Jesus ta nyumuna Lasarus
1 Ndele opa li omulumenhu umwe ta vele, Lasarus womuBetania, momukunda waMaria nomumwaina Marta. 2 Maria oye ou a vaekele Omwene nomaadi, neemhadi e di pushulile neexwiki daye dokomutwe, hano omumwaina, Lasarus, okwa li ta vele. 3 Opo ovamwaina ovakainhu ova tuma kuJesus ondaka ei: “Omwene, tala, ou u mu hole, ota vele.” 4 Hano Jesus eshi e shi uda, okwa tya: “Oudu ou kau fi wokufya, ndelenee owokufimanekifa Kalunga, Omona waKalunga opo a fimanekifwe kuwo.”
5 Ndele Jesus okwa li e hole Marta nomumwaina naLasarus. 6 Ndele eshi e mu uda ta vele, okwa kala ko natango omafiku avali konhele oko a li. 7 Ndele eshi a pita po okwa tya kovalongwa vaye: “Tu shuneni kuJudea.” 8 Ovalongwa ova tya kuye: “Rabbi, Ovajuda hanga ove ku dipaa nomamanya, ndele ove oto i ko vali.” 9 Jesus ta ti: “Omutenya kau na eetundi omulongo nambali? Ou ta ende omutenya ite lipumu, osheshi oku wete ouyelele wounyuni ou. 10 Ndele ou ta ende oufiku oye te lipumu, osheshi ke nouyelele muye.” 11 Oye okwa tonga edi, ndele ta ti kuvo: “Lasarus, kaume ketu okwa kofa, ndelenee Ame ohandi i ko ndi ke mu pendule.” 12 Opo ovalongwa va tya kuye: “Omwene, ngeenge a kofa ota veluka.” 13 Ndele Jesus okwa popya okufya kwaye. Ndele vo ova li ve shii ota popi okukofa kweemhofi detulumuko. 14 Opo Jesus okwe va lombwela sha yuka: “Lasarus okwa fya, 15 ndele Ame onda hafa omolweni, shaashi nda hangika ndihe ko, opo mu itavele. Ndele tu yeni kuye.” 16 Opo Tomas, ou a ifanwa Omukwanambwiyu, okwa tya kovalongwa vakwao: “Nafye yo tu yeni ko tu ka fileni pamwe naye.”
17 Hano Jesus eshi a fika ko, okwa hanga Lasarus a ninga omafiku ane mombila. 18 Ndele Betania osha li popepi naJerusalem, eekilometa nhatu ngeno. 19 NOvajuda vahapu ve uya kuMarta naMaria ve va pendule shaashi va filwa omumwaina.
20 Ndele Marta eshi a uda Jesus te uya, okwe ke mu shakeneka; ndele Maria okwa li omutumba keumbo. 21 Ndele Marta okwa tya kuJesus: “Omwene, ngeno Ove wa li po, ngeno omumwameme ina fya. 22 Ndelenee nopaife ondi shi shii, keshe eshi to indile Kalunga, Kalunga ote shi ku pe.” 23 Jesus ta ti kuye: “Omumwanyoko ota nyumuka.” 24 Marta okwe mu nyamukula: “Ondi shi shii nokutya, ota nyumuka menyumuko mefiku laxuuninwa.” 25 Jesus ta ti kuye: “Aame enyumuko nomwenyo; ou ta itavele nge ota kala nomwenyo, nande na hangike a fya. 26 Ndele keshe tuu ou e nomwenyo, ndele ta itavele nge, ita fi nande fiyo alushe. Oto shi itavele tuu?” 27 Ye okwa tya kuye: “Heeno Omwene, handi itavele nokutya, Oove Kristus, Omona waKalunga, ou e nokuuya mounyuni.”
28 Ndele eshi e di tya, okwa ya ndele ta ifana omumwaina Maria, ndele okwe mu lombwela meholeko: “Omuhongi opo e li apa ndele te ku ifana.” 29 Maria eshi e shi uda, okwa fikama diva ndele ta i kuye. 30 Ndele Jesus okwa li ina fika natango komukunda, ndelenee okwa li konhele apa Marta e mu shakeneka. 31 Opo nee Ovajuda ovo va li pamwe naMaria meumbo tave mu pendula, eshi ve mu mona, a fikama diva ndele ta piti mo, ove mu shikula va li ve shii ta i kombila, a ka lilile ko.
