Ouyuki waAbraham womeitavelo
1 Ohatu ti ngahelipi hano, tatekulu Abraham okwa mona shike pambelela? 2 Osheshi Abraham ngeenge a yukipalifwa koilonga okwa wana okulitanga, ndele hakoshipala shaKalunga. 3 Osheshi omishangwa otadi ti ngahelipi? “Abraham okwa itavela Kalunga, ndele eitavelo olo le mu valulilwa ouyuki.” 4 Ndele ou ta longo oilonga, ofuto yaye itai valulwa panghenda, ndele opailonga oyo ye e i longa. 5 Ou ita longo oilonga ndele ta itavele ou ta yukipalifa omukehenakalunga, ota valulilwa eitavelo laye ouyuki; 6 ngaashi naDavid yo ta tongo omunhu omunelao, ou Kalunga te mu valulile ouyuki ehe noilonga, ta ti:
7 “Ovanelao ava omanyono avo a dimwa po
nomatimba avo a tuvikwa.
8 Omulumenhu omunelao oye ou,
Omwene ite mu valulile etimba.”
9 Hano elao eli la tongwa, olaava aveke va pita etanda ile naava inave li pita yo? Ndishi ohatu ti: “Abraham okwa valulilwa eitavelo laye ouyuki.” 10 Ole mu valulilwa ngahelipi hano? Ofimbo kwa li a pita etanda ile ofimbo ine li pita? Haleli e li pita, ndelenee fimbo ine li pita. 11 Ndele okwa pewa edidiliko lepitotanda, li ninge oshilimbo shouyuki womeitavelo a li e li kwete fimbo ina pita etanda, opo ye a ninge xe yaaveshe ava hava itavele vehe netanda, opo va valulilwe yo ouyuki; 12 opo a ninge xe yovapiti vetanda, ava vehe netanda ashike, ndelenee hava ende meemhadi deitavelo olo tate yetu Abraham kwa li e li kwete fimbo ina pita etanda.
13 Osheshi eudaneko olo nokutya, Abraham e nokufyuulula ounyuni, inali uya kuye ile koludalo laye komhango, ndelenee omolwouyuki womeitavelo. 14 Osheshi ava vomomhango ngeenge ovo ovafyuululi, opo nee eitavelo ola ninga longaho, neudaneko lihe na vali oshilonga. 15 Osheshi omhango otai pendula ehandu, ndele apa pehe nomhango netauluko yo.
16 Onghee hano okeitavelo, opo shi dje mefilonghenda; eudaneko opo li kale la pama shili, ololudalo alishe ndelenee halaava aveke vomomhango, ndelenee naava vomeitavelo laAbraham, ou tate yetweni atusheni, 17 ngaashi pa shangwa: “Ame onde ku tula po xe yoiwana ihapu okoshipala shaKalunga ou we mu itavela, naau ha nyumuna ovafi, ndele ta ifana oyo ihe po ongaashi ngeno i li po.” 18 Ye okwa li ha diinine eteelelo apa pehe neteelelo, ndele okwa itavela ota ningi xe yoiwana ihapu pandjovo ei: Oludalo loye otali ningi li fike opo, 19 ndele ye ina yululuka meitavelo nande okwa li e liwete olutu laye la kulupa, osheshi okwa li e needula efele nekuko loshidalelo shaSara a li e li shii; 20 ndele eudaneko laKalunga ine li limbililwa mokuhaitavela, ndelenee a li a pama meitavelo ndele okwa pa Kalunga efimano, 21 nokwa li e shi shii shili, eshi Kalunga e shi udaneka, ota dulu yo oku shi wanifa. 22 Molwaasho “le mu valulilwa ouyuki.” 23 Ndelenee hamolwaye aeke pa shangwa, “le mu valulilwa ouyuki,” 24 ndelenee molwetu yo ava hatu li valulilwa ouyuki, ngeenge hatu itavele ou a nyumuna Jesus Omwene wetu movafi, 25 ou a yandjelwa omanyonauno etu ndele okwa nyumuninwa eyukipalifo letu.
