1 Akutu, oshingoldo osha laula ngahelipi, oshingoldo shiwa sha shituka, omamanya mayapuki okwa ekelwashi momashakeneno omapandavanda aeshe! 2 Ovana vaSion, ovahoololwa, ovo va yelekwa va foshingoldo sha yela, ndelenee ova yelekwa ngahelipi va foitoo yedu, oshilonga shomake shomuhongi woiyuma yedu! 3 Ouvandje voovene hava yandje omavele, hava nyamifa ouvandjona vavo, ndelenee omona okakadona koshiwana shange okwa kukuta, ke nonghenda ngaashi omho yomombuwa. 4 Elaka lokahanana otali kanyatele kondakona omolwenota. Ounona va indila omungome, kape nomunhu ou te u va pambulile. 5 Ava va lya eendja dinyenye, ova pundila po momapandavanda. Ava va djala oikutu itilyana, otava papatele oshala. 6 Osheshi oulunde womona okakadona, oshiwana shange, u dule waSodom, osho sha hanaunwa po mefaukilo, inashi kumwa nande keke lomunhu. 7 Ovapangeli vomuSion ova li va yela ve dule omeva a hekela, okutoka kwavo ku dule kwomashini. Omalutu avo a twima e dule omakorali, olupe lavo la fa safir. 8 Ndelenee paife okufya kwavo okwa laula ku dule omudilombiya; itava shiivika vali momapandavanda. Oshipa shavo sha kanyatela komakipa avo, sha kukuta sha foshiti. 9 Ava va dipawa keongamukonda, ovanelao, ve dule ava va fya kondjala; ava va pundila po va fa va tuwa, osheshi vehe noiliwa yomepya. 10 Omake ovalikadi ovananghenda ovo va paka po ovana vavo vene; ovo va ninga eendja davo, omona okakadona, oshiwana shange, eshi sha teka po. 11 Omwene okwa wanifa oupyuhandu waye nokwa tilashi ehanyo lehandu laye, ndele a temena muSion omundilo, oo wa lungwinifa po omikangha dasho. 12 Eehamba dedu noonakukalamo aveshe vomounyuni inave shi itavela nokutya, omunaita ile omutondadi ta dulu ngeno okuuya mo moivelo yaJerusalem. 13 Oshe va hanga omolwoulunde wovaxunganeki vasho nomolwoilonga ii yovapristeli vasho, molwaava va tilashi ohonde yovayuki meni lasho. 14 Ovo va elaela ngaashi ovapofi momapandavanda, va nyatekwa kohonde, opo oikutu yavo inai shiiva vali okukumwa komunhu. 15 Ovanhu ve va ingidila: “Kandukei po nye oonakunyata! Kandukei po! Kandukei po! Inamu kuma!” Eshi va ya onhapo natango tuu ohava elaela; nomokati kovapaani mwa tiwa: Vo itava ka kala vali apa. 16 Oshipala shOmwene she va halakanifa po. Oye ite ke va tala vali nohokwe. Inava fimaneka vali ovapristeli noinava fila ovaxungu onghenda.
17 Omesho etu otaa loloka oshimha mokuteelela ekwafo letu. Monhele yetu yepashukilo ohatu tale nokuteelela oshiwana eshi itashi ka kwafa. 18 Vo ova hondjaunina eenghwate detu, opo fye tuha shiive okweenda momapandavanda etu. Exulilo letu ole uya popepi, omafiku etu a wana, heeno, exulilo letu la fika. 19 Ovataataai vetu va li ve nonhapo i dule okutuka kweenhwa domevalelwa. Ovo ve tu shikula keemhunda, ve tu nangela mofuka. 20 Oye omufudo womayulu etu, omuvaekwa wOmwene, okwa yulwa momakelo avo, Oye ou twa li tu shii: “Omomudile waye hatu ka kala mo mokati kovapaani.”
21 Hafa nokunyakukwa, oove omona okakadona Edom, to kala moshilongo shaUs! Eholo otali ke ku hanga yo. Ove oto ka kolwa ndele to ka kala hamuhele. 22 Okuhandukilwa kwoye omona okakadona Sion okwa xula. Oye ite ku efele vali moupika. Ndelenee owii woye, oove omona okakadona Edom, ote u kongolola po, ta holola omatimba oye.
