Omanghuma avali oshisiliveli
1 Omwene okwa popya vali naMoses ndee ta ti: 2 “Ningila omanghuma avali oshisiliveli. U noku a hambula, ndele oo to a longifa mokushiva eongalo lovanhu nokufikamifa eenhanda. 3 Oo ngeenge taa shikwa, eongalo alishe li nokwoongala pwoove koshivelo shetwali leongalo. 4 Ndelenee ngeenge limwe alike lomuo la shikwa, ovakulunhu nokutya, ovakulunhu vomapata aIsrael ve nokuuya kwoove. 5 Ndele ngeenge tamu shiki omanghuma onghuwo, eenhanda dokombinga yokoushilo di nokutembuka. 6 Ndele ngeenge tamu shiki omanghuma olutivali, eenhanda odo di li kombinga yokoumbuwanhu di nokutembuka. Vo ve nokushika omanghuma efimbo keshe tava tembuka. 7 Ndelenee eongalo lovanhu ngeenge li nokwoongala, nye mu nokushika omanghuma nondaka i lilile. 8 Novana ovamati vaAron, ovapristeli, ve nokushika omanghuma. Oyo nai kale onghedimhango yaalushe momapata eni.
9 “Ndele nye medu leni ngeenge tamu hangika koita ndee tamu i mu ka lwife ovatondadi ava ve mu tondokela, nye mu nokushika omanghuma okukuwa onghuwo, opo nee tamu dimbulukiwa koshipala shOmwene, Kalunga keni, ndee tamu ka xupifwa kovatondadi veni. 10 Momafiku eni ehafo ngaashi yo moivilo yeni nopehovelo leehani deni dipe, nye mu nokushika omanghuma pomaxwikiloyambo eni nopomapanduloyambo eni. Oo otae mu dimbulukifa koshipala shaKalunga keni. Aame Omwene Kalunga keni.”
Ovaisraeli tava tumbu kombuwa yaSinai
11 Momudo omutivali, mohani onhivali mefiku etimilongo mbali lohani, oshilemo osha yeluka po ketwali londobwedi. 12 Novana vaIsrael va tumba po, va enda konhele nonhele nokudja mo mombuwa yaSinai, ndele oshilemo osha kanghama mombuwa yaParan. 13 Hano osho ngaha vo ova tumba po tete palombwelo lOmwene ngaashi Ye e shi lombwela Moses. 14 Ndele tete engafifi lepandela lonhanda yovana vaJuda pamatanga avo. Mwene wengafifi olo okwa li Nashon yaAminadab. 15 Ndele Netanel yaSuar okwa li mwene wengafifi lepata lovana vaIsaskar. 16 Ndele Eliab yaHelon okwa li mwene wengafifi lepata lovana vaSebulon. 17 Opo nee etwali liyapuki ola dikulwa po. Novana vaGerson novana vaMerari ava va li ovahumbati vetwali liyapuki, ova fikama. 18 Opo nee engafifi lepandela lonhanda yaRuben la fikama pamatanga avo. Nomwene wengafifi lao okwa li Elisur yaSedeur. 19 Ndele mwene wengafifi lepata lovana vaSimeon okwa li Selumiel yaSurisaddai. 20 Ndele mwene wengafifi lepata lovana vaGad okwa li Eliasaf yaRehuel. 21 Opo nee Ovakohati, ava va li ovahumbati vetwali liyapuki, ova fikama. Ndele etwali liyapuki ola dikwa fimbo vakwao inava fika.
22 Opo nee engafifi lepandela lonhanda yovana vaEfraim la fikama pamatanga avo. Ndele mwene wao okwa li Elisama yaAmmihud. 23 Ndele mwene wengafifi lepata lovana vaManasse okwa li Gamaliel yaPedasur. 24 Ndele mwene wengafifi lepata lovana vaBenjamin okwa li Abidan yaGideon.
