Oiimati younongo noyeendunge
1 Omumwange, ove ngeenge ho tambula eendjovo dange noipango yange ho i tuvikile mwoove, 2 opo u pakalekele omatwi oye okupwilikina ounongo nokulemena omutima woye keendunge; 3 heeno, ngeenge ho ifana omayele, ho yelulile ondaka yoye keendunge, 4 ngeenge to di kongo ngaashi oshisiliveli ndele to di shitilile ngaashi omamona a holekwa, 5 opo nee to ka uda ko etilo lokutila Omwene nokumona eshiivo lokushiiva Kalunga. 6 Osheshi Omwene ta yandje ounongo, mokanya kaye tamu di eshiivo neendunge, 7 ovanashili Ye ote va tuvikilile ekwafo, Oye oshikelelifo shaava hava ende vehe noshipo. 8 Osheshi Ye ota pashukile omalila ouyuki ndele ta amene ondjila yovayuki vaye.
9 Osho nee to ka uda ko ouyuki neyukifo noshili, heeno, ondjila keshe youwa. 10 Osheshi ounongo tau ke uya momutima woye, neshiivo tali ka kala ounyenye komwenyo woye. 11 To ka amenwa kokulungama, ndele to ka diininwa keendunge 12 u xupifwe mondjila yovanawii, okovanhu hava popi oinima yongaho, 13 ovo va efa omalila ouyuki, va ende neendjila domulaulu, 14 ovo hava hafele oilonga ii, hava nyakukilwa omakengelelo ovanawii, 15 omalila avo a ngolyoka, ava hava yapuka mo meendjila davo; 16 opo a xupifwe momukainhu wovanhu, omuholi woipala, ou te likwatele neendjovo daye, 17 ou a efa kaume komounyasha waye, ndele ta dimbwa ehangano laKalunga kaye. 18 Osheshi eumbo laye tali endamene kefyo, nomalila aye okovakwamhungu. 19 Aveshe ava hava i ko kuye, itava aluka, itave uya vali komalila omwenyo.
20 Opo u ende nondjila yaava vawa ndele to dulu okudiinina omalila ovayuki. 21 Osheshi ovanashili tava ka nangala oshilongo, naava vehe noshipo tava ka kala mo. 22 Ndelenee ovahenakalunga tava ka dudwa mo moshilongo, novaliteeki tava ka kufwa mo musho.
Oiimati younongo noyeendunge
1 Omumwange, ove ngeenge ho tambula eendjovo dange noipango yange ho i tuvikile mwoove, 2 opo u pakalekele omatwi oye okupwilikina ounongo nokulemena omutima woye keendunge; 3 heeno, ngeenge ho ifana omayele, ho yelulile ondaka yoye keendunge, 4 ngeenge to di kongo ngaashi oshisiliveli ndele to di shitilile ngaashi omamona a holekwa, 5 opo nee to ka uda ko etilo lokutila Omwene nokumona eshiivo lokushiiva Kalunga. 6 Osheshi Omwene ta yandje ounongo, mokanya kaye tamu di eshiivo neendunge, 7 ovanashili Ye ote va tuvikilile ekwafo, Oye oshikelelifo shaava hava ende vehe noshipo. 8 Osheshi Ye ota pashukile omalila ouyuki ndele ta amene ondjila yovayuki vaye.
9 Osho nee to ka uda ko ouyuki neyukifo noshili, heeno, ondjila keshe youwa. 10 Osheshi ounongo tau ke uya momutima woye, neshiivo tali ka kala ounyenye komwenyo woye. 11 To ka amenwa kokulungama, ndele to ka diininwa keendunge 12 u xupifwe mondjila yovanawii, okovanhu hava popi oinima yongaho, 13 ovo va efa omalila ouyuki, va ende neendjila domulaulu, 14 ovo hava hafele oilonga ii, hava nyakukilwa omakengelelo ovanawii, 15 omalila avo a ngolyoka, ava hava yapuka mo meendjila davo; 16 opo a xupifwe momukainhu wovanhu, omuholi woipala, ou te likwatele neendjovo daye, 17 ou a efa kaume komounyasha waye, ndele ta dimbwa ehangano laKalunga kaye. 18 Osheshi eumbo laye tali endamene kefyo, nomalila aye okovakwamhungu. 19 Aveshe ava hava i ko kuye, itava aluka, itave uya vali komalila omwenyo.
20 Opo u ende nondjila yaava vawa ndele to dulu okudiinina omalila ovayuki. 21 Osheshi ovanashili tava ka nangala oshilongo, naava vehe noshipo tava ka kala mo. 22 Ndelenee ovahenakalunga tava ka dudwa mo moshilongo, novaliteeki tava ka kufwa mo musho.
