Jesus ta tangunine ovanaihelele
(Mark. 7:1-23)1 Opo nee Ovafarisai novanongo vomishangwa ova dja kuJerusalem, ve uya kuJesus ndele tava ti: 2 “Ovalongwa voye oshike hava nyono eenghulunghedi dovakulunhu? Osheshi vo ihava kosho omake avo ngeenge tava li omungome.” 3 Ndelenee Ye okwe va nyamukula ndele ta ti: “Nanye yo oshike hano hamu nyono oshipango shaKalunga omolweenghulunghedi deni? 4 Osheshi Kalunga okwa tya: ‘Fimaneka xo nanyoko, na: ou ta tuku xe ile ina, oye e nokufya shili.’ 5 Ndelenee nye ohamu ti: ‘Ou ta ti kuxe ile kuina: Oipalwifa ei nda li ndi noku ku palulifa ngeno, oyo nda yandja oshali kotembeli, oye ke nokufimaneka xe ile ina.’ 6 Osho ngaha mwa hekula eendjovo daKalunga eenghono, omolweenghulunghedi deni. 7 Ovanaihelele nye! Jesaja okwe mu xunganeka da twa eshi a tya:
8 ‘Ovanhu ava ohava fimaneke nge nomilungu,
ndele omitima davo odi li kokule naame;
9 ndelenee otava fimaneke nge ongaho
nokulonga ovanhu omalongo oipango yovanhu.’ ”
10 Ndele Ye okwa ifana eengudu dovanhu di ehene kuye, ndele ta ti kudo: “Udeni, nye mu didilike. 11 Hasheshi hashi i mokanya tashi nyateke omunhu, ndelenee osheshi hashi di mokanya tashi nyateke omunhu.”
12 Opo ovalongwa vaye ve uya kuye ndele tava ti: “Ou shi shii tuu kutya Ovafarisai eshi va uda eendjovo odo, ova ninga omwenyo mwii?” 13 Ndelenee Ye okwa nyamukula: “Okeshe tuu onhwika inai twikwa kuTate meulu, otai dudwa mo nomidi dayo. 14 Va efeni; ovo ovakwatiketi vovapofi; ngeenge ku nomupofi ta kwata omupofi mukwao komhango, aveshe vavali otava wile moshilambo.” 15 Ndele Petrus okwe mu lombwela ta ti: “Tu fatululila efaneko eli.” 16 Ndelenee Jesus ota ti: “Nanye yo kamu neendunge natango. 17 Kamu shi wete, keshe eshi hashi i mokanya, otashi i medimo notashi piti mo vali. 18 Ndelenee keshe osho hashi di mokanya ohashi di komitima, ndele tashi nyateke omunhu. 19 Osheshi momutima omo hamu di omadiladilo mai, omadipao, omanyonohombo, oluhaelo, oulunga, omalundilafano, omasheko. 20 Oyo tuu ei tai nyateke omunhu; ndele okulya nomake inaa koshwa itaku nyateke omunhu.”
Jesus ta velula omona womukainhu Omukaanan novanaudu vamwe
(Mark. 7:24-30)21 Ndele Jesus okwa dja ko oko ndele ta i komikunda daTirus naSidon. 22 Ndele tala, okwa dja omukainhu Omukaanan okoshikandjo tuu osho, a popya mokule ta ti: “Omwene, Omona waDavid, file nge onghenda! Omumwange okakadona ota hepekwa nai kondemoni.” 23 Ndelenee Ye ine mu nyamukula nande ondjovo. Ovalongwa vaye ove uya ndele tava indile tava ti: “Mu nyamukula, ote tu weelele monima yetu.” 24 Ndelenee Ye okwa nyamukula, ndele ta ti: “Ame inandi tuminwa kovanhu vamwe, okeedi odo da kana domeumbo laIsrael odo adike.” 25 Ndele ye okwe uya ndele ta tu eengolo koshipala shaye ndele ta ti: “Omwene, kwafe nge!” 26 Ndelenee Ye okwa nyamukula ndele ta ti: “Inashi wapala okukufa omungome wounona noku u ekela oumbwena.” 27 Ndele omukainhu ta ti: “Heeno Omwene, noumbwena ohava li oundjaumukile ava hava u koshililo shoovene vavo.” 28 Opo nee Jesus okwe mu nyamukula ndele ta ti: “Omukainhu ove, eitavelo loye olinene, ningilwa ngaashi wa hala.” Nopefimbo tuu olo omona okakadona oka veluka.
