Oudiinini womuvalekwa
1 Ou, omwenyo wange u mu hole, onde mu konga komutala wange oufiku, ame nde mu konga, ndelenee inandi mu mona mo. 2 Ame nda hala ndi penduke ndele handi ka endaenda moshilando, momapandavanda nomoilandele onda hala okukonga ou, omwenyo wange u mu hole; ame nda li ku mu konga, ndelenee inandi mu mona. 3 Ovanangeli ava hava endaenda moshilando va hanga nge. Onde va pula: “Ou, omwenyo wange u mu hole omwe mu mona?” 4 Ndele eshi tuu nde va koya po, ame nde mu mona, ou omwenyo wange u mu hole. Ame nde mu kwata ndele inandi mu efa, fiyo nde mu twala meumbo lameme nomonduda yanakudala nge.
5 Onye oukadona vomuJerusalem, ohandi mu anifa eemenye noupundja vokepumbu: Inamu pendula, inamu weelela ohole, fiyo oyo vene ya hala.
Ondjelo yomuvaleki
6 Olyelye ou ta di kombuwa ngaashi elundumuko lomwifi, a nyika edimba lamirha noitwiminino yomadimba, oitwiminino i lili yovalandifi? 7 Tala, osho olukalwa laSalomo tali humbatwa ndele tali dingililwa kovaladi omilongo hamano ovalumenhu Ovaisraeli. 8 Vo aveshe va dililwa eongamukonda, va ika olwoodi. Keshe umwe e neongamukonda moshiya shaye okulipopila omatilifo oufiku.
9 Ohamba Salomo okwe lipangelifila olukalwa lokuhumbatelwa mo, la hongwa omiti domuLibanon. 10 Eengudi dalo okwe di ningifa noshisiliveli, noshiyaameno shalo noshingoldo, omutumba onoshiyata shitilyana, meni lalo mwa wapekwa kohole youkadona vomuJerusalem.
11 Piteni pondje, nye oukadona vaSion, nye mu tale nehafo ohamba Salomo, taleni oshidingo, ina kwe shi lidika efiku lohombo yayo, efiku olo omwenyo waye wa hafa.
Oudiinini womuvalekwa
1 Ou, omwenyo wange u mu hole, onde mu konga komutala wange oufiku, ame nde mu konga, ndelenee inandi mu mona mo. 2 Ame nda hala ndi penduke ndele handi ka endaenda moshilando, momapandavanda nomoilandele onda hala okukonga ou, omwenyo wange u mu hole; ame nda li ku mu konga, ndelenee inandi mu mona. 3 Ovanangeli ava hava endaenda moshilando va hanga nge. Onde va pula: “Ou, omwenyo wange u mu hole omwe mu mona?” 4 Ndele eshi tuu nde va koya po, ame nde mu mona, ou omwenyo wange u mu hole. Ame nde mu kwata ndele inandi mu efa, fiyo nde mu twala meumbo lameme nomonduda yanakudala nge.
5 Onye oukadona vomuJerusalem, ohandi mu anifa eemenye noupundja vokepumbu: Inamu pendula, inamu weelela ohole, fiyo oyo vene ya hala.
Ondjelo yomuvaleki
6 Olyelye ou ta di kombuwa ngaashi elundumuko lomwifi, a nyika edimba lamirha noitwiminino yomadimba, oitwiminino i lili yovalandifi? 7 Tala, osho olukalwa laSalomo tali humbatwa ndele tali dingililwa kovaladi omilongo hamano ovalumenhu Ovaisraeli. 8 Vo aveshe va dililwa eongamukonda, va ika olwoodi. Keshe umwe e neongamukonda moshiya shaye okulipopila omatilifo oufiku.
9 Ohamba Salomo okwe lipangelifila olukalwa lokuhumbatelwa mo, la hongwa omiti domuLibanon. 10 Eengudi dalo okwe di ningifa noshisiliveli, noshiyaameno shalo noshingoldo, omutumba onoshiyata shitilyana, meni lalo mwa wapekwa kohole youkadona vomuJerusalem.
11 Piteni pondje, nye oukadona vaSion, nye mu tale nehafo ohamba Salomo, taleni oshidingo, ina kwe shi lidika efiku lohombo yayo, efiku olo omwenyo waye wa hafa.
