Omwene te uya novayapuki vaye
Exupifo laJerusalem
Omwene ta ningi ohamba kombada yedu alishe
1 Tala, efiku lOmwene tali uya, opo oshihakanwa shoye tashi ka tukulwa meni loye, Jerusalem. 2 Osheshi Ame ohandi ka ongela oiwana aishe i homone Jerusalem. Ndele oshilando tashi ka tewa nomaumbo taa tinhwa novakainhu tava ka haelwa, ndele etata loshilando tali ka twalwa moukwatwa, ndelenee oshixupe shoshiwana itashi ka teywa mo moshilando. 3 Ndele Omwene ota ka fikama a lwife oiwana ei, ngaashi mefiku lolwoodi laye, mefiku loita. 4 Mefiku tuu olo eemhadi daye tadi kala ofika kOmhunda yEemono i li popepi naJerusalem kombinga yokoushilo. Omhunda yEemono tai ka tukauka pokati koushilo fiyo okouninginino, i ninge efilu linene, ndele ombinga imwe yomhunda tai ka kandukila koumbangalanhu, nombinga ikwao yomhunda koumbuwanhu. 5 Ndele onye tamu ka ya onhapo mefilu lopokati keemhunda dange, osheshi efilu lopokati keemhunda tali ka hanga fiyo okuAsal. Ndele onye tamu ka ya onhapo ngaashi mwa dja onhapo ekakamo ledu pomafiku aUssia, ohamba yaJuda. Opo tuu Omwene Kalunga kange ota holoka novayapuki aveshe pamwe naye.
6 Ndele mefiku tuu olo eluwa itali tende vali; neenyofi tadi ka laula. 7 Ndele olo tali ka kala efiku la shiivika kOmwene; kali nomutenya kali noufiku. Ndelenee konguloshi tapa ka kala ouyelele.
8 Ndele mefiku tuu olo omeva omanamwenyo taa ka kunguluka muJerusalem, amwe taa tondokele mEfuta lokoushilo naamwe omEfuta Lopokati. Osho tashi ka ningwa mokufu nomokwenye. 9 Ndele Omwene ta ka kala ohamba kombada yedu alishe. Mefiku tuu olo Omwene ota ka kala umwe, nedina laye limwe. 10 Oshikandjo ashishe tashi ka kala sha lalakana okudja kuGeba fiyo okuRimmon, kombinga yokoumbuwanhu waJerusalem, ndelenee Jerusalem shoovene tashi ka kala she litumba ponhele yasho naava va tula musho okudja koshivelo shaBenjamin fiyo okonhele yoshivelo shonale fiyo okoshivelo shokolonela nokoshungo yaHananel, fiyo omakolelo omaviinyu ohamba. 11 Ndele vo otava ka kala musho ndele musho itamu kala vali nande efingo, naJerusalem tashi ka kala shi novanhu kashi nambudi. 12 Ndele ehandukilo oleli Omwene ta ka handukila nalo oiwana aishe ei tai ka homona okulwifa Jerusalem, nokutya: ombelela yavo tai ka ola ofimbo vo ve li ofika neemhadi davo, nomesho avo taa ka olela momakololo ao, nomalaka avo taa ka olela momakanya avo.
13 Ndele mefiku tuu olo ehaluko linene nepulukuto tali di kOmwene, tali ka kala mokati kavo, opo vo, keshe umwe namukwao otava kwatafana, ndele omake avo taa yelulilafana komukwao namukwao. 14 NaJuda yo ota ka lwa muJerusalem. Ndele oupuna woiwana aishe i li moushiinda, tau ka ongelwa: oshingoldo noshisiliveli noikutu ihapu unene. 15 Nongaashi ehandukilo eli li li, nosho ehandukilo olo tali hange eenghambe, omamula, neengamelo noumbulu noinamwenyo aishe ei i li meenhanda odo. 16 Naaveshe ava va xupa koiwana ei ya homonene Jerusalem otave ke uya omudo nomudo va ilikane koshipala shOhamba, Omwene womatanga ovakwaita, nokudana oshivilo shomatwali. 17 Ndele oludi eli lokomaludi okombada yedu, itali uya kuJerusalem li ilikane koshipala shOhamba, Omwene womatanga ovakwaita, lo itali ka mona odula. 18 Ndele ngeenge oludi lOvaegipiti itali fikama, ndele itali uya, odula itai va paukile, opo vo otava ka hangika kehandukilo olo Omwene ta handukile nalo oiwana ei itai uya okudana oshivilo shomatwali. 19 Eshi tashi ka kala hano edengo laEgipiti nedengo loiwana aishe ei itai uya okudana oshivilo shomatwali.
20 Mefiku tuu olo moungedjo veenghambe mwa shangwa: Va yapulilwa Omwene! Noiyuma yomotembeli yOmwene tai ka kala ngaashi oitoo yomayambo komesho yoaltari. 21 Heeno, oiyuma yomuJerusalem noyomuJuda tai ka kala nokuyapulilwa Omwene womatanga ovakwaita. Ndele keshe ou a hala okuyamba, te ke uya ndele te i kufa, ndele ta teleke muyo. Ndele mefiku tuu olo itapu kala vali Omukaanan nande umwe motembeli yOmwene womatanga ovakwaita.