Jesus ta velula ovanaudu vahapu
(Mark. 7:31-37)29 Jesus okwa dja oko ndele ta i kefuta laGalilea; okwa londa komhunda ndele ta kala ko omutumba. 30 Ndele eengudu dinene dovanhu de uya kuye, ndele da eta oingudu noilema novapofi novafitamatwi navakwao vahapu, ndele tadi va nangeke keemhadi daye; Oye okwe va velula. 31 Ndele ongudu yovanhu oya kumwa eshi va mona ovafitamatwi tava udu ko, noingudu ya veluka, noilema ya enda, novapofi ova twikuluka; ndele va hambelela Kalunga kaIsrael.
Jesus ta pakele po ovalumenhu omayovi ane
(Mark. 8:1-10)32 Ndele Jesus okwa ifana ovalongwa vaye ndele ta ti: “Ame ondi uditile ovanhu ava onghenda, osheshi vo ova menekela pwaame omafiku atatu, vo vehe na eshi tava li; ndele Ame inandi hala oku va lekela nondjala, vaha lolokele mondjila.” 33 Ndele ovalongwa tava ti kuye: “Omingome di fike apa ohatu di hange peni mombuwa omu, okukutifa ongudu i fike apa?” 34 Jesus ta ti kuvo: “Omu nomingome ingapi?” Vo ova tya: “Heyali neeshi dimwe.” 35 Oye okwa lombwela ovanhu va kale omutumba poshi. 36 Ndele okwa kufa omingome edi heyali neeshi, ndele ta pandula, ndele okwe di pambula ndele te di pe ovalongwa vaye, novalongwa ve di yandja kovanhu. 37 Ndele aveshe ova lya ndele va kuta. Ndele va toola po oundjaumukile ava va xupa po, oimbale iheyali i yadi. 38 Ndele ovo va lya, va li ovalumenhu omayovi ane, ovakainhu nounona inava valwa. 39 Ndele Ye okwa lekela ovanhu ndele okwa londa mowato, ndele okwa ya koshilongo shaMagadan.
Jesus ta tangunine ovanaihelele
(Mark. 7:1-23)1 Opo nee Ovafarisai novanongo vomishangwa ova dja kuJerusalem, ve uya kuJesus ndele tava ti: 2 “Ovalongwa voye oshike hava nyono eenghulunghedi dovakulunhu? Osheshi vo ihava kosho omake avo ngeenge tava li omungome.” 3 Ndelenee Ye okwe va nyamukula ndele ta ti: “Nanye yo oshike hano hamu nyono oshipango shaKalunga omolweenghulunghedi deni? 4 Osheshi Kalunga okwa tya: ‘Fimaneka xo nanyoko, na: ou ta tuku xe ile ina, oye e nokufya shili.’ 5 Ndelenee nye ohamu ti: ‘Ou ta ti kuxe ile kuina: Oipalwifa ei nda li ndi noku ku palulifa ngeno, oyo nda yandja oshali kotembeli, oye ke nokufimaneka xe ile ina.’ 6 Osho ngaha mwa hekula eendjovo daKalunga eenghono, omolweenghulunghedi deni. 7 Ovanaihelele nye! Jesaja okwe mu xunganeka da twa eshi a tya:
8 ‘Ovanhu ava ohava fimaneke nge nomilungu,
ndele omitima davo odi li kokule naame;
9 ndelenee otava fimaneke nge ongaho
nokulonga ovanhu omalongo oipango yovanhu.’ ”
10 Ndele Ye okwa ifana eengudu dovanhu di ehene kuye, ndele ta ti kudo: “Udeni, nye mu didilike. 11 Hasheshi hashi i mokanya tashi nyateke omunhu, ndelenee osheshi hashi di mokanya tashi nyateke omunhu.”
