Jakob ta nangekwa noupuna ponhele yaEsau
1 Isak eshi a kulupa nomesho aye a wiwika, ita shiiva okumona ko, ye okwa ifana oshiveli shaye, Esau, ndele te shi lombwele ta ti: “Mumwange!” Ndele sho oshe mu nyamukula: “Aame ou!” 2 Opo nee ye okwa tya: “Tala, ame nda kulupa, inandi shiiva efiku lefyo lange. 3 Kufa hano paife oiti yoye, onywa yoye nouta woye u ye momufitu u ka kongele nge oshifitukuti, 4 ndele pakele nge po eendja dinyenye, ngaashi ame ndi di hole; ndele to etele nge ndi lye, opo omwenyo wange u shiive oku ku nangeka noupuna fimbo inandi fya.”
5 Ndele Rebeka okwa pwilikina eshi Isak a popya nomona waye Esau. Ndele Esau okwa ya momufitu a ka konge oshifitukuti e shi ete. 6 Opo nee Rebeka okwa popya nomona waye Jakob, ndele ta ti: “Tala, ame nda uda xo a popya nomumwanyoko Esau ndele ta ti: 7 ‘Etele nge oshifitukuti ndele to pakele nge po eendja dinyenye, opo ndi shiive okulya noku ku nangeka noupuna koshipala shOmwene fimbo inandi fya.’ 8 Omumwange, pwilikine nge hano paife, naashi ame handi ku lombwele. 9 Lotokela paife koikombo u ka tale ko oukombwena vavali vawa, opo ame ndi shiive okupakela po xo eendja dinyenye, ngaashi ye e hole. 10 Opo u di twale kuxo, e di lye, ye e ku nangeke noupuna fimbo ina fya.” 11 Opo nee Jakob okwa tya kuina Rebeka: “Tala, mumwameme Esau omulumenhu e na olududi, ndele ame omulumenhu ndi li ngaho. 12 Pamwe tate ota ka pamhadala nge ndele handi ka ninga omukotokeli momesho aye. Ndele ame handi ke lietela efingo ponhele yenangeko noupuna.” 13 Ndelenee ina okwe mu nyamukula ta ti: “Efingo laye nali uye kwaame! Pwilikine nge ashike ndele to i u ke va talele nge.” 14 Opo nee ye okwa ya e ke va tale ndele te va etele ina. Ndele ina okwe va paka po eendja dinyenye ngaashi xe kwa li e di hole. 15 Rebeka okwa kufa yo oikutu iwa yaEsau, oshiveli shaye, ei ya li puye meumbo, ndele te i dike Jakob ondenge yaye, 16 nokwa uvika omake aye nofingo yaye noipa youkombwena, 17 ndele ye okwa yandja meke laJakob, omona waye, eendja dinyenye nomungome oo a ninga.
18 Opo nee ye okwe uya kuxe ndele ta ti: “Tate!” Ndele ye ta nyamukula: “Aame ou! Oove lyelye, mumwange?” 19 Ndele Jakob ta ti: “Aame Esau, oshiveli shoye. Ame nda ninga ngaashi wa lombwela nge. Penduka, u kale omutumba u lye ombelela yoshifitukuti shange opo omwenyo woye u nangeke nge noupuna.” 20 Opo nee Isak okwa tya komona waye: “Ongahelipi we shi mona diva ngaha, mumwange?” Ndele ye a nyamukula: “Osheshi Omwene Kalunga koye e shi pa nge.” 21 Ndele Isak okwa ya kuJakob: “Ehena popepi apa, opo ndi shiive oku ku pamhadala mumwange, ngeenge oove tuu shili omumwange Esau.” 22 Ndele Jakob okwa ehena popepi naxe Isak, ndele ye okwe mu pamhadala ndele ta ti: “Ondaka oyaJakob ndelenee omake aEsau.” 23 Ndelenee ye ine mu dimbulukwa, osheshi omake aye a li e na olududi ngaashi omake amumwaina Esau. Ndele ye okwe mu nangeka noupuna. 24 Ye okwa li a pula nokutya: “Oove tuu shili Esau?” Ndele ye okwa nyamukula: “Heeno.” 25 Opo nee ye ta ti: “I etele nge hano, ame ndi lye kombelela yoshifitukuti shomumwange, opo omwenyo wange u shiive oku ku nangeka noupuna.” Ndele ye okwe i mu etela, ndele ye okwa lya. Ye okwe mu etela yo omaviinyu, ndele ye okwa nwa. 26 Opo nee xe Isak okwe mu lombwela ta ti: “Omumwange, ehena oku kwaame u fipe nge komilungu!” 27 Ndele ye okwa ehena kuye nokwe mu fipa komilungu. Opo nee ye okwa nyika edimba loikutu yaye ndele okwe mu nangeka noupuna ndele ta ti:
“Tala, edimba lomumwange ongaashi edimba lomufitu,
ou wa nangekwa noupuna kOmwene.
