Petrus naJohannes tava kwatwa
1 Ndele eshi va li tava tongo ngaha kovanhu, ovapristeli nomukulunhu wovanangeli votembeli nOvasadukai ve uya kuvo, 2 ove va handukila eshi va longa ovanhu nova hepaulula enyumuko lomovafi li li muJesus. 3 Ndele vo ove va kwata, ove va idilila modolongo fiyo efiku lomongula, osheshi okwa li onguloshi. 4 Ndele vahapu vomwaava va uda eendjovo, ova ninga ovaitaveli, nomuvalu wovalumenhu wa li lwopomayovi atano.
Ehepaululo laPetrus moipafi yovakulunhu
5 Opo nee mefiku lomongula ovapangeli novakulunhu novanongo vomishangwa ova ongala muJerusalem, 6 nosho ngaha yo omupristeli omukulunhu Hannas naKajafas naJohannes naAleksander naaveshe ava vomepata lovapristeli ovakulunhu. 7 Ndele vo ove va tula mokati kavo ndele tave va pula: “Okeenghono dilipi ile omedina lalyelye mwa longa eshi?” 8 Opo nee Petrus a yadifwa Omhepo Iyapuki ndele ta ti kuvo: “Ovapangeli nye ovakulunhu vOvaisraeli! 9 Onena eli eshi tu li po hatu hokololifwa oshilonga shiwa sha ningilwa oshingudu, ndele hatu pulwa, okwa velulwa koshike? 10 Hano onye amushe noshilongo ashishe shaIsrael, kaleni mu shi shii, ou a velulwa ndele ta kala ofika apa moipafi yeni okedina laJesus Kristus Omunasareti, ou nye mwe mu valela komushiyakano, ndelenee okwa nyumunwa kuKalunga koufi. 11 ‘Oye emanya olo, nye ovatungi mwe li ekelashi, ndelenee olo la ninga omutwe wokolonela.’ 12 Ndele kaku na mukwao, exupifo la kala muye, osheshi kaku nedina limwe li lili koshi yeulu, la yandjelwa ovanhu omo tu nokuxupifilwa mo.”
Ovayapostoli tava hanyenwa ndele tava efiwa
13 Ndele eshi va mona onyati yaPetrus naJohannes, nove va wete ovo ovanhu vongaho, inava longwa, ova kumwa, ndele ve va dimbulukwa, ova kala naJesus. 14 Ndele eshi va tala omunhu ou a velulwa, ta kala ofika puvo, va nyengwa okutonga nande sha, 15 opo nee ve va lombwela, va dje mo manga moshiongalele shavo, ova kundafana 16 tava ti: “Ovanhu ava ohatu va ningi ngahelipi nee? Osheshi oshikumwifalonga eshi ve shi ninga, osha monika nosha shiivika kOvajerusalem aveshe, fye itatu dulu oku shi anya. 17 Ndelenee opo shiha tane vali pamwe pe lili mokati kovanhu aveshe, tu va hanyeneni shili, vaha popye vali nande okomunhu edina eli.” 18 Opo nee ove va ifanununa mo ndele ove va lombwela vaha popye nande okanini ile vaha longe vali medina laJesus. 19 Ndele Petrus naJohannes ove va nyamukula ndele tava ti kuvo: “Tokoleni nye vene ngeenge osha yuka koshipala shaKalunga oku mu uda komesho yaKalunga, 20 fye itatu dulu okukala tuha hepaulule ei twe i mona notwe i uda.” 21 Ndele venya nande va weda ko vali omaaneko, ve va efa ngaho, osheshi vo inava mona sha shoku va handukilila omolwovanhu, osheshi aveshe ova hambelelela Kalunga eshi sha ningwa. 22 Osheshi omulumenhu ou a ningilwa oshikumwifalonga, eedula daye oda hangika da koya omilongo ine.
Eilikano leongalo neitavelo lOmwene
23 Ndele vo eshi va efiwa, ova ya kuvakwao nove va hepaululila adishe odo ve di lombwelwa kovapristeli ovakulunhu nokovakulunhu. 24 Ndele moku shi uda vo aveshe ova twala ondaka yavo pombada kuKalunga ngaashi omunhu umwe, tava ti: “Omwene, Oove wa shita eulu nedu nefuta nakeshe eshi shi li mo. 25 Oove tuu ou okOmhepo Iyapuki wa popifa okanya katate yetu David, omupiya woye, to ti:
‘Ovapaani otava lundalalele shike,
noiwana tai diladilile shike oinima yongaho?
