Kaleni mwa pama momukoo umwe
1 Onghee hano ovamwatate ovaholike ava nde mu djuulukwa, onye ehafo lange noshishani shange, kaleni mwa dama mOmwene, ovaholike.
2 Euodia naSintike ohandi va kumaida, va kale va twa omhango imwe mOmwene. 3 Naave yo omuyakuli wange washili, ohandi ku indile, u kwafe ovakainhu ava, osheshi ovo va kondjela evaengeli pamwe naame nonaKlemens novayakuli vakwetu ava ve nomadina avo membo lomwenyo.
4 Hafeni alushe mOmwene! Navali handi ti: Hafeni! 5 Olune leni nali shiivike kovanhu aveshe. Omwene oku li popepi. 6 Kaleni muhe na nande oshisho shasha, ndelenee oufyoona weni u shiivifileni Kalunga momailikano nomomaindilo pamwe nomapandulo, 7 nombili yaKalunga ei i dule eendunge adishe, otai ka amena omitima deni nomadiladilo eni muKristus Jesus.
Wanifeni ouwa aushe
8 Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni. 9 Naai mwe i lilonga nomwe i tambula nomwe i uda nomwe i mona mwaame, i ningeni, Kalunga kombili nota ka kala pamwe nanye.
Omuyapostoli ta pandula Ovafilippi
10 Onda li nda hafa unene mOmwene, osheshi ngolongo mwa tukuluka okufila nge oshisho, nongaashi nonale mwa li mwe shi hala, ndele inamu mona omhito oku shi ninga. 11 Hakutya omolweemhumbwe dange handi shi popi, osheshi ame onda ika okuwanena naai ndi i kwete. 12 Ondi shii okukala noluhepo nondi shii okukala nehepuluko, onda ika aishe nokukala akushe, okukuta nokufya ondjala, okukala noupuna noluhepo. 13 Aishe ohandi i dulu omolwaKristus, ou ta pameke nge.
14 Nande ngaha nye mwa ninga nawa, eshi mwa kwafa nge moudjuu wange. 15 Nanye yo Ovafilippi, omu shi shii, pehovelo leudifo levaengeli, eshi nda dja kuMakedonia, inapa kala nande eongalo limwe le litula kumwe naame mokuvalula eshi sha yandjwa naashi sha tambulwa, onye amuke. 16 Osheshi nokuTessalonika yo onye mwa tumina nge halumwe aluke ei nde i hepa. 17 Hakutya handi kongo oshali, ndelenee ohandi kongo oiimati i mu hapupalele. 18 Ndelenee onda tambula aishe, nda wana ndele pa xupa nokuli. Nda mona ehepuluko linene, eshi nda mona kuEpafroditus, osho mwe shi tumina nge, oyo edimba liwa, neyambo liwa la wapalela Kalunga. 19 Ndelenee Kalunga kange ote mu wanifile keshe eshi mwa pumbwa shi fike poupuna waye mefimano muKristus Jesus. 20 Ndelenee Kalunga Tate yetu, Oye na fimanekwe alushe fiyo alushe. Amen.
Omalekelo
21 Kundileni po omuyapuki keshe muKristus Jesus. Ovamwatate aveshe ve li pwaame otave mu kundile po. 22 Ovayapuki aveshe otave mu kundu, unene ovaneumbo lomukesari.
23 Efilonghenda lOmwene wetu Jesus Kristus nali kale nomhepo yeni! Amen.
Kaleni mwa pama momukoo umwe
1 Onghee hano ovamwatate ovaholike ava nde mu djuulukwa, onye ehafo lange noshishani shange, kaleni mwa dama mOmwene, ovaholike.
2 Euodia naSintike ohandi va kumaida, va kale va twa omhango imwe mOmwene. 3 Naave yo omuyakuli wange washili, ohandi ku indile, u kwafe ovakainhu ava, osheshi ovo va kondjela evaengeli pamwe naame nonaKlemens novayakuli vakwetu ava ve nomadina avo membo lomwenyo.
4 Hafeni alushe mOmwene! Navali handi ti: Hafeni! 5 Olune leni nali shiivike kovanhu aveshe. Omwene oku li popepi. 6 Kaleni muhe na nande oshisho shasha, ndelenee oufyoona weni u shiivifileni Kalunga momailikano nomomaindilo pamwe nomapandulo, 7 nombili yaKalunga ei i dule eendunge adishe, otai ka amena omitima deni nomadiladilo eni muKristus Jesus.
Wanifeni ouwa aushe
8 Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni. 9 Naai mwe i lilonga nomwe i tambula nomwe i uda nomwe i mona mwaame, i ningeni, Kalunga kombili nota ka kala pamwe nanye.
Omuyapostoli ta pandula Ovafilippi
10 Onda li nda hafa unene mOmwene, osheshi ngolongo mwa tukuluka okufila nge oshisho, nongaashi nonale mwa li mwe shi hala, ndele inamu mona omhito oku shi ninga. 11 Hakutya omolweemhumbwe dange handi shi popi, osheshi ame onda ika okuwanena naai ndi i kwete. 12 Ondi shii okukala noluhepo nondi shii okukala nehepuluko, onda ika aishe nokukala akushe, okukuta nokufya ondjala, okukala noupuna noluhepo. 13 Aishe ohandi i dulu omolwaKristus, ou ta pameke nge.
14 Nande ngaha nye mwa ninga nawa, eshi mwa kwafa nge moudjuu wange. 15 Nanye yo Ovafilippi, omu shi shii, pehovelo leudifo levaengeli, eshi nda dja kuMakedonia, inapa kala nande eongalo limwe le litula kumwe naame mokuvalula eshi sha yandjwa naashi sha tambulwa, onye amuke. 16 Osheshi nokuTessalonika yo onye mwa tumina nge halumwe aluke ei nde i hepa. 17 Hakutya handi kongo oshali, ndelenee ohandi kongo oiimati i mu hapupalele. 18 Ndelenee onda tambula aishe, nda wana ndele pa xupa nokuli. Nda mona ehepuluko linene, eshi nda mona kuEpafroditus, osho mwe shi tumina nge, oyo edimba liwa, neyambo liwa la wapalela Kalunga. 19 Ndelenee Kalunga kange ote mu wanifile keshe eshi mwa pumbwa shi fike poupuna waye mefimano muKristus Jesus. 20 Ndelenee Kalunga Tate yetu, Oye na fimanekwe alushe fiyo alushe. Amen.
Omalekelo
21 Kundileni po omuyapuki keshe muKristus Jesus. Ovamwatate aveshe ve li pwaame otave mu kundile po. 22 Ovayapuki aveshe otave mu kundu, unene ovaneumbo lomukesari.
23 Efilonghenda lOmwene wetu Jesus Kristus nali kale nomhepo yeni! Amen.