28 Kalunga ne ku pe omume yeulu nomaadi edu
noshishipo shoilya noshomaviinyu.
29 Oiwana nai ku longele,
nomaludi nae ku twile eengolo.
Ove kala omupangeli wavamwanyoko,
novana vanyoko nave linyongamene poshi koshipala shoye.
Nava fingwe ava tave ku fingi;
ndele nava nangekwe noupuna ava tave ku nangeke noupuna.”
30 Ndelenee Isak eshi a mana okunangeka noupuna Jakob, naJakob eshi a dja po puxe Isak, mumwaina Esau okwa aluka koukongo, 31 naye yo okwa paka po eendja dinyenye nokwe di twaalela xe ndele ta ti kuxe: “Tate, penduka u lye kombelela yoshifitukuti shomona woye, opo omwenyo woye u shiive okunangeka nge noupuna.” 32 Ndele Isak okwe mu pula: “Oove lyelye?” Ndele ye okwa nyamukula ta ti: “Aame Esau, oshiveli shoye.” 33 Opo nee Isak okwa haluka unene ndele ta ti: “Olyelye hano ou a kongela nge oshifitukuti ndele ta etele nge? Ndele ame nda lya kwaaishe ei, fimbo ino uya ndee onde mu nangeka noupuna. Ye ota ka kala a nangekwa noupuna.” 34 Opo nee Esau eshi a uda eendjovo edi daxe Isak, okwa haluka ndele ta ingida pombada nokukwena ndele ta lombwele xe: “Tate, nangeke nge yo noupuna!” 35 Ndele ye okwa nyamukula ta ti: “Mumwanyoko okwe ku kengelela nokwe ku nyeka enangeko noupuna.” 36 Opo nee Esau okwa tya: “Heeno, ye eshi ta ifanwa Jakob, osha twa! Osheshi ye okwa kengelela nge luvali: okwa nyeka nge oushiveli nopaife okwa nyeka nge enangekonoupuna. Nokwe mu pula vali ta ti: Ino fiila nge po nande enangekonoupuna limwe?” 37 Opo nee Isak okwa nyamukula ndele ta ti kuEsau: “Tala, ame nde mu tula po omupangeli kombada yoye, ndele onde mu pa ovamwaxe aveshe novapiya, ndele onde mu pa oilya nomaviinyu. Oshike ngeno handi dulu oku ku ningila, mumwange?” 38 Opo nee Esau okwa pula kuxe ta ti: “Tate, enangekonoupuna limwe alike wa li u kwete? Nangeke nge yo noupuna, tate!” Ndele Esau okwa lila pombada.
39 Opo nee xe Isak okwa nyamukula ndele ta ti kuye:
“Onhele yokukala kwoye
otai ka kala kokule nedu liwa
nokokule nomume yokeulu pombada.
40 Ove oto ka kala nomwenyo
meenghono deongamukonda
ndele to ka longela mumwanyoko.
Ndele tapa kala, ove ngeenge to fi ouladi,
oto ka kandula po ondjoko yaye kofingo yoye.”
41 Ndele Esau okwa tonda Jakob molwenangeko noupuna, olo xe e mu nangeka noupuna. Ndele Esau okwe lipopila momutima waye: “Omafiku okulila eefya datate ngeenge a fiki, mumwameme Jakob ohandi mu dipaa.” 42 Ndelenee Rebeka eshi a shiivifilwa omauko aa aEsau, oshiveli shaye, ye okwa ifana ondenge yaye Jakob ndele ta ti kuye: “Tala, mumwanyoko Esau okwe ku kwatela onghone nokwa a hala oku ku dipaa. 43 Hano mumwange, pwilikine nge paife: Lilongekida, inda onhapo kuHaran, kumumwameme Laban, 44 ndele kala puye fiyo oupyuhandu wamumwanyoko tau dimi, 45 fiyo ehandu lamumwanyoko loku ku handukila tali loto, ndele ta dimbwa osho we mu ningila. Opo nee ame ohandi tumu omunhu e ku ile ko. Omolwashike ndi na oku mu kanifa nye amushe vavali mefiku limwe alike?”
46 Rebeka okwa tya vali kuIsak: “Ame nda loloka omwenyo omolwovana oukadona ava vaHet. Jakob ngeenge ota hombola omwalikadi womoukadona Ovaheti vomoshilongo, omolwashike ndi na okukala vali nomwenyo?”
