Omusholondondo gwaatungi yedhingililokuma
1 Edhingililokuma lyoshilando olya tungululwa ngeyi. Omuyambimukuluntu Eliashib naayambi ooyakwawo oya tungulula Osheelo shoonzi, oye shi yapula e taa tula omawawa gomiyelo mehala lyago. Oya yapula edhingililokuma sigo okoshungo Hammea nokoshungo Hananel.
2 Aajeriko oya tungu kuuninginino wawo.
Sakkur yaImri okwa tungu kuuninginino wAajeriko.
3 Oludhi lwaHassenaa olwa tungu Osheelo shoohi. Oya tula omitenge nomawawa gomiyelo mehala lyago e taa tula mo iipatithi nomalukambo, opo omiyelo dhi patwe.
4 Meremot yaUria, omutekulu gwaHakkoz, okwa tungu ombinga ya landula ko.
Meshullam yaBerekia, omutekulu gwaMeshesabel, okwa tungu ombinga ya landula ko.
Sadok yaBaana okwa tungu ombinga ya landula ko.
5 Aantu yomuTekoa oya tungu ombinga ya landula ko, ihe aawiliki yoshilando oya tindi okulonga iilonga ye yi pewa kaatonateli.
6 Joiada yaPasea naMeshullam yaBesodia oya tungulula osheelo Jeshana. Oya tula omitenge nomawawa gomiyelo mehala lyago e taa tula mo iipatithi nomalukambo, opo omiyelo dhi patwe.
7 Melatia gwokuGibeon, Jadon gwokuMeronot naantu yokuGibeon naMispa oya tungu ombinga ya landula ko sigo ongulu yomunashikandjo gwoshitopolwa shokuuninginino waEufrat.
8 Ussiel yaHarhaia, omuhambuli gwoshingoli, okwa tungu ombinga ya landula ko.
Hanania, omulungi gwiizimba, okwa tungu ombinga ya landula ko sigo Ekuma lya mbwalangandja.
9 Refaia yaHur, omuleli gwetata lyaJerusalem, okwa tungu ombinga ya landula ko.
10 Jedaia yaHarumaf okwa tungu ombinga ya landula ko, ndjoka ya li popepi negumbo lye mwene.
Hattush yaHashabneia okwa tungu ombinga ya landula ko.
11 Malkija gaHarim naHasshub yaPahat Moab oya tungu ombinga ya landula ko nOshungo yomaziko.
12 Shallum yaHallohesh, omuleli gwoshikandjo oshikwawo shaJerusalem, okwa tungu ombinga ya landula ko. (Oyana aakadhona oya kwatha miilonga.)
13 Hanun naakali moshilando Sanoa, oya tungulula Osheelo shopesilu. Oya tula omawawa gomiyelo mehala lyago e taa tula mo iipatithi nomalukambo gokupata osheelo e taa opaleke edhingililokuma oometa 440 sigo okOsheelo shuuhoho.
14 Malkija gaRekab, omuleli gwoshikandjo Betakerem, okwa tungulula Osheelo shuuhoho. Okwa tula omawawa gomiyelo mehala lyago e ta tula mo iipatithi nomalukambo gokupata osheelo.
15 Shallum yaKolhose, omuleli gwoshikandjo Mispa, okwa tungulula Osheelo shopoluthithiya. Okwa tula ko oshipamba, okwa tula omawawa gomiyelo mehala lyago e ta tula mo iipatithi nomalukambo. Pedhiya lyaSiloa okwa tungu po edhingililokuma popepi noshikunino shuuwa, sigo okiikolo tayi kuluka tayi zi moshilando shaDavid.
16 Nehemia lyaAsbuk, omuleli gwombinga yimwe yoshikandjo Bet-Sur, okwa tungu ombinga ya landula ko sigo okombila yaDavid, kedhiya lyopaunongo nokEgumbo lyoofule.
Aalevi mboka ya tungu edhingililokuma
17 Aalevi taa landula mpaka oya tungulula oombinga dha landula ko odhindji dhedhingililokuma:
Rehum yaBani okwa tungu ombinga ya landula ko;
Hashabia, omuleli gwetata lyoshitopolwa Keila, okwa tungu ombinga ya landula ko medhina lyoshitopolwa she;
18 Bavai yaHenadad, omuleli gwetata ekwawo lyaKeila, okwa tungu ombinga ya landula ko;
19 Ezer lyaJeshua, omuleli gwaMispa, okwa tungu ombinga ya landula ko komeho gongulu yomatati sigo oompoka edhingililokuma tali goyokele;
20 Baruk yaSabbai okwa tungu ombinga ya landula ko sigo osheelo shongulu yomuyambimukuluntu Eliashib;
21 Meremot yaUria, omutekulu gwaHakkoz, okwa tungu ombinga ya landula ko okuza kosheelo shongulu yaEliashib sigo opehulilo lyayo.
Aayambi mboka ya tungu edhingililokuma
22 Aayambi taa landula mpaka oya tungulula oombinga odhindji dhekuma:
Aayambi ya zi momudhingoloko gwaJerusalem, oya tungu ombinga ya landula ko;
23 Benjamin naHasshub oya tungu ombinga ya landula ko, ndjoka ya li komeho gomagumbo gawo;
Azaria yaMaaseia, omutekulu gwaAnaneia, okwa tungu ombinga ya landula ko, ndjoka ya li komeho gegumbo lye;
24 Binnui yaHenadad okwa tungu ombinga ya landula ko okuza kaandjaAzaria sigo okolonela yedhingililokuma;
25-26 Palal yaUsai okwa tungu ombinga ya landula ko, okuza pokolonela yedhingililokuma noshungo yuuwa yopombanda popepi nehale lyaalangeli.
Pedaia yaParosh okwa tungu ombinga ya landula ko sigo opopepi nOsheelo shomeya kuuzilo noshungo ya umbuka ko. (Ndjika oya li popepi noshitopolwa shoshilando hashi ithanwa Ofel, mpoka pwa kala aakalele yomotempeli.)
Aatungi yalwe
27 Aantu yokuTekoa oya tungu ombinga ya landula ko, oshitopolwa shawo oshitiyali, okuza peha lya taalela oshungo onene ya umbuka ko sigo okekuma lyopopepi naOfel.
28 Ongundu yaayambi oya tungu ombinga ya landula ko okuuka kuumbangalantu okuza kOsheelo shuukambe; kehe ngoka okwa tungu komeho gegumbo lye mwene.
29 Sadok yaImmer okwa tungu ombinga ya landula ko, ndjoka ya li komeho gegumbo lye.
Shemaia yaShekania, omulangeli gwOsheelo shokuuzilo, okwa tungu ombinga ya landula ko.
30 Hanania yaShelemia naHanun, omwanamati omutihamano gwaZalaf, oya tungu ombinga ya landula ko, ndjoka ya li ontiyali yawo.
Meshullam yaBerekia okwa tungu ombinga ya landula ko, ndjoka ya li komeho gegumbo lye.
31 Malkija, omuhambuli gwoshingoli, okwa tungu ombinga ya landula ko sigo okongulu yaakalele yomotempeli naahalithi, ndjoka ya li pOsheelo shaalangeli, popepi nondunda yi li kombanda yokolonela yokuuzilombangalantu yedhingililokuma.
32 Aahambuli yoshingoli naahalithi oya tungu ombinga yahugunina, okuza kondunda yopokolonela sigo Osheelo shoonzi.
© Oshindonga Bible © Bible Society of Namibia, 2008.
