Jesus ta kutifa ovalumenhu omayovi ane
(Mat. 15:32-39)1 Pomafiku enya ongudu inene yovanhu eshi ya ongalela puye vali, ndele ova li vehe na eshi tava li, Jesus okwa ifana ovalongwa vaye ndele ta ti kuvo: 2 “Ovanhu ava ondi va uditile olukeno, osheshi ova menekela pwaame omafiku atatu, vo vehe na eshi tava li. 3 Ndele ngeenge handi va lekele va ye komaumbo avo inava lya, otava ka pundila mondjila, osheshi vamwe vomuvo ova dile kokule.” 4 Ndele ovalongwa vaye ove mu nyamukula: “Otapa monika peni oikulya mombuwa omu okupalula ovanhu ava?” 5 Ye okwe va pula: “Nye omu na po omingome ngapi?” Vo ova tya: “Heyali.” 6 Ndele Ye okwa lombwela ovanhu va kale omutumba poshi. Okwa kufa omingome odo heyali, ndele ta pandula, ndele te di pe ovalongwa vaye, ve di yandje kovanhu. Ndele ve di yandja keengudu. 7 Ndele vo ova li yo ve na oushi vamwe, ndele eshi e va nangeka noupuna, okwa lombwela yo va pewe ovanhu. 8 Ndele vo ova lya ndele tava kuta. Ndele ova toola oundjaumukile oimbale iheyali. 9 Ndele ava va lya ova li hanga ve fike pomayovi ane. Ndele Ye okwe va lekela.
Jesus ta pulwa edidiliko lelondwelo molwonhafi yOvafarisai
(Mat. 16:1-12)10 Ndele diva okwa ya novalongwa vaye mowato, nova ya komukunda waDalmanuta.
11 Ovafarisai ova ya ko ndele ova hovela okutwa eemhata naye, ndele ve mu pula edidiliko lokeulu, ve mu yeleke. 12 Ye okwa fuda mokule momhepo yaye, ndele ta ti: “Epupi eli oshike tali pula edidiliko? Oshili handi mu lombwele: epupi eli itali pewa edidiliko.” 13 Ndele Ye okwe va fiya po ndele okwa ya vali mowato, ndele okwa yaukila komunghulo winya.
14 Ndele ova li va dimbwa okudja ko nomingome, omungome umwe auke va li ve u kwete mowato. 15 Ye okwe va londwela a tya: “Taleni, likeleleni konhafi yOvafarisai nokonhafi yaHerodes.” 16 Vo ova mbeleka tava ti: “Shiimba, osheshi tuhe na omingome.” 17 Jesus eshi e shi koneka, okwa tya kuvo: “Oshike tamu popi kutya, kamu na omingome? Nopaimhe inamu koneka, nye kamu udite ko? Omitima deni oda kukuta natango? 18 Omesho omu a kwete, nye kamu wete ko, nomatwi omu a kwete, nye ihamu udu ko? Nye inamu dimbulukwa, 19 eshi nda pambulilile ovalumenhu omayovi atano omingome dinya nhano, oimbale ingapi ya li i yadi mwa toolele oundjaumukile?” Vo ova tya: “Omulongo naivali.” 20 “Eshi nda pambulilile omayovi ane omingome dinya heyali, oimbale ingapi ya li i yadi mwa toolelele oundjaumukile?” Vo ova tya: “Iheyali.” 21 Ye okwe va lombwela: “Mboli natango kamu udite ko.”
Etwikululo lomupofi
22 Ndele ove uya kuBetsaida. Ndele Ye okwa etelwa omupofi, ndele ove mu indila e mu kume. 23 Ye okwa kwata omupofi keke, ndele okwe mu twala pondje yoshilando. Ndele Ye okwe mu fiila omate momesho nokwa tenheka omake aye kuye ndele te mu pula: “Ou wete sha?” 24 Ndele ou okwa yelula omesho, ndele ta ti: “Ondi wete ovanhu, osheshi ondi va wete va fa omiti tadi ende.” 25 Ye okwa tenhukulula omake aye komesho aye. Omulumenhu okwa kala e wetelele ko, a twikuluka. Ye okwa li e wete aishe, nokokule, ngaashi i li. 26 Ye okwe mu tuma keumbo, ndele okwa tya: “Ino ya momukunda ndele ino shi hepaululila nande umwe womomukunda.”
