1 Ino fila ovanawii efupa, ndele ino hala okukala pamwe navo. 2 Osheshi omutima wavo tau diladila oukolokoshi nomilungu davo tadi popi enyonauko. 3 Eumbo tali dikwa nomayele, ndele tali pamekwa neendunge. 4 Ndele mokushiiva omalimba taa yadifwa noinima i lili nai lili iwa i nondilo.
5 Omulumenhu omunongo e neenghono, nomulumenhu e neshiivo ota hapupalifa eenghono. 6 Osheshi molwokudiladila nawa to dulu okushinga oita, nouhapu wovapukululi tau eta efindano. 7 Ounongo otau kalele elai kombadeelela. Itali makula okanya kalo moshivelo.
8 Ou ta diladila okuninga owii, ota ifanwa omunauketuketu. 9 Enyono olo oshilonga shoulai, nomusheki oye oixuna kovanhu. 10 Ngeenge wa monika wa fya ounye, efiku loluhepo eenghono doye tadi ka ninipala.
11 Xupifa ava hava twalwa kokufya, naava hava pungaukile koshidipaelo, va kanghameka. 12 Ove ngeenge to ti: “Tala, twa li inatu shi shiiva”, Ye, ou ha konakona omutima, ine shi didilika? Naau ta nangele omwenyo woye, e shi shii. Ndele Ye ota pe omunhu pailonga yaye.
13 Omumwange, lya omaadi eenyiki, osheshi oo omawa, nomalodu omaadi eenyiki, osheshi oo manyenye kondakona yoye. 14 Didilika hano, ounongo osho u li yo komwenyo woye. Ngeenge to u mono, ove u nefimbo lokomesho neteelelo loye itali ka ninga longaho.
15 Omuhenakalunga ove, ino nangela eumbo lomuyuki, ino hanauna po onhele yaye yetulumuko. 16 Osheshi luheyali omuyuki ta punduka ndele ta penduka vali, ndelenee ovahenakalunga tava ka wila momupya. 17 Ino hafa, omutondadi woye ngeenge ta wile po. Ndele ino kuwilila komwenyo, ye ngeenge ta punduka, 18 Opo Omwene ehe shi dimbulukwe, ndele sho itashi yuka momesho aye, ndele ta kandula po puye ehandu laye.
19 Ino handuka omolwovanawii; ino fila ovahenakalunga efupa. 20 Osheshi ovanawii vehe nefimbo lokomesho nolamba yovahenakalunga tai dimi.
21 Omumwange, tila Omwene nohamba, ino litula povakolokoshi. 22 Osheshi divadiva omupya tau va hange, nexulilo lomido davo, olyelye e shi shii, onaini.
23 Edi yo eendjovo dovalumenhu ovanongo: Inashi yuka okukala nokatongotongo moihokolola. 24 Ou ta lombwele omunamatimba: “Ove u nounongo!” Ovanhu otave mu tula omutima, noiwana tai mu fingi. 25 Ndelenee ava hava tokola vehe nokatongotongo, otava ka kala nawa, ndele tava ka mona elao nenangeko noupuna. 26 Ou e nenyamukulo la yuka, ye ota xupitwa komilungu.
27 Longa nokuyukifa oilonga yoye pondje ndele longekida epya loye, opo nee to tungu ongulu yoye.
28 Ino hokololifa omushiinda shoye, ehe netimba, ile ho kengelele nomilungu doye. 29 Ino tya: “Ye ngaashi a ningila nge, nosho yo ame ohandi ke mu ningila. Ame ohandi kwatele omulumenhu onghone pailonga yaye.”
30 Ame nda enda pepya lomundede, pomunghulo woshikokola shomiviinyu shomulumenhu omushima, 31 ndele tala, lo oli yadi eeshosholo, la uvikwa kokalilifa, nongubu yalo yomamanya ya hanauka. 32 Ame nde li tala, heeno, nde li didilika shili, nda dimbulukwa ndele nde lilonga: 33 Kofa natango kanininini, fefeleka po okafimbo, nangala natango we litonya, 34 opo nee oluhepo tali ku nhukile meemhumbwe doye ngaashi omulumenhu a dililwa.