12 Opo ovalongwa vaye ve uya kuye ndele tava ti: “Ou shi shii tuu kutya Ovafarisai eshi va uda eendjovo odo, ova ninga omwenyo mwii?” 13 Ndelenee Ye okwa nyamukula: “Okeshe tuu onhwika inai twikwa kuTate meulu, otai dudwa mo nomidi dayo. 14 Va efeni; ovo ovakwatiketi vovapofi; ngeenge ku nomupofi ta kwata omupofi mukwao komhango, aveshe vavali otava wile moshilambo.” 15 Ndele Petrus okwe mu lombwela ta ti: “Tu fatululila efaneko eli.” 16 Ndelenee Jesus ota ti: “Nanye yo kamu neendunge natango. 17 Kamu shi wete, keshe eshi hashi i mokanya, otashi i medimo notashi piti mo vali. 18 Ndelenee keshe osho hashi di mokanya ohashi di komitima, ndele tashi nyateke omunhu. 19 Osheshi momutima omo hamu di omadiladilo mai, omadipao, omanyonohombo, oluhaelo, oulunga, omalundilafano, omasheko. 20 Oyo tuu ei tai nyateke omunhu; ndele okulya nomake inaa koshwa itaku nyateke omunhu.”
Jesus ta velula omona womukainhu Omukaanan novanaudu vamwe
(Mark. 7:24-30)21 Ndele Jesus okwa dja ko oko ndele ta i komikunda daTirus naSidon. 22 Ndele tala, okwa dja omukainhu Omukaanan okoshikandjo tuu osho, a popya mokule ta ti: “Omwene, Omona waDavid, file nge onghenda! Omumwange okakadona ota hepekwa nai kondemoni.” 23 Ndelenee Ye ine mu nyamukula nande ondjovo. Ovalongwa vaye ove uya ndele tava indile tava ti: “Mu nyamukula, ote tu weelele monima yetu.” 24 Ndelenee Ye okwa nyamukula, ndele ta ti: “Ame inandi tuminwa kovanhu vamwe, okeedi odo da kana domeumbo laIsrael odo adike.” 25 Ndele ye okwe uya ndele ta tu eengolo koshipala shaye ndele ta ti: “Omwene, kwafe nge!” 26 Ndelenee Ye okwa nyamukula ndele ta ti: “Inashi wapala okukufa omungome wounona noku u ekela oumbwena.” 27 Ndele omukainhu ta ti: “Heeno Omwene, noumbwena ohava li oundjaumukile ava hava u koshililo shoovene vavo.” 28 Opo nee Jesus okwe mu nyamukula ndele ta ti: “Omukainhu ove, eitavelo loye olinene, ningilwa ngaashi wa hala.” Nopefimbo tuu olo omona okakadona oka veluka.
Jesus ta velula ovanaudu vahapu
(Mark. 7:31-37)29 Jesus okwa dja oko ndele ta i kefuta laGalilea; okwa londa komhunda ndele ta kala ko omutumba. 30 Ndele eengudu dinene dovanhu de uya kuye, ndele da eta oingudu noilema novapofi novafitamatwi navakwao vahapu, ndele tadi va nangeke keemhadi daye; Oye okwe va velula. 31 Ndele ongudu yovanhu oya kumwa eshi va mona ovafitamatwi tava udu ko, noingudu ya veluka, noilema ya enda, novapofi ova twikuluka; ndele va hambelela Kalunga kaIsrael.
Jesus ta pakele po ovalumenhu omayovi ane
(Mark. 8:1-10)32 Ndele Jesus okwa ifana ovalongwa vaye ndele ta ti: “Ame ondi uditile ovanhu ava onghenda, osheshi vo ova menekela pwaame omafiku atatu, vo vehe na eshi tava li; ndele Ame inandi hala oku va lekela nondjala, vaha lolokele mondjila.” 33 Ndele ovalongwa tava ti kuye: “Omingome di fike apa ohatu di hange peni mombuwa omu, okukutifa ongudu i fike apa?” 34 Jesus ta ti kuvo: “Omu nomingome ingapi?” Vo ova tya: “Heyali neeshi dimwe.” 35 Oye okwa lombwela ovanhu va kale omutumba poshi. 36 Ndele okwa kufa omingome edi heyali neeshi, ndele ta pandula, ndele okwe di pambula ndele te di pe ovalongwa vaye, novalongwa ve di yandja kovanhu. 37 Ndele aveshe ova lya ndele va kuta. Ndele va toola po oundjaumukile ava va xupa po, oimbale iheyali i yadi. 38 Ndele ovo va lya, va li ovalumenhu omayovi ane, ovakainhu nounona inava valwa. 39 Ndele Ye okwa lekela ovanhu ndele okwa londa mowato, ndele okwa ya koshilongo shaMagadan.