25 Opo nee engafifi lepandela lonhanda yovana vaDan pamatanga avo, oo axuuninwa okeenhanda adishe. Namwene wengafifi lao okwa li Ahieser yaAmmisaddai. 26 Namwene wengafifi lepata lovana vaAsser okwa li Pagiel yaOgran. 27 Namwene wengafifi lepata lovana vaNaftali okwa li Ahira yaEnan.
28 Hano oo omalufo ovana vaIsrael mokufikama kwao pamatanga avo. Ndele vo ova ya.
29 Ndele Moses okwa lombwela Hobab yaRehuel, Omumidian, haukwe waye ndee ta ti: “Fye ohatu i konhele Omwene e i tongele: ‘Ame ohandi ke i mu pa.’ Tu ende pamwe, ndee fye ohatu ku ningile ouwa. Osheshi Omwene okwa udanekela Israel oinima iwa.” 30 Ndelenee ye okwe mu lombwela: “Ame itandi ka enda pamwe. Ndelenee ame ohandi ka ya kedu letu nokeumbo letu.” 31 Opo nee Moses e mu lombwela: “Ino tu efa, osheshi ove wa shiiva apa hatu dulu okwoonga onhanda mombuwa, ndee ove ninga omukwateli komesho wetu. 32 Ndele ove ngeenge ho ende pamwe nafye, ohatu ku ningile ouwa tuu ou Omwene te ke tu ningila.”
33 Ndele vo ova enda omafiku atatu va dja komhunda yOmwene. Ndele oshikefa shehangano lOmwene oshe va kwatela komesho omafiku atatu oku va kongela onhele yetulumuko.Oshikefa shehangano lOmuwa oshe va kwatela komesho… 34 Noshilemo shOmwene osha kala kombada yavo, vo eshi va tembuka po ponhanda. 35 Ndele oshikefa eshi sha ya mondjila Moses okwa tya: “Omwene fikama! Ovatondadi voye opo va halakanifwe novanandubo naave opo va ye onhapo oshipala shoye.” 36 Ndele sho eshi sha fika konhanda, ye okwa tya; “Aluka ko Omwene, ila komangafifi omayovi nomayovi Ovaisraeli.”
Omanghuma avali oshisiliveli
1 Omwene okwa popya vali naMoses ndee ta ti: 2 “Ningila omanghuma avali oshisiliveli. U noku a hambula, ndele oo to a longifa mokushiva eongalo lovanhu nokufikamifa eenhanda. 3 Oo ngeenge taa shikwa, eongalo alishe li nokwoongala pwoove koshivelo shetwali leongalo. 4 Ndelenee ngeenge limwe alike lomuo la shikwa, ovakulunhu nokutya, ovakulunhu vomapata aIsrael ve nokuuya kwoove. 5 Ndele ngeenge tamu shiki omanghuma onghuwo, eenhanda dokombinga yokoushilo di nokutembuka. 6 Ndele ngeenge tamu shiki omanghuma olutivali, eenhanda odo di li kombinga yokoumbuwanhu di nokutembuka. Vo ve nokushika omanghuma efimbo keshe tava tembuka. 7 Ndelenee eongalo lovanhu ngeenge li nokwoongala, nye mu nokushika omanghuma nondaka i lilile. 8 Novana ovamati vaAron, ovapristeli, ve nokushika omanghuma. Oyo nai kale onghedimhango yaalushe momapata eni.
9 “Ndele nye medu leni ngeenge tamu hangika koita ndee tamu i mu ka lwife ovatondadi ava ve mu tondokela, nye mu nokushika omanghuma okukuwa onghuwo, opo nee tamu dimbulukiwa koshipala shOmwene, Kalunga keni, ndee tamu ka xupifwa kovatondadi veni. 10 Momafiku eni ehafo ngaashi yo moivilo yeni nopehovelo leehani deni dipe, nye mu nokushika omanghuma pomaxwikiloyambo eni nopomapanduloyambo eni. Oo otae mu dimbulukifa koshipala shaKalunga keni. Aame Omwene Kalunga keni.”