Omwene te uya novayapuki vaye
Exupifo laJerusalem
Omwene ta ningi ohamba kombada yedu alishe
1 Tala, efiku lOmwene tali uya, opo oshihakanwa shoye tashi ka tukulwa meni loye, Jerusalem. 2 Osheshi Ame ohandi ka ongela oiwana aishe i homone Jerusalem. Ndele oshilando tashi ka tewa nomaumbo taa tinhwa novakainhu tava ka haelwa, ndele etata loshilando tali ka twalwa moukwatwa, ndelenee oshixupe shoshiwana itashi ka teywa mo moshilando. 3 Ndele Omwene ota ka fikama a lwife oiwana ei, ngaashi mefiku lolwoodi laye, mefiku loita. 4 Mefiku tuu olo eemhadi daye tadi kala ofika kOmhunda yEemono i li popepi naJerusalem kombinga yokoushilo. Omhunda yEemono tai ka tukauka pokati koushilo fiyo okouninginino, i ninge efilu linene, ndele ombinga imwe yomhunda tai ka kandukila koumbangalanhu, nombinga ikwao yomhunda koumbuwanhu. 5 Ndele onye tamu ka ya onhapo mefilu lopokati keemhunda dange, osheshi efilu lopokati keemhunda tali ka hanga fiyo okuAsal. Ndele onye tamu ka ya onhapo ngaashi mwa dja onhapo ekakamo ledu pomafiku aUssia, ohamba yaJuda. Opo tuu Omwene Kalunga kange ota holoka novayapuki aveshe pamwe naye.
6 Ndele mefiku tuu olo eluwa itali tende vali; neenyofi tadi ka laula. 7 Ndele olo tali ka kala efiku la shiivika kOmwene; kali nomutenya kali noufiku. Ndelenee konguloshi tapa ka kala ouyelele.
8 Ndele mefiku tuu olo omeva omanamwenyo taa ka kunguluka muJerusalem, amwe taa tondokele mEfuta lokoushilo naamwe omEfuta Lopokati. Osho tashi ka ningwa mokufu nomokwenye. 9 Ndele Omwene ta ka kala ohamba kombada yedu alishe. Mefiku tuu olo Omwene ota ka kala umwe, nedina laye limwe. 10 Oshikandjo ashishe tashi ka kala sha lalakana okudja kuGeba fiyo okuRimmon, kombinga yokoumbuwanhu waJerusalem, ndelenee Jerusalem shoovene tashi ka kala she litumba ponhele yasho naava va tula musho okudja koshivelo shaBenjamin fiyo okonhele yoshivelo shonale fiyo okoshivelo shokolonela nokoshungo yaHananel, fiyo omakolelo omaviinyu ohamba. 11 Ndele vo otava ka kala musho ndele musho itamu kala vali nande efingo, naJerusalem tashi ka kala shi novanhu kashi nambudi. 12 Ndele ehandukilo oleli Omwene ta ka handukila nalo oiwana aishe ei tai ka homona okulwifa Jerusalem, nokutya: ombelela yavo tai ka ola ofimbo vo ve li ofika neemhadi davo, nomesho avo taa ka olela momakololo ao, nomalaka avo taa ka olela momakanya avo.
13 Ndele mefiku tuu olo ehaluko linene nepulukuto tali di kOmwene, tali ka kala mokati kavo, opo vo, keshe umwe namukwao otava kwatafana, ndele omake avo taa yelulilafana komukwao namukwao. 14 NaJuda yo ota ka lwa muJerusalem. Ndele oupuna woiwana aishe i li moushiinda, tau ka ongelwa: oshingoldo noshisiliveli noikutu ihapu unene. 15 Nongaashi ehandukilo eli li li, nosho ehandukilo olo tali hange eenghambe, omamula, neengamelo noumbulu noinamwenyo aishe ei i li meenhanda odo. 16 Naaveshe ava va xupa koiwana ei ya homonene Jerusalem otave ke uya omudo nomudo va ilikane koshipala shOhamba, Omwene womatanga ovakwaita, nokudana oshivilo shomatwali. 17 Ndele oludi eli lokomaludi okombada yedu, itali uya kuJerusalem li ilikane koshipala shOhamba, Omwene womatanga ovakwaita, lo itali ka mona odula. 18 Ndele ngeenge oludi lOvaegipiti itali fikama, ndele itali uya, odula itai va paukile, opo vo otava ka hangika kehandukilo olo Omwene ta handukile nalo oiwana ei itai uya okudana oshivilo shomatwali. 19 Eshi tashi ka kala hano edengo laEgipiti nedengo loiwana aishe ei itai uya okudana oshivilo shomatwali.
20 Mefiku tuu olo moungedjo veenghambe mwa shangwa: Va yapulilwa Omwene! Noiyuma yomotembeli yOmwene tai ka kala ngaashi oitoo yomayambo komesho yoaltari. 21 Heeno, oiyuma yomuJerusalem noyomuJuda tai ka kala nokuyapulilwa Omwene womatanga ovakwaita. Ndele keshe ou a hala okuyamba, te ke uya ndele te i kufa, ndele ta teleke muyo. Ndele mefiku tuu olo itapu kala vali Omukaanan nande umwe motembeli yOmwene womatanga ovakwaita.