1 Akutu, oshingoldo osha laula ngahelipi, oshingoldo shiwa sha shituka, omamanya mayapuki okwa ekelwashi momashakeneno omapandavanda aeshe! 2 Ovana vaSion, ovahoololwa, ovo va yelekwa va foshingoldo sha yela, ndelenee ova yelekwa ngahelipi va foitoo yedu, oshilonga shomake shomuhongi woiyuma yedu! 3 Ouvandje voovene hava yandje omavele, hava nyamifa ouvandjona vavo, ndelenee omona okakadona koshiwana shange okwa kukuta, ke nonghenda ngaashi omho yomombuwa. 4 Elaka lokahanana otali kanyatele kondakona omolwenota. Ounona va indila omungome, kape nomunhu ou te u va pambulile. 5 Ava va lya eendja dinyenye, ova pundila po momapandavanda. Ava va djala oikutu itilyana, otava papatele oshala. 6 Osheshi oulunde womona okakadona, oshiwana shange, u dule waSodom, osho sha hanaunwa po mefaukilo, inashi kumwa nande keke lomunhu. 7 Ovapangeli vomuSion ova li va yela ve dule omeva a hekela, okutoka kwavo ku dule kwomashini. Omalutu avo a twima e dule omakorali, olupe lavo la fa safir. 8 Ndelenee paife okufya kwavo okwa laula ku dule omudilombiya; itava shiivika vali momapandavanda. Oshipa shavo sha kanyatela komakipa avo, sha kukuta sha foshiti. 9 Ava va dipawa keongamukonda, ovanelao, ve dule ava va fya kondjala; ava va pundila po va fa va tuwa, osheshi vehe noiliwa yomepya. 10 Omake ovalikadi ovananghenda ovo va paka po ovana vavo vene; ovo va ninga eendja davo, omona okakadona, oshiwana shange, eshi sha teka po. 11 Omwene okwa wanifa oupyuhandu waye nokwa tilashi ehanyo lehandu laye, ndele a temena muSion omundilo, oo wa lungwinifa po omikangha dasho. 12 Eehamba dedu noonakukalamo aveshe vomounyuni inave shi itavela nokutya, omunaita ile omutondadi ta dulu ngeno okuuya mo moivelo yaJerusalem. 13 Oshe va hanga omolwoulunde wovaxunganeki vasho nomolwoilonga ii yovapristeli vasho, molwaava va tilashi ohonde yovayuki meni lasho. 14 Ovo va elaela ngaashi ovapofi momapandavanda, va nyatekwa kohonde, opo oikutu yavo inai shiiva vali okukumwa komunhu. 15 Ovanhu ve va ingidila: “Kandukei po nye oonakunyata! Kandukei po! Kandukei po! Inamu kuma!” Eshi va ya onhapo natango tuu ohava elaela; nomokati kovapaani mwa tiwa: Vo itava ka kala vali apa. 16 Oshipala shOmwene she va halakanifa po. Oye ite ke va tala vali nohokwe. Inava fimaneka vali ovapristeli noinava fila ovaxungu onghenda.
17 Omesho etu otaa loloka oshimha mokuteelela ekwafo letu. Monhele yetu yepashukilo ohatu tale nokuteelela oshiwana eshi itashi ka kwafa. 18 Vo ova hondjaunina eenghwate detu, opo fye tuha shiive okweenda momapandavanda etu. Exulilo letu ole uya popepi, omafiku etu a wana, heeno, exulilo letu la fika. 19 Ovataataai vetu va li ve nonhapo i dule okutuka kweenhwa domevalelwa. Ovo ve tu shikula keemhunda, ve tu nangela mofuka. 20 Oye omufudo womayulu etu, omuvaekwa wOmwene, okwa yulwa momakelo avo, Oye ou twa li tu shii: “Omomudile waye hatu ka kala mo mokati kovapaani.”
21 Hafa nokunyakukwa, oove omona okakadona Edom, to kala moshilongo shaUs! Eholo otali ke ku hanga yo. Ove oto ka kolwa ndele to ka kala hamuhele. 22 Okuhandukilwa kwoye omona okakadona Sion okwa xula. Oye ite ku efele vali moupika. Ndelenee owii woye, oove omona okakadona Edom, ote u kongolola po, ta holola omatimba oye.
