Omwene Oye ouyelele wange nexupifolao lange
Epsalme laDavid.
1 Omwene, Oye ouyelele wange nexupifolao lange;
Olyelye ndi tile ngeno?
Omwene, Oye ohote yokukalamwenyo kwange;
olyelye ta mbadapalifa nge vali?
2 Eemhote ngeenge tadi totele nge, di pone nge po,
ovayelani vange novatondi vange,
ovo vene tava punduka ndele tava wile po.
3 Nande etanga lovakwaita nali dingilile nge,
omutima wange itau tila sha;
nande ondi shingilwe oita,
natango ondi li po ndi neyombamo.
4 Shimwe ashike onde shi ehela kOmwene,
nde shi hala unene:
ngeno ame ndi kale mongulu yOmwene
omafiku ange aeshe,
okutala ouwanyenye wOmwene,
ndi lishipulule nawa motembeli yaye.
5 Osheshi Ye ta holeke nge monduda yaye
mefiku loixuna;
ota amene nge neameno letwali laye,
ndele ta yelulile nge kombada yemanya.
6 Osho hano omutwe wange otau ka lunda
dovatondi vange ava va dingilila nge;
ame nda hala okuyamba omayambo ekuwililo
mongulu yaye,
nda hala okwiimbila Omwene noku mu hambelela.
7 Omwene, uda, eshi handi ku ifana mokule!
File nge onghenda, u nyamukule nge.
8 Eshi nda dimbulukwa ondaka yoye ei tai ti:
“Nye kongeni oshipala shange”,
omutima wange otau nyamukula:
“Omwene, oshipala shoye
nda hala oku shi konga.”
9 Ino holeka nge oshipala shoye,
Ove ino kelela po omupiya woye nonya.
Oove ekwafo lange shito,
ino ekela nge shi u efe nge,
Kalunga kexupifo lange.
10 Osheshi tate nameme, vo ova efa nge ngaho,
ndelenee Omwene Oye ta kombelele nge.
11 Omwene, longe nge ondjila yoye,
u endife nge melila la yelakana
molwovatondi vange.
12 Ino yandja nge omuhanga kovataatai vange!
Osheshi ovahepaululi voipupulu
otava fikamene nge naau ta fulakata.
13 Iyaloo, ohandi itavele shili,
nokutya handi ka mona ouwa wOmwene
medu lovanamwenyo.
14 Teelela kOmwene!
Kala wa yombama,
omutima woye inau mbadapala;
heeno, teelela kOmwene.
Omwene Oye ouyelele wange nexupifolao lange
Epsalme laDavid.
1 Omwene, Oye ouyelele wange nexupifolao lange;
Olyelye ndi tile ngeno?
Omwene, Oye ohote yokukalamwenyo kwange;
olyelye ta mbadapalifa nge vali?
2 Eemhote ngeenge tadi totele nge, di pone nge po,
ovayelani vange novatondi vange,
ovo vene tava punduka ndele tava wile po.
3 Nande etanga lovakwaita nali dingilile nge,
omutima wange itau tila sha;
nande ondi shingilwe oita,
natango ondi li po ndi neyombamo.
4 Shimwe ashike onde shi ehela kOmwene,
nde shi hala unene:
ngeno ame ndi kale mongulu yOmwene
omafiku ange aeshe,
okutala ouwanyenye wOmwene,
ndi lishipulule nawa motembeli yaye.
5 Osheshi Ye ta holeke nge monduda yaye
mefiku loixuna;
ota amene nge neameno letwali laye,
ndele ta yelulile nge kombada yemanya.
6 Osho hano omutwe wange otau ka lunda
dovatondi vange ava va dingilila nge;
ame nda hala okuyamba omayambo ekuwililo
mongulu yaye,
nda hala okwiimbila Omwene noku mu hambelela.
7 Omwene, uda, eshi handi ku ifana mokule!
File nge onghenda, u nyamukule nge.
8 Eshi nda dimbulukwa ondaka yoye ei tai ti:
“Nye kongeni oshipala shange”,
omutima wange otau nyamukula:
“Omwene, oshipala shoye
nda hala oku shi konga.”
9 Ino holeka nge oshipala shoye,
Ove ino kelela po omupiya woye nonya.
Oove ekwafo lange shito,
ino ekela nge shi u efe nge,
Kalunga kexupifo lange.
10 Osheshi tate nameme, vo ova efa nge ngaho,
ndelenee Omwene Oye ta kombelele nge.
11 Omwene, longe nge ondjila yoye,
u endife nge melila la yelakana
molwovatondi vange.
12 Ino yandja nge omuhanga kovataatai vange!
Osheshi ovahepaululi voipupulu
otava fikamene nge naau ta fulakata.
13 Iyaloo, ohandi itavele shili,
nokutya handi ka mona ouwa wOmwene
medu lovanamwenyo.
14 Teelela kOmwene!
Kala wa yombama,
omutima woye inau mbadapala;
heeno, teelela kOmwene.
