaye, osheshi osho oshipewa shaye. Osheshi olyelye te mu alula a ka tale osho tashi kala konima yaye?
Ashishe shi nefimbo lasho pamhangela yaKalunga
1 Ashishe oshi notundi yasho ya pangelwa, noshinima keshe shokoshi yeulu oshi nefimbo lasho:
2 efimbo lokudalwa nefimbo lokufya,
efimbo lokutwika nefimbo lokududa mo osho sha twikwa,
3 efimbo lokudipaa nefimbo lokuvelula,
efimbo lokuhanauna po nefimbo lokutunga,
4 efimbo lokulila nefimbo lokuyola,
efimbo lokukema nefimbo lokutanha nehafo,
5 efimbo lokukupula omamanya nefimbo lokwoongela omamanya,
efimbo lokudingatela nefimbo lokuhadingatela,
6 efimbo lokukonga nefimbo lokukanifa,
efimbo lokutuvikila nefimbo lokweekelashi,
7 efimbo lokupombaula nefimbo lokuhondjela kumwe,
efimbo lokumwena nefimbo lokupopya,
8 efimbo lokuhola nefimbo lokutonda,
efimbo lolwoodi nefimbo lombili.
9 Nakulonga oku nelikwafo lashike mokulipyakidila kwaye? 10 Ame nda tala oshilonga osho Kalunga a pa ovana vovanhu e va pyakidilifa nasho, 11 Ye okwa ninga ashishe shiwa pefimbo lasho, nokwa tula momutima wavo oukwaalushe, ndelenee omunhu ita koneke oshilonga osho Kalunga ta ningi kehovelo fiyo okexulilo. 12 Onghee hano onde shi mona nokutya, vo vehe nelao limwe, okuhafa ashike nokulonga osho shiwa mokukalamwenyo kwavo. 13 Navali: oshali shaKalunga omunhu ngeenge ta li ndele ta nu ndele ta shambukwa kouwa moshilonga shaye ashishe shidjuu. 14 Ame onda koneka nokutya, ashishe osho Kalunga a ninga, otashi kala po fiyo alushe. Itapa wedelwa nande osha ndele itapa kufwa sha. Ndele Kalunga osho a ninga vo ve nokutila koshipala shaye. 15 Ashishe eshi shi li po, osha li po nale. Naasho tashi ka kala ka, osha li po nale. Ndele Kalunga ta kongo vali osho sha pita po. 16 Nda mona vali koshi yetango onhele yoihokolola: Pa li pehe nouyuki. Noponhele youyuki pa li pehe nouyuki! 17 Nde lipopila nomwenyo wange: “Kalunga ota ka tokola ovayuki novahenakalunga, osheshi oku nefimbo loshinima keshe noloshilonga keshe.” 18 Ame nde lipopila momwenyo wange: “Molwovana vovanhu osho shi li, opo Kalunga e va yelekele ndele vo ve limone nokutya, muvo vene vo oimuna.” 19 Osheshi ovana vovanhu tava ningwa ngaashi oimuna nokutya, oshipewa shavo shimwe ashike. Ngaashi omunhu ta fi, nosho yo oshimuna tashi fi, osheshi vo aveshe ve nomufudo umwe auke, ndelenee kape na sha momunhu osho tashi mu pitifa komesho yoshimuna. Osheshi ashishe oshongahoelela. 20 Aveshe tava i monhele imwe; aveshe va dja mondwi naaveshe tava shuna mondwi. 21 Olyelye e shi shii ngeenge, omufudo womona womunhu tau i pombada, nomufudo woimuna tau kuluka medu? 22 Osho ngaha hano nde shi mona nokutya, pehe na sha shiwa shi dule okuhafela oilonga yaye, osheshi osho oshipewa shaye. Osheshi olyelye te mu alula a ka tale osho tashi kala konima yaye?