Ehepaululo laPetrus
(Mat. 16:13-20Luk. 9:18-21)27 Ndele Jesus okwa ya novalongwa vaye komikunda daKesarea Filippi. Mondjila okwa pula ovalongwa vaye, a tya kuvo: “Ovanhu ohava tile nge ngahelipi, Aame lyelye?” 28 Ove mu nyamukula va tya: “OJohannes Omushashi, ndele vamwe: oElia, navamwe vali: Oumwe womovaxunganeki.” 29 Ndele Ye okwe va pula: “Nye otamu ti ngahelipi, Aame lyelye?” Petrus okwe mu nyamukula ndele ta ti: “Oove Kristus.” 30 Ye okwe va kumaida neenghono, vehe mu popye nande okulyelye.
Okuhepekwa kwaJesus nelidiiniko lovashikuli vaye
31 Ndele Ye a hovela oku va longa, Omona wOmunhu nhumbi e nokuhepekwa shili, ndele ta ka ekelwashi kovakulunhu nokovapristeli ovakulunhu nokovanongo vomishangwa, ota ka dipawa, ndele ngeenge pa piti omafiku atatu, ota ka nyumuka koufi. 32 Ndele Ye okwe shi popya, ina holeka. Petrus okwe mu ifana ve ke likalele ndele ta hovele oku mu hanyena. 33 Ndele Ye okwa punguluka ta tale kovalongwa vaye, ndele okwa hanyena Petrus ta ti: “Inda konima yange, Satana, osheshi ove ito diladila eshi shaKalunga, ndelenee osheshi shovanhu.”
34 Ndele okwa ifana ovanhu novalongwa vaye ve uye kuye, ndele okwa tya kuvo: “Ngeenge oku na ou a hala okushikula nge, ne lidimbike ye mwene, ndele na humbate omushiyakano waye, ye na shikule nge. 35 Osheshi ou a hala okuxupifa omwenyo waye, ote ke u kanifa, ndele ou ta kanifa omwenyo waye molwange nomolwevaengeli, ye ote u xupifa. 36 Osheshi otashi kwafa shike omunhu nande ne lilikolele ounyuni aushe, ndele ta kanifa omwenyo waye? 37 Osheshi omunhu ota yandje shike mbela, a kulile omwenyo waye? 38 Osheshi ou ta fi ohoni molwange nomolweendjovo dange mokati kepupi eli lovanyoni vohombo noloulunde, naye tuu ou nOmona wOmunhu ote ke mu fya ohoni, eshi te uya moshinge shaXe pamwe novaengeli vayapuki.”
Jesus ta kutifa ovalumenhu omayovi ane
(Mat. 15:32-39)1 Pomafiku enya ongudu inene yovanhu eshi ya ongalela puye vali, ndele ova li vehe na eshi tava li, Jesus okwa ifana ovalongwa vaye ndele ta ti kuvo: 2 “Ovanhu ava ondi va uditile olukeno, osheshi ova menekela pwaame omafiku atatu, vo vehe na eshi tava li. 3 Ndele ngeenge handi va lekele va ye komaumbo avo inava lya, otava ka pundila mondjila, osheshi vamwe vomuvo ova dile kokule.” 4 Ndele ovalongwa vaye ove mu nyamukula: “Otapa monika peni oikulya mombuwa omu okupalula ovanhu ava?” 5 Ye okwe va pula: “Nye omu na po omingome ngapi?” Vo ova tya: “Heyali.” 6 Ndele Ye okwa lombwela ovanhu va kale omutumba poshi. Okwa kufa omingome odo heyali, ndele ta pandula, ndele te di pe ovalongwa vaye, ve di yandje kovanhu. Ndele ve di yandja keengudu. 7 Ndele vo ova li yo ve na oushi vamwe, ndele eshi e va nangeka noupuna, okwa lombwela yo va pewe ovanhu. 8 Ndele vo ova lya ndele tava kuta. Ndele ova toola oundjaumukile oimbale iheyali. 9 Ndele ava va lya ova li hanga ve fike pomayovi ane. Ndele Ye okwe va lekela.
Jesus ta pulwa edidiliko lelondwelo molwonhafi yOvafarisai
(Mat. 16:1-12)10 Ndele diva okwa ya novalongwa vaye mowato, nova ya komukunda waDalmanuta.
11 Ovafarisai ova ya ko ndele ova hovela okutwa eemhata naye, ndele ve mu pula edidiliko lokeulu, ve mu yeleke. 12 Ye okwa fuda mokule momhepo yaye, ndele ta ti: “Epupi eli oshike tali pula edidiliko? Oshili handi mu lombwele: epupi eli itali pewa edidiliko.” 13 Ndele Ye okwe va fiya po ndele okwa ya vali mowato, ndele okwa yaukila komunghulo winya.
