Eendjovo daAgur
1 Eendjovo daAgur yaJake; exunganeko: Omulumenhu ta popi ta ti: “Akutu Kalunga! Ame nde lilolokifa! Akutu Kalunga, ame nde lilolokifa ndele nda nyonauka po. 2 Heeno, ame ndihe neendunge, inandi wana ndi talwe aame omunhu, ndele ndihe neendunge domunhu. 3 Ndele inandi longwa ounongo, ndi kale ngeno ndi neshiivo okushiiva Omuyapuki. 4 Olyelye a londa meulu ndele a londoloka ko? Omhepo olyelye e i ongela meke laye? Olyelye a mangela melwakani omeva? Olyelye a pameka ominghulo dedu? Edina laye lilipipo? Nedina lOmona waye lilipipo? Ngeenge u li shii?
5 “Ondjovo keshe yaKalunga oya yelekwa. Ye oshikelelifo shaava hava ame kuye. 6 Keendjovo daye ino weda ko sha, opo Ye ehe ku shile ketokolo, ndele uha ninge omunaipupulu. 7 Oinima ivali handi i pula kwoove: Ino i anyena nge fiyo okefyo: 8 Eenghalanghongo neendjovo doipupulu, di kaleka kokule naame. Ino pa nge oluhepo, ino pa nge oupuna. Pe nge omungome wa yeleka nge, 9 opo ngeenge nda kutilila, ndihe ku lidimbike nokutya: ‘Omwene olyelye?’ Nongeenge nda fya oluhepo, ndiha vake, nondi nyone kedina laKalunga kange.”
10 Omupiya ino mu lundilifa omwene waye, opo ehe ku tule omutima, ndele ove uha monike u nombedi.
11 Ope nepupi tali tula omutima xe, ndele itali nangeke ina yalo noupuna; 12 epupi tali litale lo la yela momesho alo, ndelenee inali koshoka keenyata dalo; 13 epupi li nomesho elinenepeko, neemhafu dalo otadi litumbu pombada; 14 epupi nomayoo alo omaongamukonda nomatayoo eembele, opo va lye po eehepele moshilongo novakwanaluhepo mokati kovanhu.
15 Onakufipa ohonde e novana vavali oukadona: Pe nge vali! Pe nge vali!
Vatatu ava ihava kuta; vane ava itava ti: “Sha wana.” 16 Oshovafi, edimo longadji, edu ihali kuta omeva nande, nomundilo ou itau ti: “Sha wana nokuli!” 17 Ou ta sheke xe, ndele ita yavala okudulika kuina, omesho aye taa shomonwa komakola omefilu, novana vonhwa tave a li po. 18 Oinima itatu onde i kuminwa. Heeno, ine oya nyenga nge okushiiva: 19 Ondjila yonhwa keulu, ondjila yeyoka kemanya, ondjila yoskepa mokati kefuta, nondjila yomulumenhu komukainhu omunyasha.
20 Osho ngaha yo ondjila yomukainhu ta teya po ohombo. Ye ota li te lifeta komilungu daye, ndele ta ti: “Ame inandi nyona sha.” 21 Koshi yoinima itatu edu tali kakama. Nokoshi yoinima ine lo itali dulu okukala la pama: 22 koshi yomupika, ye eshi ta ningi ohamba, nokoshi yelai, lo eshi li nomungome muhapu unene, 23 omukainhu ngeenge a kala a tondwa nale, ta hombolwa, nomupika omukainhu ngeenge ta taataa omwene waye. 24 Oinima ine i li kombada yedu, yo inini ndelenee i nounongo uhapu unene: 25 oufelepuka, oshiwana shihe neenghono, ndelenee tave lituvikilile eendja mokufu; 26 eehele odo oshiwana shi nounongo, ndelenee do otadi litungile omaumbo ado momamanya. 27 Oshipaxu kashi na hamba, ndelenee ohashi tukile shimwe. 28 Shinyengele ta kwata keke, ndelenee ye ota kala mouhamba wohamba.
29 Ope na itatu hai katuka nokutuwalala, naine hai ende nokutuwalala: 30 Onghoshi omuladi womoilyani, yo itai shunine nande sha, 31 onghambe ya paluka ile omenye, nohamba tai piti komesho yomatanga ayo. 32 Ngeenge wa shimika, eshi we linenepekifa ile wa li wa diladila owii, likwata komilungu, 33 osheshi mokushika omashini taku eta omaadi, nomokukama eyulu tamu di ohonde nomokuxwameka ehandu tamu di eemhata.