1 Ino fila ovanawii efupa, ndele ino hala okukala pamwe navo. 2 Osheshi omutima wavo tau diladila oukolokoshi nomilungu davo tadi popi enyonauko. 3 Eumbo tali dikwa nomayele, ndele tali pamekwa neendunge. 4 Ndele mokushiiva omalimba taa yadifwa noinima i lili nai lili iwa i nondilo.
5 Omulumenhu omunongo e neenghono, nomulumenhu e neshiivo ota hapupalifa eenghono. 6 Osheshi molwokudiladila nawa to dulu okushinga oita, nouhapu wovapukululi tau eta efindano. 7 Ounongo otau kalele elai kombadeelela. Itali makula okanya kalo moshivelo.
8 Ou ta diladila okuninga owii, ota ifanwa omunauketuketu. 9 Enyono olo oshilonga shoulai, nomusheki oye oixuna kovanhu. 10 Ngeenge wa monika wa fya ounye, efiku loluhepo eenghono doye tadi ka ninipala.
11 Xupifa ava hava twalwa kokufya, naava hava pungaukile koshidipaelo, va kanghameka. 12 Ove ngeenge to ti: “Tala, twa li inatu shi shiiva”, Ye, ou ha konakona omutima, ine shi didilika? Naau ta nangele omwenyo woye, e shi shii. Ndele Ye ota pe omunhu pailonga yaye.
13 Omumwange, lya omaadi eenyiki, osheshi oo omawa, nomalodu omaadi eenyiki, osheshi oo manyenye kondakona yoye. 14 Didilika hano, ounongo osho u li yo komwenyo woye. Ngeenge to u mono, ove u nefimbo lokomesho neteelelo loye itali ka ninga longaho.
15 Omuhenakalunga ove, ino nangela eumbo lomuyuki, ino hanauna po onhele yaye yetulumuko. 16 Osheshi luheyali omuyuki ta punduka ndele ta penduka vali, ndelenee ovahenakalunga tava ka wila momupya. 17 Ino hafa, omutondadi woye ngeenge ta wile po. Ndele ino kuwilila komwenyo, ye ngeenge ta punduka, 18 Opo Omwene ehe shi dimbulukwe, ndele sho itashi yuka momesho aye, ndele ta kandula po puye ehandu laye.
19 Ino handuka omolwovanawii; ino fila ovahenakalunga efupa. 20 Osheshi ovanawii vehe nefimbo lokomesho nolamba yovahenakalunga tai dimi.
21 Omumwange, tila Omwene nohamba, ino litula povakolokoshi. 22 Osheshi divadiva omupya tau va hange, nexulilo lomido davo, olyelye e shi shii, onaini.
23 Edi yo eendjovo dovalumenhu ovanongo: Inashi yuka okukala nokatongotongo moihokolola. 24 Ou ta lombwele omunamatimba: “Ove u nounongo!” Ovanhu otave mu tula omutima, noiwana tai mu fingi. 25 Ndelenee ava hava tokola vehe nokatongotongo, otava ka kala nawa, ndele tava ka mona elao nenangeko noupuna. 26 Ou e nenyamukulo la yuka, ye ota xupitwa komilungu.
27 Longa nokuyukifa oilonga yoye pondje ndele longekida epya loye, opo nee to tungu ongulu yoye.
28 Ino hokololifa omushiinda shoye, ehe netimba, ile ho kengelele nomilungu doye. 29 Ino tya: “Ye ngaashi a ningila nge, nosho yo ame ohandi ke mu ningila. Ame ohandi kwatele omulumenhu onghone pailonga yaye.”
30 Ame nda enda pepya lomundede, pomunghulo woshikokola shomiviinyu shomulumenhu omushima, 31 ndele tala, lo oli yadi eeshosholo, la uvikwa kokalilifa, nongubu yalo yomamanya ya hanauka. 32 Ame nde li tala, heeno, nde li didilika shili, nda dimbulukwa ndele nde lilonga: 33 Kofa natango kanininini, fefeleka po okafimbo, nangala natango we litonya, 34 opo nee oluhepo tali ku nhukile meemhumbwe doye ngaashi omulumenhu a dililwa.
