Kora, Datan naAbiram tava tu ondubo naMoses naAron
1 Ndelenee Kora yaIshar yaKohat yaLevi pamwe naDatan naAbiram ovana vaEliab naOn yaPelet, ovana vaRuben, ova kufa ovalumenhu, 2 ndele vo pamwe novalumenhu omafele avali nomilongo nhano vomovana vaIsrael, ovakulunhu voshiongalele shoshiwana, ovalumenhu ovanamadina ova fikama nokutwa ondubo naMoses. 3 Ndele ova ongalela Moses naAron ndee tava ti kuvo: “Sha wana nee paife! Osheshi eongalo alishe oliyapuki. NOmwene oha kala mokati kavo! Omolwashike hano nye tamu linenepekifile kombada yeongalo lOmwene?” 4 Moses eshi e di uda okwa wila eombe. 5 Ndele ye okwa lombwela Kora nongudu yaye aishe ndee ta ti: “Ongula inene Omwene ta ka holola olyelye waye nalyelye omuyapuki nalyelye te mu itavelele okweehena kuye. Ou Ye ta hoolola Oye te mu itavelele okweehena kuye. 6 Ningeni ngaha: Kufeni ko oikwatelwa yomakala nye Kora nongudu yoye aishe, 7 ndele tuleni mo omundilo mu tule kombada yao oitwiminifo koshipala shOmwene. Opo nee omulumenhu ou ta hoololwa kOmwene oye omuyapuki. Hano eshi nashi mu wanene, nye ovana vaLevi.”
8 Moses okwa lombwela vali Kora: “Pwilikineni tuu nye ovana vaLevi! 9 Inashi mu wanena, Kalunga kaIsrael eshi e mu tongola mo meongalo laIsrael, opo mu itavelelwe okweehena kuye mu wanife eyakulwalonga letwali liyapuki lOmwene nokukala ofika moipafi yeongalo, nye mu va yakule? 10 Nokwe mu itavelela okweehena kuye pamwe novamwaxo aveshe Ovalevi; nye eshi mwa hala paife oshilonga shoupristeli? 11 Onghee hano ove nongudu yoye aishe, nye ovanhu tamu ongalele Omwene oku mu twila ondubo. Osheshi Aron oye omushike, eshi tamu mu ngongotele?”
12 Ndele Moses okwa ifana Datan naAbiram, ovana vaEliab. Ndelenee vo va tya: “Ahowe, fye itatu uya ko. 13 Inashi wana hamba, ove eshi we tu kufa mo medu li yadi omashini nomaadi eenyiki, opo tu file mombuwa. Ove wa hala okukala omupangeli wetu! 14 Navali ino tu twala medu linya li yadi omashini nomaadi eenyiki, ndele ino tu pa omapya noikokola yomaviinyu efyuululo. Ove wa hala mbela okutwiyula mo omesho ovalumenhu ava? Ahowe, fye itatu uya ko.
15 “Opo nee Moses okwa handuka unene, ndele okwa lombwela Omwene: ‘Ino taalela eyambo lavo. Ame inandi va kufa nande ondongi imwe ndele inandi ningila nande umwe wavo owii.’
16 “Moses okwa lombwela vali Kora, ndee ta ti: ‘Nye nongudu yoye aishe, kaleni ongula inene koshipala shOmwene, nye navo naAron. 17 Keshe umwe womunye na kufe oikwatelwa yomakala ndele tuleni ko omundilo nokombada oitwiminifo, ndele eteni keshe umwe, oikwatelwa omafele avali nomilongo nhano yomakala koshipala shOmwene, nosho yo nye naAron, keshe umwe e noshikwatelwa shaye shomakala.’ ” 18 Opo nee vo, keshe umwe okwa kufa oshikwatelwa shaye shomakala nokwa tula mo omundilo nokombada yao a tula ko oitwiminifo. Ndele ova ka kala ofika poshivelo shetwali leongalo. Nosho yo Moses naAron. 19 Ndelenee Kora okwe va ongaleka eongalo alishe poshivelo shetwali leongalo. Opo nee oshinge shOmwene sha holokela eongalo alishe.