Jakob ta nangekwa noupuna ponhele yaEsau
1 Isak eshi a kulupa nomesho aye a wiwika, ita shiiva okumona ko, ye okwa ifana oshiveli shaye, Esau, ndele te shi lombwele ta ti: “Mumwange!” Ndele sho oshe mu nyamukula: “Aame ou!” 2 Opo nee ye okwa tya: “Tala, ame nda kulupa, inandi shiiva efiku lefyo lange. 3 Kufa hano paife oiti yoye, onywa yoye nouta woye u ye momufitu u ka kongele nge oshifitukuti, 4 ndele pakele nge po eendja dinyenye, ngaashi ame ndi di hole; ndele to etele nge ndi lye, opo omwenyo wange u shiive oku ku nangeka noupuna fimbo inandi fya.”
5 Ndele Rebeka okwa pwilikina eshi Isak a popya nomona waye Esau. Ndele Esau okwa ya momufitu a ka konge oshifitukuti e shi ete. 6 Opo nee Rebeka okwa popya nomona waye Jakob, ndele ta ti: “Tala, ame nda uda xo a popya nomumwanyoko Esau ndele ta ti: 7 ‘Etele nge oshifitukuti ndele to pakele nge po eendja dinyenye, opo ndi shiive okulya noku ku nangeka noupuna koshipala shOmwene fimbo inandi fya.’ 8 Omumwange, pwilikine nge hano paife, naashi ame handi ku lombwele. 9 Lotokela paife koikombo u ka tale ko oukombwena vavali vawa, opo ame ndi shiive okupakela po xo eendja dinyenye, ngaashi ye e hole. 10 Opo u di twale kuxo, e di lye, ye e ku nangeke noupuna fimbo ina fya.” 11 Opo nee Jakob okwa tya kuina Rebeka: “Tala, mumwameme Esau omulumenhu e na olududi, ndele ame omulumenhu ndi li ngaho. 12 Pamwe tate ota ka pamhadala nge ndele handi ka ninga omukotokeli momesho aye. Ndele ame handi ke lietela efingo ponhele yenangeko noupuna.” 13 Ndelenee ina okwe mu nyamukula ta ti: “Efingo laye nali uye kwaame! Pwilikine nge ashike ndele to i u ke va talele nge.” 14 Opo nee ye okwa ya e ke va tale ndele te va etele ina. Ndele ina okwe va paka po eendja dinyenye ngaashi xe kwa li e di hole. 15 Rebeka okwa kufa yo oikutu iwa yaEsau, oshiveli shaye, ei ya li puye meumbo, ndele te i dike Jakob ondenge yaye, 16 nokwa uvika omake aye nofingo yaye noipa youkombwena, 17 ndele ye okwa yandja meke laJakob, omona waye, eendja dinyenye nomungome oo a ninga.
18 Opo nee ye okwe uya kuxe ndele ta ti: “Tate!” Ndele ye ta nyamukula: “Aame ou! Oove lyelye, mumwange?” 19 Ndele Jakob ta ti: “Aame Esau, oshiveli shoye. Ame nda ninga ngaashi wa lombwela nge. Penduka, u kale omutumba u lye ombelela yoshifitukuti shange opo omwenyo woye u nangeke nge noupuna.” 20 Opo nee Isak okwa tya komona waye: “Ongahelipi we shi mona diva ngaha, mumwange?” Ndele ye a nyamukula: “Osheshi Omwene Kalunga koye e shi pa nge.” 21 Ndele Isak okwa ya kuJakob: “Ehena popepi apa, opo ndi shiive oku ku pamhadala mumwange, ngeenge oove tuu shili omumwange Esau.” 22 Ndele Jakob okwa ehena popepi naxe Isak, ndele ye okwe mu pamhadala ndele ta ti: “Ondaka oyaJakob ndelenee omake aEsau.” 23 Ndelenee ye ine mu dimbulukwa, osheshi omake aye a li e na olududi ngaashi omake amumwaina Esau. Ndele ye okwe mu nangeka noupuna. 24 Ye okwa li a pula nokutya: “Oove tuu shili Esau?” Ndele ye okwa nyamukula: “Heeno.” 25 Opo nee ye ta ti: “I etele nge hano, ame ndi lye kombelela yoshifitukuti shomumwange, opo omwenyo wange u shiive oku ku nangeka noupuna.” Ndele ye okwe i mu etela, ndele ye okwa lya. Ye okwe mu etela yo omaviinyu, ndele ye okwa nwa. 26 Opo nee xe Isak okwe mu lombwela ta ti: “Omumwange, ehena oku kwaame u fipe nge komilungu!” 27 Ndele ye okwa ehena kuye nokwe mu fipa komilungu. Opo nee ye okwa nyika edimba loikutu yaye ndele okwe mu nangeka noupuna ndele ta ti:
“Tala, edimba lomumwange ongaashi edimba lomufitu,
ou wa nangekwa noupuna kOmwene.
