Edom tashi xunganekwa
1 Emoniko laObadja. Omwene Kalunga mokupopya Edom, ota ti ngaha: Fye Otwa uda ondaka ya dja kOmwene nomutumwa okwa tuminwa mokati koiwana a tye: “Fikameni, fye tu lilongekidileni oku shi lwifa.”
2 Tala, Ame onde ku ninipika mokati koiwana. Ove wa dinika unene. 3 Ounhwa womutima woye owe ku pukifa, ou ho kala momakololo eemhunda, ndele ho kala meenhele dopombada noto lipopile momutima woye to ti: “Olyelye ta ka ekela nge poshi?” 4 Nande u kale pombada ngaashi onhwa, heeno, nande u litungile oshihadi shoye pokati keenyofi naako yo ohandi ke ku ekelashi poshi, Omwene osho ta ti.
5 Ngeenge ovalunga ve uya kwoove ile eembudi doufiku, ngeno okuhanaunwa kwoye oku fike peni! Itava vake mbela osho ashike tave shi pumbwa? Ngeenge ovalikoli veeviinyu ve uya kwoove, itava ka fiya po ngeno epupudululo? 6 Esau okwa hadahadwa ngahelipi! Omamona aye a holekwa a tuvaulwa ngahelipi! 7 Ove wa tewatewa fiyo okongaba, aveshe ovo mwa hangana navo, ve ku kengelela. Ookaume koye ve ku dule. Omungome oo to u pumbwa ve u lukile elulo kwoove. Kamu neendunge muyo. 8 Omwene ota ti: Mefiku tuu olo, ohandi ka mana po ovanamayele muEdom neendunge keemhunda daEsau. 9 Ndele ovaladi voye, Teman, otava haluka, opo omulumenhu keshe ta ka kana keemhunda daEsau omolwomadipao. 10 Omolwoupwidi we u ningila omumwanyoko Jakob, ohoni tai ku tuvike to hanaunwa po fiyo alushe. 11 Mefiku linya, naave yo opo wa li, ovanailongo eshi va twala oupuna waye, novanhu vokoilongo eshi ve liundulila mo moivelo ndele va ningila Jerusalem oshihoololifo, mefiku olo ove wa li ngaashi umwe wavo. 12 Ndele ino tala nokuhafela efiku lomumwanyoko, efiku lomupya waye, ndele ino shambukwa molwovana vaJuda mefiku lehanauno lavo, ndele ino popya elinenepeko mefiku loudjuu. 13 Ino uya moshivelo shoshiwana shange mefiku lefininiko lasho. Ino kala nokutala nehafo omupya waye mefiku lehepeko lasho. Ndele ino aneka eke loye koupuna washo mefiku loudjuu washo. 14 Ndele ove ino kala ofika pomashakeneno eendjila u dipae ovainhapo vasho, ndele ovaxupifwa vasho ino va yandja momake ovanaita mefiku lefininiko.
15 Osheshi efiku lOmwene oli li popepi noiwana aishe. Ngaashi ove wa ningile, osho yo ove to ka ningwa. Oshilonga shoye otashi alukile komutwe woye. 16 Osheshi ngaashi nye mwa nwa komhunda yange iyapuki, osho yo oiwana aishe otai ka nwa ko alushe; heeno, otava ka nwa nokuxupaela notava ka kala va fa vaako. 17 Komhunda yaSion taku ka kala exupifo, ndele otai ka ninga onhele iyapuki, neumbo laJakob tali ka fyuulula efyuululo lalo. 18 Opo nee eumbo laJakob otali ka kala omundilo, neumbo laJosef otali ka kala elaka lomundilo, ndelenee eumbo laEsau oshihati, ndele vo otava ka tema noku shi lungwinifa po, opo paha kale vali oshixupe shomeumbo laEsau. Osheshi Omwene e shi popya. 19 Ndele vo otava ka kufa efyuululo edu laumbuwanhu, eemhunda daEsau, nedu la yelakana lOvafilisti. Ndele vo otava ka kufa efyuululo edu laEfraim nedu laSamaria nosho yo Benjamin naGilead. 20 Eenghwate domatanga ovana vaIsrael otadi ka kufa efyuululo eshi shOvakaanan fiyo okuSarefat. Neenghwate domuJerusalem, odo di li muSarefat, otadi ka kufa efyuululo oilando yokoumbuwanhu. 21 Opo nee taku di ovaxupifi tave uya komhunda yaSion, va ka tokole eemhunda daEsau. Nouhamba otau ka ninga wOmwene.
