Hopaeleleni Kristus
1 Hano ngeenge ku na ekumaido lasha lomuKristus, ngee ehekeleko lasha lohole, ile oukumwe washa wOmhepo, nounamutimanghenda washa nolukeno, 2 wedeleni ehafo lange li wane, mokukala mu li omukoo umwe nomu nohole imwe, nye mwa twa ediladilo limwe nelalakano limwe, 3 nye muha longe nande sha kokulihola nokukonga efimano longaho, ndelenee omelininipiko keshe umwe na tale omukwao e li komesho yaye mwene, 4 nye muha tale keshe tuu osho shaye ashike, ndelenee shomukwao yo. 5 Omadiladilo eni naa fe enya aKristus Jesus kwa li e a na, 6 Oye nande olupe laKalunga, Oye ina hakana a kale a fa Kalunga, 7 ndelenee okwe lidula Ye mwene nokwa djala olupe lomupika nokufaafana novanhu 8 nomokukala kwaye okwa li a fa omunhu; nokwe lininipika Ye mwene a dulika fiyo omefyo, heeno, fiyo omokufya komushiyakano.Okwe lininipika Ye mwene a dulika fiyo omefyo, heeno, fiyo mefyo lokomushiyakano. 9 Onghee hano Kalunga okwe mu lenga, nokwe mu luka edina li li kombada yomadina aeshe, 10 opo aveshe ve nokutwa eengolo medina laJesus naava vomeulu novokombada yedu naava vokoshi yedu, 11 nelaka keshe li nokufimaneka Kalunga Xe nokuhepaulula, kutya Jesus Kristus Oye Omwene.
12 Onghee hano ovaholike vange, ngaashi mwa kala hamu dulika alushe, longeni shili nokutila nokukakama mu xupifwe, hasheshi ndi li mokati keni ashike, ndelenee unene paife, eshi ndihe po punye, 13 osheshi Kalunga Oye tuu ha longo munye okuhala nokulonga pahokwe yaye.
14 Aishe i longeni muhe nomapulapulo nomu he nomalimbililo, 15 opo mu kale ovahenashipo, mwa koshoka, ovana vaKalunga, muhe na edilo mokati koludi eli la pilalala nola ngolyoka, mu vilime mokati kavo ngaashi eenyofi mounyuni, 16 mokudiinina eendjovo domwenyo, mu kale elitango lange mefiku laKristus opo ndi kale inandi tondoka epwanga noinandi lihepeka oshimha. 17 Ndele nande ohandi tilwashi ngaashi eyambo meyakulo leitavelo leni, ohandi hafe, nohandi nyakukwa pamwe nanye amushe, 18 nosho nanye yo, hafeni nokunyakukwa pamwe naame!
Timoteus naEpafroditus
19 Ndele mokulineekela Omwene Jesus onda hala Timoteus ndi mu tume kunye diva, opo ndi tuwe yo ouladi, ngee nda uda nhumbi mu li, 20 Osheshi ame nghi na umwe ta diladila ngaashi aame, e mu file oshisho shili, 21 osheshi vo hava kongo oinima yavo vene, hayei yaKristus Jesus. 22 Ndelenee oulineekelwa waTimoteus omu u shii eshi a kala pamwe naame ongaashi xe nomona okuyakula evaengeli. 23 Ondi netimaumbwile nokutya, ohandi mu tumu kunye shimha tuu nda mona nhumbi handi ningwa. 24 Nondi nelineekelo mOmwene, ame mwene yo handi ke uya diva.
25 Ndelenee onda tala osha yuka okushunifa kunye Epafroditus omumwatate, omulongi nomukwaita omukwetu, omutumwa weni nomuyakuli moluhepo eli lange. 26 Osheshi ye e mu djuulukwa onye amushe ndele okwa djaalela omolweni eshi mwe mu kundana, kutya okwa li ta vele. 27 Nokwa li a ditika, hanga a fya, ndele Kalunga okwe mu fila onghenda, nahaye aeke, naame yo, ndiha wedelwe oluhodi kulikwao. 28 Osho hano nda endelela oku mu tuma, mu nyakukwe, ngeenge mwe mu mona, naame yo opo ndi kufwe oluhodi limwe. 29 Mu tambuleni hano mOmwene nehafo alishe, novanhu ngaashi ye, va fimanekeni, 30 osheshi omolwoshilongo shaKristus oye hanga a fya, eshi a yandjela nge omwenyo waye a yakule nge ponhele yeni.
