1 Opo nee Sofar, Omunaamati, a nyamukula ndele ta ti: 2 “Odo omadiladilo ange tae di pe enyamukulo, molwoshinima osho meni lange mwa fuluka. 3 Ame ndi nokupwilikina okutanguna taku fifa ohoni. Ndelenee omhepo yeendunge dange tai nyamukula nge. 4 Osho shoshitonale ku shi shii, omunhu nghee a shitwa, a tulwa kombada yedu, 5 nokutya, enyaku lovahenakalunga itali kala po nehafo lomukolokoshi olixupi ongepakumo leisho. 6 Ounene waye nande u yeluke fiyo okeulu, nomutwe waye nande u hange oilemo, 7 ye ota ka xula po fiyo alushe ngaashi onyata yaye mwene. Ovo ve mu mona, tava pula: ‘Openi e li?’ 8 Ye ota tuka po ngaashi ondjodi, onghee omunhu ite mu mono vali; ndele ta henuka po ngaashi emoniko lomoufiku. 9 Eisho le mu tala, itali mu tale vali. Nonhele yaye itai mu mono vali. 10 Ovana vaye ve nokulikongela onghenda yeehepele, nomake aye mwene e nokuyandja po emona laye. 11 Omakipa aye kwa li e yadi eenghono dounyasha, ndelenee do da li di nokuya mombila pamwe naye. 12 Owii nande ounyenye mokanya kaye, te u holeke koshi yelaka laye, 13 te u diinine, ina hala oku u efa, ndele te u kakatelifa kondakona yaye, 14 eendja odo tadi shituka momandjadja aye ndele otadi ningi onyango yefu meni laye. 15 Okwa pona po oupuna, ndelenee e noku u kunga mo vali. Medimo laye Kalunga te u taataa mo. 16 Okwa nyama oudiyo wefu, elaka leyoka tali mu dipaa. 17 Ita dulu vali okunyakukilwa omilonga, nomakungulukilo omaadi eenyiki nomashini a pama. 18 Osho e shi lilikolela mokulonga, ye e noku shi yandja po, ye mwene ita dulu oku shi pona, ehafo laye kali fike pemona e li likola. 19 Osheshi a fininika ovakwanaluhepo, nokwe va ekelashi ngaho, okwe likufila ongulu, ndele ita dulu oku i tungulula. 20 Osheshi ina shiiva nande ekuta ledimo laye, ndelenee ite lixupifa noinima yaye i nondilo. 21 Kape na nande oshinima shimwe sha ya onhapo olwisho laye, onghee hano elao laye itali kalelele. 22 Mouyadi woupuna waye ye ota ka kala e noumbada; omake aeshe ovakwanaluhepo tae mu pyaifwa. 23 Ye eshi ta yadifa edimo laye, Kalunga ota tumu kombada yaye oupyuhandu waye, Ye ote u mu lokifile eendja daye. 24 Ye ota ka ya onhapo oiti yoshivela. Ota ka tyuulwa kouta woshikushu. 25 Ye ngeenge ta shili mo oshikuti mombuda yaye, eongamukonda tali taima tali tyuuka monyango yaye. Omahalwifo tae mu pangele. 26 Omamona aye a tuvikililwa omulaulu fokofoko. Ye ota lungwinifwa komundilo inau pepelwa komunhu. Owo tau li po osho sha xupa po meumbo laye. 27 Eulu tali holola owii waye, nedu tali tu ondubo naye. 28 Eliko leumbo laye tali ka iwa nalo mefiku lehandu. Oinima yaye tai ka ya okwiililwa kefundja. 29 Osho hano oshipewa shomukolokoshi, te shi pewa kuKalunga, osho oshifyuululwa she mu sheyelwa kuKalunga.”
1 Opo nee Sofar, Omunaamati, a nyamukula ndele ta ti: 2 “Odo omadiladilo ange tae di pe enyamukulo, molwoshinima osho meni lange mwa fuluka. 3 Ame ndi nokupwilikina okutanguna taku fifa ohoni. Ndelenee omhepo yeendunge dange tai nyamukula nge. 4 Osho shoshitonale ku shi shii, omunhu nghee a shitwa, a tulwa kombada yedu, 5 nokutya, enyaku lovahenakalunga itali kala po nehafo lomukolokoshi olixupi ongepakumo leisho. 6 Ounene waye nande u yeluke fiyo okeulu, nomutwe waye nande u hange oilemo, 7 ye ota ka xula po fiyo alushe ngaashi onyata yaye mwene. Ovo ve mu mona, tava pula: ‘Openi e li?’ 8 Ye ota tuka po ngaashi ondjodi, onghee omunhu ite mu mono vali; ndele ta henuka po ngaashi emoniko lomoufiku. 9 Eisho le mu tala, itali mu tale vali. Nonhele yaye itai mu mono vali. 10 Ovana vaye ve nokulikongela onghenda yeehepele, nomake aye mwene e nokuyandja po emona laye. 11 Omakipa aye kwa li e yadi eenghono dounyasha, ndelenee do da li di nokuya mombila pamwe naye. 12 Owii nande ounyenye mokanya kaye, te u holeke koshi yelaka laye, 13 te u diinine, ina hala oku u efa, ndele te u kakatelifa kondakona yaye, 14 eendja odo tadi shituka momandjadja aye ndele otadi ningi onyango yefu meni laye. 15 Okwa pona po oupuna, ndelenee e noku u kunga mo vali. Medimo laye Kalunga te u taataa mo. 16 Okwa nyama oudiyo wefu, elaka leyoka tali mu dipaa. 17 Ita dulu vali okunyakukilwa omilonga, nomakungulukilo omaadi eenyiki nomashini a pama. 18 Osho e shi lilikolela mokulonga, ye e noku shi yandja po, ye mwene ita dulu oku shi pona, ehafo laye kali fike pemona e li likola. 19 Osheshi a fininika ovakwanaluhepo, nokwe va ekelashi ngaho, okwe likufila ongulu, ndele ita dulu oku i tungulula. 20 Osheshi ina shiiva nande ekuta ledimo laye, ndelenee ite lixupifa noinima yaye i nondilo. 21 Kape na nande oshinima shimwe sha ya onhapo olwisho laye, onghee hano elao laye itali kalelele. 22 Mouyadi woupuna waye ye ota ka kala e noumbada; omake aeshe ovakwanaluhepo tae mu pyaifwa. 23 Ye eshi ta yadifa edimo laye, Kalunga ota tumu kombada yaye oupyuhandu waye, Ye ote u mu lokifile eendja daye. 24 Ye ota ka ya onhapo oiti yoshivela. Ota ka tyuulwa kouta woshikushu. 25 Ye ngeenge ta shili mo oshikuti mombuda yaye, eongamukonda tali taima tali tyuuka monyango yaye. Omahalwifo tae mu pangele. 26 Omamona aye a tuvikililwa omulaulu fokofoko. Ye ota lungwinifwa komundilo inau pepelwa komunhu. Owo tau li po osho sha xupa po meumbo laye. 27 Eulu tali holola owii waye, nedu tali tu ondubo naye. 28 Eliko leumbo laye tali ka iwa nalo mefiku lehandu. Oinima yaye tai ka ya okwiililwa kefundja. 29 Osho hano oshipewa shomukolokoshi, te shi pewa kuKalunga, osho oshifyuululwa she mu sheyelwa kuKalunga.”