32 Ndele Maria eshi e uya oku kwa li Jesus, ndele te mu mono, okwa twa eengolo keemhadi daye ndele ta ti kuye: “Omwene, ngeno Ove wa li po, ngeno omumwameme ina fya.” 33 Ndele Jesus eshi e mu wete ta lili nOvajuda ava ve uya pamwe naye tava lili, okwa tukuluka momhepo yaye ndele ta kwatwa kolukaka, 34 ndele ta ti: “Omwe mu nangeka peni?” Vo ova tya kuye: “Omwene, ila u ka tale.” 35 Jesus okwa lila. 36 Opo Ovajuda ova tya: “Taleni, nhumbi kwa li e mu hole.” 37 Ndele vamwe vomuvo ova tya: “Oye tuu ou a twikulula omesho omupofi oshike ina dula yo mbela okukelela ou aha fye?”
38 Opo Jesus okwa tukuluka vali momhepo yaye ndele ta i kombila. Ndele oyo ya li ekololo, nemanya le i tuvika. 39 Jesus okwa tya: “Kufeni ko emanya.” Marta, omumwaina wanakufya okwa tya kuye: “Omwene, ye okwa nyika nale, osheshi nena okwa ninga omafiku ane.” 40 Jesus ta ti kuye: “Inandi ku lombwela, ngeenge to itavele, oto mono efimano laKalunga?” 41 Opo vo ova kufa ko emanya. Ndele Jesus okwa lyaamena pombada ndele ta ti: “Tate, ohandi ku pandula, shaashi wa uda nge. 42 Ndele ondi shi shii, Ove ho udu nge alushe; Ndelenee molwovanhu ava va dingilila nge, ohandi popi ngaha, vo va itavele nokutya, Oove wa tuma nge.” 43 Ndele eshi e shi tya, okwa ingida mokule: “Lasarus, dja mo!” 44 Nakufya okwa dja mo, eemhadi nomaoko a mangwa nomalapi, noshipala shaye sha mangwa noshipushulifo shoshinhwi. Jesus okwe va lombwela: “Mu mangululeni, nye mu mu efe a ye.”
Ovapristeli va hala okudipaa Jesus
(Mat. 26:1-5Mark. 14:1-2Luk. 22:1-2)45 Opo Ovajuda vahapu, ava va li ve uya kuMaria ndele va mona osho Jesus e shi ninga, ove mu itavela. 46 Ndelenee vamwe vomuvo ova ya kOvafarisai, ndele ve va hepaululila eshi Jesus e shi ninga. 47 Ndele opo ovapristeli ovakulunhu nOvafarisai ova shiva oshiongalele shovakulunhu ndele tava ti: “Ohatu ningi ngahelipi, osheshi omulumenhu ou ota ningi oikumwifalonga ihapu? 48 Ngeenge hatu mu efa ngaha, aveshe otave mu itavele, nOvaroma otave uya ndee tave tu kufa oshilongo novanhu yo.” 49 Ndele umwe wavo, Kajafas, ou okwa li omupristeli omukulunhu omudo ou, okwa tya kuvo: “Eendunge deni odongaho, 50 ndele nye inamu diladila, okufya kwomunhu umwe molwovanhu kwe mu wapalela, ku dule okunyonauka po kwoshiwana ashishe.” 51 Ndele eshi ine shi tonga muye mwene, ndele shaashi okwa li omupristeli omukulunhu omudo winya, okwa xunganeka, Jesus oku nokufila oshiwana, 52 ndele hamolwoshiwana eshi ashike, ndele opo a kongolole yo ovana vaKalunga, ava ve li po ve lihana, va ninge vamwe aveke. 53 Ndele kefiku olo tuu olo va pangela oku mu dipaa.
54 Onghee hano Jesus ina enda vali moipafi mokati kOvajuda, ndele okwa ya konhele ya li popepi nombuwa okoshilando sha lukwa Efraim. Ndele oko a kala novalongwa vaye. 55 Ndele Opaasa, oshivilo shOvajuda osha li sha fika, nOvajuda vahapu vomomikunda va ya kuJerusalem ve liyelife, Opaasa fimbo inai dana. 56 Opo ova konga Jesus va pulafana va kala ofika motembeli: “Otamu ti ngahelipi: Ye ote uya tuu koshivilo?” 57 Ndele ovapristeli ovakulunhu nOvafarisai ova yandja ondaka, ngeenge ope na ou e shii apa e li, oku noku shi holola, opo ve mu kwate.
