Eyele lyomuviinu
1 Omuwa okwa lombwele ndje a ti: 2 “Muna gwomuntu, omuviinu otagu yelekwa ngiini nomuti? Oshimpona shomuviinu oshi na shike shi vulithe omuti gwomomugulu? 3 Oto vulu oku shi longitha? Oto vulu oku shi ninga nando oshilekitho, u tsilike ko sha? 4 Otashi opalele owala meziko. Ngele oondungu dhasho dha pi po nosha lunguna pokati, oto vulu we oku shi longitha sha? 5 Osha li shaa na oshilonga, manga inaashi lunguna po. Ngashingeyi sho sha lunguna po, kashi na we oshilonga shasha.”
6 Ngashingeyi Omuwa Omupangeliawike ota popi ta ti: “Naanaa ngaashi omuviinu tagu kuthwa momugulu e tagu lungunithwa po, osho tandi ka ninga aantu mboka ye li muJerusalem, 7 e tandi ya geele. Oya hunuka momulilo, ihe ngashingeyi omulilo otagu ke ya lungunitha po. Nge tandi ya geele, otamu ka tseya kutya ongame Omuwa. 8 Inaa inekela ndje, nomolwashoka oshilongo tandi shi shitukitha eputu.” Omuwa Omupangeliawike a popi.
© Oshindonga Bible © Bible Society of Namibia, 2008.
