Onghuwo yomutewatewi
Eimbilo laDavid, la pewa enyakwa lolwiimbo oku li imba mongovela yEpsalome: ‘Ino nyonauna po’, lefimbo eli Saul a li a kondekelifa ondjuwo yaye, oku mu dipaa.
1 Kalunga kange, xupife nge movatondi vange,
amene nge kovashindanhu vange!
2 Mangulule nge movanawii,
Ove u xupife nge kwaava hava tileshi ohonde.
3 Omwene, tala, osheshi vo otava nangele omwenyo wange,
ovanaenghono otava shivile nge olwoodi,
nande inandi nyona nondihe netimba.
4 Ame nande inandi ninga sha,
otava totele nge nokulilongekida.
Penduka, u shakeneke nge, u tale!
5 Heeno, Oove Omwene, Kalunga keengudu dovakwaita,
Kalunga kaIsrael, penduka,
u handukile ovapaani aveshe,
Ove, ino xupifa ko nande umwe womwaava
vehe nouyuki novehe noudiinini. Sela
6 Keshe onguloshi otava aluka,
ndele tava ono ngaashi eembwa,
ndele tava lyangaana noshilando.
7 Tala, otava fuluka onhutu mokanya,
omikonda odi li momilungu davo,
osheshi otava ti: “Olyelye mbela te shi udu?”
8 Ndele Omwene, Ove to shi va yolele,
novapaani aveshe oto va sheke.
9 Eenghono dange, Oove nda hala
ndi ku teelele, nde lididimika;
osheshi Kalunga Oye ohote yange.
10 Kalunga kange ota shakeneke nge nonghenda yaye;
Kalunga ota hafifa nge mokutala exutuko lovatondi vange.
11 Ino va dipaa manga, oshilongo shange shihe shi dimbwe.
Va shingila momapukifo neenghono doye,
ove u va xutule, Omwene, oshikelelifo shetu.
12 Omakanya avo neendaka domilungu davo odo oulunde;
onghee hano elitumbo lavo nali ve likwatife voovene,
nomolwomafingaelo nomolwoipupulu ei tava kunu.
13 Va mana po mehandu loye,
va mana po, vaha kale po vali.
Vo nava mone, nokutya Kalunga kaJakob ota pangele
fiyo okomaxulilo ounyuni. Sela
14 Keshe onguloshi otava aluka,
ndele tava ono ngaashi eembwa
ndele tava lyaangana nomukunda.
15 Otava fimbaula, va mone, eshi tava li moufukenhu wavo,
nongeenge inava kuta, otava onaona.
16 Ndelenee eenghono doye onda hala oku di imba,
nakeshe ongula onda hala okunyakukilwa
ouwanghenda woye;
osheshi Ove wa kala ohote yange nomututu wokuhondama
pefimbo handi hangika koudjuu.
17 Eenghono dange, onda hala ndi ku imbile ehambelelo;
osheshi Kalunga Oye ohote yange,
Kalunga kange omunanghenda.
Onghuwo yomutewatewi
Eimbilo laDavid, la pewa enyakwa lolwiimbo oku li imba mongovela yEpsalome: ‘Ino nyonauna po’, lefimbo eli Saul a li a kondekelifa ondjuwo yaye, oku mu dipaa.
1 Kalunga kange, xupife nge movatondi vange,
amene nge kovashindanhu vange!
2 Mangulule nge movanawii,
Ove u xupife nge kwaava hava tileshi ohonde.
3 Omwene, tala, osheshi vo otava nangele omwenyo wange,
ovanaenghono otava shivile nge olwoodi,
nande inandi nyona nondihe netimba.
4 Ame nande inandi ninga sha,
otava totele nge nokulilongekida.
Penduka, u shakeneke nge, u tale!
5 Heeno, Oove Omwene, Kalunga keengudu dovakwaita,
Kalunga kaIsrael, penduka,
u handukile ovapaani aveshe,
Ove, ino xupifa ko nande umwe womwaava
vehe nouyuki novehe noudiinini. Sela
6 Keshe onguloshi otava aluka,
ndele tava ono ngaashi eembwa,
ndele tava lyangaana noshilando.
7 Tala, otava fuluka onhutu mokanya,
omikonda odi li momilungu davo,
osheshi otava ti: “Olyelye mbela te shi udu?”
8 Ndele Omwene, Ove to shi va yolele,
novapaani aveshe oto va sheke.
9 Eenghono dange, Oove nda hala
ndi ku teelele, nde lididimika;
osheshi Kalunga Oye ohote yange.
10 Kalunga kange ota shakeneke nge nonghenda yaye;
Kalunga ota hafifa nge mokutala exutuko lovatondi vange.
11 Ino va dipaa manga, oshilongo shange shihe shi dimbwe.
Va shingila momapukifo neenghono doye,
ove u va xutule, Omwene, oshikelelifo shetu.
12 Omakanya avo neendaka domilungu davo odo oulunde;
onghee hano elitumbo lavo nali ve likwatife voovene,
nomolwomafingaelo nomolwoipupulu ei tava kunu.
13 Va mana po mehandu loye,
va mana po, vaha kale po vali.
Vo nava mone, nokutya Kalunga kaJakob ota pangele
fiyo okomaxulilo ounyuni. Sela
14 Keshe onguloshi otava aluka,
ndele tava ono ngaashi eembwa
ndele tava lyaangana nomukunda.
15 Otava fimbaula, va mone, eshi tava li moufukenhu wavo,
nongeenge inava kuta, otava onaona.
16 Ndelenee eenghono doye onda hala oku di imba,
nakeshe ongula onda hala okunyakukilwa
ouwanghenda woye;
osheshi Ove wa kala ohote yange nomututu wokuhondama
pefimbo handi hangika koudjuu.
17 Eenghono dange, onda hala ndi ku imbile ehambelelo;
osheshi Kalunga Oye ohote yange,
Kalunga kange omunanghenda.
