Inda onhapo oluhaelo, u kale wa yela
1 Omumwange, pwilikina ounongo wange, endekela okutwi kwoye komayele ange, 2 opo u mone omayele a wana nomilungu doye opo di diinine eshiivo. 3 Osheshi omilungu domukainhu wovanhu tadi ndoda omaadi eenyiki, nondakona yaye i nomufenhu ngaashi omaadi, 4 ndelenee pexulilo ye a lula ngaashi oshixwa shomululu, ngaashi eongamukonda la upikwa keembinga adishe. 5 Eemhadi daye tadi kulukile mefyo, neenghatu daye tadi twala moshovafi. 6 Ye eshi iha ende nelila lomwenyo la lalakana eendjila daye tadi ngolyauka, ye ke shi shii.
7 Nye ovamati, pwilikinei nge hano paife, ndele inamu kanduka mo meendjovo dokanya kange. 8 Ondjila yeni i kalekeni kokule naye, ndele inamu uya popepi noshivelo sheumbo laye, 9 opo ye aha yandje efimano leni kovanhu nomido deni kwaau ehe nonghenda, 10 Opo ovanhu vaha kutifwe kemona leni, noshilonga sheni shidjuu shiha ye meumbo lomunailongo. 11 Ndele pexulilo muha keme, eshi olutu leni nombelela yeni tai nangatele, 12 ndele tamu ka tya: “Ame nda tonda ngahelipi outekuduliko, nomutima wange wa dina ngahelipi okuhanyenwa! 13 Ndele inandi pwilikina ondaka yovalongi vange ndele inandi endeka okutwi kwange kwaava va longa nge! 14 Hanga nda ponwa po komupya mokati koshiongalele nokeongalo.”
15 Nwa omeva omomufima woye mwene naa taa kunguluka mondungu yoye mwene. 16 Eefifiya doye di kungulukile ngeno pondje, nomakungulukilo omeva komapandavanda. 17 Oo nae ku kalele oove auke, haumwe pamwe naave. 18 Ofifiya yoye nai kale ya nangekwa noupuna ndele kala ho nyakukilwa omukainhu, omufuko woye, 19 oholongo iwa nomenye ya wapala; omavele aye e ku kutife nehafo alushe, mohole yaye u xupule alushe. 20 Ndelenee omumwange, omolwashike u xupule pomukainhu wovanhu ndele u papatele omavele ombwada? 21 Osheshi eendjila domunhu keshe di li koshipala shOmwene, ndele Ye ota yeleke omalila aye aeshe. 22 Omuhenakalunga ta kwatwa komanyono aye mwene, ndele ta yulwa keefipa domatimba aye mwene. 23 Ye ota ka fya, shaashi okwa li ehe noutekuduliko, ndele ta ka undulilwa mepuko molwounene woulai waye.
Inda onhapo oluhaelo, u kale wa yela
1 Omumwange, pwilikina ounongo wange, endekela okutwi kwoye komayele ange, 2 opo u mone omayele a wana nomilungu doye opo di diinine eshiivo. 3 Osheshi omilungu domukainhu wovanhu tadi ndoda omaadi eenyiki, nondakona yaye i nomufenhu ngaashi omaadi, 4 ndelenee pexulilo ye a lula ngaashi oshixwa shomululu, ngaashi eongamukonda la upikwa keembinga adishe. 5 Eemhadi daye tadi kulukile mefyo, neenghatu daye tadi twala moshovafi. 6 Ye eshi iha ende nelila lomwenyo la lalakana eendjila daye tadi ngolyauka, ye ke shi shii.
7 Nye ovamati, pwilikinei nge hano paife, ndele inamu kanduka mo meendjovo dokanya kange. 8 Ondjila yeni i kalekeni kokule naye, ndele inamu uya popepi noshivelo sheumbo laye, 9 opo ye aha yandje efimano leni kovanhu nomido deni kwaau ehe nonghenda, 10 Opo ovanhu vaha kutifwe kemona leni, noshilonga sheni shidjuu shiha ye meumbo lomunailongo. 11 Ndele pexulilo muha keme, eshi olutu leni nombelela yeni tai nangatele, 12 ndele tamu ka tya: “Ame nda tonda ngahelipi outekuduliko, nomutima wange wa dina ngahelipi okuhanyenwa! 13 Ndele inandi pwilikina ondaka yovalongi vange ndele inandi endeka okutwi kwange kwaava va longa nge! 14 Hanga nda ponwa po komupya mokati koshiongalele nokeongalo.”
15 Nwa omeva omomufima woye mwene naa taa kunguluka mondungu yoye mwene. 16 Eefifiya doye di kungulukile ngeno pondje, nomakungulukilo omeva komapandavanda. 17 Oo nae ku kalele oove auke, haumwe pamwe naave. 18 Ofifiya yoye nai kale ya nangekwa noupuna ndele kala ho nyakukilwa omukainhu, omufuko woye, 19 oholongo iwa nomenye ya wapala; omavele aye e ku kutife nehafo alushe, mohole yaye u xupule alushe. 20 Ndelenee omumwange, omolwashike u xupule pomukainhu wovanhu ndele u papatele omavele ombwada? 21 Osheshi eendjila domunhu keshe di li koshipala shOmwene, ndele Ye ota yeleke omalila aye aeshe. 22 Omuhenakalunga ta kwatwa komanyono aye mwene, ndele ta yulwa keefipa domatimba aye mwene. 23 Ye ota ka fya, shaashi okwa li ehe noutekuduliko, ndele ta ka undulilwa mepuko molwounene woulai waye.
