Omunhu momesho aKalunga
1 Ndele Elihu okwa twikila ndele ta ti: 2 “Lididimikile nge manga, opo handi ku pe eendunge, osheshi natango tuu ondi na sha ndi shi popye molwaKalunga. 3 Eshiivo lange handi ke li tala kokule ndele handi ka pa Omushiti wange ounongo. 4 Osheshi oshili, eendjovo dange dihe fi oipupulu; koshipala shoye oku na omulumenhu e neshiivo la wanenena.
5 “Tala, Kalunga Oye omunaenghono, ndelenee ita dini nande umwe. Eenghono deendunge daye odinene. 6 Ye ita xupifa omwenyo womuhenakalunga ndelenee ta pe ovakwanaluhepo ounongo. 7 Omesho aye ite a kufa movayuki, ndelenee te va kaleke omutumba pamwe neehamba kolukalwapangelo fiyo alushe. Vo ohava nenepekwa. 8 Ndelenee vo ngeenge tava tulwa momalyenge, ndele tava mangwa noimangifo yoluhepo, 9 opo nee Ye ote va shiivifile oilonga yavo nomatauluko avo molwelinenepeko lavo. 10 Nomatwi avo te va fitululile omakumaido ndele te va lombwele nokutya, ve nokwaaluka mo moukolokoshi. 11 Ngeenge hava pwilikine ndele tave lininipike, vo otava ka kala omafiku avo melao nomido davo mehepuluko. 12 Ndelenee vo ngeenge itava pwilikine, tava ka wila komaonga efyo moulai wavo ndele tava fuda mo omufudo vehe neshiivo. 13 Ndelenee ovahenakalunga tave lidike ehandu, vo itava kuu onghuwo, Ye eshi e va kwata. 14 Eemwenyo davo tadi fi mounyasha, nokukalamwenyo kwavo taku xulu mohoni. 15 Ye ota xupifa omukwanaluhepo noluhepo laye ndele ta fitulula okutwi kwaye noudjuu.
16 “Heeno, naave yo, wa hekwa u dje mo moudjuu konhele ya mbwalangadja ihe nofina, nokounyenye woshililo shi yadi eendja domaadi. 17 Ndelenee ove wa hangika ketokolo lidjuu lovahenakalunga. Etokolo nehandukilo le ku kwata. 18 Ndelenee lungama oudjuu wouyehame uhe ku hongaule okusheka; ndele uha pukifwe kounene woikulila. 19 Onghuwo yoye otai dulu tuu okukwafa mefininiko, ile okulipamekela eenghono doye adishe?
20 “Ino lihalela oufiku wetokolo, ou tau kufa mo oiwana meenhele dayo. 21 Lungama, uha ame kowii, osheshi owo to u hoolola komesho yoluhepo. 22 Tala, Kalunga okwa fimana keenghono daye dihapu, omulongindunge olyelye ngaashi Ye? 23 Olyelye te mu lombwele ondjila yaye, nolyelye ta ti: ‘Ove wa nyona!’? 24 Naave yo dimbulukwa okuhambelela oilonga yaye, ovanhu ngaashi have i tange nokwiimba. 25 Ovanhu aveshe tave i tale nehafo nokukuminwa, noonaku ka fya tave i tale kokule. 26 Tala, Kalunga Oye omunene, hatu nyengwa oku mu shiiva. 27 Ye ota ongele omata omeva ndele moshihemime shao odula tai diya mo, 28 oilemo ndele tai i tilile kombada yovanhu vahapu. 29 Heeno, olyelye a shiiva etandavelo loilemo, olyelye endundumo lometwali laye? 30 Tala, Ye ota yale kombada yayo omaluvadi aye ndele ta tuvike oule wokoshi yefuta, 31 osho ngaha ota tokola oiwana, ta yandje eendja dihapu unene. 32 Ye ota tuvike omake aye aeshe avali nomaluvadi ndele te a tumine ovahomoni. 33 Endundumo laye tali mu holola heeno, noimuna yo euyo laye.