Jesus ta nyumuna Lasarus
1 Ndele opa li omulumenhu umwe ta vele, Lasarus womuBetania, momukunda waMaria nomumwaina Marta. 2 Maria oye ou a vaekele Omwene nomaadi, neemhadi e di pushulile neexwiki daye dokomutwe, hano omumwaina, Lasarus, okwa li ta vele. 3 Opo ovamwaina ovakainhu ova tuma kuJesus ondaka ei: “Omwene, tala, ou u mu hole, ota vele.” 4 Hano Jesus eshi e shi uda, okwa tya: “Oudu ou kau fi wokufya, ndelenee owokufimanekifa Kalunga, Omona waKalunga opo a fimanekifwe kuwo.”
5 Ndele Jesus okwa li e hole Marta nomumwaina naLasarus. 6 Ndele eshi e mu uda ta vele, okwa kala ko natango omafiku avali konhele oko a li. 7 Ndele eshi a pita po okwa tya kovalongwa vaye: “Tu shuneni kuJudea.” 8 Ovalongwa ova tya kuye: “Rabbi, Ovajuda hanga ove ku dipaa nomamanya, ndele ove oto i ko vali.” 9 Jesus ta ti: “Omutenya kau na eetundi omulongo nambali? Ou ta ende omutenya ite lipumu, osheshi oku wete ouyelele wounyuni ou. 10 Ndele ou ta ende oufiku oye te lipumu, osheshi ke nouyelele muye.” 11 Oye okwa tonga edi, ndele ta ti kuvo: “Lasarus, kaume ketu okwa kofa, ndelenee Ame ohandi i ko ndi ke mu pendule.” 12 Opo ovalongwa va tya kuye: “Omwene, ngeenge a kofa ota veluka.” 13 Ndele Jesus okwa popya okufya kwaye. Ndele vo ova li ve shii ota popi okukofa kweemhofi detulumuko. 14 Opo Jesus okwe va lombwela sha yuka: “Lasarus okwa fya, 15 ndele Ame onda hafa omolweni, shaashi nda hangika ndihe ko, opo mu itavele. Ndele tu yeni kuye.” 16 Opo Tomas, ou a ifanwa Omukwanambwiyu, okwa tya kovalongwa vakwao: “Nafye yo tu yeni ko tu ka fileni pamwe naye.”
17 Hano Jesus eshi a fika ko, okwa hanga Lasarus a ninga omafiku ane mombila. 18 Ndele Betania osha li popepi naJerusalem, eekilometa nhatu ngeno. 19 NOvajuda vahapu ve uya kuMarta naMaria ve va pendule shaashi va filwa omumwaina.
20 Ndele Marta eshi a uda Jesus te uya, okwe ke mu shakeneka; ndele Maria okwa li omutumba keumbo. 21 Ndele Marta okwa tya kuJesus: “Omwene, ngeno Ove wa li po, ngeno omumwameme ina fya. 22 Ndelenee nopaife ondi shi shii, keshe eshi to indile Kalunga, Kalunga ote shi ku pe.” 23 Jesus ta ti kuye: “Omumwanyoko ota nyumuka.” 24 Marta okwe mu nyamukula: “Ondi shi shii nokutya, ota nyumuka menyumuko mefiku laxuuninwa.” 25 Jesus ta ti kuye: “Aame enyumuko nomwenyo; ou ta itavele nge ota kala nomwenyo, nande na hangike a fya. 26 Ndele keshe tuu ou e nomwenyo, ndele ta itavele nge, ita fi nande fiyo alushe. Oto shi itavele tuu?” 27 Ye okwa tya kuye: “Heeno Omwene, handi itavele nokutya, Oove Kristus, Omona waKalunga, ou e nokuuya mounyuni.”
28 Ndele eshi e di tya, okwa ya ndele ta ifana omumwaina Maria, ndele okwe mu lombwela meholeko: “Omuhongi opo e li apa ndele te ku ifana.” 29 Maria eshi e shi uda, okwa fikama diva ndele ta i kuye. 30 Ndele Jesus okwa li ina fika natango komukunda, ndelenee okwa li konhele apa Marta e mu shakeneka. 31 Opo nee Ovajuda ovo va li pamwe naMaria meumbo tave mu pendula, eshi ve mu mona, a fikama diva ndele ta piti mo, ove mu shikula va li ve shii ta i kombila, a ka lilile ko.
