Omunhu omushike?
Epsalme laDavid, la pewa omuwiimbifi, pokaxumbafeta Gittit.
1 Omwene, Omwene wetu,
edina loye la tumbalekwa shi fike nee peni
kombada yedu alishe,
Ove ou oshingepangelo shoye
we shi tula kombada yomaulu.
2 Momakanya ounona noouhanana
owa dika mo eenghonopangelo
molwovatondi voye
opo u hanaune po omuyelani nomunanghono.
3 Ngeenge handi tale keulu, koshilongwa shominwe doye,
kohani nokeenyofi, edi wa shita,
4 omunhu omushike, eshi ho mu dimbulukwa,
nomona womunhu, eshi ho mu file oshisho?
5 Eshi we mu shita, oshitwe yaye kashekamukona
e fike pwoove, Kalunga,
nowe mu dika oshinge nefimano.
6 Owe mu pa epangelo
kombada yoilongwa yomake oye;
ashishe owe shi tula koshi yeemhadi daye:
7 ngaashi eedi, neengobe adishe,
pamwe noifitukuti yomofuka,
8 needila dokoshi yeulu, neeshi domomeva,
naashishe eshi tashi ende, neendjila domefuta.
9 Omwene, omupangeli wetu,
edina loye la tumbalekwa shi fike peni
kombada yedu alishe!
Omunhu omushike?
Epsalme laDavid, la pewa omuwiimbifi, pokaxumbafeta Gittit.
1 Omwene, Omwene wetu,
edina loye la tumbalekwa shi fike nee peni
kombada yedu alishe,
Ove ou oshingepangelo shoye
we shi tula kombada yomaulu.
2 Momakanya ounona noouhanana
owa dika mo eenghonopangelo
molwovatondi voye
opo u hanaune po omuyelani nomunanghono.
3 Ngeenge handi tale keulu, koshilongwa shominwe doye,
kohani nokeenyofi, edi wa shita,
4 omunhu omushike, eshi ho mu dimbulukwa,
nomona womunhu, eshi ho mu file oshisho?
5 Eshi we mu shita, oshitwe yaye kashekamukona
e fike pwoove, Kalunga,
nowe mu dika oshinge nefimano.
6 Owe mu pa epangelo
kombada yoilongwa yomake oye;
ashishe owe shi tula koshi yeemhadi daye:
7 ngaashi eedi, neengobe adishe,
pamwe noifitukuti yomofuka,
8 needila dokoshi yeulu, neeshi domomeva,
naashishe eshi tashi ende, neendjila domefuta.
9 Omwene, omupangeli wetu,
edina loye la tumbalekwa shi fike peni
kombada yedu alishe!
