Ovadidilikwa vomuIsrael
1 Ndelenee konima yoinima ei onda mona ovaengeli vane va kala ofika keembinga nhee dedu, ndele va li tava kangheke nokukwata eemhepo nhee dedu, opo paha pepe nande omhepo kombada yedu nokombada yefuta ile kombada nande oyomuti umwe. 2 Ndele nda mona omweengeli umwe e lili te uya a dja oko haku di etango, okwa li e noshididilikifo shaKalunga omunamwenyo, nokwa lalekidila ovaengeli venya vane, va li va pewa eenghono dokunyona po edu nefuta, 3 ndele ta ti: “Inamu nyona po edu ile efuta ile omiti, fimbo hatu didilike ovapiya vaKalunga moipala yavo.” 4 Ndele onda uda omuvalu waava va didilikwa: omayovi efele nomafele omilongo nhee naane vomomapata aeshe ovana vaIsrael. 5 Vomepata laJuda omayovi omulongo naavali va didilikwa; vomepata laRuben omayovi omulongo naavali; vomepata laGad omayovi omulongo naavali; 6 vomepata laAsser omayovi omulongo naavali; vomepata laNaftali omayovi omulongo naavali; vomepata laManasse omayovi omulongo naavali; 7 vomepata laSimeon omayovi omulongo naavali; vomepata laLevi omayovi omulongo naavali; vomepata laIsaskar omayovi omulongo naavali; 8 vomepata laSebulon omayovi omulongo naavali; vomepata laJosef omayovi omulongo naavali; vomepata laBenjamin omayovi omulongo naavali ava va didilikwa.
Ovaxupifwa vomoiwana
9 Konima yoinima ei onda mona, ndele tala, ongudu inene ya nyengana okuvalwa yomoiwana aishe nomomaludi aeshe novomovanhu aveshe novomomalaka aeshe; vo ova li ofika va taalela olukalwapangelo nOdjona, va djalekwa oikutu itoka to, ndele va li ve kwete oivale yomilunga momake avo. 10 Ndele ova ingida nondaka inene tava ti: “Exupifo olaKalunga ketu nolOdjona, ou e li omutumba kolukalwapangelo.” 11 Novaengeli aveshe ova li ofika va dingilila olukalwapangelo, novakulunhu noinamwenyo ei ine, ndele va wa pedu komesho yolukalwapangelo, ndele tave linyongamene koshipala shaKalunga, 12 tava ti: “Amen! Ehambelelo nefimano nounongo nepandulo nefimaneko nepangelo neenghono odaKalunga ketu alushe fiyo alushe! Amen.”
13 Umwe womovakulunhu okwa popifa nge ta ti: “Ava va djalekwa oikutu itoka ovo oolyelye, ndele va dile peni?” 14 Ame onda tya kuye: “Omwene wange, Ove ou shi shii.” Ndele Ye okwa lombwela nge: “Ava ovava va dile momahepeko manene, ndele va kosha oikutu yavo, ndele ve i yelifa mohonde yOdjona.
15 Onghee vo ove li komesho yolukalwapangelo laKalunga,
tave mu yakula omutenya noufiku motembeli yaye,
naau e li omutumba kolukalwapangelo
ota diki etwali laye kombada yavo.
16 Vo itava fi vali ondjala ile enota,
netango nakeshe tuu oupyu itau va xwike vali,
17 osheshi Odjona ei i li mokati kolukalwapangelo,
otai va lifa ndele tai va twala keefifiya domeva di nomwenyo.
Ndele Kalunga ta feta po omahodi aeshe momesho avo.”
Ovadidilikwa vomuIsrael
1 Ndelenee konima yoinima ei onda mona ovaengeli vane va kala ofika keembinga nhee dedu, ndele va li tava kangheke nokukwata eemhepo nhee dedu, opo paha pepe nande omhepo kombada yedu nokombada yefuta ile kombada nande oyomuti umwe. 2 Ndele nda mona omweengeli umwe e lili te uya a dja oko haku di etango, okwa li e noshididilikifo shaKalunga omunamwenyo, nokwa lalekidila ovaengeli venya vane, va li va pewa eenghono dokunyona po edu nefuta, 3 ndele ta ti: “Inamu nyona po edu ile efuta ile omiti, fimbo hatu didilike ovapiya vaKalunga moipala yavo.” 4 Ndele onda uda omuvalu waava va didilikwa: omayovi efele nomafele omilongo nhee naane vomomapata aeshe ovana vaIsrael. 5 Vomepata laJuda omayovi omulongo naavali va didilikwa; vomepata laRuben omayovi omulongo naavali; vomepata laGad omayovi omulongo naavali; 6 vomepata laAsser omayovi omulongo naavali; vomepata laNaftali omayovi omulongo naavali; vomepata laManasse omayovi omulongo naavali; 7 vomepata laSimeon omayovi omulongo naavali; vomepata laLevi omayovi omulongo naavali; vomepata laIsaskar omayovi omulongo naavali; 8 vomepata laSebulon omayovi omulongo naavali; vomepata laJosef omayovi omulongo naavali; vomepata laBenjamin omayovi omulongo naavali ava va didilikwa.
Ovaxupifwa vomoiwana
9 Konima yoinima ei onda mona, ndele tala, ongudu inene ya nyengana okuvalwa yomoiwana aishe nomomaludi aeshe novomovanhu aveshe novomomalaka aeshe; vo ova li ofika va taalela olukalwapangelo nOdjona, va djalekwa oikutu itoka to, ndele va li ve kwete oivale yomilunga momake avo. 10 Ndele ova ingida nondaka inene tava ti: “Exupifo olaKalunga ketu nolOdjona, ou e li omutumba kolukalwapangelo.” 11 Novaengeli aveshe ova li ofika va dingilila olukalwapangelo, novakulunhu noinamwenyo ei ine, ndele va wa pedu komesho yolukalwapangelo, ndele tave linyongamene koshipala shaKalunga, 12 tava ti: “Amen! Ehambelelo nefimano nounongo nepandulo nefimaneko nepangelo neenghono odaKalunga ketu alushe fiyo alushe! Amen.”
13 Umwe womovakulunhu okwa popifa nge ta ti: “Ava va djalekwa oikutu itoka ovo oolyelye, ndele va dile peni?” 14 Ame onda tya kuye: “Omwene wange, Ove ou shi shii.” Ndele Ye okwa lombwela nge: “Ava ovava va dile momahepeko manene, ndele va kosha oikutu yavo, ndele ve i yelifa mohonde yOdjona.
15 Onghee vo ove li komesho yolukalwapangelo laKalunga,
tave mu yakula omutenya noufiku motembeli yaye,
naau e li omutumba kolukalwapangelo
ota diki etwali laye kombada yavo.
16 Vo itava fi vali ondjala ile enota,
netango nakeshe tuu oupyu itau va xwike vali,
17 osheshi Odjona ei i li mokati kolukalwapangelo,
otai va lifa ndele tai va twala keefifiya domeva di nomwenyo.
Ndele Kalunga ta feta po omahodi aeshe momesho avo.”