Eendjovo daAgur
1 Eendjovo daAgur yaJake; exunganeko: Omulumenhu ta popi ta ti: “Akutu Kalunga! Ame nde lilolokifa! Akutu Kalunga, ame nde lilolokifa ndele nda nyonauka po. 2 Heeno, ame ndihe neendunge, inandi wana ndi talwe aame omunhu, ndele ndihe neendunge domunhu. 3 Ndele inandi longwa ounongo, ndi kale ngeno ndi neshiivo okushiiva Omuyapuki. 4 Olyelye a londa meulu ndele a londoloka ko? Omhepo olyelye e i ongela meke laye? Olyelye a mangela melwakani omeva? Olyelye a pameka ominghulo dedu? Edina laye lilipipo? Nedina lOmona waye lilipipo? Ngeenge u li shii?
5 “Ondjovo keshe yaKalunga oya yelekwa. Ye oshikelelifo shaava hava ame kuye. 6 Keendjovo daye ino weda ko sha, opo Ye ehe ku shile ketokolo, ndele uha ninge omunaipupulu. 7 Oinima ivali handi i pula kwoove: Ino i anyena nge fiyo okefyo: 8 Eenghalanghongo neendjovo doipupulu, di kaleka kokule naame. Ino pa nge oluhepo, ino pa nge oupuna. Pe nge omungome wa yeleka nge, 9 opo ngeenge nda kutilila, ndihe ku lidimbike nokutya: ‘Omwene olyelye?’ Nongeenge nda fya oluhepo, ndiha vake, nondi nyone kedina laKalunga kange.”
10 Omupiya ino mu lundilifa omwene waye, opo ehe ku tule omutima, ndele ove uha monike u nombedi.
11 Ope nepupi tali tula omutima xe, ndele itali nangeke ina yalo noupuna; 12 epupi tali litale lo la yela momesho alo, ndelenee inali koshoka keenyata dalo; 13 epupi li nomesho elinenepeko, neemhafu dalo otadi litumbu pombada; 14 epupi nomayoo alo omaongamukonda nomatayoo eembele, opo va lye po eehepele moshilongo novakwanaluhepo mokati kovanhu.
15 Onakufipa ohonde e novana vavali oukadona: Pe nge vali! Pe nge vali!
Vatatu ava ihava kuta; vane ava itava ti: “Sha wana.” 16 Oshovafi, edimo longadji, edu ihali kuta omeva nande, nomundilo ou itau ti: “Sha wana nokuli!” 17 Ou ta sheke xe, ndele ita yavala okudulika kuina, omesho aye taa shomonwa komakola omefilu, novana vonhwa tave a li po. 18 Oinima itatu onde i kuminwa. Heeno, ine oya nyenga nge okushiiva: 19 Ondjila yonhwa keulu, ondjila yeyoka kemanya, ondjila yoskepa mokati kefuta, nondjila yomulumenhu komukainhu omunyasha.
20 Osho ngaha yo ondjila yomukainhu ta teya po ohombo. Ye ota li te lifeta komilungu daye, ndele ta ti: “Ame inandi nyona sha.” 21 Koshi yoinima itatu edu tali kakama. Nokoshi yoinima ine lo itali dulu okukala la pama: 22 koshi yomupika, ye eshi ta ningi ohamba, nokoshi yelai, lo eshi li nomungome muhapu unene, 23 omukainhu ngeenge a kala a tondwa nale, ta hombolwa, nomupika omukainhu ngeenge ta taataa omwene waye. 24 Oinima ine i li kombada yedu, yo inini ndelenee i nounongo uhapu unene: 25 oufelepuka, oshiwana shihe neenghono, ndelenee tave lituvikilile eendja mokufu; 26 eehele odo oshiwana shi nounongo, ndelenee do otadi litungile omaumbo ado momamanya. 27 Oshipaxu kashi na hamba, ndelenee ohashi tukile shimwe. 28 Shinyengele ta kwata keke, ndelenee ye ota kala mouhamba wohamba.
29 Ope na itatu hai katuka nokutuwalala, naine hai ende nokutuwalala: 30 Onghoshi omuladi womoilyani, yo itai shunine nande sha, 31 onghambe ya paluka ile omenye, nohamba tai piti komesho yomatanga ayo. 32 Ngeenge wa shimika, eshi we linenepekifa ile wa li wa diladila owii, likwata komilungu, 33 osheshi mokushika omashini taku eta omaadi, nomokukama eyulu tamu di ohonde nomokuxwameka ehandu tamu di eemhata.