26 Eehamba dedu tadi fikama,
novapangeli otava ongalele kumwe
notava tu ondubo nOmwene nOmuvaekwa waye.’
27 Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka, 28 va ninge ashishe eshi eke loye nomhangela yoye ye shi pangela nale shi ningwe. 29 Hano paife, Omwene, tala nhumbi tava popi nomaaneko, Ove u pe ovapiya voye okupopya nouladi aushe eendjovo doye, 30 Ove u yelule eke loye okuvelula ovanaudu nokulonga oilongadidiliko noikumwifalonga okedina lOmona woye omuyapuki, oJesus.” 31 Hano eshi va dimbuka okwiilikana, onhele ei apa va ongala, oya kakama, vo aveshe ova yadifwa Omhepo Iyapuki, ndele va popya nouladi eendjovo daKalunga.
Emona lOvakriste votete la tulwa mumwe
32 Ndele mongudu ei inene yovaitaveli aveshe ova li ve nomutima umwe nomwenyo umwe, ndele kakwa li nande oumwe a tumbula oshinima ongaashi shaye mwene, osheshi oinima yavo aishe oya tulwa mumwe. 33 Ndele ovayapostoli ova hepaulula neenghono dinene enyumuko lOmwene Jesus Kristus, navo aveshe ova pewa onghenda inene. 34 Nomokati kavo kamwa li nande ohepele, osheshi ava va li ve nomapya ile eengulu ove di landifa po, naai ve i pewa mokulandifa po, ove i eta 35 ndele ve i tula keemhadi dovayapostoli nakeshe umwe okwa pewa shi fike peemhumbwe daye. 36 Osho naJosef, ou ovayapostoli ve mu luka yo Barnabas, tali ti: omona wehekeleko, Omulevi a dalelwa muKipro, 37 okwa landifa po epya laye a li e kwete, noimaliwa okwe i eta, ndele okwe i tula keemhadi dovayapostoli.
Petrus naJohannes tava kwatwa
1 Ndele eshi va li tava tongo ngaha kovanhu, ovapristeli nomukulunhu wovanangeli votembeli nOvasadukai ve uya kuvo, 2 ove va handukila eshi va longa ovanhu nova hepaulula enyumuko lomovafi li li muJesus. 3 Ndele vo ove va kwata, ove va idilila modolongo fiyo efiku lomongula, osheshi okwa li onguloshi. 4 Ndele vahapu vomwaava va uda eendjovo, ova ninga ovaitaveli, nomuvalu wovalumenhu wa li lwopomayovi atano.
Ehepaululo laPetrus moipafi yovakulunhu
5 Opo nee mefiku lomongula ovapangeli novakulunhu novanongo vomishangwa ova ongala muJerusalem, 6 nosho ngaha yo omupristeli omukulunhu Hannas naKajafas naJohannes naAleksander naaveshe ava vomepata lovapristeli ovakulunhu. 7 Ndele vo ove va tula mokati kavo ndele tave va pula: “Okeenghono dilipi ile omedina lalyelye mwa longa eshi?” 8 Opo nee Petrus a yadifwa Omhepo Iyapuki ndele ta ti kuvo: “Ovapangeli nye ovakulunhu vOvaisraeli! 9 Onena eli eshi tu li po hatu hokololifwa oshilonga shiwa sha ningilwa oshingudu, ndele hatu pulwa, okwa velulwa koshike? 10 Hano onye amushe noshilongo ashishe shaIsrael, kaleni mu shi shii, ou a velulwa ndele ta kala ofika apa moipafi yeni okedina laJesus Kristus Omunasareti, ou nye mwe mu valela komushiyakano, ndelenee okwa nyumunwa kuKalunga koufi. 11 ‘Oye emanya olo, nye ovatungi mwe li ekelashi, ndelenee olo la ninga omutwe wokolonela.’ 12 Ndele kaku na mukwao, exupifo la kala muye, osheshi kaku nedina limwe li lili koshi yeulu, la yandjelwa ovanhu omo tu nokuxupifilwa mo.”
