Kaleni mwa wana moshilonga keshe shiwa
1 Kaleni mu hole ovamwaxo. 2 Okuyakula ovaenda inamu ku dimbwa, osheshi moku shi ninga vamwe va nangeka ovaengeli, inave shi shiiva. 3 Dimbulukweni eenghwate mwa fa mwa mangwa pamwe navo, noonakuhepekwa, osheshi nanye yo omu li molutu.
4 Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.
5 Mokukala kweni kaleni muhe nolwisho. Eshi mu shi kwete nashi mu wanene, osheshi Ye okwa tya: “Ame ihandi ku efa noitandi ku fii po nande.” 6 Onghee hano hatu dulu okutya nelineekelo:
“Omwene Oye omukwafi wange,
ame ihandi tila;
omunhu ota dulu okuninga nge shike?”
Kristus oshihopaenenwa shetu
7 Dimbulukweni ovakwatelikomesho veni ava ve mu udifila eendjovo daKalunga; taleni exulilo leengeda davo na shikuleni eitavelo lavo. 8 Jesus Kristus Oye tuu ou onghela nonena nofiyo alushe. 9 Inamu twalwatwalwa komalongo e lili naku lili muhe a shii; osheshi onawa omwenyo ngeenge tau pamekwa kefilonghenda, hakeendja inadi kwafa ava va kala mudo. 10 Fye otu noaltari omo mwa shilikwa okuliwa kwaava hava yakula metwali. 11 Osheshi ohonde yoinamwenyo ei tai twalwa komupristeli omukulunhu mouyapukielela omolwomatimba, ndelenee omalutu ayo otaa xwikilwa pondje yeenhanda. 12 Osho yo Jesus opo a yapule oshiwana nohonde yaye mwene, okwa hepekelwa kondje yoshivelo. 13 Onghee hano tu yeni pondje kuye, twa dja meenhanda, nokuhumbata okushekwa kwaye; 14 osheshi apa katu na oshilando tashi kalelele, ndelenee ohatu kongo shinya tashi uya. 15 Hano omolwaye natu eteleni Kalunga alushe omahambeleloyambo nokutya, oshiimati shomilungu edi tadi pandula edina laye. 16 Inamu dimbwa okulonga ouwa nokutukula mwaayo mu i kwete, osheshi omayambo a tya ngaha Kalunga e a hokwa.
17 Shikuleni ovakwatelikomesho veni, nye mu dulike kuvo, osheshi ovo hava pashukile eemwenyo deni ngaashi ovo tave ke di pulwa, opo ve shi ninge nehafo, hanokukema, osheshi osho itashi mu wapalele.
18 Ilikaneni omolwetu, osheshi fye otu shi shii shili, otu nomaliudo mawa, eshi twa hala okweenda nawa omoinima aishe. 19 Unene ohandi mu kumaida ngaha, ame ndi mu shunifilwe diva.
Omalekelo
20 Ndelenee Kalunga kombili, ou a alula mefyo omufita omukulunhu weedi omolwohonde yehangano laalushe, Omwene wetu Jesus, 21 Oye ne mu longekidile ouwa keshe, okuwanifa ehalo laye, Oye na longe munye eshi she mu wapalela omolwaJesus Kristus, efimano olaye alushe fiyo alushe. Amen.
22 Ndele ohandi mu kumaida, ovamwatate, tambuleni ondjovo ei yekumaido, osheshi onde mu shangela ashike paxupi. 23 Kaleni mu shi shii, omumwatate Timoteus okwa efiwa, nongeenge te uya diva, ohandi uya naye oku mu talela po.
24 Kundileni po ovakwatelikomesho veni aveshe novayapuki aveshe. Ava vomuItalia otave mu kundile po. 25 Efilonghenda nali kale nanye amushe! Amen.
Kaleni mwa wana moshilonga keshe shiwa
1 Kaleni mu hole ovamwaxo. 2 Okuyakula ovaenda inamu ku dimbwa, osheshi moku shi ninga vamwe va nangeka ovaengeli, inave shi shiiva. 3 Dimbulukweni eenghwate mwa fa mwa mangwa pamwe navo, noonakuhepekwa, osheshi nanye yo omu li molutu.
4 Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.
5 Mokukala kweni kaleni muhe nolwisho. Eshi mu shi kwete nashi mu wanene, osheshi Ye okwa tya: “Ame ihandi ku efa noitandi ku fii po nande.” 6 Onghee hano hatu dulu okutya nelineekelo:
“Omwene Oye omukwafi wange,
ame ihandi tila;
omunhu ota dulu okuninga nge shike?”
Kristus oshihopaenenwa shetu
7 Dimbulukweni ovakwatelikomesho veni ava ve mu udifila eendjovo daKalunga; taleni exulilo leengeda davo na shikuleni eitavelo lavo. 8 Jesus Kristus Oye tuu ou onghela nonena nofiyo alushe. 9 Inamu twalwatwalwa komalongo e lili naku lili muhe a shii; osheshi onawa omwenyo ngeenge tau pamekwa kefilonghenda, hakeendja inadi kwafa ava va kala mudo. 10 Fye otu noaltari omo mwa shilikwa okuliwa kwaava hava yakula metwali. 11 Osheshi ohonde yoinamwenyo ei tai twalwa komupristeli omukulunhu mouyapukielela omolwomatimba, ndelenee omalutu ayo otaa xwikilwa pondje yeenhanda. 12 Osho yo Jesus opo a yapule oshiwana nohonde yaye mwene, okwa hepekelwa kondje yoshivelo. 13 Onghee hano tu yeni pondje kuye, twa dja meenhanda, nokuhumbata okushekwa kwaye; 14 osheshi apa katu na oshilando tashi kalelele, ndelenee ohatu kongo shinya tashi uya. 15 Hano omolwaye natu eteleni Kalunga alushe omahambeleloyambo nokutya, oshiimati shomilungu edi tadi pandula edina laye. 16 Inamu dimbwa okulonga ouwa nokutukula mwaayo mu i kwete, osheshi omayambo a tya ngaha Kalunga e a hokwa.
17 Shikuleni ovakwatelikomesho veni, nye mu dulike kuvo, osheshi ovo hava pashukile eemwenyo deni ngaashi ovo tave ke di pulwa, opo ve shi ninge nehafo, hanokukema, osheshi osho itashi mu wapalele.
18 Ilikaneni omolwetu, osheshi fye otu shi shii shili, otu nomaliudo mawa, eshi twa hala okweenda nawa omoinima aishe. 19 Unene ohandi mu kumaida ngaha, ame ndi mu shunifilwe diva.
Omalekelo
20 Ndelenee Kalunga kombili, ou a alula mefyo omufita omukulunhu weedi omolwohonde yehangano laalushe, Omwene wetu Jesus, 21 Oye ne mu longekidile ouwa keshe, okuwanifa ehalo laye, Oye na longe munye eshi she mu wapalela omolwaJesus Kristus, efimano olaye alushe fiyo alushe. Amen.
22 Ndele ohandi mu kumaida, ovamwatate, tambuleni ondjovo ei yekumaido, osheshi onde mu shangela ashike paxupi. 23 Kaleni mu shi shii, omumwatate Timoteus okwa efiwa, nongeenge te uya diva, ohandi uya naye oku mu talela po.
24 Kundileni po ovakwatelikomesho veni aveshe novayapuki aveshe. Ava vomuItalia otave mu kundile po. 25 Efilonghenda nali kale nanye amushe! Amen.
