Jeremia ta ekelwa mondungu i nonhata Ohamba tai mu popifa lutivali
1 Sefatja yaMattan naGedalja yaPashur naJukal yaSelemja naPashur yaMalkia ova uda eendjovo odo Jeremia e di lombwela ovanhu aveshe, eshi a tile: 2 Omwene ota ti ngaha: “Keshe ou ta kala moshilando eshi ota fi keongamukonda nokondjala nokoudu wolutapo, ndelenee keshe ou ta i kOvakaldea, ota ka kala e nomwenyo note lilikolele omwenyo waye, ndele ta kala e nomwenyo. 3 Omwene ota ti ngaha: Oshili oshilando eshi otashi ka yandjwa momake ongudu yovakwaita vohamba yaBabilon, notave ke shi nangala.” 4 Opo nee ovakulunhu va lombwela ohamba tava ti: “Omulumenhu ou na dipawe, osheshi ota fifa ovakwaita ounye, ava va xupa moshilando ndele ta tyololokifa ovanhu aveshe, eshi te va lombwele eendjovo da tya ngaha. Osheshi omulumenhu ou ita kongo ombili yovanhu ava, ndelenee omupya.” 5 Ndele ohamba Sedekia okwe va lombwela ta ti: “Tala, ye oku li momake eni, osheshi ohamba itai dulu okutya sha kunye.” 6 Opo nee ova kufa Jeremia ndele tave mu ekele mondungu yaMalkia omona wohamba ya li moluumbo longulu yodolongo, ve mu kulukifila nongodi. Mondungu omwa li muhe nomeva, onhata aike. Ndele Jeremia okwa ningina mo monhata. 7 Ndele Ebed-Melek Omuetiopia, elenga la li mouhamba, okwa uda Jeremia a ekelwa mondungu, ndelenee ohamba oya hangikile moshivelo shaBenjamin. 8 Ebed-Melek okwa dja mo mouhamba ndele ta popi nohamba ta ti: 9 “Omwene wange, ohamba. Ovalumenhu venya ova nyona mwaashishe eshi ve shi ningila omuxunganeki Jeremia, eshi ve mu ekela mo mondungu. Ota file mo ondjala, osheshi moshilando kamu na vali omungome.” 10 Ohamba oya lombwela Ebed-Melek Omuetiopia tai ti: “Kufa ovalumenhu omilongo nhatu, mu ye mu ka shile mo omuxunganeki Jeremia fimbo ina fya.” 11 Opo nee Ebed-Melek okwa kufa ovalumenhu, ndele ta i navo mouhamba, ta i monhele i li koshi yelimba lokutuvikila ndele ta kufa mo omalapi a nyanyauka a kulupa, nokwe a kulukifile nongodi kuJeremia mondungu. 12 Ndele Ebed-Melek Omuetiopia okwa lombwela Jeremia ndele ta ti: Omalapi oo oinyanyu a tula meenghwapa doye koshi yongodi. Jeremia okwe shi ninga. 13 Ndele ova shila mo Jeremia nongodi mondungu. Ndele Jeremia okwa kala moluumbo lodolongo.
14 Opo nee ohamba Sedekia okwa tuma omuxunganeki Jeremia a etwe kuye koshivelo oshititatu shomotembeli. Ndele ohamba okwa lombwela Jeremia, ndele tai ti: “Ame onda hala oku ku pula sha, ndele ino holeka nge sha. 15 Ndelenee Jeremia okwa nyamukula Sedekia ndele ta ti: Ngeenge handi shi ku hololele ito dipaa nge? Ngeenge handi ku lombwele ndi ku pukulule, ove ito ka uda nge.” 16 Opo nee ohamba Sedekia okwa anena Jeremia meholeko ndele ta ti: “Oshili, ngaashi Omwene e nomwenyo nokwe tu shitila omwenyo ou, itandi ku dipaa noitandi ke ku yandja momake ovalumenhu ava tava kongo omwenyo woye.” 17 Opo nee Jeremia okwa tya kuSedekia: “Omwene Kalunga komatanga ovakwaita, Kalunga kaIsrael ota ti: Ngeenge ove oto liyandje pahalo liwa momake omalenga omakulunhu ohamba yaBabilon, ove oto ka kala nomwenyo noshilando eshi itashi xwikwa po komundilo. Ndele ove neumbo loye alishe otamu kala mu nomwenyo. 18 Ndelenee ngeenge ito liyandje momake omalenga omakulunhu ohamba yaBabilon, oshilando eshi otashi ka yandjwa momake Ovakaldea ndele tave shi xwike po nomundilo, naave mwene yo ito ka xupifwa momake avo.” 19 Opo nee ohamba Sedekia oya tya kuJeremia: “Ame ohandi tila Ovajuda ovo va ama kOvakaldea, nokutya ohandi yandjwa momake avo, ndele tava ka sheka nge.” 20 Ndelenee Jeremia okwa nyamukula ta ti: “Ahowe, ito yandjwa momake avo. Pwilikina ashike odo handi di ku lombwele pandjovo yOmwene, ndele to ka kala nawa, ndele oto ka kala u nomwenyo. 21 Ndelenee ngeenge to anye okuliyandja, ondjovo oyo tuu ei Omwene e i talifa nge: 22 Tala, ovakainhu aveshe vomouhamba waJuda va fyaala po, otava ka twalwa komalenga ohamba yaBabilon, ndele tava ti:
Ovalumenhu ava wa panga navo oukaume
ovo ve ku pukifa nove ku dula;
eemhadi doye oda ningina monhata,
vo va dja po.