Ovaisraeli tava tumbu kombuwa yaSinai
11 Momudo omutivali, mohani onhivali mefiku etimilongo mbali lohani, oshilemo osha yeluka po ketwali londobwedi. 12 Novana vaIsrael va tumba po, va enda konhele nonhele nokudja mo mombuwa yaSinai, ndele oshilemo osha kanghama mombuwa yaParan. 13 Hano osho ngaha vo ova tumba po tete palombwelo lOmwene ngaashi Ye e shi lombwela Moses. 14 Ndele tete engafifi lepandela lonhanda yovana vaJuda pamatanga avo. Mwene wengafifi olo okwa li Nashon yaAminadab. 15 Ndele Netanel yaSuar okwa li mwene wengafifi lepata lovana vaIsaskar. 16 Ndele Eliab yaHelon okwa li mwene wengafifi lepata lovana vaSebulon. 17 Opo nee etwali liyapuki ola dikulwa po. Novana vaGerson novana vaMerari ava va li ovahumbati vetwali liyapuki, ova fikama. 18 Opo nee engafifi lepandela lonhanda yaRuben la fikama pamatanga avo. Nomwene wengafifi lao okwa li Elisur yaSedeur. 19 Ndele mwene wengafifi lepata lovana vaSimeon okwa li Selumiel yaSurisaddai. 20 Ndele mwene wengafifi lepata lovana vaGad okwa li Eliasaf yaRehuel. 21 Opo nee Ovakohati, ava va li ovahumbati vetwali liyapuki, ova fikama. Ndele etwali liyapuki ola dikwa fimbo vakwao inava fika.
22 Opo nee engafifi lepandela lonhanda yovana vaEfraim la fikama pamatanga avo. Ndele mwene wao okwa li Elisama yaAmmihud. 23 Ndele mwene wengafifi lepata lovana vaManasse okwa li Gamaliel yaPedasur. 24 Ndele mwene wengafifi lepata lovana vaBenjamin okwa li Abidan yaGideon.
25 Opo nee engafifi lepandela lonhanda yovana vaDan pamatanga avo, oo axuuninwa okeenhanda adishe. Namwene wengafifi lao okwa li Ahieser yaAmmisaddai. 26 Namwene wengafifi lepata lovana vaAsser okwa li Pagiel yaOgran. 27 Namwene wengafifi lepata lovana vaNaftali okwa li Ahira yaEnan.
28 Hano oo omalufo ovana vaIsrael mokufikama kwao pamatanga avo. Ndele vo ova ya.
29 Ndele Moses okwa lombwela Hobab yaRehuel, Omumidian, haukwe waye ndee ta ti: “Fye ohatu i konhele Omwene e i tongele: ‘Ame ohandi ke i mu pa.’ Tu ende pamwe, ndee fye ohatu ku ningile ouwa. Osheshi Omwene okwa udanekela Israel oinima iwa.” 30 Ndelenee ye okwe mu lombwela: “Ame itandi ka enda pamwe. Ndelenee ame ohandi ka ya kedu letu nokeumbo letu.” 31 Opo nee Moses e mu lombwela: “Ino tu efa, osheshi ove wa shiiva apa hatu dulu okwoonga onhanda mombuwa, ndee ove ninga omukwateli komesho wetu. 32 Ndele ove ngeenge ho ende pamwe nafye, ohatu ku ningile ouwa tuu ou Omwene te ke tu ningila.”
33 Ndele vo ova enda omafiku atatu va dja komhunda yOmwene. Ndele oshikefa shehangano lOmwene oshe va kwatela komesho omafiku atatu oku va kongela onhele yetulumuko.Oshikefa shehangano lOmuwa oshe va kwatela komesho… 34 Noshilemo shOmwene osha kala kombada yavo, vo eshi va tembuka po ponhanda. 35 Ndele oshikefa eshi sha ya mondjila Moses okwa tya: “Omwene fikama! Ovatondadi voye opo va halakanifwe novanandubo naave opo va ye onhapo oshipala shoye.” 36 Ndele sho eshi sha fika konhanda, ye okwa tya; “Aluka ko Omwene, ila komangafifi omayovi nomayovi Ovaisraeli.”
