Ovanasiri
1 Nomwene okwa popya vali naMoses, 2 a lombwele ovana vaIsrael a tye kuvo: “Omulumenhu ile omukainhu, ngeenge a hala okuudaneka eudaneko nokutya, eudaneko lOmunasiri, e liyapule kOmwene, 3 ye e nokulidilika omaviinyu noikolwifa, ye ke nokunwa omaetika omaviinyu ile oshinwa tashi kolwifa, heeno, aha nwe nande omeva a kolwa omandjebele, ye aha lye omandjebele matalala ile oo a kashekwa. 4 Momafiku aeshe omounasiri waye aha lye sha shomwashishe eshi sha ningwa komuviinyu, nande oipele ile keenhele domashila ado. 5 Momafiku aeshe omounasiri waye oshimbi shiha ye ko komutwe waye. Fiyo omafiku a pwa ko, aa ye e liudanekela Omwene, ye e nokukala omuyapuki, na efe eexwiki daye dokomutwe diha kululwe. 6 Momafiku aeshe ye e liyapulila Omwene ye aha ehene koshimhu. 7 Ndee nande naku fye xe ile ina ile omumwaina omulumenhu ile omumwaina omukainhu, ehe linyateke kuvo, osheshi komutwe waye oku nedidiliko nokutya, ye e liyapulila Kalunga kaye. 8 Omafiku aeshe omounasiri waye ye a yapulilwa Omwene.
9 “Ndele ngeenge pe na ou ta fi ohaluka puye, ndee ta nyateke ngaha omutwe waye wa yapulwa, ye e nokukululifa omutwe waye mefiku letetifo laye, mefiku etiheyali ne u kululife. 10 Ndele mefiku etihetatu ye e nokweeta omalyamono avali ile eenghutyona mbali komupristeli koshivelo shetwali leongalo. 11 Nomupristeli e nokuyamba imwe etimbayambo nashimwe exwikiloyambo noku mu kwatakanifa omolwaashi ye a nyona omolwomufi. Osho ngaha ye e nokuyapula vali omutwe waye mefiku tuu limwe alike. 12 Opo nee ye e nokuliudanekela vali Omwene omafiku omounasiri waye nokweeta kOmwene odi yomudo umwe okuvelombediyambo. Nomafiku enya otete itaa valwa vali, osheshi ounasiri waye wa nyatekwa.
13 “Omhango younasiri oyei: ‘Mefiku tuu olo omafiku omounasiri waye a xula po, vo ve noku mu eta koshivelo shetwali leongalo; 14 ndele ye e nokuyambela Omwene eyambo laye: odi yomudo umwe ihe noshipo exwikiloyambo, odi yonghadi yomudo umwe ihe noshipo etimbayambo, odi yomhedi ihe noshipo epanduloyambo, 15 okambale ke noikuki youfila wa nakwa ihe nonhafi, oikuki mwa pilulilwa omaadi, oikuki ya lalakana ihe nonhafi ya vaekwa nomaadi, pamwe neendjayambo nopamwe noikunwayambo. 16 Nomupristeli e noku i eta koshipala shOmwene nokuyamba omolwaye etimbayambo nexwikiloyambo. 17 Ye e nokulongekidila Omwene epanduloyambo odi yomhedi pamwe nokambale koikuki ihe nonhafi. Nomupristeli e nokuyamba omolwaye eendjayambo noikunwayambo. 18 Opo nee Omunasiri na kululife eexwiki daye dounasiri dokomutwe, ndee ta kufa eexwiki daye dounasiri dokomutwe ndee te di ekele momundilo, ou u li koshi yepanduloyambo. 19 Omupristeli na kufe ombeyo ya telekwa yodi yomhedi noshikuki shimwe shihe nonhafi shomokambale noshikuki shimwe sha lalakana shihe nonhafi. Ndele ye e noku i tula momake Omunasiri, ye eshi a kululifa eexwiki dounasiri waye. 20 Nomupristeli e noku i dungadungifa edungadungifwayambo koshipala shOmwene. Yo oshali iyapuki yomupristeli pamwe nombadja yedungadungifwayambo noshilama sheyelulwayambo. Opo nee Omunasiri na nwe omaviinyu.’
21 “Oyo hano omhango yOmunasiri, ou a udanekela Omwene eyambo molwounasiri waye pamwe naikwao, ye ta dulu oku i yandja. Ye e nokuninga paudaneko laye ye e li udaneka pamhango yOunasiri.”
