Elididimiko eli ihali limbililwa
Epsalome laAsaf.
1 Oshili, Kalunga ota kala naIsrael e yadi ouwa
kwaaveshe ava ve nomutima wa yela.
2 Ndelenee ame mwene
hanga eemhadi dange da punduka;
mokukatuka kwange lunga ndi fenungute po.
3 Osheshi onda li handi mbilingwa molwovalinenepeki,
eshi nda mona ovakolokoshi ve li nawa.
4 Osheshi vo ihava mono nande omayehamo asha,
omalutu avo okwa pama, a ondoka.
5 Ihava hangika koiponga ngaashi ovakwadu vamwe,
vo ihava monifwa oixuna ngaashi ovanhu vakwao.
6 Onghee hano elitumbaleko lavo
olo omudjalo womeefingo davo,
oukolokoshi oo oshiliuvikifo shavo.
7 Omesho avo okwa tumhaanifwa mo komaondo avo,
nomadiladilo omitima davo otaa lundakana.
8 Ohava sheke nohava popi owii,
ndele tava tongo eendjovo,
itava yavala sha melitumbo lavo.
9 Omakanya avo otaa findi keulu,
nomalaka avo otaa ende kombada yedu.
10 Molwaasho ovanhu otava pilukile kuvo,
nomeva omahongaulo avo
otave e likokomwene, itava fuda.
11 Otava ti: “Kalunga ote shi shiiva ngahelipi mbela?
Otashi shiivika kwaau wOkombadambada ngahelipi hano?”
12 Taleni, ovakolokoshi osho ve li ngaha,
nomokuhatila sha kwavo otave lindubilile omamona avo.
13 Akutu, inashi kwafa sha nande,
eshi nda lungamena oukoshoki womutima wange,
naashi nda kosha omake ange mouyuki.
14 Nande onda li ngaha,
onda kala nda hepekwa omutenya aushe,
nakeshe tuu ongula ehepeko lange opo li li.
15 Ndelenee ngeno nda li nda tya:
“Nandi popye ngaashi venya hava popi,”
ngeno onda ninga omulikali mwii woludi lovana voye.
16 Opo nee nda hetekela oku shi tetaateta, ndi shi koneke;
ndelenee osha nyenga eendunge dange,
17 fiyo nda tyuukila mouyapuki waKalunga
nonda didilika exulilo lavo, nghee li li.
18 Heeno shili, Ove to va tula pomufenhu,
noto efa, va wile po va teyauke.
19 Ohava hanauka mehangelelo li fike peni,
ohava vakulwa po ndele tava mono exulilo lehalukifo.
20 Otava pu po ngaashi ondjodi
tai vilavila momunhu mokupenduka kwaye;
oto kanifa efano lavo mokupenduka.
21 Ngeno okwa li nda lulilwa natango momutima,
nondi keshuke meni lange,
22 ngeno ondi mulai shili, ndihe na nande eendunge,
nda fa oshimuna shongaho koshipala shoye.
23 Nande ongaha, handi anyene pwoove:
Ove u kwete nge nawa kolulyo lange.
24 Oto endifa nge pamhangela yoye mwene,
ndele komesho to ka tambula nge moshinge.
25 Olyelye vali ndi kwete meulu, ehe fi Ove?
Nokombada yedu nghi na nande oshihafifi shimwe,
shihe fi Ove.
26 Olutu lange nomutima wange nande nai pwinine po,
Kalunga Oove emanya lomutima wange nokuli
noshitukulwa shange.
27 Osheshi osho oshili: ou te likalele ehe li mwoove,
ota nyonauka po;
keshe tuu ou, ta amuka kwoove,
oto mu kombo po sheke.
28 Ndelenee okukala popepi naKalunga, osho elao lange;
elineekelo lange onde li tula mOmwene Kalunga,
opo ndi hepaulule oinenelonga yoye aishe.
Elididimiko eli ihali limbililwa
Epsalome laAsaf.
1 Oshili, Kalunga ota kala naIsrael e yadi ouwa
kwaaveshe ava ve nomutima wa yela.
2 Ndelenee ame mwene
hanga eemhadi dange da punduka;
mokukatuka kwange lunga ndi fenungute po.
3 Osheshi onda li handi mbilingwa molwovalinenepeki,
eshi nda mona ovakolokoshi ve li nawa.
4 Osheshi vo ihava mono nande omayehamo asha,
omalutu avo okwa pama, a ondoka.
5 Ihava hangika koiponga ngaashi ovakwadu vamwe,
vo ihava monifwa oixuna ngaashi ovanhu vakwao.
6 Onghee hano elitumbaleko lavo
olo omudjalo womeefingo davo,
oukolokoshi oo oshiliuvikifo shavo.
7 Omesho avo okwa tumhaanifwa mo komaondo avo,
nomadiladilo omitima davo otaa lundakana.
8 Ohava sheke nohava popi owii,
ndele tava tongo eendjovo,
itava yavala sha melitumbo lavo.
9 Omakanya avo otaa findi keulu,
nomalaka avo otaa ende kombada yedu.
10 Molwaasho ovanhu otava pilukile kuvo,
nomeva omahongaulo avo
otave e likokomwene, itava fuda.
11 Otava ti: “Kalunga ote shi shiiva ngahelipi mbela?
Otashi shiivika kwaau wOkombadambada ngahelipi hano?”
12 Taleni, ovakolokoshi osho ve li ngaha,
nomokuhatila sha kwavo otave lindubilile omamona avo.
13 Akutu, inashi kwafa sha nande,
eshi nda lungamena oukoshoki womutima wange,
naashi nda kosha omake ange mouyuki.
14 Nande onda li ngaha,
onda kala nda hepekwa omutenya aushe,
nakeshe tuu ongula ehepeko lange opo li li.
15 Ndelenee ngeno nda li nda tya:
“Nandi popye ngaashi venya hava popi,”
ngeno onda ninga omulikali mwii woludi lovana voye.
16 Opo nee nda hetekela oku shi tetaateta, ndi shi koneke;
ndelenee osha nyenga eendunge dange,
17 fiyo nda tyuukila mouyapuki waKalunga
nonda didilika exulilo lavo, nghee li li.
18 Heeno shili, Ove to va tula pomufenhu,
noto efa, va wile po va teyauke.
19 Ohava hanauka mehangelelo li fike peni,
ohava vakulwa po ndele tava mono exulilo lehalukifo.
20 Otava pu po ngaashi ondjodi
tai vilavila momunhu mokupenduka kwaye;
oto kanifa efano lavo mokupenduka.
21 Ngeno okwa li nda lulilwa natango momutima,
nondi keshuke meni lange,
22 ngeno ondi mulai shili, ndihe na nande eendunge,
nda fa oshimuna shongaho koshipala shoye.
23 Nande ongaha, handi anyene pwoove:
Ove u kwete nge nawa kolulyo lange.
24 Oto endifa nge pamhangela yoye mwene,
ndele komesho to ka tambula nge moshinge.
25 Olyelye vali ndi kwete meulu, ehe fi Ove?
Nokombada yedu nghi na nande oshihafifi shimwe,
shihe fi Ove.
26 Olutu lange nomutima wange nande nai pwinine po,
Kalunga Oove emanya lomutima wange nokuli
noshitukulwa shange.
27 Osheshi osho oshili: ou te likalele ehe li mwoove,
ota nyonauka po;
keshe tuu ou, ta amuka kwoove,
oto mu kombo po sheke.
28 Ndelenee okukala popepi naKalunga, osho elao lange;
elineekelo lange onde li tula mOmwene Kalunga,
opo ndi hepaulule oinenelonga yoye aishe.
