1 Ino litangela efiku lomongula, osheshi ino shiiva efiku otali ka eta shike. 2 Omukweni ne ku pandule, hakanya koye mwene. Umwe e lili ndelenee hamilungu doye mwene. 3 Emanya olo lidjuu neheke olidjuu, ndelenee ehandu lelai olidjuu li dule oyo aishe ivali. 4 Onya ya xwama, nehandu tali fuluka pombada. Ndelenee olyelye ta dulu okulididimikila oukodi? 5 Okuhanyenwa pombada ku dule ohole ya holekwa. 6 Omadengo ookaume e shii kulineekelwa. Ndelenee omafipokomulungu omutondadi omahapu unene. 7 Omwenyo wa kuta tau lyataula omaadi eenyiki, ndelenee omwenyo ou u udite ondjala naashi shilula yo oshinyenye. 8 Ngaashi okadila oko taka tukatuka noshihadi shako, osho yo omulumenhu ou ta elaela kokule neumbo lavo. 9 Omaadi noitwiminifo tai hafifa omutima, nosho yo ohole yakaume tai kala, e nehalo okupukulula. 10 Ino liteeka kaume koye nakaume kaxo, ndele ino ya mo meumbo lomumwanyoko mefiku lomupya woye. Omushiinda wopopepi omuwa e dule omumwanyoko e li kokule. 11 Kala u neendunge, omumwange, hafifa omutima wange, opo nee handi dulu okunyamukula ovalundili vange. 12 Omunaendunge eshi ta mono oshiponga, ota hondama. Ndelenee ovashima tava ehene ko, ndele tava mono oshiponga. 13 Kufa oshikutu shaye, osheshi ye a ninga omuponhele woifuta yamukwao. Mu kufa ngaashi ombabyona yomweendanandjila. 14 Ou ta nangeke noupuna kaume kaye, nondaka inene ongula inene, ye otashi mu valulilwa etulomutima. 15 Onhongo tai ndoda efimbo alishe mefiku lomudimbi oshi fike pamwe nomwalikadi e neenyamukudi. 16 Ou a hala oku mu holeka, ota holeke omhepo, neke laye lokolulyo tali kwata omaadi. 17 Oshivela tashi upike oshivela, nosho yo omunhu ta upike mukwao. 18 Ou ta kelele omukwiyu, ye ota li yo oiimati yao. Ndele ou ta yakula omwene waye, ota ka fimanekwa. 19 Ngaashi oshipala tashi tale oshipala shikwao momeva, nosho yo omutima womunhu tau monika momukwao. 20 Oshovafi nonhele yehanauno itai kuta. Nosho yo omesho omunhu itaa kuta. 21 Onhelekelo koshisiliveli, nediko koshingoldo, nomulumenhu e li ngaashi okupopiwa kwaye. 22 Elai nande u li twe koshini, nokutwifa omushi mumwe neemuma, oulai walo itau di mo.
23 Koneka nokukonekelela oipala yeedi doye. Diinina oimuna yoye. 24 Osheshi emona itali kalelele, ile oshishani itashi kala fiyo okepupi nepupi. 25 Omwiidi eshi wa kukuta noxuluxulu tai holoka, nomakunde okeemhunda a ongelwa, 26 ove u noudjona voikutu yoye noikombo yokulilandela epya, 27 nomashini oikombo a wana ngaashi eendja doye, neendja deumbo loye nokulya kwovapiya voye.
1 Ino litangela efiku lomongula, osheshi ino shiiva efiku otali ka eta shike. 2 Omukweni ne ku pandule, hakanya koye mwene. Umwe e lili ndelenee hamilungu doye mwene. 3 Emanya olo lidjuu neheke olidjuu, ndelenee ehandu lelai olidjuu li dule oyo aishe ivali. 4 Onya ya xwama, nehandu tali fuluka pombada. Ndelenee olyelye ta dulu okulididimikila oukodi? 5 Okuhanyenwa pombada ku dule ohole ya holekwa. 6 Omadengo ookaume e shii kulineekelwa. Ndelenee omafipokomulungu omutondadi omahapu unene. 7 Omwenyo wa kuta tau lyataula omaadi eenyiki, ndelenee omwenyo ou u udite ondjala naashi shilula yo oshinyenye. 8 Ngaashi okadila oko taka tukatuka noshihadi shako, osho yo omulumenhu ou ta elaela kokule neumbo lavo. 9 Omaadi noitwiminifo tai hafifa omutima, nosho yo ohole yakaume tai kala, e nehalo okupukulula. 10 Ino liteeka kaume koye nakaume kaxo, ndele ino ya mo meumbo lomumwanyoko mefiku lomupya woye. Omushiinda wopopepi omuwa e dule omumwanyoko e li kokule. 11 Kala u neendunge, omumwange, hafifa omutima wange, opo nee handi dulu okunyamukula ovalundili vange. 12 Omunaendunge eshi ta mono oshiponga, ota hondama. Ndelenee ovashima tava ehene ko, ndele tava mono oshiponga. 13 Kufa oshikutu shaye, osheshi ye a ninga omuponhele woifuta yamukwao. Mu kufa ngaashi ombabyona yomweendanandjila. 14 Ou ta nangeke noupuna kaume kaye, nondaka inene ongula inene, ye otashi mu valulilwa etulomutima. 15 Onhongo tai ndoda efimbo alishe mefiku lomudimbi oshi fike pamwe nomwalikadi e neenyamukudi. 16 Ou a hala oku mu holeka, ota holeke omhepo, neke laye lokolulyo tali kwata omaadi. 17 Oshivela tashi upike oshivela, nosho yo omunhu ta upike mukwao. 18 Ou ta kelele omukwiyu, ye ota li yo oiimati yao. Ndele ou ta yakula omwene waye, ota ka fimanekwa. 19 Ngaashi oshipala tashi tale oshipala shikwao momeva, nosho yo omutima womunhu tau monika momukwao. 20 Oshovafi nonhele yehanauno itai kuta. Nosho yo omesho omunhu itaa kuta. 21 Onhelekelo koshisiliveli, nediko koshingoldo, nomulumenhu e li ngaashi okupopiwa kwaye. 22 Elai nande u li twe koshini, nokutwifa omushi mumwe neemuma, oulai walo itau di mo.
23 Koneka nokukonekelela oipala yeedi doye. Diinina oimuna yoye. 24 Osheshi emona itali kalelele, ile oshishani itashi kala fiyo okepupi nepupi. 25 Omwiidi eshi wa kukuta noxuluxulu tai holoka, nomakunde okeemhunda a ongelwa, 26 ove u noudjona voikutu yoye noikombo yokulilandela epya, 27 nomashini oikombo a wana ngaashi eendja doye, neendja deumbo loye nokulya kwovapiya voye.