Ovayapostoli tava hanyenwa ndele tava efiwa
13 Ndele eshi va mona onyati yaPetrus naJohannes, nove va wete ovo ovanhu vongaho, inava longwa, ova kumwa, ndele ve va dimbulukwa, ova kala naJesus. 14 Ndele eshi va tala omunhu ou a velulwa, ta kala ofika puvo, va nyengwa okutonga nande sha, 15 opo nee ve va lombwela, va dje mo manga moshiongalele shavo, ova kundafana 16 tava ti: “Ovanhu ava ohatu va ningi ngahelipi nee? Osheshi oshikumwifalonga eshi ve shi ninga, osha monika nosha shiivika kOvajerusalem aveshe, fye itatu dulu oku shi anya. 17 Ndelenee opo shiha tane vali pamwe pe lili mokati kovanhu aveshe, tu va hanyeneni shili, vaha popye vali nande okomunhu edina eli.” 18 Opo nee ove va ifanununa mo ndele ove va lombwela vaha popye nande okanini ile vaha longe vali medina laJesus. 19 Ndele Petrus naJohannes ove va nyamukula ndele tava ti kuvo: “Tokoleni nye vene ngeenge osha yuka koshipala shaKalunga oku mu uda komesho yaKalunga, 20 fye itatu dulu okukala tuha hepaulule ei twe i mona notwe i uda.” 21 Ndele venya nande va weda ko vali omaaneko, ve va efa ngaho, osheshi vo inava mona sha shoku va handukilila omolwovanhu, osheshi aveshe ova hambelelela Kalunga eshi sha ningwa. 22 Osheshi omulumenhu ou a ningilwa oshikumwifalonga, eedula daye oda hangika da koya omilongo ine.
Eilikano leongalo neitavelo lOmwene
23 Ndele vo eshi va efiwa, ova ya kuvakwao nove va hepaululila adishe odo ve di lombwelwa kovapristeli ovakulunhu nokovakulunhu. 24 Ndele moku shi uda vo aveshe ova twala ondaka yavo pombada kuKalunga ngaashi omunhu umwe, tava ti: “Omwene, Oove wa shita eulu nedu nefuta nakeshe eshi shi li mo. 25 Oove tuu ou okOmhepo Iyapuki wa popifa okanya katate yetu David, omupiya woye, to ti:
‘Ovapaani otava lundalalele shike,
noiwana tai diladilile shike oinima yongaho?
26 Eehamba dedu tadi fikama,
novapangeli otava ongalele kumwe
notava tu ondubo nOmwene nOmuvaekwa waye.’
27 Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka, 28 va ninge ashishe eshi eke loye nomhangela yoye ye shi pangela nale shi ningwe. 29 Hano paife, Omwene, tala nhumbi tava popi nomaaneko, Ove u pe ovapiya voye okupopya nouladi aushe eendjovo doye, 30 Ove u yelule eke loye okuvelula ovanaudu nokulonga oilongadidiliko noikumwifalonga okedina lOmona woye omuyapuki, oJesus.” 31 Hano eshi va dimbuka okwiilikana, onhele ei apa va ongala, oya kakama, vo aveshe ova yadifwa Omhepo Iyapuki, ndele va popya nouladi eendjovo daKalunga.
Emona lOvakriste votete la tulwa mumwe
32 Ndele mongudu ei inene yovaitaveli aveshe ova li ve nomutima umwe nomwenyo umwe, ndele kakwa li nande oumwe a tumbula oshinima ongaashi shaye mwene, osheshi oinima yavo aishe oya tulwa mumwe. 33 Ndele ovayapostoli ova hepaulula neenghono dinene enyumuko lOmwene Jesus Kristus, navo aveshe ova pewa onghenda inene. 34 Nomokati kavo kamwa li nande ohepele, osheshi ava va li ve nomapya ile eengulu ove di landifa po, naai ve i pewa mokulandifa po, ove i eta 35 ndele ve i tula keemhadi dovayapostoli nakeshe umwe okwa pewa shi fike peemhumbwe daye. 36 Osho naJosef, ou ovayapostoli ve mu luka yo Barnabas, tali ti: omona wehekeleko, Omulevi a dalelwa muKipro, 37 okwa landifa po epya laye a li e kwete, noimaliwa okwe i eta, ndele okwe i tula keemhadi dovayapostoli.
