Aajerusalem
1 Aawiliki oya tula muJerusalem, ihe aantu yalwe oyu umbu iihogololitho, opo ya hogolole gumwe gwomaantu omulongo okukala moshilando oshiyapuki Jerusalem, manga ooyakwawo omugoyi taa ka kala miilando yilwe nomomikunda. 2 Oshigwana osha pandula ayehe mboka ya tula muJerusalem pahalo lyawo yene. 3 Palwe Aaisraeli, aayambi, Aalevi, aakalele yomotempeli nomaluvalo gaapiya yaSalomo oya kala momagumbo gawo yene momikunda dhi ili nodhi ili.
Mbaka oyo aawiliki yiikandjo ya kalele muJerusalem: 4 Yomezimo lyaJuda:
Ataia yaUssia waSakaria yaAmaria gaShefatia shaMahalalel gwomoluvalo lwaPerez.
5 Maaseia gaBaruk yaKolhose yaHasaia yaAdaia yaJoiarib yaSakaria gwomoluvalo lwaShela.
6 Oluvalo lwaPerez olwa li lu na aalumentu oofule 468 mboka ya kala muJerusalem.
7 Yomezimo lyaBenjamin:
Sallu yaMeshullam, omutekulu gwaJoed. Moohekulu omwa li Pedaia, Kolajia, Maaseia, Itiel naJeshaja.
8 Gabbai naSallai, yezimo lyaSallu.
Aabenjamin ya li muJerusalem ayehe kumwe 928. 9 Joel yaSikri oye a li omuwiliki gwawo, naJuda yaHassenua okwa li omukuluntu omutiyali moshilando.
10 Aayambi oyo:
Jedaia yaJoiarib naJakin.
11 Seraia yaHilkia, omutekulu gwaMeshullam. Moohekulu omwa li Sadok, Meraiot naAhitub, ngoka a li omuyambimukuluntu. 12 Aantu ayehe kumwe yoludhi nduka lwezimo ya yakula motempeli, oya li 822.
Adaia yaJeroham, omutekulu gwaPelalia. Moohekulu omwa li Amzi, Sakaria, Pashhur naMalkija. 13 Aantu ayehe kumwe 242 yoludhi nduka oya li aakuluntu yomazimo.
Amashsai yaAsarel, omutekulu gwaAhsai. Moohekulu omwa li Meshillemot naImmer. 14 Okwa li aantu 128 yoludhi nduka, mboka ya li aakwiita oofule. Ondjayi yawo oya li Sabdiel yaHaggedolim.
15 Aalevi oyo:
Shemaia yaHasshub, omutekulu gwaAsrikam. Moohekulu omwa li Hashabia naBunni.
16 Shabbetai naJosabad, Aalevi ya simana, mboka ya tonatele iilonga pondje yotempeli.
17 Mattania yaMika, omutekulu gwaZabdi, oluvalo lwaAsaf. Okwa li ha wilike olwiimbo lwotempeli momagalikanohambelelo.
Bakbukia, omupeha gwaMattania.
Abda yaShammua, omutekulu gwaGalal, oluvalo lwaJedutun.
18 Aalevi ayehe kumwe 284 oya kala moshilando oshiyapuki Jerusalem.
19 Aalangeli yotempeli:
Akkub, Talmon naakwawo, ayehe kumwe 172.
20 Aaisraeli yalwe, aayambi yalwe nAalevi yalwe oya kala momagumbo gawo yene momikunda dhaJuda. 21 Aakalele yomotempeli oya kala moshitopolwa shaJerusalem hashi ithanwa Ofel. Oya li taa yakula metonatelo lyaZiha naGishpa.
22 Omutonateli gwAalevi muJerusalem okwa li Ussi waBani, omutekulu gwaHashabia. Moohekulu omwa li Mattania naMika yomoludhi lwaAsaf, oludhi ndoka lwa li halu sile olwiimbo oshimpwiyu momalongelokalunga. 23 Omukwaniilwa okwa li a uthila aaimbi elandulathano lyokwiimba motempeli esiku kehe.
24 Petahia yaMeshesabel gwoludhi lwaSera mezimo lyaJuda okwa li e lile po Aaisraeli muuwa waPersia miinima ayihe.
Aantu yomomikunda dhilwe
25 Aantu oyendji oya kalele miilando ya kundukwa komapya gawo. Yomezimo lyaJuda oya li muKiriatarba, Dibon naKabzeel nomiikandjo yi li popepi niilando. 26 Oya li wo miilando Jeshua, Molada, Betpelet 27 naHazarshual nomuBeersheba nomomikunda dhe yi kunduka. 28 Oya kala muZiklag, muMekona nomomikunda dhe yi kunduka, 29 muEnrimmon, muSoar muJarmut, 30 muSanoa, muAdullam nomomikunda dhi li popepi niilando mbika. Oya kala muLakish nomomapya ge li popepi nasho, muAseka nomomikunda dhasho. Aajuda oya kala ano moshilongo shi li pokati kaBeersheba muumbugantu nokolusilu lwaHinnom muumbangalantu.
31 Aantu yezimo lyaBenjamin oya kala muGeba, Mikmash, Ai, Betel nomomikunda dhi li popepi nayo, 32 muAnatot, Nob, Ananeia, 33 Hazor, Rama, Gittaim, 34 Hadid, Seboim, Neballat, 35 Lod naOno nomOlusilu lwaaniilonga yiikaha. 36 Oongundu dhimwe dhAalevi yomuJuda oya pewa ya kale pamwe nAabenjamin.
© Oshindonga Bible © Bible Society of Namibia, 2008.