23 “Ovakainhu voye aveshe novana voye otava twalwa kOvakaldea. Naave mwene yo ito dulu okuyonhapo u dje momake avo. Ndelenee ove oto ka kwatwa keke lohamba yaBabilon, noshilando eshi otashi ka xwikwa po komundilo.” 24 Opo nee Sedekia okwa tya kuJeremia: “Eendjovo odo inadi udika nande okomunhu, opo uha fye.” 25 Ndele ovakulunhu ngeenge tava udu eenghundafana detu naave, notave uya kwoove ndele tava ti: Tu lombwela eshi mwa kundafana nohamba, naashi ye e ku lombwela, ino shi tu holeka, fye ohatu ku dipaa? 26 Opo nee va lombwela u tye: Ame onda indila ohamba ndiha twalwe meumbo laJonatan ndi file mo. 27 Opo nee ovakulunhu ve uya kuJeremia ndele ve mu pula. Ndele ye okwe va nyamukula ngaashi a lombwelwa kohamba. Vo ove mu efa nombili, osheshi oshinima inashi shiivika. 28 Osho ngaha Jeremia a kala moluumbo lodolongo fiyo okefiku olo Jerusalem sha nangalwa.
Jeremia ta ekelwa mondungu i nonhata Ohamba tai mu popifa lutivali
1 Sefatja yaMattan naGedalja yaPashur naJukal yaSelemja naPashur yaMalkia ova uda eendjovo odo Jeremia e di lombwela ovanhu aveshe, eshi a tile: 2 Omwene ota ti ngaha: “Keshe ou ta kala moshilando eshi ota fi keongamukonda nokondjala nokoudu wolutapo, ndelenee keshe ou ta i kOvakaldea, ota ka kala e nomwenyo note lilikolele omwenyo waye, ndele ta kala e nomwenyo. 3 Omwene ota ti ngaha: Oshili oshilando eshi otashi ka yandjwa momake ongudu yovakwaita vohamba yaBabilon, notave ke shi nangala.” 4 Opo nee ovakulunhu va lombwela ohamba tava ti: “Omulumenhu ou na dipawe, osheshi ota fifa ovakwaita ounye, ava va xupa moshilando ndele ta tyololokifa ovanhu aveshe, eshi te va lombwele eendjovo da tya ngaha. Osheshi omulumenhu ou ita kongo ombili yovanhu ava, ndelenee omupya.” 5 Ndele ohamba Sedekia okwe va lombwela ta ti: “Tala, ye oku li momake eni, osheshi ohamba itai dulu okutya sha kunye.” 6 Opo nee ova kufa Jeremia ndele tave mu ekele mondungu yaMalkia omona wohamba ya li moluumbo longulu yodolongo, ve mu kulukifila nongodi. Mondungu omwa li muhe nomeva, onhata aike. Ndele Jeremia okwa ningina mo monhata. 7 Ndele Ebed-Melek Omuetiopia, elenga la li mouhamba, okwa uda Jeremia a ekelwa mondungu, ndelenee ohamba oya hangikile moshivelo shaBenjamin. 8 Ebed-Melek okwa dja mo mouhamba ndele ta popi nohamba ta ti: 9 “Omwene wange, ohamba. Ovalumenhu venya ova nyona mwaashishe eshi ve shi ningila omuxunganeki Jeremia, eshi ve mu ekela mo mondungu. Ota file mo ondjala, osheshi moshilando kamu na vali omungome.” 10 Ohamba oya lombwela Ebed-Melek Omuetiopia tai ti: “Kufa ovalumenhu omilongo nhatu, mu ye mu ka shile mo omuxunganeki Jeremia fimbo ina fya.” 11 Opo nee Ebed-Melek okwa kufa ovalumenhu, ndele ta i navo mouhamba, ta i monhele i li koshi yelimba lokutuvikila ndele ta kufa mo omalapi a nyanyauka a kulupa, nokwe a kulukifile nongodi kuJeremia mondungu. 12 Ndele Ebed-Melek Omuetiopia okwa lombwela Jeremia ndele ta ti: Omalapi oo oinyanyu a tula meenghwapa doye koshi yongodi. Jeremia okwe shi ninga. 13 Ndele ova shila mo Jeremia nongodi mondungu. Ndele Jeremia okwa kala moluumbo lodolongo.