Edu tali pona po Kora nongudu yaye
20 NOmwene okwa popya naMoses naAron ndee ta ti: 21 “Litongoleni mo mongudu ei, opo handi ke i nyona po mepakumo leisho.” 22 Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?” 23 NOmwene okwa popya naMoses ndee ta ti: 24 “Lombwela eongalo alishe: Djeni mo, mu likufe po pomatwali aKora, Datan naAbiram!” 25 Opo nee Moses okwa penduka ndele okwa ya kuDatan naAbiram, novakulunhu vaIsrael ve mu shikulila ko. 26 Ndele okwa lombwela ongudu ndee ta ti: “Djeni po pomatwali ovalumenhu ava ovahenakalunga, ndele inamu kuma sha shavo, muha nyonwe po molwomatimba avo.” 27 Ndele vo ve likufa po pomatwali aKora, Datan naAbiram. Ndelenee Datan naAbiram va li va pita mo ndele va kala ofika poivelo yomatwali pamwe novalikadi vavo novana vavo ovamati nouhanana vavo. 28 Ndele Moses okwa popya ta ti: “Opo tuu opo nye mu shi shii nokutya, Omwene okwa tuma nge okuninga oilonga aishe ei, ndele inai ningwa kehalo lange mwene. 29 Ava ngeenge tava fi ngaashi ovanhu vamwe tava fi, ndee tava ningwa ngaashi ovanhu aveshe vamwe tava ningwa, opo nee Omwene ina tuma nge. 30 Ndelenee Omwene ngeenge ta ningi shimwe shi lili, nedu tali makula okanya kalo ndele tali va ponene mo pamwe naashishe ve shi kwete, ndee tava ningine moshovafi ve nomwenyo, opo nee tamu shiiva kutya ovalumenhu ava ova tuka Kalunga.”
31 Ye eshi a mana okupopya eendjovo edi, edu ola tenda omufya koshi yavo.
32 Edu ola makula okanya kalo ndele le va pona po nomatwali avo, ongudu aishe yaKora noinima yavo aishe.
33 Ndele ova ningina mo moshovafi ve nomwenyo. Nedu le va tuvika ndele ova kombwa mo meongalo.
34 NOvaisraeli aveshe ava va li ve va dingilila, ova ya onhapo, eshi va uda onghuwo yavo, osheshi va tila edu li va pone po yo.
35 Ndelenee omundilo wa dja kOmwene ndele wa lungwinifa po ovalumenhu venya Omafele avali nomilongo nhano ava va eta oitwiminifo.
Okungongota kwovanhu taku handukilwa
36 NOmwene okwa popya naMoses ndee ta ti: 37 “Lombwela Eliaser, omona womupristeli Aron, ye na ka toole mo oikwatelwa yoitwiminifo momhile, nomundilo ne u ekeleshi shaashi yo oiyapuki, 38 nokutya, oikwatelwa yaava va nyona ndele va kanifa eemwenyo davo. Oikwatelwa nai hambulwe oipeleki ya lalakana, ndee tai ka ninga oshituvikopeleki shoaltari. Osheshi va eta oikwatelwa koshipala shOmwene, onghee yo oiyapuki. Ndele yo nai ninge edidiliko kovana vaIsrael.” 39 Opo nee omupristeli Eliaser okwa kufa oikwatelwa yoshikushu, oyo ya etwa kovalumenhu venya va lungwinifwa komundilo ndele ve i hambula ya lalakana ya ninga oshituvikopeleki shoaltari, 40 shi dimbulukife ovana vaIsrael nokutya, paha kale nande omuyeni umwe ehe fi omupristeli womepata laAron, ou ta ehene okutwiminina koshipala shOmwene, opo aha ningwe ngaashi Kora nongudu yaye, ngaashi Omwene e mu lombwelele mokanya kaMoses.
41 Ndelenee efiku lomongula eongalo alishe laIsrael la ngongotela Moses naAron, ndee tali ti: “Nye mwa dipaa ovanhu vOmwene.” 42 Ndelenee fimbo ovanhu va ongalela Moses naAron, vo ova taalela ketwali leongalo, ndele opo tuu opo oshilemo she li tuvika ndele oshinge shOmwene osha holoka. 43 Moses naAron eshi va fika ketwali leongalo, 44 Omwene okwa popya naMoses ndee ta ti: 45 “Djei po pongudu ei, opo handi i nyono po mepakumo leisho.” Opo nee vo ove litwa oipala yavo poshi. 46 Ndele Moses okwa lombwela Aron: “Kufa oshikwatelwa shomakala u teme ko omundilo woaltari, tula ko oitwiminifo, ndele endelela u shi twale keongalo u li kwatakanife, osheshi ehandu la dja kOmwene, oshiponga osha hovela nokuli.” 47 Ndele Aron osho a ninga ngaashi a lombwelwa kuMoses. Ndele ye a endelela a ya mokati keongalo, ndele tala, oshiponga osha hovela nokuli mokati keongalo. Opo nee ye a twimina nokukwatakanifa ovanhu. 48 Ndele ye fimbo ta kala ofika mokati kovanamwenyo naava va fya, oshiponga osha lotekwa. 49 Ndele ava va fila moshiponga eshi ova li ve fike povanhu omayovi omulongo naane nomafele aheyali, venya va fya omolwaKora inava valwa. 50 Opo nee Aron okwa shuna kuMoses poshivelo shetwali leongalo, ndele oshiponga osha lota.
