Gedalja ta dipawa kuIsmael
1 Ndelenee mohani onhiheyali Ismael yaNetanja yaElisama, womepata leehamba nelenga lomomalenga ohamba e uya pamwe novalumenhu omulongo kuGedalja yaAhikam kuMispa. Ndele muMispa ova lile pamwe naye. 2 Opo nee Ismael yaNetanja novalumenhu vaye omulongo va li pamwe naye ova fikama ndele va dipaa Gedalja yaAhikam yaSafan neongamukonda. Osho ngaha Ismael okwa dipaa ou a nangekwa moshilongo kohamba yaBabilon, a ninge omupangeli. 3 Nosho Ovajuda aveshe yo va li puGedalja muMispa novakwaita Ovakaldea ovo va hangikila mo, ova dipawa kuIsmael. 4 Ndele mefiku etivali, eshi Gedalja a dipaelwa muMispa fimbo inashi shiivika nande okomunhu, 5 okwa dja ovalumenhu kuSekem nokuSilo nomuSamaria, ve fike poomilongo hetatu, va kulula eendjedi davo noikutu ya pombaulwa, nove lishata komalutu, va li ve neendjayambo noitwiminifo momake avo, ve i twale kotembeli yOmwene. 6 Ndele Ismael yaNetanja okwa dja muMispa e ke va shakeneke ta ende ta lili. Ndele eshi e va shakeneka okwe va lombwela, ta ti: Ileni tu yeni kuGedalja yaAhikam. 7 Ndelenee eshi ve uya mokati koshilando, ova dipawa kuIsmael yaNetanja nokovalumenhu ava va kala puye, nove va ekela mondungu. 8 Ndelenee mokati kavo omwa li ovalumenhu omulongo ava va lombwela Ismael ndele tava ti: “Ino tu dipaa, fye otu nemona moixwa, oilyavala nomahangu, omaadi nomaadi eenyiki.” Opo nee ye okwe va efa, ine va dipaela shimwe navakwao. 9 Ndele mondungu omo Ismael a ekela oimhu yovalumenhu ava va dipawa ngaashi yo oshimhu shaGedalja, oyo tuu oyo ya li ya xupwa kohamba Asa omolwoita yaBaasha, ohamba yaIsrael. Oyo tuu oyo Ismael yaNetanja okwe i yadifa noimhu yovadipawa. 10 Ndele Ismael okwa twala oixupe aishe yoshiwana eenghwate oyo ya hangika muMispa novana oukadona vohamba novanhu aveshe ava va xupa muMispa, ovo Nebusaradan, elenga lakula lovanangeli, e va yandja kuGedalja yaAhikam, ovovo Ismael yaNetanja e va twala eenghwate, ndele a ya koshilongo shovana vaAmmoni. 11 Opo nee Johanan yaKarea novakulunhu vovakwaita va li puye, eshi va uda owii aushe ou Ismael yaNetanja e u ninga, 12 ova kufa ovanhu vavo aveshe nova fikama va ka lwife Ismael yaNetanja nove mu hanga petale olo linene laGibeon. 13 Ndele aveshe ovo va li puIsmael eshi va mona Johanan yaKarea pamwe novakulunhu aveshe vovakwaita va li puye, ova hafa; 14 ndele aveshe ovo Ismael e va kufa muMispa ova pilamena ko, nova shuna kuJohanan yaKarea. 15 Ndelenee Ismael yaNetanja okwa faduka po Johanan, ye mwene novalumenhu vahetatu nokwa ya kovana vaAmmoni.
16 Opo nee Johanan yaKarea pamwe novakulunhu aveshe vomatanga ovakwaita ava va li puye, ova kufa oixupe aishe yoshiwana oyo ya tembulwa muMispa ya twalwa eenghwate kuIsmael yaNetanja eshi a dipaa Gedalja yaAhikam nokutya, ovalumenhu novakwaita novakainhu nounona nomalenga, ovo e va alula kuGibeon. 17 Ndele ova fikama ndele ova tula popepi naBetlehem okuGerut-Kimham nova li va hala okuya kuEgipiti, 18 va faduke po Ovakaldea, osheshi ove va tila omolwaIsmael yaNetanja ou a dipaa Gedalja yaAhikam ou a li a ningwa omupangeli woshilongo okohamba Nebukadnesar, ohamba yaBabilon.