32 Ndele Maria eshi e uya oku kwa li Jesus, ndele te mu mono, okwa twa eengolo keemhadi daye ndele ta ti kuye: “Omwene, ngeno Ove wa li po, ngeno omumwameme ina fya.” 33 Ndele Jesus eshi e mu wete ta lili nOvajuda ava ve uya pamwe naye tava lili, okwa tukuluka momhepo yaye ndele ta kwatwa kolukaka, 34 ndele ta ti: “Omwe mu nangeka peni?” Vo ova tya kuye: “Omwene, ila u ka tale.” 35 Jesus okwa lila. 36 Opo Ovajuda ova tya: “Taleni, nhumbi kwa li e mu hole.” 37 Ndele vamwe vomuvo ova tya: “Oye tuu ou a twikulula omesho omupofi oshike ina dula yo mbela okukelela ou aha fye?”
38 Opo Jesus okwa tukuluka vali momhepo yaye ndele ta i kombila. Ndele oyo ya li ekololo, nemanya le i tuvika. 39 Jesus okwa tya: “Kufeni ko emanya.” Marta, omumwaina wanakufya okwa tya kuye: “Omwene, ye okwa nyika nale, osheshi nena okwa ninga omafiku ane.” 40 Jesus ta ti kuye: “Inandi ku lombwela, ngeenge to itavele, oto mono efimano laKalunga?” 41 Opo vo ova kufa ko emanya. Ndele Jesus okwa lyaamena pombada ndele ta ti: “Tate, ohandi ku pandula, shaashi wa uda nge. 42 Ndele ondi shi shii, Ove ho udu nge alushe; Ndelenee molwovanhu ava va dingilila nge, ohandi popi ngaha, vo va itavele nokutya, Oove wa tuma nge.” 43 Ndele eshi e shi tya, okwa ingida mokule: “Lasarus, dja mo!” 44 Nakufya okwa dja mo, eemhadi nomaoko a mangwa nomalapi, noshipala shaye sha mangwa noshipushulifo shoshinhwi. Jesus okwe va lombwela: “Mu mangululeni, nye mu mu efe a ye.”
Ovapristeli va hala okudipaa Jesus
(Mat. 26:1-5Mark. 14:1-2Luk. 22:1-2)45 Opo Ovajuda vahapu, ava va li ve uya kuMaria ndele va mona osho Jesus e shi ninga, ove mu itavela. 46 Ndelenee vamwe vomuvo ova ya kOvafarisai, ndele ve va hepaululila eshi Jesus e shi ninga. 47 Ndele opo ovapristeli ovakulunhu nOvafarisai ova shiva oshiongalele shovakulunhu ndele tava ti: “Ohatu ningi ngahelipi, osheshi omulumenhu ou ota ningi oikumwifalonga ihapu? 48 Ngeenge hatu mu efa ngaha, aveshe otave mu itavele, nOvaroma otave uya ndee tave tu kufa oshilongo novanhu yo.” 49 Ndele umwe wavo, Kajafas, ou okwa li omupristeli omukulunhu omudo ou, okwa tya kuvo: “Eendunge deni odongaho, 50 ndele nye inamu diladila, okufya kwomunhu umwe molwovanhu kwe mu wapalela, ku dule okunyonauka po kwoshiwana ashishe.” 51 Ndele eshi ine shi tonga muye mwene, ndele shaashi okwa li omupristeli omukulunhu omudo winya, okwa xunganeka, Jesus oku nokufila oshiwana, 52 ndele hamolwoshiwana eshi ashike, ndele opo a kongolole yo ovana vaKalunga, ava ve li po ve lihana, va ninge vamwe aveke. 53 Ndele kefiku olo tuu olo va pangela oku mu dipaa.
54 Onghee hano Jesus ina enda vali moipafi mokati kOvajuda, ndele okwa ya konhele ya li popepi nombuwa okoshilando sha lukwa Efraim. Ndele oko a kala novalongwa vaye. 55 Ndele Opaasa, oshivilo shOvajuda osha li sha fika, nOvajuda vahapu vomomikunda va ya kuJerusalem ve liyelife, Opaasa fimbo inai dana. 56 Opo ova konga Jesus va pulafana va kala ofika motembeli: “Otamu ti ngahelipi: Ye ote uya tuu koshivilo?” 57 Ndele ovapristeli ovakulunhu nOvafarisai ova yandja ondaka, ngeenge ope na ou e shii apa e li, oku noku shi holola, opo ve mu kwate.