Kora, Datan naAbiram tava tu ondubo naMoses naAron
1 Ndelenee Kora yaIshar yaKohat yaLevi pamwe naDatan naAbiram ovana vaEliab naOn yaPelet, ovana vaRuben, ova kufa ovalumenhu, 2 ndele vo pamwe novalumenhu omafele avali nomilongo nhano vomovana vaIsrael, ovakulunhu voshiongalele shoshiwana, ovalumenhu ovanamadina ova fikama nokutwa ondubo naMoses. 3 Ndele ova ongalela Moses naAron ndee tava ti kuvo: “Sha wana nee paife! Osheshi eongalo alishe oliyapuki. NOmwene oha kala mokati kavo! Omolwashike hano nye tamu linenepekifile kombada yeongalo lOmwene?” 4 Moses eshi e di uda okwa wila eombe. 5 Ndele ye okwa lombwela Kora nongudu yaye aishe ndee ta ti: “Ongula inene Omwene ta ka holola olyelye waye nalyelye omuyapuki nalyelye te mu itavelele okweehena kuye. Ou Ye ta hoolola Oye te mu itavelele okweehena kuye. 6 Ningeni ngaha: Kufeni ko oikwatelwa yomakala nye Kora nongudu yoye aishe, 7 ndele tuleni mo omundilo mu tule kombada yao oitwiminifo koshipala shOmwene. Opo nee omulumenhu ou ta hoololwa kOmwene oye omuyapuki. Hano eshi nashi mu wanene, nye ovana vaLevi.”
8 Moses okwa lombwela vali Kora: “Pwilikineni tuu nye ovana vaLevi! 9 Inashi mu wanena, Kalunga kaIsrael eshi e mu tongola mo meongalo laIsrael, opo mu itavelelwe okweehena kuye mu wanife eyakulwalonga letwali liyapuki lOmwene nokukala ofika moipafi yeongalo, nye mu va yakule? 10 Nokwe mu itavelela okweehena kuye pamwe novamwaxo aveshe Ovalevi; nye eshi mwa hala paife oshilonga shoupristeli? 11 Onghee hano ove nongudu yoye aishe, nye ovanhu tamu ongalele Omwene oku mu twila ondubo. Osheshi Aron oye omushike, eshi tamu mu ngongotele?”
12 Ndele Moses okwa ifana Datan naAbiram, ovana vaEliab. Ndelenee vo va tya: “Ahowe, fye itatu uya ko. 13 Inashi wana hamba, ove eshi we tu kufa mo medu li yadi omashini nomaadi eenyiki, opo tu file mombuwa. Ove wa hala okukala omupangeli wetu! 14 Navali ino tu twala medu linya li yadi omashini nomaadi eenyiki, ndele ino tu pa omapya noikokola yomaviinyu efyuululo. Ove wa hala mbela okutwiyula mo omesho ovalumenhu ava? Ahowe, fye itatu uya ko.
15 “Opo nee Moses okwa handuka unene, ndele okwa lombwela Omwene: ‘Ino taalela eyambo lavo. Ame inandi va kufa nande ondongi imwe ndele inandi ningila nande umwe wavo owii.’
16 “Moses okwa lombwela vali Kora, ndee ta ti: ‘Nye nongudu yoye aishe, kaleni ongula inene koshipala shOmwene, nye navo naAron. 17 Keshe umwe womunye na kufe oikwatelwa yomakala ndele tuleni ko omundilo nokombada oitwiminifo, ndele eteni keshe umwe, oikwatelwa omafele avali nomilongo nhano yomakala koshipala shOmwene, nosho yo nye naAron, keshe umwe e noshikwatelwa shaye shomakala.’ ” 18 Opo nee vo, keshe umwe okwa kufa oshikwatelwa shaye shomakala nokwa tula mo omundilo nokombada yao a tula ko oitwiminifo. Ndele ova ka kala ofika poshivelo shetwali leongalo. Nosho yo Moses naAron. 19 Ndelenee Kora okwe va ongaleka eongalo alishe poshivelo shetwali leongalo. Opo nee oshinge shOmwene sha holokela eongalo alishe.
