Oudjuu womonghalamwenyo
1 “Omunhu e li molwoodi fimbo ye ta kala kombada yedu. Nomafiku aye e li ngaashi omafiku oonakulilongela? 2 Ngaashi omupika ta djuulukwa omudile nongaashi nakulonga ou ta teelele ondjabi yaye, 3 osho ame nda fyuulula eehani doluhepo, omaufiku oupyakadi a ninga ange. 4 Ame eshi handi ka nangala, ohandi diladila: Onaini handi ka penduka? Ndelenee onguloshi otai ningi ile, ndele ame ohandi loloka mokupiluka fiyo eluwa tali tende. 5 Ombelela yange ya djalekwa omainyo nomakuma ondwi. Oshipa shange tashi kukuta ndele tashi eta otwila. 6 Omafiku ange taa endelele e nonhapo e dule onhisho yomutungi woshiyata ndele taa xulu po ehe neteelelo.
7 “Dimbulukwa nokutya, okukalamwenyo kwange oku li omufudo womhepo. Omesho ange itaa ka mona vali elao. 8 Eisho laau, a mona nge, itali ka mona nge vali. Omesho oye taa kongo nge, ndelenee ame kandi po! 9 Oshilemo tashi pepuka po ndele tashi i; nosho yo ou a ningina mo moshovafi, ita aluka mo vali. 10 Ye ita aluka vali keumbo laye; nonhele yaye itai mu dimbulukwa vali.
11 “Nosho naame yo ihandi ka kelela okanya kange, ame nda hala okupopya mefininiko lomhepo yange, ame nda hala okukema moululu womwenyo wange. 12 Aame efuta mbela ile oshinamwenyo shomefuta eshi wa tula ovanangeli va nangele nge? 13 Eshi nda diladila: ‘Ombete yange tai etele nge ehekeleko, onhele yange yokunangala tai pupaleke oudjuu wange,’ 14 opo nee Ove wa halukifa nge neendjodi ndele wa tilifa nge nomamoniko. 15 Onghee hano nda hoolola okupondwa, okufya ku dule oipongolo ei yange. 16 Nda kuta! Inandi hala okukala nomwenyo fiyo alushe: Itavelele nge ndi tulumukwe osheshi omafiku ange ongahoelela. 17 Omunhu omushike, Ove u mu lenge ngaha ndele to mu pashukile, 18 ndele to mu talatala ongula keshe, to mu konakona otundi keshe? 19 Fiyo onaini to kala ino punguluka pwaame, ito efa nge nande kanini, opo ndi pone po omayeye ange? 20 Nande nda nyona, ame onde ku ningila shike, Oove omupashukili wovanhu? Omolwashike wa tula nge etanga loye lokuyasha, nomolwashike ame nda ninga omutengi woye munene? 21 Nomolwashike ito dimine nge po omanyono ange? Ndele ito kufa po oshilonga shange shii? Osheshi paife handi ka nangala mondwi yedu. Opo nee Ove to ka konga nge, ndelenee ame nghi po vali.”
Oudjuu womonghalamwenyo
1 “Omunhu e li molwoodi fimbo ye ta kala kombada yedu. Nomafiku aye e li ngaashi omafiku oonakulilongela? 2 Ngaashi omupika ta djuulukwa omudile nongaashi nakulonga ou ta teelele ondjabi yaye, 3 osho ame nda fyuulula eehani doluhepo, omaufiku oupyakadi a ninga ange. 4 Ame eshi handi ka nangala, ohandi diladila: Onaini handi ka penduka? Ndelenee onguloshi otai ningi ile, ndele ame ohandi loloka mokupiluka fiyo eluwa tali tende. 5 Ombelela yange ya djalekwa omainyo nomakuma ondwi. Oshipa shange tashi kukuta ndele tashi eta otwila. 6 Omafiku ange taa endelele e nonhapo e dule onhisho yomutungi woshiyata ndele taa xulu po ehe neteelelo.
7 “Dimbulukwa nokutya, okukalamwenyo kwange oku li omufudo womhepo. Omesho ange itaa ka mona vali elao. 8 Eisho laau, a mona nge, itali ka mona nge vali. Omesho oye taa kongo nge, ndelenee ame kandi po! 9 Oshilemo tashi pepuka po ndele tashi i; nosho yo ou a ningina mo moshovafi, ita aluka mo vali. 10 Ye ita aluka vali keumbo laye; nonhele yaye itai mu dimbulukwa vali.
11 “Nosho naame yo ihandi ka kelela okanya kange, ame nda hala okupopya mefininiko lomhepo yange, ame nda hala okukema moululu womwenyo wange. 12 Aame efuta mbela ile oshinamwenyo shomefuta eshi wa tula ovanangeli va nangele nge? 13 Eshi nda diladila: ‘Ombete yange tai etele nge ehekeleko, onhele yange yokunangala tai pupaleke oudjuu wange,’ 14 opo nee Ove wa halukifa nge neendjodi ndele wa tilifa nge nomamoniko. 15 Onghee hano nda hoolola okupondwa, okufya ku dule oipongolo ei yange. 16 Nda kuta! Inandi hala okukala nomwenyo fiyo alushe: Itavelele nge ndi tulumukwe osheshi omafiku ange ongahoelela. 17 Omunhu omushike, Ove u mu lenge ngaha ndele to mu pashukile, 18 ndele to mu talatala ongula keshe, to mu konakona otundi keshe? 19 Fiyo onaini to kala ino punguluka pwaame, ito efa nge nande kanini, opo ndi pone po omayeye ange? 20 Nande nda nyona, ame onde ku ningila shike, Oove omupashukili wovanhu? Omolwashike wa tula nge etanga loye lokuyasha, nomolwashike ame nda ninga omutengi woye munene? 21 Nomolwashike ito dimine nge po omanyono ange? Ndele ito kufa po oshilonga shange shii? Osheshi paife handi ka nangala mondwi yedu. Opo nee Ove to ka konga nge, ndelenee ame nghi po vali.”