14 Ndele ova li va dimbwa okudja ko nomingome, omungome umwe auke va li ve u kwete mowato. 15 Ye okwe va londwela a tya: “Taleni, likeleleni konhafi yOvafarisai nokonhafi yaHerodes.” 16 Vo ova mbeleka tava ti: “Shiimba, osheshi tuhe na omingome.” 17 Jesus eshi e shi koneka, okwa tya kuvo: “Oshike tamu popi kutya, kamu na omingome? Nopaimhe inamu koneka, nye kamu udite ko? Omitima deni oda kukuta natango? 18 Omesho omu a kwete, nye kamu wete ko, nomatwi omu a kwete, nye ihamu udu ko? Nye inamu dimbulukwa, 19 eshi nda pambulilile ovalumenhu omayovi atano omingome dinya nhano, oimbale ingapi ya li i yadi mwa toolele oundjaumukile?” Vo ova tya: “Omulongo naivali.” 20 “Eshi nda pambulilile omayovi ane omingome dinya heyali, oimbale ingapi ya li i yadi mwa toolelele oundjaumukile?” Vo ova tya: “Iheyali.” 21 Ye okwe va lombwela: “Mboli natango kamu udite ko.”
Etwikululo lomupofi
22 Ndele ove uya kuBetsaida. Ndele Ye okwa etelwa omupofi, ndele ove mu indila e mu kume. 23 Ye okwa kwata omupofi keke, ndele okwe mu twala pondje yoshilando. Ndele Ye okwe mu fiila omate momesho nokwa tenheka omake aye kuye ndele te mu pula: “Ou wete sha?” 24 Ndele ou okwa yelula omesho, ndele ta ti: “Ondi wete ovanhu, osheshi ondi va wete va fa omiti tadi ende.” 25 Ye okwa tenhukulula omake aye komesho aye. Omulumenhu okwa kala e wetelele ko, a twikuluka. Ye okwa li e wete aishe, nokokule, ngaashi i li. 26 Ye okwe mu tuma keumbo, ndele okwa tya: “Ino ya momukunda ndele ino shi hepaululila nande umwe womomukunda.”
Ehepaululo laPetrus
(Mat. 16:13-20Luk. 9:18-21)27 Ndele Jesus okwa ya novalongwa vaye komikunda daKesarea Filippi. Mondjila okwa pula ovalongwa vaye, a tya kuvo: “Ovanhu ohava tile nge ngahelipi, Aame lyelye?” 28 Ove mu nyamukula va tya: “OJohannes Omushashi, ndele vamwe: oElia, navamwe vali: Oumwe womovaxunganeki.” 29 Ndele Ye okwe va pula: “Nye otamu ti ngahelipi, Aame lyelye?” Petrus okwe mu nyamukula ndele ta ti: “Oove Kristus.” 30 Ye okwe va kumaida neenghono, vehe mu popye nande okulyelye.
Okuhepekwa kwaJesus nelidiiniko lovashikuli vaye
31 Ndele Ye a hovela oku va longa, Omona wOmunhu nhumbi e nokuhepekwa shili, ndele ta ka ekelwashi kovakulunhu nokovapristeli ovakulunhu nokovanongo vomishangwa, ota ka dipawa, ndele ngeenge pa piti omafiku atatu, ota ka nyumuka koufi. 32 Ndele Ye okwe shi popya, ina holeka. Petrus okwe mu ifana ve ke likalele ndele ta hovele oku mu hanyena. 33 Ndele Ye okwa punguluka ta tale kovalongwa vaye, ndele okwa hanyena Petrus ta ti: “Inda konima yange, Satana, osheshi ove ito diladila eshi shaKalunga, ndelenee osheshi shovanhu.”
34 Ndele okwa ifana ovanhu novalongwa vaye ve uye kuye, ndele okwa tya kuvo: “Ngeenge oku na ou a hala okushikula nge, ne lidimbike ye mwene, ndele na humbate omushiyakano waye, ye na shikule nge. 35 Osheshi ou a hala okuxupifa omwenyo waye, ote ke u kanifa, ndele ou ta kanifa omwenyo waye molwange nomolwevaengeli, ye ote u xupifa. 36 Osheshi otashi kwafa shike omunhu nande ne lilikolele ounyuni aushe, ndele ta kanifa omwenyo waye? 37 Osheshi omunhu ota yandje shike mbela, a kulile omwenyo waye? 38 Osheshi ou ta fi ohoni molwange nomolweendjovo dange mokati kepupi eli lovanyoni vohombo noloulunde, naye tuu ou nOmona wOmunhu ote ke mu fya ohoni, eshi te uya moshinge shaXe pamwe novaengeli vayapuki.”