Edu tali pona po Kora nongudu yaye
20 NOmwene okwa popya naMoses naAron ndee ta ti: 21 “Litongoleni mo mongudu ei, opo handi ke i nyona po mepakumo leisho.” 22 Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?” 23 NOmwene okwa popya naMoses ndee ta ti: 24 “Lombwela eongalo alishe: Djeni mo, mu likufe po pomatwali aKora, Datan naAbiram!” 25 Opo nee Moses okwa penduka ndele okwa ya kuDatan naAbiram, novakulunhu vaIsrael ve mu shikulila ko. 26 Ndele okwa lombwela ongudu ndee ta ti: “Djeni po pomatwali ovalumenhu ava ovahenakalunga, ndele inamu kuma sha shavo, muha nyonwe po molwomatimba avo.” 27 Ndele vo ve likufa po pomatwali aKora, Datan naAbiram. Ndelenee Datan naAbiram va li va pita mo ndele va kala ofika poivelo yomatwali pamwe novalikadi vavo novana vavo ovamati nouhanana vavo. 28 Ndele Moses okwa popya ta ti: “Opo tuu opo nye mu shi shii nokutya, Omwene okwa tuma nge okuninga oilonga aishe ei, ndele inai ningwa kehalo lange mwene. 29 Ava ngeenge tava fi ngaashi ovanhu vamwe tava fi, ndee tava ningwa ngaashi ovanhu aveshe vamwe tava ningwa, opo nee Omwene ina tuma nge. 30 Ndelenee Omwene ngeenge ta ningi shimwe shi lili, nedu tali makula okanya kalo ndele tali va ponene mo pamwe naashishe ve shi kwete, ndee tava ningine moshovafi ve nomwenyo, opo nee tamu shiiva kutya ovalumenhu ava ova tuka Kalunga.”
31 Ye eshi a mana okupopya eendjovo edi, edu ola tenda omufya koshi yavo.
32 Edu ola makula okanya kalo ndele le va pona po nomatwali avo, ongudu aishe yaKora noinima yavo aishe.
33 Ndele ova ningina mo moshovafi ve nomwenyo. Nedu le va tuvika ndele ova kombwa mo meongalo.
34 NOvaisraeli aveshe ava va li ve va dingilila, ova ya onhapo, eshi va uda onghuwo yavo, osheshi va tila edu li va pone po yo.
35 Ndelenee omundilo wa dja kOmwene ndele wa lungwinifa po ovalumenhu venya Omafele avali nomilongo nhano ava va eta oitwiminifo.
Okungongota kwovanhu taku handukilwa
36 NOmwene okwa popya naMoses ndee ta ti: 37 “Lombwela Eliaser, omona womupristeli Aron, ye na ka toole mo oikwatelwa yoitwiminifo momhile, nomundilo ne u ekeleshi shaashi yo oiyapuki, 38 nokutya, oikwatelwa yaava va nyona ndele va kanifa eemwenyo davo. Oikwatelwa nai hambulwe oipeleki ya lalakana, ndee tai ka ninga oshituvikopeleki shoaltari. Osheshi va eta oikwatelwa koshipala shOmwene, onghee yo oiyapuki. Ndele yo nai ninge edidiliko kovana vaIsrael.” 39 Opo nee omupristeli Eliaser okwa kufa oikwatelwa yoshikushu, oyo ya etwa kovalumenhu venya va lungwinifwa komundilo ndele ve i hambula ya lalakana ya ninga oshituvikopeleki shoaltari, 40 shi dimbulukife ovana vaIsrael nokutya, paha kale nande omuyeni umwe ehe fi omupristeli womepata laAron, ou ta ehene okutwiminina koshipala shOmwene, opo aha ningwe ngaashi Kora nongudu yaye, ngaashi Omwene e mu lombwelele mokanya kaMoses.
41 Ndelenee efiku lomongula eongalo alishe laIsrael la ngongotela Moses naAron, ndee tali ti: “Nye mwa dipaa ovanhu vOmwene.” 42 Ndelenee fimbo ovanhu va ongalela Moses naAron, vo ova taalela ketwali leongalo, ndele opo tuu opo oshilemo she li tuvika ndele oshinge shOmwene osha holoka. 43 Moses naAron eshi va fika ketwali leongalo, 44 Omwene okwa popya naMoses ndee ta ti: 45 “Djei po pongudu ei, opo handi i nyono po mepakumo leisho.” Opo nee vo ove litwa oipala yavo poshi. 46 Ndele Moses okwa lombwela Aron: “Kufa oshikwatelwa shomakala u teme ko omundilo woaltari, tula ko oitwiminifo, ndele endelela u shi twale keongalo u li kwatakanife, osheshi ehandu la dja kOmwene, oshiponga osha hovela nokuli.” 47 Ndele Aron osho a ninga ngaashi a lombwelwa kuMoses. Ndele ye a endelela a ya mokati keongalo, ndele tala, oshiponga osha hovela nokuli mokati keongalo. Opo nee ye a twimina nokukwatakanifa ovanhu. 48 Ndele ye fimbo ta kala ofika mokati kovanamwenyo naava va fya, oshiponga osha lotekwa. 49 Ndele ava va fila moshiponga eshi ova li ve fike povanhu omayovi omulongo naane nomafele aheyali, venya va fya omolwaKora inava valwa. 50 Opo nee Aron okwa shuna kuMoses poshivelo shetwali leongalo, ndele oshiponga osha lota.