Gedalja ta dipawa kuIsmael
1 Ndelenee mohani onhiheyali Ismael yaNetanja yaElisama, womepata leehamba nelenga lomomalenga ohamba e uya pamwe novalumenhu omulongo kuGedalja yaAhikam kuMispa. Ndele muMispa ova lile pamwe naye. 2 Opo nee Ismael yaNetanja novalumenhu vaye omulongo va li pamwe naye ova fikama ndele va dipaa Gedalja yaAhikam yaSafan neongamukonda. Osho ngaha Ismael okwa dipaa ou a nangekwa moshilongo kohamba yaBabilon, a ninge omupangeli. 3 Nosho Ovajuda aveshe yo va li puGedalja muMispa novakwaita Ovakaldea ovo va hangikila mo, ova dipawa kuIsmael. 4 Ndele mefiku etivali, eshi Gedalja a dipaelwa muMispa fimbo inashi shiivika nande okomunhu, 5 okwa dja ovalumenhu kuSekem nokuSilo nomuSamaria, ve fike poomilongo hetatu, va kulula eendjedi davo noikutu ya pombaulwa, nove lishata komalutu, va li ve neendjayambo noitwiminifo momake avo, ve i twale kotembeli yOmwene. 6 Ndele Ismael yaNetanja okwa dja muMispa e ke va shakeneke ta ende ta lili. Ndele eshi e va shakeneka okwe va lombwela, ta ti: Ileni tu yeni kuGedalja yaAhikam. 7 Ndelenee eshi ve uya mokati koshilando, ova dipawa kuIsmael yaNetanja nokovalumenhu ava va kala puye, nove va ekela mondungu. 8 Ndelenee mokati kavo omwa li ovalumenhu omulongo ava va lombwela Ismael ndele tava ti: “Ino tu dipaa, fye otu nemona moixwa, oilyavala nomahangu, omaadi nomaadi eenyiki.” Opo nee ye okwe va efa, ine va dipaela shimwe navakwao. 9 Ndele mondungu omo Ismael a ekela oimhu yovalumenhu ava va dipawa ngaashi yo oshimhu shaGedalja, oyo tuu oyo ya li ya xupwa kohamba Asa omolwoita yaBaasha, ohamba yaIsrael. Oyo tuu oyo Ismael yaNetanja okwe i yadifa noimhu yovadipawa. 10 Ndele Ismael okwa twala oixupe aishe yoshiwana eenghwate oyo ya hangika muMispa novana oukadona vohamba novanhu aveshe ava va xupa muMispa, ovo Nebusaradan, elenga lakula lovanangeli, e va yandja kuGedalja yaAhikam, ovovo Ismael yaNetanja e va twala eenghwate, ndele a ya koshilongo shovana vaAmmoni. 11 Opo nee Johanan yaKarea novakulunhu vovakwaita va li puye, eshi va uda owii aushe ou Ismael yaNetanja e u ninga, 12 ova kufa ovanhu vavo aveshe nova fikama va ka lwife Ismael yaNetanja nove mu hanga petale olo linene laGibeon. 13 Ndele aveshe ovo va li puIsmael eshi va mona Johanan yaKarea pamwe novakulunhu aveshe vovakwaita va li puye, ova hafa; 14 ndele aveshe ovo Ismael e va kufa muMispa ova pilamena ko, nova shuna kuJohanan yaKarea. 15 Ndelenee Ismael yaNetanja okwa faduka po Johanan, ye mwene novalumenhu vahetatu nokwa ya kovana vaAmmoni.
16 Opo nee Johanan yaKarea pamwe novakulunhu aveshe vomatanga ovakwaita ava va li puye, ova kufa oixupe aishe yoshiwana oyo ya tembulwa muMispa ya twalwa eenghwate kuIsmael yaNetanja eshi a dipaa Gedalja yaAhikam nokutya, ovalumenhu novakwaita novakainhu nounona nomalenga, ovo e va alula kuGibeon. 17 Ndele ova fikama ndele ova tula popepi naBetlehem okuGerut-Kimham nova li va hala okuya kuEgipiti, 18 va faduke po Ovakaldea, osheshi ove va tila omolwaIsmael yaNetanja ou a dipaa Gedalja yaAhikam ou a li a ningwa omupangeli woshilongo okohamba Nebukadnesar, ohamba yaBabilon.