Ouyuki waAbraham womeitavelo
1 Ohatu ti ngahelipi hano, tatekulu Abraham okwa mona shike pambelela? 2 Osheshi Abraham ngeenge a yukipalifwa koilonga okwa wana okulitanga, ndele hakoshipala shaKalunga. 3 Osheshi omishangwa otadi ti ngahelipi? “Abraham okwa itavela Kalunga, ndele eitavelo olo le mu valulilwa ouyuki.” 4 Ndele ou ta longo oilonga, ofuto yaye itai valulwa panghenda, ndele opailonga oyo ye e i longa. 5 Ou ita longo oilonga ndele ta itavele ou ta yukipalifa omukehenakalunga, ota valulilwa eitavelo laye ouyuki; 6 ngaashi naDavid yo ta tongo omunhu omunelao, ou Kalunga te mu valulile ouyuki ehe noilonga, ta ti:
7 “Ovanelao ava omanyono avo a dimwa po
nomatimba avo a tuvikwa.
8 Omulumenhu omunelao oye ou,
Omwene ite mu valulile etimba.”
9 Hano elao eli la tongwa, olaava aveke va pita etanda ile naava inave li pita yo? Ndishi ohatu ti: “Abraham okwa valulilwa eitavelo laye ouyuki.” 10 Ole mu valulilwa ngahelipi hano? Ofimbo kwa li a pita etanda ile ofimbo ine li pita? Haleli e li pita, ndelenee fimbo ine li pita. 11 Ndele okwa pewa edidiliko lepitotanda, li ninge oshilimbo shouyuki womeitavelo a li e li kwete fimbo ina pita etanda, opo ye a ninge xe yaaveshe ava hava itavele vehe netanda, opo va valulilwe yo ouyuki; 12 opo a ninge xe yovapiti vetanda, ava vehe netanda ashike, ndelenee hava ende meemhadi deitavelo olo tate yetu Abraham kwa li e li kwete fimbo ina pita etanda.
13 Osheshi eudaneko olo nokutya, Abraham e nokufyuulula ounyuni, inali uya kuye ile koludalo laye komhango, ndelenee omolwouyuki womeitavelo. 14 Osheshi ava vomomhango ngeenge ovo ovafyuululi, opo nee eitavelo ola ninga longaho, neudaneko lihe na vali oshilonga. 15 Osheshi omhango otai pendula ehandu, ndele apa pehe nomhango netauluko yo.
16 Onghee hano okeitavelo, opo shi dje mefilonghenda; eudaneko opo li kale la pama shili, ololudalo alishe ndelenee halaava aveke vomomhango, ndelenee naava vomeitavelo laAbraham, ou tate yetweni atusheni, 17 ngaashi pa shangwa: “Ame onde ku tula po xe yoiwana ihapu okoshipala shaKalunga ou we mu itavela, naau ha nyumuna ovafi, ndele ta ifana oyo ihe po ongaashi ngeno i li po.” 18 Ye okwa li ha diinine eteelelo apa pehe neteelelo, ndele okwa itavela ota ningi xe yoiwana ihapu pandjovo ei: Oludalo loye otali ningi li fike opo, 19 ndele ye ina yululuka meitavelo nande okwa li e liwete olutu laye la kulupa, osheshi okwa li e needula efele nekuko loshidalelo shaSara a li e li shii; 20 ndele eudaneko laKalunga ine li limbililwa mokuhaitavela, ndelenee a li a pama meitavelo ndele okwa pa Kalunga efimano, 21 nokwa li e shi shii shili, eshi Kalunga e shi udaneka, ota dulu yo oku shi wanifa. 22 Molwaasho “le mu valulilwa ouyuki.” 23 Ndelenee hamolwaye aeke pa shangwa, “le mu valulilwa ouyuki,” 24 ndelenee molwetu yo ava hatu li valulilwa ouyuki, ngeenge hatu itavele ou a nyumuna Jesus Omwene wetu movafi, 25 ou a yandjelwa omanyonauno etu ndele okwa nyumuninwa eyukipalifo letu.