Omunhu momesho aKalunga
1 Ndele Elihu okwa twikila ndele ta ti: 2 “Lididimikile nge manga, opo handi ku pe eendunge, osheshi natango tuu ondi na sha ndi shi popye molwaKalunga. 3 Eshiivo lange handi ke li tala kokule ndele handi ka pa Omushiti wange ounongo. 4 Osheshi oshili, eendjovo dange dihe fi oipupulu; koshipala shoye oku na omulumenhu e neshiivo la wanenena.
5 “Tala, Kalunga Oye omunaenghono, ndelenee ita dini nande umwe. Eenghono deendunge daye odinene. 6 Ye ita xupifa omwenyo womuhenakalunga ndelenee ta pe ovakwanaluhepo ounongo. 7 Omesho aye ite a kufa movayuki, ndelenee te va kaleke omutumba pamwe neehamba kolukalwapangelo fiyo alushe. Vo ohava nenepekwa. 8 Ndelenee vo ngeenge tava tulwa momalyenge, ndele tava mangwa noimangifo yoluhepo, 9 opo nee Ye ote va shiivifile oilonga yavo nomatauluko avo molwelinenepeko lavo. 10 Nomatwi avo te va fitululile omakumaido ndele te va lombwele nokutya, ve nokwaaluka mo moukolokoshi. 11 Ngeenge hava pwilikine ndele tave lininipike, vo otava ka kala omafiku avo melao nomido davo mehepuluko. 12 Ndelenee vo ngeenge itava pwilikine, tava ka wila komaonga efyo moulai wavo ndele tava fuda mo omufudo vehe neshiivo. 13 Ndelenee ovahenakalunga tave lidike ehandu, vo itava kuu onghuwo, Ye eshi e va kwata. 14 Eemwenyo davo tadi fi mounyasha, nokukalamwenyo kwavo taku xulu mohoni. 15 Ye ota xupifa omukwanaluhepo noluhepo laye ndele ta fitulula okutwi kwaye noudjuu.
16 “Heeno, naave yo, wa hekwa u dje mo moudjuu konhele ya mbwalangadja ihe nofina, nokounyenye woshililo shi yadi eendja domaadi. 17 Ndelenee ove wa hangika ketokolo lidjuu lovahenakalunga. Etokolo nehandukilo le ku kwata. 18 Ndelenee lungama oudjuu wouyehame uhe ku hongaule okusheka; ndele uha pukifwe kounene woikulila. 19 Onghuwo yoye otai dulu tuu okukwafa mefininiko, ile okulipamekela eenghono doye adishe?
20 “Ino lihalela oufiku wetokolo, ou tau kufa mo oiwana meenhele dayo. 21 Lungama, uha ame kowii, osheshi owo to u hoolola komesho yoluhepo. 22 Tala, Kalunga okwa fimana keenghono daye dihapu, omulongindunge olyelye ngaashi Ye? 23 Olyelye te mu lombwele ondjila yaye, nolyelye ta ti: ‘Ove wa nyona!’? 24 Naave yo dimbulukwa okuhambelela oilonga yaye, ovanhu ngaashi have i tange nokwiimba. 25 Ovanhu aveshe tave i tale nehafo nokukuminwa, noonaku ka fya tave i tale kokule. 26 Tala, Kalunga Oye omunene, hatu nyengwa oku mu shiiva. 27 Ye ota ongele omata omeva ndele moshihemime shao odula tai diya mo, 28 oilemo ndele tai i tilile kombada yovanhu vahapu. 29 Heeno, olyelye a shiiva etandavelo loilemo, olyelye endundumo lometwali laye? 30 Tala, Ye ota yale kombada yayo omaluvadi aye ndele ta tuvike oule wokoshi yefuta, 31 osho ngaha ota tokola oiwana, ta yandje eendja dihapu unene. 32 Ye ota tuvike omake aye aeshe avali nomaluvadi ndele te a tumine ovahomoni. 33 Endundumo laye tali mu holola heeno, noimuna yo euyo laye.