28 Kalunga ne ku pe omume yeulu nomaadi edu
noshishipo shoilya noshomaviinyu.
29 Oiwana nai ku longele,
nomaludi nae ku twile eengolo.
Ove kala omupangeli wavamwanyoko,
novana vanyoko nave linyongamene poshi koshipala shoye.
Nava fingwe ava tave ku fingi;
ndele nava nangekwe noupuna ava tave ku nangeke noupuna.”
30 Ndelenee Isak eshi a mana okunangeka noupuna Jakob, naJakob eshi a dja po puxe Isak, mumwaina Esau okwa aluka koukongo, 31 naye yo okwa paka po eendja dinyenye nokwe di twaalela xe ndele ta ti kuxe: “Tate, penduka u lye kombelela yoshifitukuti shomona woye, opo omwenyo woye u shiive okunangeka nge noupuna.” 32 Ndele Isak okwe mu pula: “Oove lyelye?” Ndele ye okwa nyamukula ta ti: “Aame Esau, oshiveli shoye.” 33 Opo nee Isak okwa haluka unene ndele ta ti: “Olyelye hano ou a kongela nge oshifitukuti ndele ta etele nge? Ndele ame nda lya kwaaishe ei, fimbo ino uya ndee onde mu nangeka noupuna. Ye ota ka kala a nangekwa noupuna.” 34 Opo nee Esau eshi a uda eendjovo edi daxe Isak, okwa haluka ndele ta ingida pombada nokukwena ndele ta lombwele xe: “Tate, nangeke nge yo noupuna!” 35 Ndele ye okwa nyamukula ta ti: “Mumwanyoko okwe ku kengelela nokwe ku nyeka enangeko noupuna.” 36 Opo nee Esau okwa tya: “Heeno, ye eshi ta ifanwa Jakob, osha twa! Osheshi ye okwa kengelela nge luvali: okwa nyeka nge oushiveli nopaife okwa nyeka nge enangekonoupuna. Nokwe mu pula vali ta ti: Ino fiila nge po nande enangekonoupuna limwe?” 37 Opo nee Isak okwa nyamukula ndele ta ti kuEsau: “Tala, ame nde mu tula po omupangeli kombada yoye, ndele onde mu pa ovamwaxe aveshe novapiya, ndele onde mu pa oilya nomaviinyu. Oshike ngeno handi dulu oku ku ningila, mumwange?” 38 Opo nee Esau okwa pula kuxe ta ti: “Tate, enangekonoupuna limwe alike wa li u kwete? Nangeke nge yo noupuna, tate!” Ndele Esau okwa lila pombada.
39 Opo nee xe Isak okwa nyamukula ndele ta ti kuye:
“Onhele yokukala kwoye
otai ka kala kokule nedu liwa
nokokule nomume yokeulu pombada.
40 Ove oto ka kala nomwenyo
meenghono deongamukonda
ndele to ka longela mumwanyoko.
Ndele tapa kala, ove ngeenge to fi ouladi,
oto ka kandula po ondjoko yaye kofingo yoye.”
41 Ndele Esau okwa tonda Jakob molwenangeko noupuna, olo xe e mu nangeka noupuna. Ndele Esau okwe lipopila momutima waye: “Omafiku okulila eefya datate ngeenge a fiki, mumwameme Jakob ohandi mu dipaa.” 42 Ndelenee Rebeka eshi a shiivifilwa omauko aa aEsau, oshiveli shaye, ye okwa ifana ondenge yaye Jakob ndele ta ti kuye: “Tala, mumwanyoko Esau okwe ku kwatela onghone nokwa a hala oku ku dipaa. 43 Hano mumwange, pwilikine nge paife: Lilongekida, inda onhapo kuHaran, kumumwameme Laban, 44 ndele kala puye fiyo oupyuhandu wamumwanyoko tau dimi, 45 fiyo ehandu lamumwanyoko loku ku handukila tali loto, ndele ta dimbwa osho we mu ningila. Opo nee ame ohandi tumu omunhu e ku ile ko. Omolwashike ndi na oku mu kanifa nye amushe vavali mefiku limwe alike?”
46 Rebeka okwa tya vali kuIsak: “Ame nda loloka omwenyo omolwovana oukadona ava vaHet. Jakob ngeenge ota hombola omwalikadi womoukadona Ovaheti vomoshilongo, omolwashike ndi na okukala vali nomwenyo?”