14 Opo nee ohamba Sedekia okwa tuma omuxunganeki Jeremia a etwe kuye koshivelo oshititatu shomotembeli. Ndele ohamba okwa lombwela Jeremia, ndele tai ti: “Ame onda hala oku ku pula sha, ndele ino holeka nge sha. 15 Ndelenee Jeremia okwa nyamukula Sedekia ndele ta ti: Ngeenge handi shi ku hololele ito dipaa nge? Ngeenge handi ku lombwele ndi ku pukulule, ove ito ka uda nge.” 16 Opo nee ohamba Sedekia okwa anena Jeremia meholeko ndele ta ti: “Oshili, ngaashi Omwene e nomwenyo nokwe tu shitila omwenyo ou, itandi ku dipaa noitandi ke ku yandja momake ovalumenhu ava tava kongo omwenyo woye.” 17 Opo nee Jeremia okwa tya kuSedekia: “Omwene Kalunga komatanga ovakwaita, Kalunga kaIsrael ota ti: Ngeenge ove oto liyandje pahalo liwa momake omalenga omakulunhu ohamba yaBabilon, ove oto ka kala nomwenyo noshilando eshi itashi xwikwa po komundilo. Ndele ove neumbo loye alishe otamu kala mu nomwenyo. 18 Ndelenee ngeenge ito liyandje momake omalenga omakulunhu ohamba yaBabilon, oshilando eshi otashi ka yandjwa momake Ovakaldea ndele tave shi xwike po nomundilo, naave mwene yo ito ka xupifwa momake avo.” 19 Opo nee ohamba Sedekia oya tya kuJeremia: “Ame ohandi tila Ovajuda ovo va ama kOvakaldea, nokutya ohandi yandjwa momake avo, ndele tava ka sheka nge.” 20 Ndelenee Jeremia okwa nyamukula ta ti: “Ahowe, ito yandjwa momake avo. Pwilikina ashike odo handi di ku lombwele pandjovo yOmwene, ndele to ka kala nawa, ndele oto ka kala u nomwenyo. 21 Ndelenee ngeenge to anye okuliyandja, ondjovo oyo tuu ei Omwene e i talifa nge: 22 Tala, ovakainhu aveshe vomouhamba waJuda va fyaala po, otava ka twalwa komalenga ohamba yaBabilon, ndele tava ti:
Ovalumenhu ava wa panga navo oukaume
ovo ve ku pukifa nove ku dula;
eemhadi doye oda ningina monhata,
vo va dja po.
23 “Ovakainhu voye aveshe novana voye otava twalwa kOvakaldea. Naave mwene yo ito dulu okuyonhapo u dje momake avo. Ndelenee ove oto ka kwatwa keke lohamba yaBabilon, noshilando eshi otashi ka xwikwa po komundilo.” 24 Opo nee Sedekia okwa tya kuJeremia: “Eendjovo odo inadi udika nande okomunhu, opo uha fye.” 25 Ndele ovakulunhu ngeenge tava udu eenghundafana detu naave, notave uya kwoove ndele tava ti: Tu lombwela eshi mwa kundafana nohamba, naashi ye e ku lombwela, ino shi tu holeka, fye ohatu ku dipaa? 26 Opo nee va lombwela u tye: Ame onda indila ohamba ndiha twalwe meumbo laJonatan ndi file mo. 27 Opo nee ovakulunhu ve uya kuJeremia ndele ve mu pula. Ndele ye okwe va nyamukula ngaashi a lombwelwa kohamba. Vo ove mu efa nombili, osheshi oshinima inashi shiivika. 28 Osho ngaha Jeremia a kala moluumbo lodolongo fiyo okefiku olo Jerusalem sha nangalwa.