Edom tashi xunganekwa
1 Emoniko laObadja. Omwene Kalunga mokupopya Edom, ota ti ngaha: Fye Otwa uda ondaka ya dja kOmwene nomutumwa okwa tuminwa mokati koiwana a tye: “Fikameni, fye tu lilongekidileni oku shi lwifa.”
2 Tala, Ame onde ku ninipika mokati koiwana. Ove wa dinika unene. 3 Ounhwa womutima woye owe ku pukifa, ou ho kala momakololo eemhunda, ndele ho kala meenhele dopombada noto lipopile momutima woye to ti: “Olyelye ta ka ekela nge poshi?” 4 Nande u kale pombada ngaashi onhwa, heeno, nande u litungile oshihadi shoye pokati keenyofi naako yo ohandi ke ku ekelashi poshi, Omwene osho ta ti.
5 Ngeenge ovalunga ve uya kwoove ile eembudi doufiku, ngeno okuhanaunwa kwoye oku fike peni! Itava vake mbela osho ashike tave shi pumbwa? Ngeenge ovalikoli veeviinyu ve uya kwoove, itava ka fiya po ngeno epupudululo? 6 Esau okwa hadahadwa ngahelipi! Omamona aye a holekwa a tuvaulwa ngahelipi! 7 Ove wa tewatewa fiyo okongaba, aveshe ovo mwa hangana navo, ve ku kengelela. Ookaume koye ve ku dule. Omungome oo to u pumbwa ve u lukile elulo kwoove. Kamu neendunge muyo. 8 Omwene ota ti: Mefiku tuu olo, ohandi ka mana po ovanamayele muEdom neendunge keemhunda daEsau. 9 Ndele ovaladi voye, Teman, otava haluka, opo omulumenhu keshe ta ka kana keemhunda daEsau omolwomadipao. 10 Omolwoupwidi we u ningila omumwanyoko Jakob, ohoni tai ku tuvike to hanaunwa po fiyo alushe. 11 Mefiku linya, naave yo opo wa li, ovanailongo eshi va twala oupuna waye, novanhu vokoilongo eshi ve liundulila mo moivelo ndele va ningila Jerusalem oshihoololifo, mefiku olo ove wa li ngaashi umwe wavo. 12 Ndele ino tala nokuhafela efiku lomumwanyoko, efiku lomupya waye, ndele ino shambukwa molwovana vaJuda mefiku lehanauno lavo, ndele ino popya elinenepeko mefiku loudjuu. 13 Ino uya moshivelo shoshiwana shange mefiku lefininiko lasho. Ino kala nokutala nehafo omupya waye mefiku lehepeko lasho. Ndele ino aneka eke loye koupuna washo mefiku loudjuu washo. 14 Ndele ove ino kala ofika pomashakeneno eendjila u dipae ovainhapo vasho, ndele ovaxupifwa vasho ino va yandja momake ovanaita mefiku lefininiko.
15 Osheshi efiku lOmwene oli li popepi noiwana aishe. Ngaashi ove wa ningile, osho yo ove to ka ningwa. Oshilonga shoye otashi alukile komutwe woye. 16 Osheshi ngaashi nye mwa nwa komhunda yange iyapuki, osho yo oiwana aishe otai ka nwa ko alushe; heeno, otava ka nwa nokuxupaela notava ka kala va fa vaako. 17 Komhunda yaSion taku ka kala exupifo, ndele otai ka ninga onhele iyapuki, neumbo laJakob tali ka fyuulula efyuululo lalo. 18 Opo nee eumbo laJakob otali ka kala omundilo, neumbo laJosef otali ka kala elaka lomundilo, ndelenee eumbo laEsau oshihati, ndele vo otava ka tema noku shi lungwinifa po, opo paha kale vali oshixupe shomeumbo laEsau. Osheshi Omwene e shi popya. 19 Ndele vo otava ka kufa efyuululo edu laumbuwanhu, eemhunda daEsau, nedu la yelakana lOvafilisti. Ndele vo otava ka kufa efyuululo edu laEfraim nedu laSamaria nosho yo Benjamin naGilead. 20 Eenghwate domatanga ovana vaIsrael otadi ka kufa efyuululo eshi shOvakaanan fiyo okuSarefat. Neenghwate domuJerusalem, odo di li muSarefat, otadi ka kufa efyuululo oilando yokoumbuwanhu. 21 Opo nee taku di ovaxupifi tave uya komhunda yaSion, va ka tokole eemhunda daEsau. Nouhamba otau ka ninga wOmwene.
