Okambo komeulu Johannes te ka li
1 Ndele nda mona omweengeli umwe e lili omunaenghono a kuluka meulu, a djalekwa oshilemo nouta wodula komutwe waye, noshipala shaye osha li sha fa etango, neemhadi daye oda fa eengudi domundilo, 2 nokwa li e okashangwatonywa ka pandjulwa meke laye, omhadi yaye yokolulyo okwe i lyata kefuta, noyokolumosho okwe i lyata kedu; 3 nokwa ingida nondaka inene ngaashi onghoshi tai kumbu. Hano eshi a ingida ngaha, omangungumo aa aheyali a popya eendaka dao. 4 Ndele eshi omangungumo oo aheyali a popya, hanga ame onda shanga; ndelenee onda uda ondaka ya dja meulu tai ti: “Tula oshipatifo kwaadi da popiwa komangungumo oo aheyali ndele ino a shanga.”
5 Nomweengeli ou nda mona a li ofika kefuta nokedu okwa yelula eke laye lokolulyo keulu, 6 nokwa ana kwaau ta kala e nomwenyo alushe fiyo alushe, ou a shita eulu nedu nakeshe eshi sha kala mo, nefuta naashi shi li mo, nokutya: “Itapa ka kala vali efimbo nande; 7 ndelenee momafiku aa eingido lomweengeli omutiheyali nge ta ka shika enghuma, oshiholekwa shaKalunga otashi wanifwa, palaka lehafo olo e li shiivifila ovapiya vaye ovaxunganeki.”
8 Nondaka ei nda udile meulu oya popyulula kwaame ndele tai ti: “Inda u ka kufe mo okambo kenya ka pandjulwa meke lomweengeli ou e li ofika kefuta nokedu.” 9 Ndele ame onda ya komweengeli ndele handi mu indile a pe nge okashangwatonywa, ye okwa tya kwaame: “Ka tambula, ove u ka lye, ndele oko take ku lulile medimo, ndele mokanya koye otake ke ku nyenyepalela ngaashi omaadi eenyiki.” 10 Opo nee onda kufa okashangwatonywa meke lomweengeli ndele nde ka lya po, ndele mokanya kange oka li kanyenye ka fa omaadi eenyiki, ndele eshi nde ka lya, edimo lange ola lulilwa. 11 Ndele nda lombwelwa: “Ove u nokuxunganeka vali oiwana ihapu nomaludi mahapu nomalaka neehamba.”
Okambo komeulu Johannes te ka li
1 Ndele nda mona omweengeli umwe e lili omunaenghono a kuluka meulu, a djalekwa oshilemo nouta wodula komutwe waye, noshipala shaye osha li sha fa etango, neemhadi daye oda fa eengudi domundilo, 2 nokwa li e okashangwatonywa ka pandjulwa meke laye, omhadi yaye yokolulyo okwe i lyata kefuta, noyokolumosho okwe i lyata kedu; 3 nokwa ingida nondaka inene ngaashi onghoshi tai kumbu. Hano eshi a ingida ngaha, omangungumo aa aheyali a popya eendaka dao. 4 Ndele eshi omangungumo oo aheyali a popya, hanga ame onda shanga; ndelenee onda uda ondaka ya dja meulu tai ti: “Tula oshipatifo kwaadi da popiwa komangungumo oo aheyali ndele ino a shanga.”
5 Nomweengeli ou nda mona a li ofika kefuta nokedu okwa yelula eke laye lokolulyo keulu, 6 nokwa ana kwaau ta kala e nomwenyo alushe fiyo alushe, ou a shita eulu nedu nakeshe eshi sha kala mo, nefuta naashi shi li mo, nokutya: “Itapa ka kala vali efimbo nande; 7 ndelenee momafiku aa eingido lomweengeli omutiheyali nge ta ka shika enghuma, oshiholekwa shaKalunga otashi wanifwa, palaka lehafo olo e li shiivifila ovapiya vaye ovaxunganeki.”
8 Nondaka ei nda udile meulu oya popyulula kwaame ndele tai ti: “Inda u ka kufe mo okambo kenya ka pandjulwa meke lomweengeli ou e li ofika kefuta nokedu.” 9 Ndele ame onda ya komweengeli ndele handi mu indile a pe nge okashangwatonywa, ye okwa tya kwaame: “Ka tambula, ove u ka lye, ndele oko take ku lulile medimo, ndele mokanya koye otake ke ku nyenyepalela ngaashi omaadi eenyiki.” 10 Opo nee onda kufa okashangwatonywa meke lomweengeli ndele nde ka lya po, ndele mokanya kange oka li kanyenye ka fa omaadi eenyiki, ndele eshi nde ka lya, edimo lange ola lulilwa. 11 Ndele nda lombwelwa: “Ove u nokuxunganeka vali oiwana ihapu nomaludi mahapu nomalaka neehamba.”