Enangekonoupuna
22 Ndele Omwene okwa popya naMoses, 23 a lombwele Aron novana vaye ovamati a tye: “Mokunangeka kweni noupuna ovana vaIsrael, va lombweleni mu tye: 24 ‘Omwene ne ku nangeke noupuna, Ye ne ku amene; 25 Omwene ne ku yelifile oshipala shaye Ye ne ku filonghenda; 26 Omwene na yelule oshipala shaye kwoove, Ye ne ku pe ombili. 27 Osho ngaha hano edina lange ve noku li tula kovana vaIsrael. Ndele Ame nda hala oku va nangeka noupuna.’ ”
Ovanasiri
1 Nomwene okwa popya vali naMoses, 2 a lombwele ovana vaIsrael a tye kuvo: “Omulumenhu ile omukainhu, ngeenge a hala okuudaneka eudaneko nokutya, eudaneko lOmunasiri, e liyapule kOmwene, 3 ye e nokulidilika omaviinyu noikolwifa, ye ke nokunwa omaetika omaviinyu ile oshinwa tashi kolwifa, heeno, aha nwe nande omeva a kolwa omandjebele, ye aha lye omandjebele matalala ile oo a kashekwa. 4 Momafiku aeshe omounasiri waye aha lye sha shomwashishe eshi sha ningwa komuviinyu, nande oipele ile keenhele domashila ado. 5 Momafiku aeshe omounasiri waye oshimbi shiha ye ko komutwe waye. Fiyo omafiku a pwa ko, aa ye e liudanekela Omwene, ye e nokukala omuyapuki, na efe eexwiki daye dokomutwe diha kululwe. 6 Momafiku aeshe ye e liyapulila Omwene ye aha ehene koshimhu. 7 Ndee nande naku fye xe ile ina ile omumwaina omulumenhu ile omumwaina omukainhu, ehe linyateke kuvo, osheshi komutwe waye oku nedidiliko nokutya, ye e liyapulila Kalunga kaye. 8 Omafiku aeshe omounasiri waye ye a yapulilwa Omwene.
9 “Ndele ngeenge pe na ou ta fi ohaluka puye, ndee ta nyateke ngaha omutwe waye wa yapulwa, ye e nokukululifa omutwe waye mefiku letetifo laye, mefiku etiheyali ne u kululife. 10 Ndele mefiku etihetatu ye e nokweeta omalyamono avali ile eenghutyona mbali komupristeli koshivelo shetwali leongalo. 11 Nomupristeli e nokuyamba imwe etimbayambo nashimwe exwikiloyambo noku mu kwatakanifa omolwaashi ye a nyona omolwomufi. Osho ngaha ye e nokuyapula vali omutwe waye mefiku tuu limwe alike. 12 Opo nee ye e nokuliudanekela vali Omwene omafiku omounasiri waye nokweeta kOmwene odi yomudo umwe okuvelombediyambo. Nomafiku enya otete itaa valwa vali, osheshi ounasiri waye wa nyatekwa.
13 “Omhango younasiri oyei: ‘Mefiku tuu olo omafiku omounasiri waye a xula po, vo ve noku mu eta koshivelo shetwali leongalo; 14 ndele ye e nokuyambela Omwene eyambo laye: odi yomudo umwe ihe noshipo exwikiloyambo, odi yonghadi yomudo umwe ihe noshipo etimbayambo, odi yomhedi ihe noshipo epanduloyambo, 15 okambale ke noikuki youfila wa nakwa ihe nonhafi, oikuki mwa pilulilwa omaadi, oikuki ya lalakana ihe nonhafi ya vaekwa nomaadi, pamwe neendjayambo nopamwe noikunwayambo. 16 Nomupristeli e noku i eta koshipala shOmwene nokuyamba omolwaye etimbayambo nexwikiloyambo. 17 Ye e nokulongekidila Omwene epanduloyambo odi yomhedi pamwe nokambale koikuki ihe nonhafi. Nomupristeli e nokuyamba omolwaye eendjayambo noikunwayambo. 18 Opo nee Omunasiri na kululife eexwiki daye dounasiri dokomutwe, ndee ta kufa eexwiki daye dounasiri dokomutwe ndee te di ekele momundilo, ou u li koshi yepanduloyambo. 19 Omupristeli na kufe ombeyo ya telekwa yodi yomhedi noshikuki shimwe shihe nonhafi shomokambale noshikuki shimwe sha lalakana shihe nonhafi. Ndele ye e noku i tula momake Omunasiri, ye eshi a kululifa eexwiki dounasiri waye. 20 Nomupristeli e noku i dungadungifa edungadungifwayambo koshipala shOmwene. Yo oshali iyapuki yomupristeli pamwe nombadja yedungadungifwayambo noshilama sheyelulwayambo. Opo nee Omunasiri na nwe omaviinyu.’
21 “Oyo hano omhango yOmunasiri, ou a udanekela Omwene eyambo molwounasiri waye pamwe naikwao, ye ta dulu oku i yandja. Ye e nokuninga paudaneko laye ye e li udaneka pamhango yOunasiri.”
Enangekonoupuna
22 Ndele Omwene okwa popya naMoses, 23 a lombwele Aron novana vaye ovamati a tye: “Mokunangeka kweni noupuna ovana vaIsrael, va lombweleni mu tye: 24 ‘Omwene ne ku nangeke noupuna, Ye ne ku amene; 25 Omwene ne ku yelifile oshipala shaye Ye ne ku filonghenda; 26 Omwene na yelule oshipala shaye kwoove, Ye ne ku pe ombili. 27 Osho ngaha hano edina lange ve noku li tula kovana vaIsrael. Ndele Ame nda hala oku va nangeka noupuna.’ ”