Hopaeleleni Kristus
1 Hano ngeenge ku na ekumaido lasha lomuKristus, ngee ehekeleko lasha lohole, ile oukumwe washa wOmhepo, nounamutimanghenda washa nolukeno, 2 wedeleni ehafo lange li wane, mokukala mu li omukoo umwe nomu nohole imwe, nye mwa twa ediladilo limwe nelalakano limwe, 3 nye muha longe nande sha kokulihola nokukonga efimano longaho, ndelenee omelininipiko keshe umwe na tale omukwao e li komesho yaye mwene, 4 nye muha tale keshe tuu osho shaye ashike, ndelenee shomukwao yo. 5 Omadiladilo eni naa fe enya aKristus Jesus kwa li e a na, 6 Oye nande olupe laKalunga, Oye ina hakana a kale a fa Kalunga, 7 ndelenee okwe lidula Ye mwene nokwa djala olupe lomupika nokufaafana novanhu 8 nomokukala kwaye okwa li a fa omunhu; nokwe lininipika Ye mwene a dulika fiyo omefyo, heeno, fiyo omokufya komushiyakano.Okwe lininipika Ye mwene a dulika fiyo omefyo, heeno, fiyo mefyo lokomushiyakano. 9 Onghee hano Kalunga okwe mu lenga, nokwe mu luka edina li li kombada yomadina aeshe, 10 opo aveshe ve nokutwa eengolo medina laJesus naava vomeulu novokombada yedu naava vokoshi yedu, 11 nelaka keshe li nokufimaneka Kalunga Xe nokuhepaulula, kutya Jesus Kristus Oye Omwene.
12 Onghee hano ovaholike vange, ngaashi mwa kala hamu dulika alushe, longeni shili nokutila nokukakama mu xupifwe, hasheshi ndi li mokati keni ashike, ndelenee unene paife, eshi ndihe po punye, 13 osheshi Kalunga Oye tuu ha longo munye okuhala nokulonga pahokwe yaye.
14 Aishe i longeni muhe nomapulapulo nomu he nomalimbililo, 15 opo mu kale ovahenashipo, mwa koshoka, ovana vaKalunga, muhe na edilo mokati koludi eli la pilalala nola ngolyoka, mu vilime mokati kavo ngaashi eenyofi mounyuni, 16 mokudiinina eendjovo domwenyo, mu kale elitango lange mefiku laKristus opo ndi kale inandi tondoka epwanga noinandi lihepeka oshimha. 17 Ndele nande ohandi tilwashi ngaashi eyambo meyakulo leitavelo leni, ohandi hafe, nohandi nyakukwa pamwe nanye amushe, 18 nosho nanye yo, hafeni nokunyakukwa pamwe naame!
Timoteus naEpafroditus
19 Ndele mokulineekela Omwene Jesus onda hala Timoteus ndi mu tume kunye diva, opo ndi tuwe yo ouladi, ngee nda uda nhumbi mu li, 20 Osheshi ame nghi na umwe ta diladila ngaashi aame, e mu file oshisho shili, 21 osheshi vo hava kongo oinima yavo vene, hayei yaKristus Jesus. 22 Ndelenee oulineekelwa waTimoteus omu u shii eshi a kala pamwe naame ongaashi xe nomona okuyakula evaengeli. 23 Ondi netimaumbwile nokutya, ohandi mu tumu kunye shimha tuu nda mona nhumbi handi ningwa. 24 Nondi nelineekelo mOmwene, ame mwene yo handi ke uya diva.
25 Ndelenee onda tala osha yuka okushunifa kunye Epafroditus omumwatate, omulongi nomukwaita omukwetu, omutumwa weni nomuyakuli moluhepo eli lange. 26 Osheshi ye e mu djuulukwa onye amushe ndele okwa djaalela omolweni eshi mwe mu kundana, kutya okwa li ta vele. 27 Nokwa li a ditika, hanga a fya, ndele Kalunga okwe mu fila onghenda, nahaye aeke, naame yo, ndiha wedelwe oluhodi kulikwao. 28 Osho hano nda endelela oku mu tuma, mu nyakukwe, ngeenge mwe mu mona, naame yo opo ndi kufwe oluhodi limwe. 29 Mu tambuleni hano mOmwene nehafo alishe, novanhu ngaashi ye, va fimanekeni, 30 osheshi omolwoshilongo shaKristus oye hanga a fya, eshi a yandjela nge omwenyo waye a yakule nge ponhele yeni.
