1 Ou te li tongola, ota kongo omahalo aye mwene. Neenghono adishe ta kondjifa osho shi neendunge. 2 Elai itali hokwa eendunge, ndelenee okuholola ashike omutima walo. 3 Ovahenakalunga eshi tave uya, nokudina yo taku uya. Ndele esheko tali uya pamwe nohoni. 4 Eendjovo domokanya komulumenhu odo omeva malemale, ekungulukilo lomeva taa fuluka, ofifiya younongo. 5 Okukala nokatongotongo nomuhenakalunga nokupengifa eendjovo daau ehe nombedi, itaku wapala. 6 Omilungu delai tadi eta eemhata, nokanya kalo taka ifana omadengo. 7 Okanya kelai oko ehanauno lalo, nomilungu dalo odo eemwiyo dokukalamwenyo kwalo. 8 Eendjovo domulundili da fa ouleke ndele tadi ningine mo fiyo omoukololo vomutima. 9 Ou e nounye moilonga yaye, ye omumwaina womuhanauni. 10 Edina lOmwene olo oshungongulu ya pama. Omuyuki ta hondama mo ndele ta amenwa. 11 Emona loshipuna olo oshilando shasho sha pama ngaashi ohotekuma ile momadiladilo asho. 12 Omutima womulumenhu tau linenepeke komesho yehanauno laye. Ndelenee elininipiko tali tetekele efimano. 13 Ou ta nyamukula fimbo ina uda ko, osho oulai waye ndele tashi mu fifa ohoni. 14 Omhepo yomulumenhu tai mu yambidida moudu waye, ndelenee omhepo ya teka, olyelye ta dulu oku i humbata? 15 Omutima womunaendunge tau likola eshiivo, nokutwi kwovanongo taku kongo eshiivo. 16 Oshali tai mbwalangadjifile omunhu eenhele ndele tai mu twala mokati kovanenenhu. 17 Pehovelo lomoihokolola keshe umwe e nounongo; ndelenee omuhokololifi wavo te uya ndele te mu konakona. 18 Oshihoololifo tashi lotifa eemhata ndele tashi tokola pokati kovanaenghono. 19 Omumwaina a kengelelwa te lipopile e dule oshilando sha pama, neemhata di li ngaashi oiidilifo yohotengulu. 20 Edimo lomulumenhu tali kutifwa koiimati yokanya kaye, ta kutifwa keteyo lomilungu daye. 21 Elaka li nepangelo lefyo nolomwenyo. Ava ve li hokwa, tava ka lya oiimati yalo. 22 Ou a mona omwalikadi, ye a mona elao, ndele a mona ohokwe yOmwene. 23 Omukwanaluhepo ta popi mokulininipika, ndelenee oshipuna tashi nyamukula eendjovo dikukutu. 24 Omulumenhu e nookaume vahapu ta ka mona oluhepo, ndelenee ope nookaume ve dule ovamwaina ovalumenhu mokulineekelwa.
1 Ou te li tongola, ota kongo omahalo aye mwene. Neenghono adishe ta kondjifa osho shi neendunge. 2 Elai itali hokwa eendunge, ndelenee okuholola ashike omutima walo. 3 Ovahenakalunga eshi tave uya, nokudina yo taku uya. Ndele esheko tali uya pamwe nohoni. 4 Eendjovo domokanya komulumenhu odo omeva malemale, ekungulukilo lomeva taa fuluka, ofifiya younongo. 5 Okukala nokatongotongo nomuhenakalunga nokupengifa eendjovo daau ehe nombedi, itaku wapala. 6 Omilungu delai tadi eta eemhata, nokanya kalo taka ifana omadengo. 7 Okanya kelai oko ehanauno lalo, nomilungu dalo odo eemwiyo dokukalamwenyo kwalo. 8 Eendjovo domulundili da fa ouleke ndele tadi ningine mo fiyo omoukololo vomutima. 9 Ou e nounye moilonga yaye, ye omumwaina womuhanauni. 10 Edina lOmwene olo oshungongulu ya pama. Omuyuki ta hondama mo ndele ta amenwa. 11 Emona loshipuna olo oshilando shasho sha pama ngaashi ohotekuma ile momadiladilo asho. 12 Omutima womulumenhu tau linenepeke komesho yehanauno laye. Ndelenee elininipiko tali tetekele efimano. 13 Ou ta nyamukula fimbo ina uda ko, osho oulai waye ndele tashi mu fifa ohoni. 14 Omhepo yomulumenhu tai mu yambidida moudu waye, ndelenee omhepo ya teka, olyelye ta dulu oku i humbata? 15 Omutima womunaendunge tau likola eshiivo, nokutwi kwovanongo taku kongo eshiivo. 16 Oshali tai mbwalangadjifile omunhu eenhele ndele tai mu twala mokati kovanenenhu. 17 Pehovelo lomoihokolola keshe umwe e nounongo; ndelenee omuhokololifi wavo te uya ndele te mu konakona. 18 Oshihoololifo tashi lotifa eemhata ndele tashi tokola pokati kovanaenghono. 19 Omumwaina a kengelelwa te lipopile e dule oshilando sha pama, neemhata di li ngaashi oiidilifo yohotengulu. 20 Edimo lomulumenhu tali kutifwa koiimati yokanya kaye, ta kutifwa keteyo lomilungu daye. 21 Elaka li nepangelo lefyo nolomwenyo. Ava ve li hokwa, tava ka lya oiimati yalo. 22 Ou a mona omwalikadi, ye a mona elao, ndele a mona ohokwe yOmwene. 23 Omukwanaluhepo ta popi mokulininipika, ndelenee oshipuna tashi nyamukula eendjovo dikukutu. 24 Omulumenhu e nookaume vahapu ta ka mona oluhepo, ndelenee ope nookaume ve dule ovamwaina ovalumenhu mokulineekelwa.
